Vesturbæjarblaðið - 01.07.2007, Side 1
7. tbl. 10. árg.
JÚLÍ 2007Dreift frítt í öll hús í Vesturbæ og Mi›borg
Við Ánanaust munu
rísa um 700 íbúðir
Tvö svæði við Ánanaust eru
þyrnir í augum margra þar sem
þau virðast frekar vera geymslu-
svæði fyrir rusl en ákjósanlegt
byggingasvæði. Þetta eru svæð-
in sem í fyrsta lagi afmarkast af
Mýrargötu - Ánanausti - Vestur-
götu og Seljavegi og hins vegar
af Vesturgötu - Ánanausti - Holts-
götu og Seljavegi. Margir velta
vöngum yfir hvort þarna verði
deiliskipulagt á næstunni.
Hanna Birna Kristjánsdóttir, for-
seti borgarstjórnar og formaður
skipulagsráðs borgarinnar, segir
að eins og íbúar í Vesturbæ þekki
séu í undirbúningi talsverðar
breytingar á svæðinu í kringum
höfnina og gamla slippasvæðið.
Þannig var á síðasta kjörtímabili
ráðist í að vinna rammaskipulag
að svokölluðu Mýrargötu- og
Slippasvæði sem gerir ráð fyrir
því að stórtæk atvinnustarfsemi á
því svæði geti vikið fyrir umfangs-
minni atvinnu- og hafnarstarfsemi
og fjölbreyttri íbúðabyggð. Þetta
verði mjög skemmtilegt svæði í
einstökum tengslum við hafið,
vesturbæinn og miðborgina. Í
vor hafi tekist að að gera þessa
uppbyggingu enn meira aðlað-
andi þegar borgin hafði forgöngu
um það að Allianz-húsið fengi að
standa áfram og hluti Daníelslipps
stæði áfram sem kjarni í opnu
safnasvæði við hafið.
“Samhliða þessum áformum var
í síðustu viku samþykkt í skipu-
lagsráði og borgarráði nýtt skipu-
lag á svokölluðum Nýlendureit,
þar sem áhersla er lögð á upp-
byggingu í anda þessa einstaka
hluta vesturbæjarins m.a. með
því að gera ráð fyrir lóðum fyrir
flutningshús. Markvert er einnig
í því deiliskipulagi að kirkjubygg-
ing mun rísa á svæðinu, auk þess
sem mikil áhersla er lögð á að
fjölga og viðhalda grænum reit-
um í umhverfinu. Í framhaldi af
athugasemdum íbúa var þetta
skipulag samþykkt með fyrirvara
um fjölgun bílastæða.
Þegar endanleg uppbygging alls
þessa svæðis liggur fyrir, þ.e alls
innan svæðisins sem hefur verið
skilgreint sem Mýrargata Slippa-
svæði má ætla að þarna muni
byggjast allt að 700 íbúðir, en
þessi fjöldi er háður því skilyrði
að hluti þeirra verði litlar hjúkr-
unaríbúðir innan Héðinsreits,”
segir Hanna Birna Kristjánsdóttir.
Nánara viðtal við Hönnu Birnu
er á bls. 4
Við ísbúðina við Hagamel sátu þær Þorbjörg Edda, 4 ára, og Silja Pálmadóttir í blíðunni og gæddu sér á ís.
Þorbjörg Edda er á leikskólanum Hagaborg þar sem Silja starfar í sumar, en fer í háskólann í haust.