Morgunblaðið - Sunnudagur - 25.01.2015, Blaðsíða 25

þurft að setja eina mikilvæga
reglu í tímunum. „Ég er að fara í
alls konar fyrirtæki en oftast eru
þetta skrifstofufyrirtæki með
blönduðum kynjum. Það var þarna
ákveðin regla sem reyndist nauð-
synlegt að setja. Það er að míní-
pilsin eru alltaf aftast!“ segir hún
en þessi regla var ekki sett að
ástæðulausu. „Það kom upp atvik,“
grínast hún.
Er gott fyrir okkur að sitja
svona mikið í vinnunni fyrir fram-
an tölvuna?
„Ég held að okkur sé eðlislægt
að hreyfa okkur meira en við höld-
um. Líka þegar við lendum í at-
burðum sem valda okkur streitu
fara ákveðin efni út í blóðið sem
gera það að verkum að við stífnum
upp og líkaminn er að búa okkur
undir annaðhvort að ráðast á eitt-
hvað eða hlaupa í burtu. Við sitj-
um fyrir framan tölvuna og gerum
hvorugt. Það er ekki gott ef lík-
aminn fær ekki að losa sig við
þessi streituhormón. En ákveðin
öndunartækni og hreyfingar hjálpa
okkur aðeins þótt þetta komi ekki
alveg í staðinn fyrir útrásina.“
Hún vill að fólk hreyfi sig til að
fá útrás, ekki af skyldurækni. „Og
leyfi sér að gera það á þann hátt
sem þeir vilja. Sumir vilja dansa,
aðrir rífa í þung lóð og enn aðrir
hlaupa,“ segir hún.
Metabolic er hóptímaþjálfun, æf-
ingakerfi sem unnið er eftir í
stöðvaþjálfun. „Það er gaman að
segja frá því að við vorum einu
sinni með 61 árs mann og 16 ára
strák í sama tímanum og þeir
fengu báðir mikið út úr honum.
Við vinnum vissulega mikið með
lóð og tæki en stærsta æfinga-
breytan er vinnutíminn,“ segir hún
og þannig aðlagar fólk æfingarnar
að sér. „Einn gerir kannski tíu
hnébeygjur en annar fimm eða
þrjár en þeir fá báðir jafnmikið út
úr æfingunni. Það eru ekki allir á
sama stað og það er tekið vel á
móti öllum,“ segir Eygló en líka er
hægt að sækja grunnnámskeið í
metabolic og í hverjum tíma er
boðið upp á tvö erfiðleikastig; fyrir
þá sem eru að byrja og hina sem
eru komnir lengra.
Hún segir að þegar hún byrjaði
í jógakennaranáminu hafi jóga
ekki verið jafnvinsælt og nú. Hún
segir vinsældirnar hafa aukist
mjög með komu „hot yoga“ til
landins. „Það hjálpaði fólki að
skilja að jóga er ekki bara að sitja
í hring og hugsa. Það er rosa mik-
il styrktarþjálfun í jóga en það eru
auðvitað teygjur, hugleiðsla og
slökun líka. Núna er jóga orðið að-
gengilegra og „hot yoga“ höfðar til
nútímafólksins því við fáum að
svitna. Það er svolítill líkamsrækt-
arbragur á þeim tímum. Það nær
fólki inn í salinn en svo þegar það
er komið inn skilur það út á hvað
þetta gengur,“ segir hún en þá
langar fólk oft að læra meira.
Ólík vinna
Óhætt er að segja að vinna Eygló-
ar nú sé ólík bankavinnunni. „Það
er svo gefandi að hjálpa fólki að
ná persónulegum markmiðum
tengdum heilsu og jafnvel fyrir ut-
an líkamsræktarsalinn. Það er auð-
veldara að sjá árangur af því en
tölunum á skjánum. Ég er þannig
að ég verð að fá að sjá hvað verð-
ur úr vinnunni minni. Þessi flækja
í kringum hrunið varð til þess að
ég fann mína ástríðu. Það væri
óskandi að allir elskuðu vinnuna
sína svona mikið. Það skiptir líka
máli upp á hvernig manni sjálfum
líður í vinnunni og hvernig maður
hugsar um hana. Þetta hefur ekki
alltaf verið létt og dagarnir geta
verið langir. Ég byrja daginn
klukkan sex alla daga og suma
daga er ég ekki búin fyrr en
klukkan níu á kvöldin.“
Hún segir Árbæjarþrek hafa yf-
ir sér heimilislegan brag. „Þetta er
svolítið eins og Staupasteinn nema
án allra bjórkrananna! Þetta er
hverfisstöð og það þekkjast allir
með nafni og fólki er heilsað þegar
það kemur inn. Fólk kemur þarna
bara til að drekka kaffi,“ segir hún
þannig að hverfisvitundin er sterk.
„Við þurfum að hlúa að okkur þar
sem við erum.“
* Það er svo gefandi að hjálpa fólki aðná persónulegum markmiðum tengd-um heilsu og jafnvel fyrir utan líkamsrækt-
arsalinn. Það er auðveldara að sjá árangur
af því en tölunum á skjánum.
25.1. 2015 MORGUNBLAÐIÐ SUNNUDAGUR 25
Þó það sé farið að birta af degi eru morgnarnir enn dimmir og því
mikilvægt að muna eftir endurskinsmerkjunum. Með endurskins-
merki sjást börn fimm sinnum fyrr en án merkis. Og reyndar full-
orðnir líka sem ættu að vera góðar fyrirmyndir og nota merki.
Endurskinið bjargar*Sá sem á garð og bókasafnþarfnast einskis frekar.Marcus Tullius Cicero
SEPP
St. 42cm
ED
St. 38cm SAGGO
St. 37cm
OM
St. 35cm
Við borðum
áhyggjurnar þínar!
ÁHYGGJUÆTUR
NÝTT
POLLI
St. 42cm
FLINT
St. 33cm
Fæst í Hagkaup og Elko Lindum www.nordicgames.is
Árni Björn Pálsson er tamningamaður, þjálfari og reið-
kennari. Hann er sigursæll knapi, vann töltið á Lands-
móti hestamanna í fyrra og var einnig sigurvegari Meist-
aradeildar í hestaíþróttum. Hann hampaði töltbikarnum í
þriðja sinn í fyrra á hestinum Stormi frá Herríðarhóli.
Hann var ennfremur kosinn knapi árins 2014.
Íþróttagrein? Hestamennska er alvöru íþrótt, knapar
þurfa að vera líkamlega í formi, þeir þurfa að hafa frá-
bært jafnvægi til þess að geta setið hestinn á mismun-
andi hraða og gangtegundum. Hraði gangtegundanna
fimm getur spannað frá gönguhraða upp 50-60km/klst.
Knapinn verður að vera í jafnvægi til þess að geta fram-
kallað stórar hreyfingar og snerpu hjá hestinum. Gæti
trúað að þetta væri svipað og í dansi, það þurfa báðir að-
ilar að taka þátt. Maður og hestur.
Hvenær byrjaðir þú í hestamennsku? Afi minn og
amma bjuggu í sveit og áttu hesta, þannig byrjaði þetta
allt saman hjá mér. Ég byrjaði að fara á bak með pabba
um fjögurra ára aldur og þá sat ég bara fyrir framan
hnakkinn með honum á hestinum. Ég byrjaði svo fyrir al-
vöru um sex ára og þá var ég farinn að sitja hestinn ein-
samall. Ég keppti fyrst á 17. júní-móti í sveitinni árið
1993, þá 10 ára, síðan þá hafa flest allir mínir dagar snúist
um hesta og þjálfun þeirra.
Hversu miklum tíma eyðir þú í tamningar, þjálfun og
reiðkennslu á viku? Það fer eftir árstímanum, á veturna
byrjar venjulegur dagur hjá mér klukkan 8 á þjálfun á
útvöldum hestum sem ég ætla mér að stilla upp í keppni.
Þegar því er lokið vinn ég með yngri hesta sem er verið
að undirbúa fyrir mismunandi hlutverk. Dagurinn endar
svo um klukkan 19.
Svo þegar sýningartímabilið byrjar á vorin geta dag-
arnir orðið ansi langir. Annars er maður lítið að pæla í
tímanum þegar það er gaman.
Hver er lykillinn að góðum árangri?
1. Reglusemi
2. Þekking á viðfangsefninu
3. Botnlaus ástundun
4. Metnaður
5. Ekki taka
sjálfan sig of
hátíðlega þó svo
að vel gangi. Það
er enginn keppn-
ismaður betri
heldur en síð-
asta keppni sem
hann tók þátt í.
Hvernig er
best að koma
sér af stað? Ef
þú átt ekki hest
en langar að
prufa, þá eru til
hestaleigur þar
sem hægt er að fara á bak
og fá leiðsögn, til dæmis
Íshestar í Hafnarfirði. Ef
þú hefur aðgang að hesti skaltu reyna að komast í tíma
hjá góðum kennara, það er leikur að læra. En umfram
allt að æfa og æfa. Æfingin skapar meistarann.
Ertu almennt meðvitaður um mataræðið? Ég er með-
vitaður um það sem er gott og vont, vel frekar það sem er
gott. Borða samt ekki nammi og drekk ekki gos.
Hvaða óhollusta freistar þín? Neftóbak. Nota það samt
ekki lengur.
Hvað heillar þig mest við hestamennskuna? Nær-
veran við hestana, það að velta fyrir mér leiðum til að
betrumbæta sjálfan mig og hestana mína. Keppni og
undirbúningur fyrir mót. Hestaferðir, ekki til betri leið til
þess að upplifa náttúru Íslands en á hestbaki.
Skemmtilegasta hestaferðalagið sem þú hefur farið í?
Sumarið 2012 fórum við í mjög skemmtilega ferð um
Fljótshlíðina og í kringum Þríhyrning. Skemmtilegustu
leiðirnar eru yfirleitt þær sem bílar geta ekki keyrt, bara
ósnert náttúra allt í kring.
Hvað er svona sérstakt við íslenska hestinn? Ekkert
annað hestakyn í heiminum státar af fimm gangteg-
undum í einum og sama hestinum. Svo er það geðslagið
sem er einstakt, snerpan, dugnaðurinn og krafturinn.
Hver eru algeng mistök hjá fólki við æfingar? Þekking-
arskortur/reynsluleysi knapans. Misskilningur milli
manns og hests. Betra að fara sér hægt og búta mark-
miðið niður í kafla, þannig gerir margt smátt eitt stórt.
Er staða almennrar hestamennsku og hestaíþrótta
góð á Íslandi? Hestamennskan á Íslandi er í blóma, þús-
undir stunda hestamennsku á hverjum degi sér til gam-
ans. Hestamennska er mjög fjölskylduvænt sport vegna
þess að það skiptir ekki máli hvort maður er stór eða
smár, fimm ára eða kominn á eftirlaun, allir geta tekið
þátt og sameinast í hesthúsinu.
Hverjar eru fyrirmyndir þínar? Lít upp til fjögurra aðila
í hestamennskunni sem allir hafa kennt mér vel á sinn
hátt. Annars eru uppáhalds íþróttamennirnir mínir
Ayrton Senna heitinn og Michael Jordan. Mér
finnst gaman að velta fyrir mér hugs-
unarhætti afreksfólks í öðrum
íþróttagreinum. Þess
vegna eru þessir
tveirí uppáhaldi.
KEMPA VIKUNNAR ÁRNI BJÖRN PÁLSSON
Allir geta sameinast í hesthúsinu
Morgunblaðið/Árni Sæberg