Morgunblaðið - Sunnudagur - 25.01.2015, Blaðsíða 45
25.1. 2015 MORGUNBLAÐIÐ SUNNUDAGUR 45
Það er ýmislegt íslenskt sem hefur
slegið í gegn í Katar.
Fyrir nokkrum árum spilaði fyrr-
verandi fyrirliði Íslands í handbolta,
kempan Ólafur Stefánsson, með
úrvalsdeildarliðinu Lekhqiya Sports
Club í Katar. Árið 2013 var Ólafur
valinn besti leikmaður úrvalsdeild-
arinnar en hann vann bæði deild og
bikar með liði sínu.
Þá má geta þess að árið 2007
naut íslenska hljómsveitin Dikta
einhverra hluta vegna mikilla vin-
sælda í Katar. Lag hljómsveitar-
innar, „Break-ing The Waves“,
komst í fjórða sæta katarska rokk-
smáskífulistans og var á listanum í
margar vikur. Lagið er af plötunni
Hunting for Happiness sem kom út
í Bretlandi.
Hljómsveitin Dikta sló í gegn í Katar sem og Ólafur Stefánsson handboltamaður.
Morgunblaðið/Árni Sæberg
Íslenskur handbolti og
hljómsveit í Katar
Morgunblaðið/Ómar
Eins og komið hefur
fram í fjölmiðlum síð-
ustu árin hefur
Dorrit Moussaieff
forsetafrú góð tengsl
og vináttu við hátt-
sett fólk í heimi við-
skipta og listalífs. Haustið
2008 kom fram í
Morgunblaðinu að ein
nokkurra eiginkvenna emírsins í
Katar, Sheikha Mozah, væri góð
vinkona Dorritar. Árið 2008
sótti Dorrit ráðstefnu um mál-
efni barna með sér-
þarfir og var þar í
boði Sheikha Mozah.
Þá komst vinskapur
Ólafs Ólafssonar
kaupsýslumanns og
bróður emírsins, sjeik
Mohammed Bin Khalifa
Al-Thani, eins og frægt er
orðið einnig í fréttirnar.
Þeir kynntust í gegnum
sameiginleg áhugamál og hafa
meðal annars stundað veiðar
saman í Afríku.
Dorrit Moussaieff á vináttu fólks út um allan heim, enda hlýleg og gefandi.
Morgunblaðið/Kristinn
Íslenskir vinir
háttsettra í Katar
Ólafur Ólafsson
á vini í Katar.
Ólafur B. Schram deildi skemmti-
legri sögu á facebooksíðu sinni sem
Sunnudagsblað Morgunblaðsins
fékk leyfi til að birta brot úr:
„Ég bjó á Álftanesi á þessum tím-
um. Ég var einlægur aðdáandi Kven-
félagsins og mætti galvaskur á öll
þorrablótin. Forsetanum er venju-
legast boðið á hófið og eftir 1980
var það Vigdís. Einatt var ég settur
sem borð- og dansherra hennar,
kannski vegna danskennslustunda
úr fundarhúsinu á Hofi í gamla daga,
veit það ekki.
Ég segi frá þessu hér því upp úr
þessu varð til vinskapur okkar Vig-
dísar, konu sem ég dái frekar en all-
ar aðrar konur.
Eitt sinn í almennu rabbi sagði
hún mér skondna sögu er varðaði
utanríkismál og snertir einmitt Kat-
ar. Katar öðlaðist sjálfstæði 1971 og
þeirra þjóðhöfðingi var afi þess sem
nú er þar þjóðhöfðingi. Hét hann
Khalifa Bin Hamad al Thani. Sonur
hans, Hamad Bin Kahlifa Al Thani
(kallaður Hamad hér eftir) er sá
sem viðkemur þessari sögu, en son-
ur hans Tamin Bin Hamad Al Thani
tók svo við 2013.
Katar hafði verið bresk nýlenda
en við sjálfstæðið 1971 voru heima-
menn alls ókunnir í samskipta-
málum sjálfstæðra ríkja. Hamad
þessi lærði í Bandaríkjunum og á
námsárum sínum flaug hann einatt
einkaþotu milli heimsálfa. Þetta árið
ætlaði hann um Evrópu og sam-
kvæmt flugáætlun þyrfti að milli-
lenda í Keflavík, taka eldsneyti og
hugsanlega hvíla áhöfn.
Þetta þótti Hamad spennandi og
ræddi við Kahlifa pabba sinn. Þeir
urðu ásáttir um að sonurinn heils-
aði upp á þjóðhöfðingja þessa litla
sjálfstæða eyríkis, bæri kveðjur frá
Katar til forsetans. Haft var sam-
band við breska sendiráðið á Íslandi
og falast var eftir móttöku á Bessa-
stöðum. Keypt var gjöf til að færa
forseta Íslands. Allt gekk þetta upp
og prinsinn var sóttur út á völl og
ekið að Bessastöðum.
Hann gekk inn og þar stóð Vigdís
til að heilsa, rétti fram höndina.
Prinsinum var hvellt við, hafði ekki
búist við kvenmanni sem forseta og
fyrir trúarsakir getur prinsinn ekki
tekið í hönd á konu. Verður þetta
heldur vandræðalegt en málin eru
leyst með milligöngu breska sendi-
herrans.
Vegna þjóðarstolts talaði prinsinn
bara arabísku og hafði því verið
fenginn túlkur til að snara yfir á
ensku. Vigdís vissi af þessu og hafði
því túlk sér við hlið til að þýða ensk-
una yfir á íslensku. Hún gat ekki ver-
ið minni manneskja en gesturinn.
Var svo gengið til stofu. Þar kom
að ávörp voru flutt og komu að-
stoðarmenn prinsins með gjöf til
forsetans og réttu prinsinum þegar
hann flutti sína ræðu. En þá kom
babb í bátinn. Honum var það fyrir-
boðið að gefa konu gjöf. Trúin leyfir
það ekki.
Var þetta hið vandræðalegasta
mál og hann afsakaði sig, enda
menntaður á Vesturlöndum og
skildi vandamálið frá báðum hliðum
en vildi hafa sína trúarreglur í heiðri.
Vigdís sagði mér að þá hafi henni
dottið það snjallræði í hug og nefndi
við prinsinn að hann skyldi bara gefa
þessa gjöf sínum túlki.
Sá gæti svo gefið gjöfina íslenska
túlkinum, sem gæfi henni síðan
þessa gjöf. Þannig væri sneitt
framhjá öllum vandamálum.
Þetta gekk eftir og allir brostu.
Vigdís opnaði gjöfina og upp úr
pakkanum kom arabískt sverð, egg-
vopn. Nú vönduðust málin því á Ís-
landi taka menn ekki við eggvopnum
að gjöf, fyrir þau þarf að borga.
Fór Vigdís og sótti 10 krónur og
rétti prinsinum. Hann hélt nú ekki,
hann gæti ekki tekið við peningum
frá kvenmanni.
Gaf þá Vigdís sínum túlki 10 krón-
urnar, sem gaf arabíska túlkinum
þær sem aftur gaf þær prinsinum.
Svona leysti Vigdís öll mál, með
ráðahyggju og hyggjuviti.“
Emírinn fékk tíkall frá Vigdísi
Ólafur B. Schram segir frú Vigdísi Finnbogadóttur hafa leyst vel úr vand-
meðförnum samskiptum við arabíska höfðingjasoninn, með hygguviti sínu.
Morgunblaðið/Ómar
Maðurinn sem Al Thani-málið snerist allt um, Mohammed Bin Khalifa
Al-Thani, hefur komið víða við og kemst aftur og aftur í fréttirnar og
ekki bara hérlendis.
Þannig lagði opinber fjárfestingarsjóður Katar, sem stýrt er af
sjeiknum, sportbílaframleiðandanum Porsche til fimm milljarða evra í
hlutafjáraukningu árið 2009 samkvæmt frétt Reuters. Þá hefur
sjóðurinn einnig keypt skipasmíðastöðvar í Póllandi svo fátt eitt sé
nefnt sem ratað hefur í fréttirnar.
Al Thani-fjárfestirinn
kemur víða við
Mánuði eftir hina opinberu heimsókn ráðamanna í
Katar til Íslands bauðst fjárfestingarsjóðurinn QIA
með forsætisráðherra Katar sem stjórnarformann til
að kaupa fimmtungs hlut í Kaupþingi og staðgreiða.
Kaupþingsmenn höfnuðu tilboðinu. Aðilar hittust aftur
í ágúst til að fara enn einu sinni yfir málið en stuttu síð-
ar féllu íslensku bankarnir.
Bróðir emírsins, Mohammed Bin Khalifa Al Thani,
kom síðar við sögu í einu umfangsmesta efnahags-
brotamáli hjá sérstökum saksóknara. Varðaði það
kaup Q Iceland Finance, eignarhaldsfélags hans, á um
5% hlut í Kaupþingi. Grunur lék á að þau kaup hefðu
verið sýndarviðskipti.
Þetta mál kemur til kasta Hæstaréttar núna í lok
þessa mánaðar en dómur féll í málinu í héraðsdómi
fyrir rúmum mánuði þar sem fyrrverandi stjórnar-
formaður Kaupþings, Sigurður Einarsson, fyrrverandi
forstjóri Kaupþings, Hreiðar Már Sigurðsson, fyrrver-
andi forstjóri Kaupþings í Lúxemborg, Magnús Guð-
mundsson, og Ólafur Ólafsson, hluthafi í Kaupþingi
fyrir fall hans, voru dæmdir til fangelsisvistar fyrir
markaðsmisnotkun.
Fyrirtaka Al-Thani málsins í héraðsdómi á dögunum en málið kemur til kasta Hæstaréttar Íslands bráðlega.
Morgunblaðið/Ómar
Umfangsmesta efnahagsbrota-
málið tengist Katar