Vesturbæjarblaðið - 01.12.2005, Blaðsíða 2
Viðtöl borgarstjóra á
Þjónustumiðstöðvum
mælast vel fyrir
Færri komust að en vildu í við-
talstíma Steinunnar Valdísar
Óskarsdóttur borgarstjóra í þjón-
ustumiðstöð Vesturbæjar, Vest-
urgarði, þann 18. nóvember síð-
astliðinn. Íbúar Vesturbæjar
fengu tækifæri til að ræða við
borgarstjórann um þau málefni
sem þeim voru hugleikin. Pantað
er viðtal á þjónustumiðstöðinni,
og stoppaði vart síminn hjá þjón-
ustumiðstöð Vesturbæjar,
Vesturgarði, til að bóka tíma. Til
þessa hefur borgarstjóri haft við-
talstíma einu sinni í viku í Ráð-
húsinu og hafa þeir alltaf verið vel
nýttir. Með viðtölum í þjónustu-
miðstöðvum er verið að bæta
þessa þjónustu, fjölga viðtalstím-
um, og nú úti í hverfunum á
vettvangi. Steinunn Valdís segir
að viðtölin hafi gengið afar vel í
Vesturbænum:
„Það sem ég hef strax séð er að
viðfangsefnin sem koma upp í við-
tölum úti í hverfunum eru eðlisó-
lík því sem kemur til mín í Ráð-
húsið. Á þjónustumiðstöðvunum
er fólk mikið að ræða um leikskól-
ana, skólana, umferðina í hverfinu
og nærsamfélagið í heild sinni.
Þessi mál eru íbúum hugleikin, og
mörgum finnst þægilegra að
koma í þjónustumiðstöðina sem
staðsettar eru í öllum hverfum
Reykjavíkur.“
Endurbætur á
leiksvæðum
Framkvæmdaráð borgarinnar
hefur samþykkt að gerð verði út-
tekt á öllum leiksvæðum í borg-
inni með það í huga að sett verði
fram tillögur um endurbætur sem
taka mið af mismunandi aldri not-
enda leiksvæðanna svo og aldurs-
samsetningu hverfa borgarinnar
og aldri byggðarinnar. Hugað
verði sérstaklega að því að sett
verði upp þrenns konar leiksvæði
sem miðist við eftirfarandi aldurs-
skiptingu barna og ungmenna.
• Svæði I fyrir börn á aldrinum
0-6 ára,
• Svæði II fyrir börn á aldrinum
6-12 ára
• Svæði III fyrir börn á aldrinum
12-18 ára.
Framkvæmdasviði verði falið
að gera tillögu að svæðaskiptingu
innan hverfa borgarinnar, sam-
kvæmt skiptingu borgarinnar í
níu hverfi, sem taki mið af aldurs-
samsetningu íbúa og aldri byggð-
arinnar. Skilgreina skal m.a. há-
marks gönguvegalengdir mismun-
andi aldurshópa á leiksvæðin.
Framkvæmdasviði verði falið að
vinna að tillögu sem feli í sér m.a.
lýsingu af hverri gerð þar sem
fram komi hvaða búnaður skuli
vera til staðar, frágangi yfirborðs,
gróðri, ásamt viðmiðunarstærð
svæðisins og lögun. Lýsing verð-
ur gerð á rekstri svæðanna og
viðhalds- og eftirlitsáætlun fyrir
þau. Viðhalds- og eftirlitsáætlunin
skal uppfylla reglugerð um opin
svæði sem tekur gildi um næstu
áramót.
Sífellt verið að bæta
og laga
Á nýlegum fundi skipulagsráðs
um byggingamál var tekið fyrir er-
indi VHR-eignarhaldsfélags
Smiðjuvegi 14 í Kópavogi, Rositsa
Slavcheva Guðfinnsson, Ránar-
gata 10, 101 Reykjavík og Ránar-
götu 10,húsfélags um samþykki
fyrir áður gerðri stækkun bílskúrs
á baklóð og fyrir breytingu skúrs
(matshl. 70) í vinnustofu með
matshlutanúmerið 02, fyrir af-
mörkun ósamþykktra íbúða á 2.
hæð og innréttingu gistiheimilis í
kjallara og á 1. hæð stækkaðs
matshluta 01um áður gerðan
kvist á suðurþekju, stækkun kjall-
ara inn á baklóð ásamt fjölbýlis-
húsinu áður matshluta 02 á lóð
nr. 10 við Ránargötu. Samþykki
sumra eigenda áritað á teikningu,
bréf f.h. umsækjenda dags. 22.
nóvember 2005, kaupsamningar
vegna 2. hæðar innfærðir 5. júlí
202 og 5. júlí 2005 fylgja erindinu.
Afgreiðslu var frestað.
Sótt var um af Huldu Björk Ge-
orgsdóttur, Loga Bergmanni Eiðs-
syni og Svanhildi Hólm Valsdótt-
ur að breyta innra fyrirkomulagi
og eignarhaldi á geymslurýmum í
kjallara hússins nr. 6-6A á lóðinni
nr. 6 við Ránargötu. Afgreiðslu
frestað.
Leiðakerfið
endurskoðað
Stjórn Strætó bs. hefur hafið end-
urskoðun leiðakerfis og gerð fjár-
hagsáætlunar 2006. Á fundinum
voru kynnt drög að að samantekt
um greiningu farþegafjölda í októ-
ber 2005. Lögð fram samantekt, út-
tekt á leiðakerfi - fjárhagsáætlun
2006 frá 23. nóvember sl. Farið var
yfir mögulegar breytingar á einstök-
um leiðum. Kannski eiga Vesturbæ-
ingar sem og aðrir þá von á bættri
þjónustu Strætó á komandi ári.
Reykvískir nemendur
bestir í lestri
Námsmatsstofnun hefur að
beiðni Menntasviðs Reykjavíkur-
borgar tekið saman stöðu nem-
enda í Reykjavík samanborið við
nemendur í öðrum landshlutum í
svonefndri PISA rannsókn sem
lögð var fyrir vorið 2003.
Nemendur á Íslandi voru í 15.
sæti meðal allra þátttökulanda í
stærðfræði en séu reykvískir
nemendur skoðaðir sérstaklega
hafi þeir verið í 12. sæti og í 9.
sæti sé aðeins miðað við OECD
löndin 30. Sé fjöldi nemenda á
hæfnisþrepum skoðaður kemur í
ljós töluverður landshlutamunur
hér á landi, sérstaklega hvað
varði niðurstöður pilta en 18,6%
reykvískra pilta var á þrepum 5
og 6 á móti 16,8% pilta í nágrenni
Reykjavíkur og 11,4% í dreifbýli.
Sambærileg hlutföll stúlkna eru
16,3% í Reykjavík, 15,2% í ná-
grenni Reykjavíkur og 16,1 í dreif-
býli. Ennfremur eru reykvískir
nemendur bestir í lestri þegar
landshlutarnir eru bornir saman
og þá sérstaklega stúlkur. Heildar-
niðurstaða íslenskra nemenda í
lestri var ekki sérstök, rétt undir
meðaltali OECD.
Lóðarhluti tekin af íbú-
um á Vesturgötu 26.a
Karl R. Lilliendahl á Vesturgötu
26.a segir það vera stefnu núver-
andi borgaryfirvalda að þétta
byggð og húsflutningur að Ný-
lendugötu 5.a sé liður í þeirri
stefnu.
„Með þessum aðgerðum tók
Reykjavíkuborg 100m2 af þing-
lýstri eign okkar á Vesturgötu
26.a eignarhaldi og seldi þá fer-
metra eigendum hússins sem nú
stendur við Nýlendugötu 5.a.
Þegar við sem búum hér í þessu
húsi komumst að þessu höfðum
við samband við Skipulagssvið
Reykjavíkurborgar. Þar var okkur
tjáð að ef við vildum ræða frekar
við borgaryfirvöld um þetta mál
þá skyldum við ráða okkur lög-
fræðing, annars yrðu engin sam-
skipti við okkur af þeirra hálfu.
Það gerðum við, enda tilneydd.
Og nú, 12 mánuðum, ótal bréfa-
skriftum og mörg hundruð þús-
und króna lögfræðikostnaði síðar,
hefur ekkert gerst. Borgin sýnir
málinu engan áhuga, heldur fram-
kvæmdum áfram og bíður eftir að
fólk gefist upp, enda er það ekki á
allra valdi að hafa lögfræðing í
vinnu í svona langan tíma. Svona
vinnur Reykjavíkurborg. Þeirra
stefna er að planta húsum allstað-
ar þar sem eitthvað pláss er án
þess að ráðfæra sig við íbúa,“
segir Karl R. Lilliendahl.
Vesturbæingar
- Jólin eiga að vera gleðigjafi.
Hjá þér líka!
DESEMBER 20052 Vesturbæjarblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Auglýsingasími: 511 1188 • 561 1594 • 895 8298
Netfang: borgarblod@simnet.is
Ritstjóri: Geir A. Guðsteinsson, Sími 564 5933, 898 5933
Netfang: geirgudsteinsson@simnet.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Prentsmiðja Morgunblaðsins
Dreifing: Íslandspóstur
11. tbl. 8. árgangur
Vesturbæjarblaðinu er dreift í hvert hús í Vesturbæ og Miðbæ.
S T U T T A R
B O R G A R F R É T T I R
Í slendingar eru alltaf að komast á blað og fá athygli um-heimsins, stundum er sú athygli gleðiefni en einnig áhyggju-
efni, og stundum veldur sú athygli bara leiða hérlendis. Við
eigum heimsmet í vöruverði þó það hafi verulega batnað með
tilkomu Bónus, hér er mjög misveðrasamt en það ráðum við
ekkert við, ekki heldur Bónus. Eftir að hafa sjálfur ekið erlendis
verð ég því miður að taka undir skoðanir margra, einnig Íslend-
inga, að við eigum met í umferðarómenningu og tillitsleysi. Það
kom reyndar á óvart þegar aðreinum frá akstri um umferðar-
brýr fjölgaði að þá virtist kurteisi skyndilega skjóta upp kollin-
um, bílum var hleypt inn í umferðina en ekki flautað á þá með
slíku offorsi að halda mætti að viðkomandi væri með krampa í
hendinni. En betur má ef duga skal. Hvít heil lína við umferðar-
ljós er til þess að stöðva við ef ljósið er rautt, ekki að hafa hana
undir miðjum bílnum, það á ekki að aka á vinstri akrein þar
sem tvær akreinar eru ef viðkomandi heldur löglegum öku-
hraða niðri og ef bílstjóri vill skipta um akrein og gefur stefnu-
ljós til merkis um það á að sýna það umburðarlyndi að hægja á
sér en ekki flauta á hann. Síðast en ekki síst á að virða hámarks-
hraða, ekki síst í íbúðarhverfum þar sem hámarkshraði er 30
km/klst. En hverjar eru ástæðurnar? Er það slæm ökukennsla,
slæleg auglýsingaherferð Umferðarstofu, eða þarf að kenna Ís-
lendingum betri mannasiði til þess að þetta fari að lagast?
Kannski þarf allt þetta og meira til.
Því miður eykst þessi óþolinmæði í nálægð jóla, og það er
auðvitað mjög miður. Bílaeign Reykvíkinga eykst hröðum skref-
um, umferðin síðdegis á föstudögum er eins allir séu að missa
af einhverju tækifæri sem aldrei kemur aftur. Fjölgun bílastæða
og ný bílastæðahús virðast litlu breyta. Þetta er vandamál sem
allir þurfa að leysa, ekki bara lögregla, Umferðarstofa eða
Reykjavíkurborg.
Kærleikur á aðventu
Aðventan stendur nú sem hæst og er undanfari þeirrar kær-
leikshátíðar sem jólin eru. Við skulum hins vegar ekki hugsa
bara um okkar nánustu, heldur einnig um þá sem þurfa aðstoð
vegna eymdar og einmannaleika. Hjálparstofnun kirkjunnar
hefur löngum veitt ómetanlega aðstoð þeim sem sem þjást af
hungri víða um heim og einnig veitt aðstoð hér innanlands. Við
getum lagt þessu starfi lið með því að láta eitthvað rakna af
hendi, það þarf ekki að vera mikið frá hverjum og einum, allt
eftir efnum og ástæðum. Ýmis önnur líknarfélög eru einnig að
vinna kærleiksríkt starf, s.s. við að miðla matvælum til þurfandi
svo þeir fari ekki á mis við jólahátíðina. Hjálpræðisherinn býð-
ur fólki til sín á aðfangakvöld og gefur því veislumat, það er
mannkærleikur sem ekki verður metinn til fjár. Sá sem leggur
eitthvað af mörkum til þess að aðrir megi einnig njóta jólahá-
tíðarinnar, þiggur að launum sannari jólagleði.
GLEÐILEG JÓL.
Geir A. Guðsteinsson
Umferðin á aðventunni
Óskum Vesturbæingum
gleðilegra jóla og
farsældar á komandi ári.