Vesturbæjarblaðið - 01.10.2007, Blaðsíða 8
Í ágústmánuði var haldin götu-
hátíð á Melhaganum. Í þessari
litlu götu hefur orðið mikil end-
urnýjun fólks á undanförnum
árum, og margt ungt fólk með
börn búið sér þar heimili. Íbúar
götunnar hafa kynnst vel í nábýl-
inu og lengi haft á orði að gam-
an væri að slá upp götuhátíð. Í
sumar var loks látið verða af því.
Sólríkur laugardagur í ágúst
varð fyrir valinu og hófst dagur-
inn á því að íbúar götunnar tóku
til í görðum sínum, slógu gras,
klipptu hekk og sópuðu stéttina.
Götunni var lokað með góðfúslegu
leyfi yfirvalda, og fólk gekk á milli
garða og fékk lánuð garðáhöld.
Í hádeginu voru svo grillarðar
pylsur í miðri götunni, og Guðjón
Friðriksson sagnfræðingur hélt
fróðlegt og skemmtilegt erindi um
sögu götunnar. Um miðan dag var
svo gert hlé á dagskrá, svo fólk
gæti farið í bæinn á Gay Pride,
eða haldið áfram garðvinnu. Um
kl. 1800 söfnuðust hinsvegar íbú-
ar götunnar saman í garðinum á
Melhaga 12, röðuðu saman dúk-
uðum borðum, grilluðu stórsteik-
ur og grænmeti og spjölluðu við
nágrannana. Ótrúlega góð mæting
var á hátíðina, og mætti fólk úr öll-
um húsum.
Tónlistarmenn eru nokkrir í
götunni, og þeir tóku fram hljóð-
færin og spiluðu af fingrum fram.
Þegar skyggja tók, voru teknar
fram kertaluktir og síðustu gestir
hurfu úr götunni löngu eftir mið-
nætti. Sannarlega vel heppnaður
Melhagadagur.
8 Vesturbæjarblaðið OKTÓBER 2007
Garðsláttur, stórsteikur og tónlist á
Melhagahátíð sem stóð fram á rauðanótt
Birna Bragadóttir, Vala Káradóttir og Sigurður Kári Kristjánsson
alþingismaður, íbúar Melhaga 12 og 16.
Sjónmælingar
linsumælingar
�������������
Gunnlaugur Jónsson Skagamaður og knattspyrnumaður í KR og
Kristín Halldórsdóttir að Melhaga 4.
Hluti gestanna á Melhagahátíðinni í garðinum að Melhaga 12, en þar býr m.a. Gísli Marteinn Baldursson
borgarfulltrúi.
Sr. Anna Sigríður Pálsdóttir,
prestur í Grafarvogskirkju, er
fyrst kvenna til þess að gegna
embætti Dómkirkjuprests en
hún var vígð til embættisins
þann 7. október sl. Sjö sóttu
um embættið en valnefnd í
Dómkirkjuprestakalli ákvað að
velja sr. Önnu Sigríði. Biskup
Íslands skipar í embættið til 5
ára.
Sr. Anna Sigríður á margar
bernskuminningar úr Dómkirkj-
unni, en hún er dóttir Páls Ísólfs-
sonar sem var organisti kirkjunn-
ar um margra ára skeið. Sr. Anna
var myndmenntakennari og fjöl-
skylduráðgjafi um nokkurra ára
skeið, m.a. fyrir fólk sem hefur
átt í vandræðum með áfengi og
fíkniefni, og aðstandendur þess.
Hún segir að Dómkirkjan eigi
erindi við miðbæinn og að kirkj-
an hafi á ýmsan hátt gert sitt
til þess að mæta þeim sem eiga
um sárt að binda. Meðal þeirra
séu þeir sem stríði við óreglu og
hafi m.a. valdið því ónæði sem
hafi átt sér stað í miðbænum.
Hún fór í guðfræði þegar hún
var orðin 45 ára.
Sr. Anna Sigríður Pálsdóttir
nýr prestur við Dómkirkjuna
Sr. Anna Sigríður Pálsdóttir á nýja vinnustaðnum, Dómkirkjunni.
AUGL†SINGASÍMI
511 1188 - 895 8298