Vesturbæjarblaðið - 01.12.2005, Blaðsíða 7
Bóksala kaþólska safnaðarins,
eða Kaþólska búðin við Hávalla-
götu lætur ekki mikið yfir sér,
enda ekki í stóru rými í sambýli
við safnaðarheimilið, og það tak-
markar eflaust nokkuð umsvifin.
Jón Gunnar Kristinsson, betur
þekktur sem Jón Gnarr, tók við
rekstri verslunarinnar sl. sumar
en áður hafði Torfi Ólafsson rek-
ið búðina í hartnær 20 ár. Hann
ámálgaði það við Jón hvort
hann væri tilbúinn að reyna að
reka búðina, og það varð úr.
Búðin er aðeins opin eftir messu
á sunnudögum og milli 15.00 og
16.00 á miðvikudögum.
„Hér er selt allt milli himins og
jarðar, þó aðallega vörur sem
tengjast kaþólskri trú. Hér eru
bækur sem flestar tengjast kaþ-
ólskri trú og flestar á ensku en
einnig á þýsku og eitthvað á
Norðurlandamálunum, gjafavara,
krossar, rósakransar, styttur,
talnabönd en einnig DVD-diskar
sem innihalda bíómyndir og
heimildarþætti. Hér er ég einnig
að selja handunna muni frá kven-
félagi Kristkirkju, m.a. dúkkur,
barnaföt o.fl. sem er þá tekjulind
kvenfélagsins.“
- Er þetta eini staðurinn þar sem
kaþólskir geta verslað svona vöru
hérlendis?
„Nei, Karmelsystur í Hafnarfirði
eru einnig með verslun í klaustr-
inu og þar er mjög gaman að
koma. Vöruval þar er meira hand-
unnar vörur af þeim. Kaþólikkar
koma hingað nokkuð oft, ekki
alltaf við að versla heldur ekki
síður til að skoða en oft til að
kaupa rósarkransa, talnabönd
eða verndardýrðlinga. Margt af
þessum vörum hefur þá sérstöðu
að vera framleiddar í klaustrum
úti um allan heim. Ég er hér t.d.
með sápu sem er framleidd í
klaustri í Bandaríkjunum, og það
er haganlega búið um hana í tré-
kassa, gæti verið hin skemmtileg-
asta gjöf. Það er einnig töluvert
hér af annari gjafavöru, og ég er
að gera mér vonir um að það
komi meira af vörum fyrir jólin,
en ég stýri ekki innkaupunum,
enda umsvifin ekki mikil.
Þetta er fyrst og fremst góð-
gerðarstarfsemi, álagning er lág,
og ég er ekki á neinum launum, ég
geri þetta í sjálfboðavinnu, þetta
er fyrst og fremst hugsjónarstarf
hjá mér. Hingað eru allir velkomn-
ir, hverrar trúar sem þeir eru.“
- Hvað er það dýrmætasta hér,
ekki síður andleg verðmæti en ver-
aldlega?
„Ætli það sé ekki bókin
„Immitation of Christ“ sem er
mest lesna bók með kaþólikka fyr-
ir utan Biblíuna. Hún er eignuð
Tómasi frá Kentish og er leiðbein-
ing í því hvernig lifa eigi djúpu
trúarlífi, en er upphaflega skrifuð
fyrir klaustur.“
- Hefurðu alla tíð verið
kaþólskur?
„Nei, það er rúmt ár síðan ég
tók kaþólska trú. Ég hef alltaf ver-
ið trúaður og um alllangt skeið
verið viðloðandi þessa kirkju. Allt
frá því að ég var unglingur hefur
kaþólsk trú heillað mig. Það sem
heillar mig mest er að hún er
sýnileg ólíkt lútherskri trú. Mót-
mælendur leggja mun minna upp
úr því að sýna trú sína, og þeir
segja að Guð sé alls staðar og
hver skírður maður sé hólpinn. Í
kaþólskri trú er Guð vissulega alls
staðar, en aðallega í kirkjunni.
Dýrðlingar og María mey eru
milligöngumenn milli manna og
Guðs. Altarisgangan er mikilvæg í
kaþólskri trú en síður í lútherskri
trú, og kaþólskir trúa því að við
altarisgöngu sé verið að meðtaka
Krist í alvörunni með blessaðri ol-
bátu, hann sé viðstaddur, en í
lútherskri trú er aðeins um tákn-
rænan atburð að ræða,“ segir Jón
Gnarr. ■
DESEMBER 2005 7Vesturbæjarblaðið
- segir verslunarstjórinn Jón Gnarr
„Kaþólska búðin er opin öllum
hverrar trúar sem þeir eru“
Jón Gnarr í Kaþólsku búðinni.