Reykjalundur - 01.06.1951, Blaðsíða 45

Brostnir hlekkir.
Valgerður Sigurðardóttir.
F. 5. nóv. 1918. D. 19. júní 1951.
Þau fáu minningarorð, sem hér eru skráð
um ungfrú Valgerði Sigurðardóttur, munu
aðeins fjalla um síðasta þáttinn í lífi henn-
ar, sjúkdómsárin í heilsuhæli og starf henn-
ar, sem félaga í S. í. B. S., rituð fyrir hönd
hinna mörgu vina hennar og aðdáenda.
I aprílmánuði 1943, er Valgerður var 25
ára að aldri, sýktist hún af berklaveiki og
innritaðist í Vífilsstaði. Hún hafði þá ný-
lokið námi í klæðskeraiðn og bjó sig til
utanfarar að frekara námi; að ráði þeirra,
sem gjörla þekktu hagleiksgáfu hennar.
Draumurinn um utanför varð að víkja
fyrir von um endurheimt heilsu, en sú von
brást. Hún átti ekki afturkvæmt af sjúkra-
húsi.
Dvöl Valg'erðar að Vífilsstöðum var ekki
athafnalaus bið eftir að úr réðist um örlög
hennar, enda var slíkt ekki að hennar skapi.
Hugurinn var ríkur af áhugamálum og
hendur hennar sívinnandi að gerð listrænna
muna, sem um ómælda tíð munu geyma
minningu um listagáfu hennar og furðulegan
hagleik.
Valgerður tók mikinn þátt í félagslífi
sjúklinga. Kenndi fatasnið, við námsflokka
Vífilsstaða, með frábærum árangri, meðan
heilsa leyfði. Þáttur hennar í kennslunni
var talinn hagnýtari fyrir sjúklinga en aðrar
greinar námsins og var þó jafnan góðra
kennara völ, þar á staðnum. Þrjú ár var
hún í stjórn félagsins Sjálfsvörn og sat á
þingi S. í. B. S. árún 1946—’48 og ’50. Hún
lagði og gjörva hönd að frágangi sýningar
á listmunum, gjörðum af berklasjúklingum,
sem haldin var í Reykjavík árið 1949. Munir
hennar vöktu sérstaka athygli og þóttu bera
af um listgildi.
Valgerður heitin var fríð kona sýnum og
fyrirmannleg í fasi, en þó ljúf í viðmóti.
Skapgerð hennar brotalaus, menntun víð-
tæk, gáfur fjölþættar og nýtar.
Enn á ný hefur hvítadauðanum á undan-
haldi sínu, tekizt að valda lítt bærri sorg'
í íslenzkri fjölskyldu og valdið þjóðinni
óbætanlegu tjóni.
Mál er að hermdarverkum hans linni.
Mál er að sigrast á þjóðarböli.
RICHARD KRISTMUNDSSON,
læknir.
Richard Kristmundsson, læknir að Krist-
neshæli, lézt þar á staðnum 7. sept. s. 1.
Richard hefur um ára bil staðið framarlega
í samtökum berklasjúklinga og mun hans
nánar getið síðar, í þessu riti.
Reykjalunpur
43