Vesturbæjarblaðið - 01.09.2007, Blaðsíða 19
15VesturbæjarblaðiðSEPTEMBER 2007
Metaðsókn hefur verið á leiki
Landsbankadeildar karla í sum-
ar og áhorfendum fjölgað umtals-
vert frá því í fyrra. Að loknum 15
umferðum hafa 98.300 áhorfend-
ur mætt á völlinn eða 1.320 að
meðaltali á hvern leik. Aðsókn
hefur aukist um tæp 22% á milli
ára.
Í fyrra var sett glæsilegt aðsókn-
armet þegar 98.026 áhorfendur
mættu á leikina í Landsbankadeild-
inni og ljóst er að það met verður
slegið rækilega í ár. Einnig er ljóst
að háleitt markmið Landsbankans
og KSÍ um að rjúfa 100.000 áhorf-
enda múrinn mun nást. Ef fram fer
sem horfir verður metið stórbætt.
Aðsóknarmetið er því fallið og
100.000 áhorfenda múrinn fellur
í næstu umferð sem hefst næsta
sunnudag, 16. september. Það sem
af er sumri hafa aldrei færri en
5.500 manns mætt á eina umferð
en aðeins 3.000 manns vantar í
100.000 áhorfenda markið.
KR gegn HK á
sunnudaginn
Í 16. umferð leikur KR gegn
Kópavogsliðinu HK í Frostaskjól-
inu og verður einfaldlega að vinna
þann leik til að komast úr botnsæt-
inu sem liðið hefur vermt lengst
af sumars. Það er því þörf á góðri
mætingu KR-inga og góðum stuðn-
ingi á sunnudaginn. Síðan leikur
KR gegn Fram sunnudaginn 23.
september á Laugardalsvellinum
og í lokaumferð Landsbankadeild-
arinnar, laugardaginn 29. septem-
ber, leikur KR gegn Fylki í Frosta-
skjólinu. Það er því alls ekki öll
nótt úti enn um að Vesturbæjar-
stórveldið bjargi sér frá falli í 1.
deildina.
Happdrætti
Í þremur síðustu umferðum
Landsbankadeildar karla fá all-
ir áhorfendur happdrættismiða
en einn heppinn áhorfendi fær
frímiða á alla leiki deildarinnar
sumarið 2008. All eru þetta því 15
heppnir áhorfendur sem mæta á
öllum 10 völlum Landsbankadeild-
arinnar.
Úrslitabarátta í deild og
bikar hjá konunum
Konurnar í Landsbankadeildar-
liði KR eru einnig heldur betur í
sviðsljósinu en þær leika í kvöld,
fimmtudag, gegn Val í Frostaskjól-
inu, og það er væntanlega hreinn
úrslitaleikur um Íslandsmeistara-
titilinn því liðin eru efst og jöfn í
Landsbankadeildinni, bæði með
40 stig. Markatala Valskvenna er
hins vegar hagstæðari sem nemur
14 mörkum svo ekkert annað en
sigur gegn Val dugar KR. Síðan
leikur KR við Keflavík á Keflavíkur-
velli mánudaginn 17. september í
lokaumferðinni.
KR-ingar leika svo aftur við Kefl-
víkurstúlkur í úrslitaleik VISA-bik-
arkeppninnar sem fram fer á Laug-
ardalsvellinum laugardaginn 22.
september. Möguleikarnir á tvö-
földum sigri í sumar er því sannar-
lega til staðar. Áfram KR!!
KR-SÍÐAN
GETRAUNANÚMER
KR ER 107
KR tapaði fyrir FH í úrslitaleik 3. fl. kvenna
KR tapaði 1-4 fyrir FH í úrslita-
leik VISA-bikarkeppni 3. flokks sl.
sunnudag. Katrín Ásbjörnsdóttir
skoraði mark KR snemma í seinni
hálfleik. KR-ingar töpuðu þar með
öðrum úrslitaleiknum á einni viku,
fyrst á Íslandsmótinu. En framtíð-
in er þeirra því í liðinu eru margir
efnilegir leikmenn sem eiga eflaust
eftir að leika með meistaraflokki
í framtíðinni. Í byrjunarliðinu eru
sjö leikmenn á yngra árinu í 3.
flokki og tveir eru í 4. flokki. Það
er því, þrátt fyrir allt, býsna góð-
ur árangur að ná öðru sætinu í
báðum stóru mótunum í sumar.
Myndin er frá leiknum.
www.kr.is
Íþróttaskóli barnanna í KR
fyrir þriggja til sex ára börn
hefst næsta laugardag, 15. sept-
ember. Tímarnir verða á laugar-
dagsmorgnum og er hópunum
skipt eftir aldri þannig að 3 - 4
ára eru kl. 10.00 en 5 - 6 ára kl.
11.00. Íþróttaskólinn hefur notið
vaxandi vinsælda undanfarin ár
en hægt er að skrá sig á skrif-
stofu KR eða á staðnum í fyrstu
tímunum.
Íþróttaskóli barnanna
hefst 15. september
KR vann Val örugglega
Fyrsti leikur KR í meistara-
flokki karla í körfuknattleik á
Reykjavíkurmótinu fór fram á
sunnudaginn þegar liðið sótti
Valsmenn heim í nýju Voda-
fonehöllina. Lokatölur urðu 73-
101 fyrir KR eftir að staðan í
háfleik hafði verið 33-63.
Joshua Helm var stigahæst-
ur með 19 stig og 5 fráköst.
KR-ingar voru mættir með fullt
lið að undanskyldum fyrirliða
liðsins, Fannari Ólafssyni sem
er að jafna sig á ökklameiðslum
sem hann hlaut í landsleiknum
gegn Austurríkismönnum. KR-
ingar byrjuðu sterkt en byrjun-
arliðið var skipað Ellert, Pálma,
Jovan, Darra og Joshua. Lið-
ið náði strax góðri forystu og
aldrei spurning um hvort liðið
myndi sigra. KR-ingar skiptu ört
inná og var töluvert um tapaða
bolta hjá liðinu eða 30 stykki í
heild. Í síðari hálfleik náðu Vals-
menn að laga stöðuna og léku
ágætlega gegn værukærum KR-
ingum sem voru með þægilega
stöðu en náðu ekki að bæta við.
Allir leikmenn fengu að spreyta
sig í leiknum og voru sumir leik-
manna að leika sinn fjórða leik á
fjórum dögum, en m.a. var liðið
að leika í Reykjanesmótinu þar
sem liðið vann í síðasta leik lið
Breiðabliks.
Styttist í Íslandsmótið
Íslandsmótið í Iceland Express-
deild karla hefst 11. október. Tit-
ilvörn KR-inga hefst með heima-
leik á nýju parketgólfi í DHL-Höll-
inni gegn Fjölni og svo leikur KR
útileik gegn Grindvíkingum 18.
október. Áður en mótið hefst
fer fram leikur meistara meistar-
anna, en þá leika Íslandsmeistar-
ar KR gegn bikarmeisturum ÍR
í Vesturbænum og fer leikurinn
fram sunnudaginn 7. október.
KR-konur hefja leik í Íslands-
mótinu með útileik gegn Íslands-
meisturum Hauka 13. október,
sitja hjá í 2. umferð, en eiga svo
sinn fyrsta heimaleik gegn Hamri
24. október.
Hundrað þúsund
áhorfendur
Gríðarlegur metnaður hjá KR
að vinna bikarúrslitaleikinn
Agnes Árnadóttir er leik-
maður með 2. flokki KR í knatt-
spyrnu og hún hefur í sumar
einnig leikið með meistara-
flokki. Auk þess lék Agnes í sum-
ar með U-19 landsliðinu sem tók
þátt í úrslitakeppni Evrópumóts-
ins sem haldið var hér hérlend-
is fyrr í sumar.
Agnes er á síðasta ári í Versl-
unarskólanum og hyggur á
nám næsta vetur á íþróttastyrk
í Bandaríkjunum, helst á Rode
Island.
Agnes hefur alla tíð átt heima á
Seilugrandanum í Vesturbænum
og þekkir því ekkert annað en að
vera Vesturbæingur og KR-ingur.
Foreldrar hennar voru þó ekkert
sérstaklega að halda því að henni
að vera í KR að hennar sögn,
pabbi hennar, Árni Þór Árnason,
uppalinn Víkingur og mamman,
Guðbjörg Jónsdóttir, úr Keflavík
en Agnes segir að henni hafi hins
vegar tekist að gera þau að KR-
ingum, og er stolt af.
“Pabbi var um tíma formaður
Fimleikasambandsins og þá var
ég að æfa fimleika, en svo nennti
ég því ekki, ég var alltaf að bíða
í röð, t.d. eftir því að stökkva á
hesti. Svo er ég líka í handbolta
með Gróttu, aðallega í unglinga-
flokki, og spila vinstri skyttu en
hef ekki mætt á æfingar í haust
og geri ekki fyrr en fótboltatíma-
bilið er búið. Ekki er allt upptalið
því ég var í körfubolta þar til ég
var í 9 bekk, það var svo erfitt að
gera upp á milli íþróttagreina. En
framan af var ég fremur lítil, en
það hefur ræst úr því! Kannski
ég noti hæðina nú og fari aftur í
körfuna. Ég var hins vegar fimm
ára þegar ég mætti á fyrsta knatt-
spyrnunámskeiðið eða fótbolta-
skólann.
Mér fannst strax mjög gaman í
fótbolta, og reyndar öllum hinum
íþróttagreinunum.
Ég hef orðið Íslandsmeistari
með KR í 4. flokki og við urðum
bikarmeistarar með 2. flokki í
fyrra en þegar við vorum í yngstu
flokkunum unnum við nánast öll
mót sem við tókum þátt í,” segir
Agnes Árnadóttir.
Agnes leikur í vörninni með
meistaraflokki en í framlínunni í
2. flokki og hefur auk þess staðið
nokkra leiki í markinu í 2. flokki
í forföllum markmannsins. Hún
segir það ganga mjög vel að sam-
ræma það að spila ýmist fremst
eða aftast á vellinum og sem
varnarmaður sé gott að þekkja
hlaupin hjá framlínumönnum og
geta þá tileinkað sér það.
- Meistaraflokkur KR er að fara
að spila úrslitaleikinn gegn Kefla-
vík í VISA-bikarnum 22. septem-
ber á Laugardalsvellinum. Er mik-
ill metnaður í KR-liðinu að vinna
þann leik?
“Alveg gríðarlegur. Þetta er
skemmtilegasti leikur sem hægt
er að spila og í fyrsta skipti sem
ég spila svona leik. Þar er allt
eða ekkert. Við unnum Keflavík
8-1 síðast þegar við spiluðum
við þær og svo eigum við leik
gegn þeim í deildinni í Keflavík
skömmu áður. Það er síðasti leik-
urinn í deildinni og þá verðum
við búnar að spila við Val sem
er úrslitaleikurinn í deildinni.
(Fer fram í kvöld). Valur er með
gríðarlega sterkt lið en við ætl-
um okkur að vinna þær. Eins gott
að sem flestir KR-ingar mæti á
þann leik, við þurfum á miklum
stuðningi að halda, og reyndar
líka á bikarúrslitaleikinn. Jafnvel
á heimaleikjum okkar hafa stund-
um verið fleiri stuðningsmenn
aðkomuliðsins en okkar, það er
mjög dapurt. En nú reynir á svo
sannarlega á stuðninginn,” segir
Agnes Árnadóttir.
Agnes Árnadóttir er fjölhæfur íþróttamaður.
Á dögunum gerði SPRON og handknattleiksdeild KR með sér samning
þar sem SPRON styrkir uppbyggingu handboltans hjá KR næsta árið.
Á myndinni eru Svanhvít Sverrisdóttir frá SPRON og Ingvar Örn Áka-
son frá KR ásamt iðkendum handknattleikdeildar félagsins.
Reykjavíkurmótið í körfuknattleik