Vesturbæjarblaðið - 01.08.2007, Blaðsíða 10

Nýliðinn júlímánuður var
mjög hlýr um landið sunnan-
og vestanvert, hiti var í ríflegu
meðallagi víðast fyrir norðan, en
við austur- og suðausturströnd-
ina var hitinn nærri meðallagi.
Óvenjuþurrt var um mikinn
hluta landsins mestallan mánuð-
inn, jafnvel svo að gróðri hrak-
aði og vatnsból þornuðu.
Meðalhiti í Reykjavík í júlí var
12,8°C og er það 2,2 stigum ofan
meðallags. Þetta er næsthlýjasti
júlímánuður sem komið hefur í
Reykjavík frá upphafi samfelldra
mælinga 1871, hlýrra varð 1991,
en þá var meðalhitinn 13,0°C. Með-
alhiti í júlímánuðunum 1936, 1939
og 1944 er þó ekki marktækt lægri
en hitinn nú. Séu mánuðirnir júní
og júlí teknir saman er jafnhlýtt
nú og var sömu mánuði árið 2003,
hvoru tveggja hlýrra en dæmi eru
annars um frá upphafi mælinga.
Þetta er 12. júlímánuðurinn í röð
með hita yfir meðallagi í Reykja-
vík.
Úrkoma í Reykjavík mældist
33 mm og er það 63% meðalúr-
komu í júlí. Þetta er þurrasti júlí
síðan 1993. Úrkoma í júní og júlí
var samtals 58 mm en dreifðist
mjög misjafnt á tímabilið. Þurrt
mátti kalla frá 10. júní til mánaða-
móta og síðan var úrkoma áfram
mjög lítil fram til 19. júlí. Úrkoma
á Akureyri mældist 17 mm í júlí og
er það aðeins röskur helmingur
meðalúrkomu. Á allmörgum stöðv-
um um norðvestanvert landið var
mánaðarúrkoman innan við 10
mm og í beinu framhaldi af þurr-
um júní er sums staðar farið að
gæta vatnsskorts. Sólskinsstundir
í Reykjavík mældust 226 og er það
55 stundum umfram meðallag. Sól-
skinsstundir hafa ekki mælst jafn-
margar í júlí í Reykjavík frá 1993.
Heitast 13. júlí
Til fróðleiks má geta þess að
hæsti hámarkshiti í Reykjavík á
árunum 1881 til 1923 mældist 24,7
gráður árið 1891. Heitasti dagur-
inn í nýliðnum júlímánuði var 13.
júlí, en Þá hófust Hundadagar.
Að kvöldi þess dags eftir kl. 18.00
mældist 20,5 stiga hiti í Reykjavík.
Í dag, 23. ágúst, lýkur Hundadög-
um. Nafnið kemur frá Forn-Grikkj-
um og er sá tími sumars þegar
heitast er, þá fer stjarnan Síríus
að sjást á suðurhveli himins. Á
Íslandi var hún forðum kölluð
hundastjarna.
Meðalhiti í júní líka yfir
meðallagi
Meðalhiti í Reykjavík í júní var
10,7 stig og er það 1,7 stigum yfir
meðallagi. Þetta er fimmti hlýjasti
júní í Reykjavík síðastliðin 130 ár,
en hlýrra var bæði 2002 og 2003.
Júní 2003 var sá hlýjasti. Mjög
þurrt var á landinu í júní, fádæma
þurrt norðaustanlands og hefur
aldrei mælst jafnlítil úrkoma í júní
á Akureyri og nú, en þar mældist
mánaðarúrkoman aðeins 0,4 mm.
Í maí 1933 mældist engin úrkoma
á Akureyri.
Í Reykjavík var úrkoman nú 25
mm og er það um helmingur með-
alúrkomu. Ámóta lítið rigndi í júní
1998 og heldur minna í júní 1997.
Sólskinsstundir í Reykjavík mæld-
ust 195 og er það 34 stundum yfir
meðallagi, langt frá meti.
10 Vesturbæjarblaðið ÁGÚST 2007
Næsthlýjasti júlímánuður
í Reykjavík frá upphafi mælinga
borgarblod.is
Á Laugaveginum var talsvert af fólki en fremur rólegt í verslunum.
Þessir herramenn sátu fyrir utan Herrabúðina.Ingibjörg Sólrún Gísladóttir utanríkisráðherra og Vesturbæingur og
móðir hennar, Ingibjörg Níelsdóttir, þáðu veitingar við veitingastað-
inn Thorvaldsenbar við Austurvöll í blíðunni í júlímánuði.
Ellert Schram þingmaður var í fótbolta með syni sínum og nafna neð-
an Ægisíðu, og hefur greinilega ekki gleymt neinum töktum. Strákur-
inn var á leið með 3. flokki KR til Bolton í æfinga- og keppnisferð.
Á Ingólfstorgi voru þessi börn að nálgast gosbrunn en reyndu að
gæta þess að bleyta ekki skóna. En vatnið var vissulega spennandi.
Yfirleitt voru öll borð utan við veitingastaði setinn í miðborginni, líka
í Hafnarstrætinu.