Morgunblaðið - Sunnudagur - 25.01.2015, Blaðsíða 57
Homage í sólbaði er heiti verksins þar sem elskendur Chagalls svífa yfir systrunum í sólbaði með
eiginmönnunum. Í forgrunni er nakin kona úr málverki Manets frá 1862, Le Déjeuner sur l’herbe.
Í þessu verki, Homage með önd, vinna systurnar með þekkt málverk eftir David Hockney.
útrás fyrir stríðnina í okkur í verkunum.“
Svanhildur tekur undir að þær sjái oft
margar tengingar eftirá.
– En þið getið ekki neitað því að það er
mikill húmor í þessum verkum.
„Það er þá algerlega óvart“ segja þær
stríðnislega og vilja sverja það af sér.
– Sum verkin eru býsna einföld, hér er
nærmynd af fæti og lökkuðum nöglum.
„Það er litapæling í þessu en svona var
þetta,“ segir Svanhildur. „Svo er annað, að
dreyma vatn er fyrir veikindum.“
„Það er alveg klassískt, ég þekki það vel,“
tekur Sara undir með systur sinni.
Í taugarnar á hvor annari
En hvernig skyldu systurnar vinna? Raða
þær saman því sem á að fara á myndflötinn
áður en þær byrja að mála, og mála svo hlið
við hlið á sama strigann?
„Já. Við gerum allt saman. Við dælum í
tölvu ógrynni af myndum og setjumst svo
öðru hvoru yfir það, förum í Photoshop og
klippum til hluti sem passa saman, leikum
okkur með þetta fram og til baka. En stund-
um gerum við líka klippimyndir upp á gamla
mátann,“ segja þær. „En þetta eru allt upp-
haflega klippimyndir. Við grisjum þetta smám
saman þar til eftir standa nokkrar tillögur.
Verkin fara oft í allt aðra átt en við ætluðum,
þau taka okkur með sér. Þá fer tími í að raða
myndefninu saman og við spáum heilmikið í
myndbyggingunni, litnum og samspilinu þar á
milli.
Við erum líka furðu sammála um hvað virk-
ar og hvað ekki.“
Svanhildur segir það í raun ótrúlegt hvað
þær séu sammála um verkin.
„Já, því við erum rosalega ólíkar og eigum í
raun alls ekki skap saman,“ segir Sara. „Fyrir
utan þetta. Annars erum við oft frekar pirr-
aðar hvor á annarri.“
„Já, við förum oft í fínustu taugarnar á
hvor annarri og þurfum þá að passa okkur, en
ekki í þessu,“ segir Svanhildur þá.
„Þegar við vinnum að þessum myndum er-
um við eins og ein manneskja, það er ekki
eðlilegt!“ Þær hlæja.
– En málið þið myndirnar af ykkur sjálfar
eða hvor aðra?
„Við gerum alltaf sjálfsmyndir. Við eigum
alveg eftir að prófa að snúa því við.
Nú blóðlangar okkur til Rómar í haust,“
segja þær svo þegar spurt er um næstu skref.
„Í innblástursferð. En mennirnir okkar vita
það ekki enn, þeir verða bara að lesa það í
Mogganum…“
„Ég fékk hjartastopp og hreinlega andaðist,“ segir Sara þegar spurt er um málverkið Hjartastopp sem þær Svanhildur standa við.
Morgunblaðið/Einar Falur
25.1. 2015 MORGUNBLAÐIÐ SUNNUDAGUR 57
Unnendur forvitnilegra kvik-
mynda ættu að skondra í
Háskólabíó næstu daga þar
sem fram fer Frönsk kvik-
myndahátíð. Tíu kvikmyndir verða
á skjánum, flestar nýjar en einnig
eldri myndir og klassískar.
2
Fjöldi listamanna frá Vest-
mannaeyjum stígur á svið á
veitingastaðnum Spot á
laugardagskvöld, á hinu ár-
lega Eyjakvöldi. Fram koma hin sí-
vinsæla hljómsveit Logar, Dans á rós-
um, Bjartmar Guðlaugsson og
Birgir Haraldsson, söngvari Gildr-
unnar og Gullfoss.
4
Sýningar standa yfir á hinni
fínu uppfærslu Borgarleik-
hússins á Dúkkuheimili Ib-
sens. Aðstandendur taka
þetta klassíska verk forvitnilegum
tökum og gaf rýnir Morgunblaðsins
uppfærslunni fjórar stjörnur.
5
Um helgina lýkur í Listasafni
Reykjavíkur, Hafnarhúsi,
tveimur áhugaverðum mynd-
listarsýningum sem full
ástæða er til að hvetja listunnendur
að missa ekki af. Sýning Sirru Sig-
rúnar Sigurðardóttur nefnist
„Flatland“ en sýning hins austurríska
Günter Damisch „Veraldir og vegir“.
3
Á dagskrá Heimilislegra
sunnudaga á Kex Hosteli
klukkan 13 á sunnudag verður
leikandi létt fjölskyldu-
skemmtun þar sem verður boðið
uppá lauflétt leiklistarnámskeið. Um-
sjón með því hafa Agnar Jón Egils-
son og María Heba Þorkelsdóttir.
MÆLT MEÐ
1