Vesturbæjarblaðið - 01.07.2007, Qupperneq 15

15VesturbæjarblaðiðJÚLÍ 2007
KR-SÍÐAN“Ætla að klára ferilinn hjá KR”
Olga Færseth er ein besta
knattspyrnukona landsins og
hefur verið í eldlínunni í all-
mörg ár. Olga er fædd og uppal-
in í Keflavík og hóf því að leika
bæði körfubolta og fótbolta með
Keflavík. Árið 1992 ákvað hún
að söðla um í fótboltanum og
gekk til liðs við Breiðablik og
spilaði þar í 3 ár. En Olga hélt þó
að spila körfubolta með Keflavík
þau þrjú ár sem hún var með
Blikum í fótboltanum.
Ástæða þess að Olga fór frá
Keflavík 1991 var sú að Keflavík
tókst ekki að komast upp í úrvals-
deild það ár. Olga var þá 17 ára og
farin að minna á sig með því að
skora grimmt, eða alls 54 mörk á
leiktímabilinu í 12 leikjum!
Því sýndu ýmiss úrvalsdeildar-
lið henni áhuga og eins hafði Olga
ekki áhuga á að spila aftur í 1.
deild, vildi reyna sig í úrvalsdeild-
inni.
“Eftir dvölina hjá Breiðabliki fór
ég til Bandaríkjanna og var þar
um veturinn í háskólaboltanum
meðfram námi. En þetta heillaði
mig ekki nógu mikið til þess að
vilja vera þar annan vetur, og því
kom ég aftur til Íslands, og skrif-
aði þá undir samning hjá KR. Þar
var ég allt til ársins 2003 er ég
fór til Vestmannaeyjaliðsins og
var þar í 3 ár. Nú ér ég hins vegar
komin aftur til KR. og finnst eins
og ég sé komin á heimaslóðir,”
segir Olga Færseth.
- Er ekki erfitt að spila með ÍBV
vegna mikilla og stundum erfiðra
ferðalaga á útileiki?
“Ekki svo. Ég er ættuð þaðan
og á þar mikið af skyldfólki og var
þar oft á sumrin í barnæsku. Ég
hræddist það ekkert þó ég hefði
heyrt það sagt að það væri eng-
inn dans á rósum fyrir leikmenn
af fastalandinu. Þetta var góður
tími, ég sé alls ekki eftir þeim tíma
sem ég var í Vestmannaeyjum.”
Olga segir að nú sé hún aftur
komin til þess félags þar sem hún
ætli að klára sinn feril hjá. Þegar
hún kom til baka voru þrjú félög á
höfuðborgarsvæðinu á höttunum
eftir henni, en líklega hafi innst
inni ekkert annað félag en KR kom-
ið til greina.
“Ég hef alltaf litið á mig sem KR-
ing þó ég hafi farið til Eyja í þrjú
ár. Reynsla mín þaðan var góð og
það er vel staðið að öllum hlutum
hjá KR, það er alveg ómetanlegt.
Nú er í gangi annað tímabil mitt
með KR, og án allra titla, en okkur
er farið að langa mjög mikið til að
vinna titil.
Þetta er líklega mitt síðasta ár
í fótboltanum og mig langar að
enda ferilinn með því að vinna
einhvern titil. Mér hefur gengið
vel í sumar og því getur vel kom-
ið til greina að taka eitt ár í við-
bót. Það voru ásættanleg úrslit
að gera jafntefli við Val nýlega, en
ég held að við höfum átt það skil-
ið að fara með öll þrjú stigin frá
þeim leik. Það væri toppurinn að
enda bæði sem Íslandsmeistari
og bikarmeistari með KR.”
- Er þetta góður hópur sem þú ert
að spila með í KR nú?
“Það er ekki nokkur spurning.
Þær stelpur sem höfðu verið hjá
félaginu þessi þrjú ár sem ég var
í Eyjum höfðu þroskast mikið
og voru orðnar mjög sterkir leik-
menn, ekki bara efnilegar. Þrátt
fyrir brösótta byrjun í fyrra sá
ég alveg karakterinn í liðinu og
þegar líða tók á mótið urðum við
bara sterkari. Það sýndi liðið t.d.
á móti Val í fyrra, liðinu sem vann
mótið og við höfum sýnt það í
sumar að við getum vel unnið
mótið.”
- Undanfarin ár hefur deildin ver-
ið mjög ójöfn, skipst í tvo hluta
getulega, og þá sáust úrslit eins
og 15-0. Í sumar virðist mismunur-
inn ekki vera eins mikill. Er Lands-
bankadeild kvenna að jafnast?
“Ég hélt fyrir mótið að svona
stórar tölur í úrslitum mundu
einnig sjást í sumar, en annað
hefur komið á daginn. Ég fagna
því að slík úrslit eru ekki að sjást
í leikjunum í sumar, það eru
ekki skemmtilegir leikir, hvorki
fyrir leikmenn eða áhorfendur.
Það hafa verið uppi raddir um
að skipta deildinni í tvennt eftir
stöðu eftir fyrri umferðina og þá
mundi sterkari liðin leika saman
og þannig væri meiri samkeppni.
En eins og staðan er nú finnst
mér að við ættum að láta reyna
á núverandi fyrirkomulag svolít-
ið lengur og vera með óbreytta
deild. Sum liðin hafa verið að fá
erlenda leikmenn í sínar raðir, og
það munar alveg gríðarlega um
þá við að hjálpa þeim yngri sem
eru smám saman að taka út sína
leikreynslu og þroska.”
- Aðsóknarmet var nýlega sett á
landsleik kvenna í Laugardalnum.
Eykur sá árangur sem landsliðið
náði áhuga á kvennafótbolta?
“Það er vel þess virði að fylgjast
með okkur í landsliðinu og það er
engin spurning að þegar vel geng-
ur og fjölmiðlar sýna þessum leikj-
um meiri áhuga en verið hefur, þá
eykst aðsóknin. Við höfum í mörg
ár sýnt það og sannað að við
erum með landslið sem er meðal
þeirra bestu í heimi og nú sjáum
við fram á að það muni takast að
komast á úrslit á stórmóti í knatt-
spyrnu.”
- Þú hefur spilað lengi fótbolta.
Er alltaf jafn gaman að spila fót-
bolta?
“Já, annars væri ég löngu hætt.”
- Ertu tapsár?
“Já, ég get orðið mjög fúl ef ég
tapa. En þá er ég fyrst og fremst
ósátt við eigin frammistöðu en
er ekki að hella mér yfir aðra leik-
menn í liðinu, reyni frekar að leið-
beina þeim eigi ég þess kost,” seg-
ir Olga Færseth, fyrirliði KR.
KR leikur við Häcken á
KR-velli í UEFA-bikarn-
um 2. ágúst nk.
KR tekur þátt í Evrópubikar -
keppninni, UEFA-bikarnum, og
leikur fyrri leik sinn erlendis í
dag, 19. júlí, en seinni leikurinn
verður hér heima á KR-vellinum
2. ágúst nk. Andstæðingar KR að
þessu sinni er sænska liðið Häck-
en.
KR lék tvisvar við Häcken árið
1955. Svíarnir komu í heimsók í byrj-
un júlí það ár og unnu KR-inga 3-2,
Val 1-0, Reykjavíkurúrvalið 4-1 en
steinlágu 3-6 fyrir Skagamönnum.
Í leiknum við KR skoruðu Svíarnir
tvisvar í fyrri hálfleik og bættu því
þriðja við eftir klukkutíma leik. Þor-
björn Friðriksson og Ólafur Hann-
esson skoruðu mörk KR með mín-
útu millibili seint í leiknum. Mánuði
síðar fóru KR-ingar til Svíþjóðar
og léku við Häcken 2. ágúst - sama
dag og félögin leika á KR-vellinum
í UEFA-bikarnum. Svíarnir unnu 4-2
og skoraði Ólafur Hannesson fyrsta
mark leiksins en Helgi H. Helga-
son minnkaði muninn í 3-1. Ólafur
Eiríksson varði vítaspyrnu Svíanna
á 50. mínútu. Ólafur var markvörð-
ur Víkings en fór með til Svíþjóðar í
forföllum Guðmundar Georgssonar.
Átta leikir gegn sænskum
félögum
Auk leiksins við Häcken lék
KR við Trollhattan og Oddevold
í Svíþjóðarferðinni árið 1955. KR
gerði jafntefli við Trollhattan, 1-1,
en tapaði 3-5 fyrir Oddevold. Árið
1996 lék KR við AIK Solna í Evrópu-
keppni bikarhafa. Svíarnir unnu
1-0 á Laugardalsvelli en Guðmund-
ur Benediktsson tryggði KR 1-1
jafntefli á Råsunda-vellinum með
marki á lokamínútunni. Árið 1999
gerði KR markalaust jafntefli við
Hammarby á Kýpur-mótinu. Pétur
Marteinsson lék þá með Hammar-
by. KR vann 4-2 í vítakeppni og
tryggði sér sæti í úrslitaleiknum
gegn Flora Tallinn sem lék þá und-
ir stjórn Teits Þórðarsonar. Fyrir
þremur árum lék KR við Örgryte IS
í Egilshöll í Iceland-Express mótinu
sem Keflavíkingar héldu. Örgryte
vann 2-1.
KR hefur leikið 12 leiki í UEFA-bik-
arkeppninni, hefur unnið þrjá, gert
tvö jafntefli en tapað sjö. Markatal-
an er 8-23. Alls hefur KR leikið 42
leiki í Evrópukeppnum, unnið sjö,
gert níu jafntefli en tapað 26 leikj-
um. Markatalan er 41-106.
Tveir KR-ingar leikið með
Häcken
Tveir leikmenn hafa leikið bæði
með KR og Häcken. Það eru þeir
Akureyringurinn Gunnar Gíslason
(bróðir Alfreðs Gíslasonar lands-
liðsþjálfara í handbolta) sem lék
með KR frá 1984 til 1986 og með
Häcken á árunum 1989 til 1991 og
aftur árið 1993. Ágúst Már Jóns-
son lék með KR frá 1979 til 1988
og síðan með Häcken frá 1989 til
1990. Ágúst var aðstoðarþjálfari
hjá KR árið 2000 þegar Pétur Pét-
ursson var aðalþjálfari KR. Gunnar
og Ágúst léku með KR gegn QPR í
fyrstu leikjum KR í UEFA-bikarnum.
Tveir aðrir Íslendingar hafa leikið
með Häcken. Ari Freyr Skúlason
gekk til liðs við sænska félagið í
fyrra og Arnór Guðjohnsen lék með
því árið 1993.
Þess má geta að lesa má frekar
um UEFA-leiki KR á næstunni á vef-
síðu KR, www.kr.is. Þar eru birtar
skrár fyrir alla leiki meistaraflokks
karla og kvenna.
Olga Færseth á vinnustaðnum DM í Garðabæ.
KR-ingar til Bolton
KR-ingar í 3. flokki drengja,
þ.e. ‘91 árgangur, eru á leið til
Bolton og verða þar 10. til 17.
ágúst nk. Þetta er seinna árið í 3.
flokki hjá þeim og því “slúttið.”
Á næsta ári færast þeir til KR-
Sport í 2. flokki. Til greina kom
að fara til einhvers Norðurland-
anna frekar en til Englands, en
það kitlaði strákana að fara til
heimalands fótboltans.
Ferðin er farin á vegum ÍT-
ferða en þeir hafa góð sambönd
í Bolton. Strákarnir keppa 3-4 leiki
í ferðinni, t.d. við Bolton Akadem-
íuna og fleiri lið af Manchester
svæðinu. Svo stendur til að fara á
Reebok völlinn, heimavöll Bolton,
11. ágúst þegar gamli stjórinn
Sam Allerdyce mætir með nýja lið-
ið sitt, Newcastle.
Ferðina fjármagna strákarnir
með ýmsu móti. Fjáröflun hefur
falist í vinnu við vörutalningu,
sölu á pennum, grillkveikjurum
o.fl. Einnig hafa strákarnir feng-
ið styrki frá ýmsum fyrirtækjum,
svo sem Air Atlanta, Vesturbæjar-
útibúi Landsbankans, Stillingu og
Nesdekki. Það er þeim ómetanlegt
enda er forsvarsmönnum þessara
fyrirtækja og fleirum ljóst það for-
varnargildi sem að íþróttaiðkun
hefur í för með sér.
KR varð í 4. sæti á Símamótinu í knattspyrnu
kvenna sem er í fjórum aldursflokkum kvenna,
þ.e. í 4., 5., 6. og 7. flokki og var haldið í Kópa-
vogi í síðustu viku í aldeilis frábæru veðri.
Leikir KR fóru þannig í rðlakeppninni að stelp-
urnar unnu fyrsta leikinn gegn Breiðablik-2 með
2-0, töpuðu fyrir Fjölni 1-2, unnu Fram 4-0, töp-
uðu fyrir Þór 2-0 og unnu svo Víking 3-0. Í úrslita-
keppninni kepptu þær um 4. - 6. sætið. KR-stelp-
urnar gerðu jafntefli við KA 1-1 en unnu svo GRV
1-0 og urðu því í 4. sæti. Þórsarar frá Akureyri
sigruðu í 5. flokki en háttvísisverðlaunin hlaut
lið HK.
Fjórða sætið á Símamótinu
- segir Olga Færseth fyrirliði Landsbankadeildarliðs KR
Guðjón Guðmundsson, for-
maður KR, segir að í mótlæti
komi styrkur félagsins í ljós.
Þá ríður á að stuðningsmenn
þjappi sér á bak við lið sitt og
þjálfara, hvetji liðið sem aldrei
fyrr. Þannig sé staðan nú hjá
KR.
“Nú berjumst við fyrir heiðri
KR. Gleymum mögulegum titl-
um, mögulegu falli eða þeim
leikjum sem eftir eru í sumar.
Næsti leikur er það sem skiptir
öllu máli. Sá leikur og ekkert ann-
að snýst um heiður KR. Sýnum
metnað, einbeitingu, samvinnu
og baráttu til að vinna næsta
leik. Spilum sem lið, fjölmennum
á leikinn og sýnum svo ekki verð-
ur um villst að KR er best þegar
á reynir.
Sjáumst á vellinum!,” segir
Guðjón Guðmundsson.
Við stöndum saman - allir sem einn!
KR-ingar á góðri stund eftir úrslitaleik Íslandsmóts B-liða í 3. flokki í
september 2006, en þar mættust tvö KR-lið. Boltonfarana má þekkja
á röndóttu peysunum.