Reykjalundur - 01.06.1951, Blaðsíða 17

beinast mjög að þeim. Mikilvægt er að vel
takist til um atvinnuval þeirra, svo að bati
sá, er fengizt hefur, haldizt og sjúkdómur-
inn taki sig ekki upp.
Augljóst er, að námið hlýtur að miðast
við þær atvinnugreinar, sem fyrir hendi eru.
Berklasjúklingar verða, margir hverjir, að
fara mjög varlega með sig af ýmsum ástæð-
um. Loftbrjóstaðgerð, ígerð í brjósthimnu,
rifjaskurður með fylgikvillum eða hægfara
bati án aðgerða krefjast nákvæms eftirlits
og mikillar varúðar, en þrátt fyrir það ætti
að vera hægt að nota einhvern hluta tím-
ans, sem sjúklingurinn er að ná sér eftir
veikindin til að búa hann undir eitthvert
starf.
Nútíma sálfræðingar, er leiðbeina við
atvinnuval, telja þol og líkamsburði ein-
staklingsins, ásamt varanlegum áhuga, það
er mestu máli skiptir.Þar af leiðir, að leið-
beiningarnar mega ekki vera flausturslegar.
Hvern einstakling þarf að rannsaka af mestu
nákvæmni og ganga úr skugga um, að hvorki
líkamleg né andleg veila geri honum ókleift
að vinna ákveðin störf.
Við heilsuverndarstöðina í Stokkhólmi
höfum við í sex ár starfað að þessum málum
á þann hátt, er hér hefur verið lýst, og
teljum við þetta hafa reynst vel og borið
mikinn árangur. Stofnunin leiðbeinir fólki
við atvinnuval og leysir það verk af hendi
eins vel og mögulegt er. Þar fæst ekki að-
eins úr því skorið hvort einstaklingurinn
er fær um að vinna einhver ákveðin verk-
smiðju eða iðnaðarstörf heldur einnig and-
leg störf og hverskonar nám.
Arum saman hafa bær og ríki lánað
öryrkjum fé til stofnunar fyrirtækja,
t. d. blómaverzlana, vefnaðarvöruverzlana,
smærri iðnfyrirtækja o. s. frv. Reglan um
stuðning til sjálfsbjargar er því orðin að
veruleika og hefur gefið góða raun.
Einnig hefur verið hafizt handa um að
veita félagslega aðstoð. Einstaklingum er þá
hjálpað við lausn þjóðfélagslegra vanda-
mála og einnig einkamála. Við það starf
vinnur maður, er ferðast á milli hælanna
og kynnir sér hvaða mál þar bíða úrlausn-
ar og hefur einnig ákveðna viðtalstíma fyr-
ir þá, er þess óska. Allt starf hans er unnið
í samráði við læknana og með samþykki
þeirra.
Oft valda ýmsar áhyggjur kvíða og ör-
yggisleysi, sem síðan veikir taugakerfið og
spillir batahorfum sjúklinganna. Störf þessa
manns — félagsráðgjafans — eru einmitt í
því fólgin, að aðstoða þetta fólk, svo að það
geti á ný litið björtum augum á framtíðina.
Ég hef hér í stuttu máli reynt að skýra í
hverju félagsleg aðstoð er fólgin og hvernig
bezt er að vinna að henni, bent á hversu
mikilvæg aðstoð við stöðuval er, og sýnt
fram á, að allt er þetta liður í félagslegum
lækningum.
S. í. B. S. hefur hlotið verðskuldaða við-
urkenningu bæði í hinum gamla og nýja
heimi. Það hefur með starfi sínu rutt nýj-
ar brautir í heimi læknavísindanna og skap-
að sér sérstöðu.
Veitið sambandinu nú aðstöðu til að starfa
einnig að þessum málum, svo að vinnugeta
öryrkjanna verði nýtt eins vel og kostur er.
JÓN ÚR VÖR:
Nýársljóð í stríðsgróða
Nú þakka ég guði hin gengnu ár,
og gleðilegt nýár býð ég þér,
mitt heiðríkjuland, mín heiðna þjóð,
sem kaupir þér grið fyrir gull og tár,
en gleymir að lífið er stríð og blóð.
Og enn bíður þú eins og þjóðleikhús
í þagnarfjötrum til síðsta dags,
sem hernumið land, sem heimur í skuld
við hetjur, sem þorðu að deyja strax,
sem vissu að gullsins gengi er valt,
að greiða verður sá þúsundfalt,
er stelur úr framtíðar frelsisins sjóð.
Þeim einum er gleymskan og gröfin mjúk,
sem guldu hugsjónum líf sitt allt.
1944
Reykjalundur
15