Morgunblaðið - Sunnudagur - 18.01.2015, Blaðsíða 4

* Ekki var hægt að höfða mál á hend-ur Jumdon Micro Finance þar semfélagið finnst ekki. Þjóðmál
Eyrún Magnúsdóttir
eyrun@mbl.is
4 MORGUNBLAÐIÐ SUNNUDAGUR 18.1. 2015
Huldueigandi finnst ekki
E
ina heimildin sem til er
um það að smálánafyr-
irtækið Hraðpeningar
hafi verið selt félagi að
nafni Jumdon Finance
Ltd. á Kýpur er ársreikningur
Hraðpeninga frá árinu 2011, sá síð-
asti sem félagið hefur skilað hér á
landi. Engar frekari upplýsingar
hafa verið veittar um það þegar allt
hlutafé Hraðpeninga var selt til
kýpverska huldufélagsins, sem
raunar er nefnt Jumdon Micro Fin-
ance Ltd. í ársreikningi en það
virðist vera eitt og hið sama og
Jumdon Finance Ltd.
Samkvæmt áreiðanlegum heim-
ildum er ekkert sem bendir til þess
að félagið Jumdon Finance hafi
nokkra starfsemi eða skrifstofur á
Kýpur. Þar í landi er félaginu skylt
að skila ársreikningum en það hef-
ur félagið ekki gert. Tengiliður
Jumdon Finance á Kýpur er lög-
fræðistofa á nafni George Y.
Yangou LLC en þegar haft var
samband við hana fengust engar
upplýsingar um starfsemina, og
borið er við þagnarskyldu.
Félagið Jumdon Finance var
stofnað á árinu 2011, sama ár og
það á að hafa keypt Hraðpeninga.
Jumdon Finance er einnig eigandi
smálánafyrirtækisins Múla ehf. auk
þess sem Hraðpeningar eiga allt
hlutafé í smálánafyrirtækinu 1909
ehf. Saman starfa þessi þrjú fyr-
irtæki undir merkjum félags sem
kallast Neytendalán ehf.
Í stuttu samtali við blaðamann
sagðist Skorri Rafn ekki hafa nein
tengsl við Jumdon, en eins og fram
kom í Sunnudagsblaði Morgun-
blaðsins hinn 3. janúar sl. þá var
sama félag, þ.e. Jumdon Finance, á
bak við smálánafyrirtæki Skorra
Rafns í Króatíu sem starfaði þar til
lögum um neytendalán þar í landi
var breytt í lok árs 2012. Hann vildi
ekki útskýra þessi tengsl í samtali
við blaðamann en benti á Óskar
Þorgils Stefánsson, núverandi fram-
kvæmdastjóra Hraðpeninga, þegar
óskað var upplýsinga um Jumdon
Finance eða Hraðpeninga.
Stofnendur ekki
lengi í stjórn
Skorri Rafn Rafnsson, Sverrir Ein-
ar Eiríksson og Gísli Rúnar Rafns-
son (sem mun ekki vera skyldur
Skorra þrátt fyrir að bera sama
föðurnafn) stofnuðu Hraðpeninga í
lok ársins 2009. Stofnendurnir þrír
tóku upphaflega sæti í stjórn Hrað-
peninga samkvæmt ákvörðun á
fundi þeirra hinn 16. desember
2009. Aðeins tæpum mánuði síðar, í
janúar 2010 höfðu Gísli Rúnar
Rafnsson og Sverrir Einar Eiríks-
son vikið úr stjórn og Skorri Rafn
var skráður stjórnarmaður, pró-
kúruhafi og framkvæmdastjóri fé-
lagsins. Varamaður hans í stjórn
var Þorgeir Þorgeirsson.
Í desember 2010 var skráningu
félagsins breytt þannig að Skorri
Rafn var áfram stjórnarmaður,
framkvæmdastjóri og prókúruhafi
félagsins en bróðir hans Fjölvar
Darri Rafnsson kom inn sem vara-
maður í stjórn.
Engar breytingar í stjórn
þótt skipt væri um eiganda
Síðasti ársreikningur sem Hraðpen-
ingar skiluðu inn hér á landi var
fyrir árið 2011. Þessi ársreikningur
er í raun eina heimildin sem til er
um það að Jumdon Finance hafi
eignast allt hlutafé í fyrirtækinu.
Þegar nýir eigendur taka við fyr-
irtæki er algengt að þeir vilji fá
völdin í sínar hendur. Svo var ekki í
tilviki Jumdon Finance því árið sem
það félag á að hafa eignast allt
hlutafé í Hraðpeningum, 2011, varð
engin breyting á stjórnarsetu, pró-
kúruhöfum eða framkvæmdastjórn
Hraðpeninga. Skorri Rafn Rafnsson
var stjórnarmaður, framkvæmda-
stjóri og prókúruhafi frá því í des-
ember 2010 og fram í mars 2012.
Engin breyting varð á því þrátt
fyrir að allt hlutafé í félaginu hefði
skipt um eigendur.
Næst var gerð breyting á stjórn-
arfundi í mars 2012 en þá tók Fjöl-
var Darri sæti sem stjórnar-
formaður Hraðpeninga og
meðstjórnandi var skráður Óskar
Þorgils Stefánsson sem jafnframt
tók þá við sem framkvæmdastjóri
félagsins. Prókúruumboð var í kjöl-
far þessa fundar í mars 2012 sett í
hendur á Fjölvari Darra auk
Skorra Rafns, sem þó vék sæti úr
stjórn.
Ári síðar, í apríl 2013 vék Fjölvar
Darri úr stjórn og prókúruumboð
hans og Skorra Rafns var jafnframt
fellt niður. Í þeirra stað var nú
Óskar Þorgils Stefánsson einn með
prókúruumboð fyrir Hraðpeninga
auk þess að vera stjórnarmaður og
framkvæmdastjóri en varamaður
hans í stjórn var og er enn Atli
Finndal Heimisson.
Hraðpeningar er líkt og önnur
hlutafélög skráð í fyrirtækjaskrá og
þar er Jumdon Finance Ltd. skráð
sem eigandi. Samkvæmt upplýs-
ingum frá embætti ríkisskattstjóra
þá er þó engrar staðfestingar leitað
á því að erlend félög sem skráð eru
eigendur að fyrirtækjum sem starfa
hér á landi séu í raun til. Ef félög
setji í ársskýrslu að eignarhald hafi
breyst, líkt og Hraðpeningar gerðu
árið 2011, þá er í raun engin þörf
talin á að leita staðfestingar á
þeirri breytingu.
Minikredit, sem kalla má nokk-
urs konar systurfélag Hraðpeninga
og var einnig í eigu Skorra Rafns
og Jumdon Finance, lagðist af um
leið og breytingar á lögum um
neytendalán sem króatíska þingið
samþykkti tóku gildi í lok ársins
2012. Í umfjöllun á bls.14 er rýnt í
króatíska löggjöf um neytendalán.
Sami maður var framkvæmdastjóri,
stjórnarformaður og prókúruhafi
Hraðpeninga þegar allt hlutafé var
selt til Jumdon Finance. Engin breyt-
ing varð á þeirri tilhögun við söluna.
Morgunblaðið/Golli
ENGAR UPPLÝSINGAR FÁST UM JUMDON FINANCE Á KÝPUR SEM SKRÁÐ ER EIGANDI HRAÐPENINGA. FÉLAGIÐ VIRÐIST EKKI HAFA NEINA STARFSEMI,
TENGILIÐUR ÞESS Á KÝPUR VEITIR ENGAR UPPLÝSINGAR OG FÉLAGIÐ HEFUR EKKI SKILAÐ ÁRSREIKNINGUM Á KÝPUR. HRAÐPENINGAR HAFA EKKI SKIL-
AÐ ÁRSREIKNINGUM HÉR Á LANDI FRÁ 2011 ÞEGAR SAGT VAR AÐ JUMDON HEFÐI TEKIÐ YFIR ALLT HLUTAFÉ. LÖGMAÐUR MANNS SEM HÖFÐAÐ HEF-
UR MÁL Á HENDUR SKORRA RAFNI RAFNSSYNI OG HRAÐPENINGUM SEGIR ENGIN GÖGN LIGGJA FYRIR UM AÐ JUMDON FINANCE SÉ YFIRHÖFUÐ TIL.
Deilur standa yfir fyrir dóm-
stólum um eignarhald Hraðpen-
inga. Einn af stofnendum þess,
Sverrir Einar Eiríksson, hefur
höfðað mál á hendur Skorra
Rafni Rafnssyni og Hraðpen-
ingum ehf. og sakar hann um að
hafa sölsað félagið undir sig með
ólögmætum hætti.
Stefna var lögð fram hinn 26.
júní í fyrra en Skorri Rafn hefur
farið fram á frávísun á þeim
grundvelli að stefna hefði átt
Jumdon Finance Ltd. einnig fyrir
dóminn, en ekki aðeins sér og
Hraðpeningum ehf. Héraðs-
dómur Reykjavíkur tók frávís-
unarkröfuna fyrir hinn 7. janúar
síðastliðinn en úrskurður hefur
ekki verið kveðinn upp.
Lögmaður stefnanda, Skúli
Sveinsson hdl., segir það hafa
reynst ógerlegt að stefna Jum-
don Finance þar sem engar upp-
lýsingar liggi fyrir um félagið.
Ekki sé hægt að stefna félagi sem
er ekki til.
„Lögð er fram áskorun í stefn-
unni um að veittar séu upplýs-
ingar um Jumdon Finance. Þeir
segja að Jumdon Finance sé eig-
andi og það félag sé skráð á Kýp-
ur en hafa hins vegar ekki lagt
fram nein gögn um það félag.
Það liggja í raun engin gögn fyrir
um að þetta félag sé yfirhöfuð
til,“ segir Skúli í samtali við
blaðamann.
Svara engu um
Jumdon Finance
Blaðamaður hefur ítrekað reynt
að ná í Óskar Þorgils Stefánsson,
framkvæmdastjóra og stjórn-
armann Hraðpeninga, og sent
honum tölvupósta með fyr-
irspurnum um eignarhald Jum-
don Finance en engin svör feng-
ið. Varamaður hans í stjórn, Atli
Finndal Heimisson, vísaði á Ósk-
ar þegar blaðamaður náði tali af
honum en vildi sjálfur engar upp-
lýsingar veita um Jumdon Fin-
ance. Sagði að allar fyrirspurnir
yrðu að fara gegnum Óskar.
Ekki hægt að stefna félagi
sem ekki er til
.
Morgunblaðið/Ernir