Morgunblaðið - Sunnudagur - 25.01.2015, Blaðsíða 40

Tíska *Sarah Jessica Parker, Rihanna og JourdanDunn eru meðal þeirra sem Fendi hefurfengið til liðs við sig til þess að hanna eiginútgáfu af 3Baguette-töskunni í tilefni opnunarFendi-búðarinnar í New York. Töskurnarverða til sýnis í versluninni frá 13. febrúar til13. mars næstkomandi. Þær verða síðan seld-
ar og rennur ágóðinn til góðgerðarstarfs að
vali stjarnanna.
Stjörnur hanna fyrir Fendi
H
ver hafa verið bestu kaupin þín fatakyns? Það er þrennt sem kemur upp í hugann í
fljótu bragði og tengist mismunandi tímabilum í mínu lífi. Grá hettupeysa frá Aber-
crombie síðan á unglingsárunum sem var mikið notuð. All Saints-jakki sem ég á ekki
lengur en græt hann ennþá og svo nú nýlega peysur sem ég keypti í New York, í öll-
um litunum og fer ekki úr þeim.
En þau verstu? Ég var fjórtán ára staddur í Kaupmannahöfn og fannst ég vera mesti tískuprins
sem hægt væri að finna. Fór oft ólíkar leiðir í fatavali á þessum árum en í þessari ferð toppaði
ég sjálfan mig. Bleikfjólubláar kvartbuxur og stutterma ljósbleik skyrta við. Vakna mögulega
ennþá upp við martraðir en hugga mig við að ég var bara unglingur.
Hvað hefurðu helst í huga þegar þú velur föt? Í dag hugsa ég um notagildið og heillast alltaf
enn frekar að þeirri hugmynd að eiga færri flíkur, sem ég nota oftar og gæðin í þeim eru meiri.
Mér finnst óþarfi að eiga sem mest af fötum, heldur njóta þess frekar sem ég á og skipta svo út.
Áttu þér einhvern uppáhaldsfatahönnuð? Það er í raun enginn einn sem er uppáhalds. Þetta
fer í rauninni allt eftir línum hvers tímabils hjá hönnuðum hvort það heilli mann eða ekki. Mað-
ur tekur það besta út hjá hverjum og einum og það er uppáhalds á þeim tíma. En þeir sem
svíkja mann sjaldan eru t.d. eins og Riccardo Tisci og svo er ég alltaf skotinn í Marc Jacobs.
Hvert er þitt eftirlætis tísku-tímabil og hvers vegna? Ég hefði viljað vera uppi á fyrri hluta
19. aldar þar sem formlegur klæðnaður var allsráðandi. Glæsileiki var mikill í fatavali og sniðin
fullkomin. Síðar tvíhnepptar kápur og 3-piece jakkaföt voru hvers manns eign og hattur til þess
að fullkomna heildarstílinn þótti nauðsynlegur. Ég held ég hefði notið mín vel á hverjum degi
uppstrílaður í þessari tísku.
Hvaða þekkta andlit finnst þér með flottan stíl? Jared Leto er fáránlega mikill töffari og með
flottan stíl sem maður tekur vel eftir. Síðan eru það tveir tískubloggarar sem ég hef fylgst með í
mörg ár, annar þeirra er Frakkinn Pelayo Diaz sem heldur úti blogginu katelovesme.net. Síðan
er það Mariano Di Vaio frá Ítalíu sem heldur úti blogginu mdvstyle.com. Þeir tveir eru með stíl
sem ég heillast verulega af og langar í flestallt sem þeir eiga.
Hvar kaupirðu helst föt? Ég ferðast mikið erlendis, og af þeim ástæðum kaupi ég yfirleitt fötin
mín þar. Mér leiðist ekki neitt að ganga um Soho á Manhattan og versla þar. Ég get alltaf verið
öruggur að fá það sem vantar í All Saints eða Topman en ef ég ætla að gera vel við mig þá fer
ég inn í ACNE. Síðan er ég orðinn snillingur í afsláttarbúðunum í Bandaríkjunum og geri oft
mjög góð kaup þar.
Hvernig myndir þú lýsa þínum fatastíl? Svartur. Ég held að mjög margir gangi í gegnum það
tímabil að horfa inn í fataskápinn sinn og þar eru einungis svartar flíkur. Það tímabil er í gangi
hjá mér núna og yngri systir mín telur að ég sé undir áhrifum goth-tískunnar. Það má vel vera,
en ég er sannfærður að öll föt eru flottari í svörtu. Mér finnst þægilegast að vera í gallabuxum,
t-shirt og peysu, fer í leðurjakka og set á mig trefil og þá er ég góður. Þetta þarf ekki að vera
flókið og með árunum kann ég frekar að meta þægindin í fötunum.
Áttu þér uppáhalds flík? Ég átti uppáhalds leðurjakka en seldi hann fyrir stuttu. Var búinn að
vera of duglegur í ræktinni og hann passaði ekki lengur. Hinsvegar mun ég eignast mína uppá-
haldsflík mjög fljótlega, er búinn að vera með augastað lengi á biker-leðurjakka frá merkinu
Boda Skins, sem er breskt merki. Þangað til hann kemur í hús er gömul peysa af pabba enn
uppáhalds flíkin mín.
Hvað heillar þig við tísku? Það sem heillar mig mest við tískuna er fjölbreytileikinn. Við erum
öll mismunandi, með ólíkan smekk og þannig verður tískan áhugaverð. Mér finnst heillandi þeg-
ar tískan er ekki tekin of alvarlega né sett mikil pressa á að fara eftir ákveðni bylgju. Mér
finnst iðnaðurinn í heild sinni spennandi og hönnuðir óhræddir við að fara nýjar leiðir við út-
færslur á sköpunargáfu sinni.
TÍSKUIÐNAÐURINN Í HEILD SINNI SPENNANDI
Morgunblaðið/Eggert
Föt eru flottari
í svörtu
EYJÓLFUR GÍSLASON, FJÖLMIÐLAFULLTRÚI REYKJAVÍK FASHION FESTIVAL,
HEFUR MIKINN ÁHUGA Á TÍSKU OG SEGIST HANN HEILLAST AF FJÖL-
BREYTILEIKANUM SEM TÍSKUHEIMURINN HEFUR UPPÁ AÐ BJÓÐA.
Sigurborg Selma Karlsdóttir sigurborg@mbl.is
Eyjólfur Gíslason kaupir
föt yfirleitt erlendis og
segir Sohohverfið á
Manhattan í miklu
uppáhaldi.
Leikarinn Jared
Leto er ávallt
flottur til fara.
Verk fatahönn-
uðarins Marc Ja-
cobs er í miklu
eftirlæti hjá Eyjólfi.
Eyjólfur er lengi búinn að
hafa augastað á biker-
leðurjakka frá merkinu
Boda Skins.
Ítalski fatahönnuðurinn
og yfirhönnuður Gi-
venchy Riccardo Tisci
er sérlega hæfileikaríkur.
AFP