Vesturbæjarblaðið - 01.08.2007, Blaðsíða 11
Einar Gunnar Birgisson hef-
ur ásamt nokkrum öðrum lagt
í vinnu við að úbúa skjal um
Reykjavíkurflugvöll þar sem
fjallað er um umferð smárellna
til og frá og yfir flugvellinum.
Skýrslunni hefur verið skilað
til Umhverfisráðs og Umhverfis-
sviðs Reykjavíkurborgar. Sam-
kvæmt þeim tillögum sem þar
eru lagðar fram þá myndi núver-
andi umferð smárellna yfir íbúa-
byggð höfuðborgarsvæðisins
verða beint út fyrir byggð eins
og kostur er. Þetta yrði að mati
skýrsluhöfunda til mikilla hags-
bóta fyrir þá sem búa í Vestur-
bænum, enn líka fyrir íbúa höf-
uðborgarsvæðisins almennt.
“Megintillaga mín er sú að
erlendir sérfræðingar verði fengn-
ir til að taka út allar fluglínur
smárellna á höfuðborgarsvæðinu
og koma með tillögur til úrbóta.
Tillögur sem verða settar fram
með hagsmuni íbúa höfuðborgar-
svæðisins að leiðarljósi. Ég vona
að Umhverfisráð Reykjavíkurborg-
ar muni taka þetta mál fyrir ein-
hvern tímann eftir kosningar. Það
er ekki talað neitt rósamál í skýrsl-
unni og þeir aðilar hjá borginni
sem sjá um málefni flugvallarins
fá falleinkun. Hagsmunir íbúa höf-
uðborgarsvæðisins hafa verið fyr-
ir borð bornir.
Það er hægt að losa okkur íbúa
höfuðborgarsvæðisins við ónæðið
af smárellunum, svona að mestu
leyti, og það með einföldum
aðgerðum sem eru í anda starfs-
leyfisins fyrir Reykjavíkurflugvöll.
Í skýrslunni er bent á færar leiðir
til að ná þessu markmiði. Megin-
tillagan sem lögð er fram í skýrsl-
unni er sú að erlendir sérfræðing-
ar verði fengnir til að hanna uppá
nýtt, með hagsmuni íbúa höfuð-
borgarsvæðisins að leiðarljósi, all-
ar fluglínur smárellna yfir höfuð-
borgarsvæðinu. Það má benda á
það í lokin að samkvæmt ákvæði
5.1 í starfsleyfinu fyrir Reykjavík-
urflugvöll (“Rekstraraðila er skylt
að gera allt sem í hans valdi er til
að draga úr hávaða af völdum flug-
umferðar...”), þá er flug smárellna
eins og því er háttað í dag yfir
höfuðborgarsvæðinu algjörlega
ólögmætt.
Banna ber
snertilendingar
Einar Gunnar Birgisson segir að
hann hafi verið upplýstur um að
einhver hluti snertilendinga fari
núorðið fram á Keflavíkurflugvelli.
Því fylgi vissulega einhverjir ókost-
ir að láta snertilendingar fara
fram þar. Það geti verið erfitt að
samræma æfingaflug og umferð
stórra flugvéla og varla hafi flug-
umferðarstjórar mikinn áhuga á
að hafa hringsólandi smárellurnar
í sínu hlaði vegna öryggismála.
“Ég hef fylgst með samspili
stórra farþegaflugvéla við lend-
ingu og flugtak og smárellna í
snertilendingum á Reykjavíkur-
flugvelli. Smárellurnar hringsóla
og hringsóla, jafnvel hver á eftir
annarri. Þær taka sér hlé frá hring-
sólinu og halda sig fjarri vellinum
á meðan stór vél lendir eða tekur
á loft. Síðan halda þær hringsól-
inu áfram.
Eftir því sem ég best veit var
komin ágætis aðstaða til snerti-
lendinga á Sandskeiði vorið 2007
og til stendur að beina snertilend-
ingum þangað eins og kostur er.
Þó er hætt við að þeim sem vilja
æfa snertilendingar muni aðeins
nota Sandskeið og Keflavíkurflug-
völl þegar að það hentar þeim.
Þess ber að geta að nýtt starfs-
leyfi verður gefið út árið 2008.
Borgaryfirvöldum ber skylda til
að banna alfarið snertilendingar
á Reykjavíkurflugvelli frá þeim
tíma.
Hverjar væru hinar raunveru-
legu ástæður fyrir því að flug-
menn myndu taka Reykjavíkur-
flugvöll fram yfir Sandskeið og
Keflavíkurflugvöll til æfinga á
snertilendingum? Þær væru vís-
ast eftirfarandi:
a) Að nota Reykjavíkurflugvöll
sparar eldsneyti.
b) Að nota Reykjavíkurflugvöll
sparar tíma.
c) Það er svo gaman að hring-
sóla yfir höfuðborgarsvæðinu og
miklu skemmtilegra enn að hring-
sóla yfir auðnum.
Það er engin ástæða til að ætla
annað enn að smárellurnar fylgji
svipuðu háttalagi í þeim tilvikum
og við önnur flugtök. Mér sýnist
að smárelluflugmenn fljúgi eftir
hentugleikum yfir nágrannasveita-
félögum Reykjavíkur, eins og t.d.
yfir Kópavogi.
Varðandi flug smárellna yfir
höfuðborgarsvæðinu þá hefur
hagsmunum íbúa svæðisins á
ólögmætan máta verið fórnað fyr-
ir sérhagsmuni fárra. Ófremdará-
standinu og lögleysunni í lofthelgi
höfuðborgarsvæðisins verður
að linna. Það er komin tími til að
borgaryfirvöld og yfirvöld bæjar-
félaga á höfuðborgarsvæðinu taki
sig saman í andlitinu og í samein-
ingu kasti smárelluokinu af herð-
um íbúana,” segir Einar Gunnar
Birgisson.
11VesturbæjarblaðiðÁGÚST 2007
HIPHOP – JAZZ - FREESTYLE
MODERN – SÖNGLEIKJADANS
Allt það nýjasta í dansheiminum í dag!
Komdu og upplifðu spennandi vandað og
krefjandi dansnám hjá frábæru fagfólki.
Kennarar eru þaulvanir atvinnudansarar
og danshöfundar.
Byrjenda- og framhaldsflokkar
sýningahópar- keppnir- sýningar ofl.
Námskeið hefjast 10. september
Innritun hafin í síma 561-5100
Tölvupóstur: birna@dansskolibb.is
Minnum á að það fyllist fljótt
Nánari upplýsingar á www.isf.is/dans
Dans
Kennslustaðir:
Sporthúsið Kópavogi
Þrekhúsið Vesturbæ Rvk.
Smárelluflugi yfir
Reykjavík þarf að breyta
Reykjavíkurflugvöllur.
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Geir Harðarson
AUGL†SINGASÍMI
511 1188
895 8298