Morgunblaðið - 02.02.2015, Blaðsíða 2

2 FRÉTTIRInnlent
MORGUNBLAÐIÐ MÁNUDAGUR 2. FEBRÚAR 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Fálki þessi, sem ljósmyndari rakst á við Kerling-
ardalsá skammt austan við Vík í Mýrdal, hafði
vart tíma til að líta upp í myndavélina, svo ein-
beittur var hann að því að rífa í sig gulönd sem á
vegi hans hafði orðið. Fálkinn, sem hefur verið
alfriðaður hér á landi frá árinu 1940, nærist
mest á rjúpu en fálkar sem lifa nærri sjó veiða
sér gjarnan sjófugla. Fálkinn er staðfugl á Ís-
landi en talið er að hér verpi 300 til 400 pör.
Fálkinn fúlsar ekki við gulönd
Ljósmynd/Þórir N. Kjartansson
Svangur fálki við Kerlingardalsá skammt austan við Vík í Mýrdal
Guðni Einarsson
gudni@mbl.is
Jón Gunnarsson, þingmaður Sjálf-
stæðisflokksins og formaður at-
vinnuveganefndar, kvaðst í gær
eiga von á að 1. umræðu um frum-
varp iðnaðar- og viðskiptaráðherra
um náttúrupassa lyki fljótlega.
Frumvarpið er á dagskrá Alþingis í
dag.
Þá fer málið til atvinnuvega-
nefndar og verður sent til umsagn-
ar hjá hagsmunaaðilum. Jón taldi
víst að margir myndu koma á fram-
færi athugasemdum og tillögum um
úrbætur. Hann kvaðst frekar eiga
von á því að meirihluti atvinnuvega-
nefndar mundi gera nokkrar breyt-
ingartillögur varðandi frumvarpið.
„Ráðherrann
hefur svo sem al-
veg opnað fyrir
það í umræðunni,
að hún sé ekkert
ósátt við að gerð-
ar verði einhverj-
ar breytingar á
málinu í meðför-
um þingsins,“
sagði Jón. Fram
hefur komið að þingmenn, bæði úr
stjórnarliði og stjórnarandstöðu,
hafi ýmislegt við frumvarpið að at-
huga. Jón sagði að frumvarpið hefði
á sínum tíma verið afgreitt úr þing-
flokki Sjálfstæðisflokksins með
ákveðnum fyrirvörum nokkurra
þingmanna. Sama hefði verið uppi á
teningnum í þingflokki Framsókn-
arflokksins. Hann sagði að það
hefði því lengi verið ljóst að skiptar
skoðanir væru um frumvarpið, jafn-
vel innan stjórnarliðsins.
Jón kvaðst vera viss um að ein-
hver leið yrði fundin til að inn-
heimta gjald til að stuðla að vernd
náttúru landsins og uppbyggingu
og viðhaldi ferðamannastaða.
Áhyggjur af umsýslukostnaði
„Ágreiningurinn snýst ekki um
gjaldtökuna sjálfa heldur um
aðferðafræðina,“ sagði Jón. „Ég tel
að það sé almenn sátt um að það
þurfi að fara fram innheimta til
þess að fá fjármagn til að geta
byggt frekar upp ferðamannastaði
og eins til að búa betur um hnútana
þar sem þörf er á. Það virðist líka
vera almenn sátt um það hjá hags-
munaaðilum í ferðaþjónustu.“
Jón sagði að ýmsar hugmyndir
hefðu verið nefndar í þessu sam-
bandi. Hann nefndi t.d. gistinátta-
gjaldið en kvaðst ekki vera viss um
að það væri rétta leiðin. Þá kæmu
fleiri leiðir til greina. Jón kvaðst
telja mikilvægt að atvinnuvega-
nefnd fyndi leið sem gæti leitt til
víðtækari stuðnings við öflun fjár til
uppbyggingar ferðamannastaða.
Hann kvaðst hafa haft áhyggjur
af því að með þeirri aðferð sem
kynnt er í frumvarpinu yrði um-
sýslukostnaðurinn of mikill. Reikn-
að er með því í frumvarpinu að
kostnaður við rekstur náttúrupass-
ans verði ekki meiri en 3,5% af
tekjum.
Greinir ekki á um gjaldtöku
 Formaður atvinnuveganefndar býst við að nefndin fái brátt frumvarp um nátt-
úrupassa til meðferðar  Á von á að málið taki breytingum í meðförum þingsins
Jón Gunnarsson
Benedikta Br. Alexandersdóttir
benedikta@mbl.is
Félagar í Sjúkraliðafélagi Íslands
(SLFÍ) samþykktu í síðustu viku tvo
kjarasamninga
hjá ríkissátta-
semjara. Annars
vegar við Múla-
bæ/Hlíðabæ og
hins vegar við
FAAS, Félag
áhugafólks og að-
standenda Alz-
heimerssjúkl-
inga. Boðað
verkfall sem átti að
hefjast á morgun hjá Múlabæ/-
Hlíðabæ hefur því verið blásið af.
Samningarnir gilda til 30. apríl þeg-
ar þeir verða aftur lausir eins og aðr-
ir samningar sjúkraliða. Kristín Á.
Guðmundsdóttir, formaður SLFÍ, er
ekki vongóð um að kjarasamningar
náist fyrir enda aprílmánaðar þegar
núverandi samningar falla úr gildi.
„Við vitum ekki hvað framtíðin ber í
skauti sér en ég efast um að samn-
ingar náist fyrir enda apríl. Ég er
sannfærð um að það á allt eftir að
loga hérna miðað við hljóðið í at-
vinnurekendum,“ segir Kristín.
Þá telur hún að reynt hafi á þolin-
mæði sjúkraliða til hins ýtrasta og
það gæti ýtt undir átök í komandi
kjaraviðræðum. „Það er alveg ljóst
að sjúkraliðar telja sig hafa setið
verulega eftir í samningum við stofn-
anir og ríkið í ljósi þeirra samninga
sem hafa verið gerðir á undanförn-
um mánuðum við kennara, lækna og
aðra,“ segir Kristín. Þá segir hún
sjúkraliða horfa sérstaklega til
samninga við lækna í komandi kjara-
viðræðum. „Það eru ekki bara
læknar sem hverfa héðan af landi
brott vegna lélegra launa því það er
alveg sama hvar borið er niður varð-
andi starfsstéttir í heilbrigðisgeiran-
um. Það er eitt að ætla að halda stöð-
ugleika hér á landi með því að reyna
að semja af skynsemi en það þýðir
ekkert að leita eftir því að við milli-
stéttarfólkið, eða þeir með lægstu
launin, eigum að halda uppi kerfinu,“
segir Kristín.
Dreggjarnar af síðasta ári
Þrátt fyrir þetta segir Kristín fé-
lagsmenn ánægða með nýjustu
samningana. „Það eru allir glaðir og
fegnir því að það hafi ekki þurft til
verkfallsins að koma,“ segir Kristín.
Samningarnir sem um ræðir eru
nýir af nálinni því ekki hafa áður ver-
ið gerðir sérstakir kjarasamningar
við þessar stofnanir. „Við höfum
hingað til aðeins gert með okkur
samkomulag um það sem skyldi fara
eftir í ríkissamningunum. Það fór
svo að verða sífellt erfiðara að kom-
ast að samkomulagi um eftir hverju
átti að fara,“ segir Kristín.
Með samningunum eru ákveðnir
þættir, líkt og verklag sjúkraliða,
orðnir skýrari, auk þess sem kaup og
kjör voru hækkuð í samræmi við það
sem samið var um við aðrar stofn-
anir í marsmánuði á síðasta ári. Far-
ið var yfir það á báðum stöðum að
verkþættir og störf sjúkraliða væru
sambærileg á milli stofnana. Í samn-
ingnum við FAAS var einnig samið
um að greiða starfsfólki eftir því
hversu lengi það hefur starfað hjá
stofnunninni.
Þolinmæði sjúkraliða brátt á þrotum
 Sjúkraliðafélag Íslands undirritar tvo
nýja kjarasamninga  Framtíðin óljós
Kristín Á.
Guðmundsdóttir Morgunblaðið/Golli
Átök Sjúkraliðar vilja auka sinn
hlut og horfa til samninga lækna.
Gasmengun barst
frá gosstöðvunum
í Holuhrauni yfir
á norðaustanvert
landið í gær.
Nokkur styrkur
var í mengun frá
Höfn og norður á
Akureyri en svo
dreifðist úr meng-
uninni. Sam-
kvæmt mæl-
ingum Umhverfisstofnunar var loft
víðast hvar gott, en þó urðu margir
varir við mengunina. Aðalsteinn Sig-
urðsson á Egilsstöðum var einn
þeirra. „Hér er bláleitt skyggni og við
finnum vel fyrir menguninni í dag.
Maður heyrir það á rollunum sem
hósta og ef maður reynir líkamlega á
sig úti. Þá finnur maður sviða í barka
og lungum alveg um leið. Það er eins
og áhrifin magnist í frostinu,“ sagði
Aðalsteinn í samtali við Morgun-
blaðið í gær.
Íbúar á Djúpavogi og Seyðisfirði
kváðust einnig hafa orðið varir við
bláa slikju í loftinu þótt þeir fyndu
ekki fyrir menguninni. „Svona um há-
vetur veit maður ekki hvort maður er
með nefrennsli út af frostinu eða
menguninni,“ sagði Pétur Krist-
jánsson á Seyðisfirði. Í dag berst
mengunin suður og suðaustur af eld-
stöðvunum. Samkvæmt upplýsingum
frá Veðurstofu er ekki ástæða til að
fólk grípi til sérstakra varúðar-
ráðstafana. benedikta@mbl.is
Bláleitt
skyggni
og hósti
Holuhraun Þaðan
berst mengun.
 Gosmengunin fær-
ist suður á landið
Fimm starfsmönnum Hrafnistu í
Reykjavík var sagt upp fyrir helgi
þar sem ríkið hefur ákveðið að end-
urnýja ekki samning um rekstur end-
urhæfingarrýma sem ætluð eru öldr-
uðum sem búa enn í eigin húsnæði.
Samningur ríkisins við Hrafnistu um
rekstur 20 endurhæfingarrýma renn-
ur út í vor en hann hefur verið í gildi
síðan 2009.
Pétur Magnússon, forstjóri Hrafn-
istu, segir miður að ekki skuli hafa
náðst samningar um endurnýjun end-
urhæfingarúrræðisins. Hann segir að
rýmin verði notuð í aðra þjónustu fyr-
ir aldraða, t.d. hjúkrunar- og hvíldar-
rými. benedikta@mbl.is
Sagt upp á
Hrafnistu