Reykjalundur - 01.06.1951, Blaðsíða 13
skoðun næstu árin, meðan mest hætta er á að
smitunin valdi sjúkdómi.
I öðru lagi: Smit má e. t. v. rekja til ætt-
ingja, vinar eða samverkamanns, sem hann
hefur umgengist frá því síðasta skoðun var
framkvæmd, og finna þannig nýjan berkla-
sjúkling.
Annar aðalþáttur í starfsemi berklavarna-
stöðvanna er eftirlit með fyrrverandi berkla-
sjúklingum, og þeim sem eru ekki fullbata,
en ljúka meðferð sinni í heimahúsum.
Nú á dögum, þegar bati sjúklinga er að-
eins að litlu leyti ráðinn af líðan þeirra og
útliti, heldur miklu fremur eftir myndum
af lungum þeirra og öðrum öruggum rann-
sóknum, þá er það að verða æ sjaldgæfara
að þeir veikist aftur eftir að þeir eru taldir
vinnufærir. Slíkt hlýtur þó alltaf að koma
fyrir öðru hvoru. Þeim er því ómetanlegt
öryggi að því, að samvizkusamlega sé fylgzt
með heilsufari þeirra, svo nýjar breytingar
í lungum finnist snemma og á læknanlegu
stigi. Þetta er einnig mikið öryggi fyrir
vinnuveitendur, sem ráða fyrrverandi sjúkl-
ing til starfa, svo og samverkafólk þeirra og
fjölskyldur.
Loks vil ég geta stuttlega fjölmennasta
hópsins, sem kemur á berklavarnastöðina,
þeirra sem enga bólgu eða bris hafa í lung-
um. Margir eru sendir af heimilislækni sín-
um, aðrir koma af eigin hvötum vegna und-
anfarandi lasleika, oftast kvefs eða bron-
kítis. Meðferð við þeim kvillum gefa læknar
berklavarnastöðvarinnar ekki, — aðeins það
öryggi, að sjúklingurinn hafi ekki berkla eða
aðra bólgu í sjálfum lungunum, er hann
kemur til skoðunar. Heimilislæknirinn
stundar sjúklinginn að öðru leyti, með hlið-
sjón af upplýsingum frá lækni stöðvarinnar.
Þótt ekki sjáist bólga í lungum manns við
röntgenskoðun, þá má samt ekki ofmeta slíkt.
Hann getur fengið lungnabólgu innan fárra
daga, eða berkla innan fárra vikna, eða enn
aðrir sjúkdómar geta verið í uppsiglingu.
Svo að ef alvarleg sjúkdómseinkenni haldast
lengi, eða önnur bætast við, þá er þörf að
leita nýrrar skoðunar hjá heimilislækninum
eða berklavarnastöðinni.
Reykjalundur
SIGVALDI ÞORSTEINSSON frd Upsum:
Skurejfri.
Innst við skyggðan Eyjafjörð
ert þú bærinn vona minna.
Þegar vetrar veðrin hörð
valda tjóni á fósturjörð,
f jöllin há þá halda vörð
um heill og gæfu barna þinna.
Innst við skyggðan Eyjafjörð
ert þú bærinn vona minna.
Út við hafið hefur völd
herðaþrekinn Kaldbakstindur.
Hyggur hann um ár og öld
á okkar morgna okkar kvöld,
þó að oft sé kveðjan köld,
sem kveður við hann Norðanvindur.
Út við hafið hefur völd
herða þrekinn Kaldbakstindur.
En í suðri á Súlutind,
sólin töfra skikkju breiðir.
Úr háa loftsins hreinni lind
horfir ’ann á okkar synd.
Kastar frá sér köldum vind.
Kallar á oss, hugann seiðir.
En í suðri á Súlutind
sólin töfra skikkju breiðir.
Akureyri! Eflaust hún
óskir beztar hlýtur mínar.
Unir vel á brekku brún.
Þá blómgvast lundur, grænka tún.
Og sjóinn gyllir geisla rún.
Glóey hlý við rætur þínar.
Akureyri! Eflaust hún,
óskir beztar hlýtur mínar.
Bærinn kæri öll þín ár
engill vona gæfu krýni.
Verndi þig alltaf himinn hár,
höpp þér færi aldinn sjár,
snúi burtu feigð og fár,
þér friðarboginn yfir skíni.
Bærinn kæri! öll þín ár
engill vona gæfu krýni.
11