Morgunblaðið - Sunnudagur - 18.01.2015, Blaðsíða 32

32 MORGUNBLAÐIÐ SUNNUDAGUR 18.1. 2015
Matur og drykkir
V
ið erum vinir sem höfum verið að fara á skíði saman og í fjall-
göngur en upphaflega kynntumst við konurnar í hópnum þegar
við fórum saman í detox fyrir einhverjum árum. Síðan kallaði
Kolla okkur saman í mikla matveislu þar sem matreiðslubókin
góða var kynnt til sögunnar,“ segir Ásdís Olsen um hópinn sem hittist hjá
henni síðastliðið sunnudagskvöld.
Hópurinn hittist að meðaltali einu sinni í mánuði og fyrirkomulagið er á
þann veg að einn tekur að sér að kaupa inn hverju sinni og bjóða heim en
allir hjálpast að við eldamennskuna. Hópurinn hefur tekið miklu ástfóstri
við ákveðna matreiðslubók og er alltaf að elda upp úr henni, einkum
vegna þess að þar er hráefnið og fæðan eins upprunalegt og hægt er en
Ásdís segir að Kolbrúnu Björnsdóttur grasalækni sé afar umhugað um að
allir borði hollt og passar upp á sitt fólk. Bókin sem þau elda upp úr kall-
ast Orð, krydd og krásir eftir Kristínu Þóru Harðardóttur og Sigrúnu
Óskarsdóttur, en uppskriftirnar tengjast fornum tíma, eldaðar í anda tíma
biblíunnar og með sams konar hráefni og var til þá.
„Eldamennskan tekur oft dálítinn tíma og krefst smáundirbúnings. Til
dæmis var byrjað að útbúa jógúrtostinn daginn áður. Oft er því byrjað að
borða svolítið seint en það er ekkert verra, við erum að læra svo mikið og
Kolla hefur verið óspör á að kenna okkur í gegnum tíðina hvernig við
gerum fæðuval okkar hollara og náttúrulegra. Um daginn áskotnaðist
Kollu villtur og þá var fundinn matseðill í bókinni í kringum það. Núna
völdum við veislu gleðinnar, kúrbít og papriku í forrétt, kjúkling í aðalrétt
og í eftirrétt voru fylltar döðlur. Borðahald hefst alltaf á því að lesin er
sagan úr biblíunni sem fylgir matseðlinum. Þetta eru mjög skemmtilegar
samverustundir,“ segir Ásdís og bætir við að það sé oft eitthvað öðruvísi
gert í boðunum.
„Á sunnudaginn fórum við í leik sem ég nota sjálf mjög mikið sem ég
kalla „Hvað var skemmtilegast í vikunni eða í dag?“. Þetta er fastur liður
þegar ég fæ allt liðið mitt í mat og börnin sjá til þess að leikurinn gleym-
ist ekki. Þannig fáum við að heyra af lífi hvert annars og beinum athygl-
inni að því sem er ánægjulegt í lífi okkar og við viljum deila. Þetta er góð
æfing fyrir allan aldur,“ segir Ásdís sem er Mindfulnesskennari hjá Ham-
ingjuhúsinu en hún kennir einnig lífsleikni í Háskóla Íslands.
Ásdís segist vera mikill gestgjafi og hefur mikla ánægju af því að hafa
fólkið sitt í kringum sig. Hún á svokallað „raclette“, sem er grillpanna
sem er stillt á mitt borðið og allir grilla saman mat í sætum sínum; kjöt,
grænmeti og fleira. Ásdís mælir með græjunni fyrir skemmtilegar sam-
verustundir.
Matarklúbburinn nýtur
þess að elda saman og gefa
sér nægan tíma í eldhúsinu.
Dóttir Ásdísar, hún Álfheið-
ur, útbýr sódavatnið.
MATARBOÐ HJÁ ÁSDÍSI OLSEN
Fjallgöngur,
skíði og oft
matur
* Eldamennskantekur oft dálít-inn tíma og krefst
smáundirbúnings.
Til dæmis var byrj-
að að útbúa jógúrt-
ostinn daginn áður.
Oft er því byrjað
að borða svolítið
seint en það er ekk-
ert verra.
ÁSDÍS OLSEN BAUÐ GÓÐUM HÓPI FÓLKS Á HEIMILI SITT Í
GARÐABÆ UM SÍÐUSTU HELGI.
Júlía Margrét Alexandersdóttir julia@mbl.is
JÓGÚRTOSTURINN
2 dósir af lífrænni jógúrt
Setjið jógúrtina í grisju og látið
dreypa af henni í skál í kæli í um sól-
arhring. Þá verður osturinn eftir í
grisjunni.
FYLLTAR DÖÐLUR
Jógúrtosturinn (sjá að ofan)
2 msk. smátt skorinn blaðlaukur
börkur af ½ appelsínu
salt og pipar eftir smekk
24 ferskar döðlur
Blandið blaðlauknum saman við jóg-
úrtostinn. Saltið og piprið eftir
smekk og rífið börk af hálfri appels-
ínu saman við. Best er að nota mjúk-
ar döðlur en þá þarf að taka steininn
úr þeim. Fyllið döðlurnar með 1-2
tsk. af ostinum. Fallegt er að rífa
appelsínubörk yfir áður en rétturinn
er borinn fram.
Döðlur með jógúrtosti
Hjálpast að við að fylla döðl-
urnar með jógúrtostinum.