Vesturbæjarblaðið - 01.08.2007, Blaðsíða 12
12 Vesturbæjarblaðið ÁGÚST 2007
Sofðu sofðu... íslenskar
vögguvísur á geisladisk
Nýlega var haldin útgáfuhá-
tíð á geisladisk sem inniheldur
eingöngu íslenskar vögguvísur.
Kynningin fór fram í leikskól-
anum Ægisborg og er þetta er
örugglega í fyrsta sinni sem
kynning á nýjum geisladiski fer
fram í leikskóla. Geisladiskur-
inn heitir “Sofðu, sofðu, íslensk-
ar vögguvísur” og inniheldur
13 sígildar vögguvísur í flutn-
ingi Kiddý Thor en um allan
hljóðfæraleik sá Vilhjálmur Guð-
jónsson. Lög og ljóð eru öll eftir
íslenska höfunda þar á meðal
Halldór Laxnes, Hallgrím Pét-
ursson, Sigfús Einarsson og Sig-
valda Kaldalóns.
Kiddý Thor heitir fullu nafni
Kristjana Helga Thorarensen og
er fædd og uppalin í 101 Reykja-
vík. Hún er leikskólakennari að
mennt og hefur starfað sem leik-
skólastjóri í rúm 12 ár. Um tíma
stundaði hún söngnám við Söng-
skólann í Reykjavík og lauk 5.
stigi þaðan. Hún hefur víða kom-
ið fram sem einsöngvari en einnig
sungið með ýmsum kórum m.a.
Kammerkór Bústaðakirkju og Bar-
börukór Hafnarfjarðar. Einnig hef-
ur hún starfað með hinum þekkta
Jazz frumkvöðli Árna Ísleifssyni
og Þorvaldi Halldórssyni. Hún
hefur frá unga aldri sungið trúar-
lega tónlist inn á plötur ýmissa
listamanna en Sofðu, sofðu... er
hennar fyrsta sólóplata.
Hugmyndin að sofðu sofðu...
á rætur sínar að rekja til þess
að í leikskólastarfinu hefur ver-
ið skortur á rólegri tónlist á
íslensku fyrir börn. Þegar hafist
var handa við að skoða þau lög
sem kæmu til greina á geisla-
diskinn var ljóst að hægt væri að
gera disk sem væri ekki eingöngu
ætlaður til slökunar heldur hefði
einnig uppeldis- og menningar-
legt gildi. Þess vegna voru ein-
göngu lög eftir íslenska höfunda
valin. Fræðimenn hafa gert ótal
rannsóknir og sett fram fjölmarg-
ar kenningar um tónlistaruppeldi
barna en það sem þeir leggja
flestallir sérstaka áherslu á eru
þjóðlöginn þ.e. að börn þekki tón-
listararf sinn. Sofðu sofðu... er
þannig viðleitni Kiddý Thor til
að varðveita þennan hluta tón-
listararfsins fyrir komandi kyn-
slóðir ásamt því að vera athvarf í
amstri dagsins.
Kristjana er að halda í haust
til London til náms í leikþerapíu,
en það er meðferðarúrræði með
börnum sem m.a. eiga erfitt með
félagsleg tengsl.
Á netfanginu kisamin.is er
hægt að heyra tóndæmi af geisla-
disknum.
Kristjana Thorarensen umvafinn börnunum á leikskólanum Ægisborg,
þar sem hún var leikskólastjóri í 7 ár.
Rétttrúnaðarkirkjan
verður við Mýrargötu
Sérkennilegs misræmis gætti í
fundargerðum skipulagsráðs og
borgarráðs Reykjavíkur í júlímán-
uði þar sem rætt var um stað-
setningu kirkju Rétttrúnaðarkirkj-
unnar í Reykjavík. Í fundargerð
skipulagsráðs segir að kirkjan
verði við Nýlendugötu 20 en í
fundargerð borgarráðs að kirkj-
an verði við Mýrargötu 20.
VESTURBÆJARBLAÐIÐ tók
fundargerð skipulagsráðs trúan-
lega og sagði kirkjuna munu rísa
við Nýlendugötu en kirkjan mun
rísa við Mýrargötu. Það leiðrétt-
ist hér með.
Tók samræmt próf
upp úr 8. bekk
Kara Magnúsdóttir í Tjarnar-
skóla í Reykjavík eini nemand-
inn á landinu sem þreytti sam-
ræmt próf í íslensku upp úr 8.
bekk á sl. vori, en allflestir nem-
endur þreyttu það í 10. bekk.
Í Tjarnarskóla eru nemend-
ur frá 7. bekk upp í 10. bekk, en
kennsla í 7. bekk hófst fyrir tveim-
ur árum við skólann og er það lið-
ur í ákveðinni skólaþróun að sögn
Mörtu Guðjónsdóttur kennara.
Þessi þróun hefur meðal annars
leitt til þess að nemendur hafa
meira svigrúm til þess að takast
fyrr á við samræmdu prófin.
“Gaman er að geta þess að Kara
Magnúsdóttir er einn af þeim nem-
endum sem hófu nám við Tjarn-
arskóla í 7. bekk og þreytti sam-
ræmt próf í íslensku í 8. bekk og
er eini nemandinn sem það gerði
á landinu sl. vor. Hún ætlar að
ljúka grunnskólanum næsta etur
upp úr 9. bekk en það ætla fleiri
nemendur skólans að gera.
Þetta er í takt við þá þróun sem
á sér stað í framhaldskólum en
þeir hafa stigið nýtt skref í þá átt
að taka á móti duglegum 9. bekk-
ingum með tilteknum skilyrðum,”
segir Marta Guðjónsdóttir kenn-
ari. Tjarnarskóli var settur í gær.
Kara Magnúsdóttir ásamt Mörtu Guðjónsdóttur kennara.
Kaupi
hljómplötur
(LP) rokk, jazz og íslenskt.
Annað kemur til greina.
Ingvar sími: 699 3014
& 534 9648.