Vesturbæjarblaðið - 01.11.2007, Qupperneq 6

6 Vesturbæjarblaðið NÓVEMBER 2007
“Soli Deo Gloria - Guði ein-
um dýrð” voru einkunnarorð
Tónlistardaga Dómkirkjunnar
sem haldnir voru 17. október
til 11. nóvember sl. Eins og jafn-
an áður voru haldnir tónleikar
þar sem frumflutt var tónverk
sem Dómkórinn hefur pantað.
Að þessu sinni var það tónverk-
ið “Missa brevis” eftir Þóru Mart-
einsdóttur, dóttur Marteins H.
Friðrikssonar dómorganista og
Þórunnar Björnsdóttur, stjórn-
anda Skólakórs Kársness. Verkið
er samið í hefðbundnu messu-
formi en þó vantar í það trúar-
játninguna.
Þóra stundaði nám í píanóleik
í Tónlistaskólanum í Kópavogi
og Reykjavík og söng í mörg ár í
Skólakór Kársness undir stjórn
móður sinnar og síðar í Hamra-
hlíðarkórnum. Þóra lauk námi í
tónfræðideild Tónlistaskólans í
Reykjavík og meistaranámi frá
Tónlistarskólanum í Gautaborg.
Þóra er nú að kenna tónmennt
við Vatnsendaskóla í Kópavogi
og tónfræði við Suzuki-skólann í
Reykjavík.
- Hvenær kviknaði hugmyndin
að “Missa brevis?
“Kveikjan að verkinu var að
hann pabbi minn kom og bað mig
um að semja fyrir Tónlistardaga
2007. Eftir að hafa lagt höfuðið
í bleyti með hentugan texta þá
fannst mér sniðugast að semja
messu. Það tók nú ekki langan
tíma að velja þann texta enda
mjög fallegur texti þar á ferð. Síð-
an tóku við allmargar tilraunir við
að koma þessu saman og var ég
meira og minna búin í maímánuði
síðastliðnum.”
- Hvernig stund var það að sitja
í Dómkirkjunni og hlusta á Dóm-
kórinn undir stjórn föður þíns flytja
tónverkið?
“Það var dásamleg stund að
sitja í Dómkirkjunni og hlusta á
þennan góða kór frumflytja eftir
mig með svona miklum glæsibrag.
Ég er alin upp í kringum þennan
kór og marga kórmeðlimi hef ég
þekkt eins lengi og ég man eftir
mér. Þótti einnig mjög vænt um
að pabbi minn væri að stjórna og
hún ástkær móðir mín að syngja.
Næsta verk á dagskrá hjá mér er
sönglag fyrir kvennakóramót á
Höfn í Hornafirði í vor og svo sjá-
um við bara til hvað tíminn leiðir
í ljós,” segir Þóra Marteinsdóttir.
Samdi tónverk sem faðirinn
stjórnaði en móðirin söng í
Þóra Marteinsdóttir með foreldrum sínum, Marteini H. Friðrikssyni og
Þórunni Björnsdóttur á kirkjuloftinu skömmu fyrir tónleikana.
Sérhæfð meðferð
á vönduðum fatnaði
Kæru viðskiptavinir
Sumt breytist, annað ekki. Í kjölfar eigendaskipta og
sameiningar Hraða við aðrar hreinsanir tökum við upp nýtt
nafn: Þvottahúsið Faghreinsun.
Það sem ekki breytist eru gæðin, verklagið og meðhöndlunin
á fatnaðinum þínum. Við tókum við góðu búi, mjög hæfu
starfsfólki og traustum og góðum viðskiptavinahópi.
Við erum mjög þakklátir fyrir allt þetta og leggjum metnað
okkar í að halda áfram og gera enn betur.
E
H
F.
Sérhæfð meðferð á vönduðum fatnaði
Ægisíðu 115 sími 552 4900
Vesturgata 33a
geymir merka sögu
Vesturgata 33a í Reykjavík
lætur ekki mikið yfir sér í götu-
myndinni, grænmálaða húsið,
en er þeim mun ríkara af sögu,
sérstaklega ef litið er til kreppu-
áranna og áhrifa þeirra á mótun
Samvinnuhreyfingarinnar sem
síðar átti eftir að verða stórveldi
í íslensku atvinnulífi um árabil.
Þegar kreppan mikla risti hvað
dýpst hérlendis á fjórða áratug
síðustu aldar bundust fátækir
verkamenn víðs vegar um Reykja-
vík samtökum um að stofna pönt-
unarfélög með það að markmiði
að gera tilraun til að lækka matar-
kostnaðinnn. Þessi félög urðu sjö
talsins þegar þau voru flest, en
árið 1934 sameinuðust þau í Pönt-
unarfélagi verkamanna. Í austari
helmingi húsins var verslun en í
vestari helmingnum vörulager.
Teikningar eru enn til af húsinu
sem veita skemmtilega innsýn í
verslunarsögu höfuðborgarinn-
ar, en teikningarnar eru enn til á
Verkfræðistofu Sigurðar Thorodd-
sen, en talið er að þetta sé eina
aðkoma Sigurðar Thoroddsen að
verslunarinnréttingum. Þetta kem-
ur m.a. fram í Gangverki, frétta-
bréfi VST.
Rekstur Pöntunarfélagsins var
erfiður og árið 1937 sameinaðst
það rekstri Kaupfélags Reykjavík-
ur ásamt nokkrum öðrum verslun-
arfélögum á suðvesturhorni lands-
ins í eitt félag, Kaupfélag Reykja-
víkur og nágrennis (KRON). Það
varð fljótt eitt öflugasta verslun-
arfélag landsins og ein aðalstoð
Sambands íslenskra samvinnu-
félaga (SÍS). KRON-verslanirnar
voru 12 talsins þegar best lét og
voru í harðri samkeppni við ann-
an verslunarrekstur í Reykjavík,
m.a. Silla og & Valda, Sláturfélag
Suðurlands og kaupmanninn á
horninu, sem þá lifði góðu lífi.
Ein þessara KRON-verslana var
í Skerjafirði, þar sem til skamms
tíma hefur verið verslunin Skerja-
nes, en hefur því miður hætt
rekstri. Hafist var handa við bygg-
ingu þess húss árið 1939 og því
hefur verslunarrekstur byrjað þar
í stríðsbyrjun. Fyrir ofan verslun-
arhúsnæðið er staðsett íbúðar-
húsnæði sem á þessum tíma var
ætlað fyrir kaupfélagsstjórana og
fjölskyldur þeirra.
Til gamans má geta þess að
fljótlega eftir að KRON hóf starf-
semi voru þar seldar fyrir ein jól-
in ódýrar rússneskar harmonikur.
Þær þóttu ekki hljóma vel og voru
jafnan kallaðar Kron-ikur!
Vesturgata 33a.
Sr. Anna Sigríður Pálsdóttir, prestur í Dómkirkjunni, og Þóra Mart-
einsdóttir, eiga það sameiginlegt að vera dætur organista Dómkirkj-
unnar. Báðar komu þær kornungar í Dómkirkjuna og fylgdust með
feðrum sínum æfa sig á orgelið, þeim Páli Ísólfssyni og Marteini H.
Friðrikssyni.