Morgunblaðið - 03.02.2015, Blaðsíða 11

Gleði Asako á leið á fjöll með góðum vinum sínum þeim Gunnhildi Ólafsdóttur og Ingvari Hlynssyni á Egilsstöðum.
hún kom til Íslands á ný. Þá sótti
hún fjögurra vikna íslensku-
námskeið í málaskólanum Mími til
að ná grunntökum á íslenskunni en
segist þó hafa lært hana mest af því
að tala við Íslendinga.
Allir hafa verið hjálplegir
„Mér finnst mjög áríðandi að
læra það tungumál sem talað er þar
sem ég bý hverju sinni, af því mað-
ur kynnist fólki ekki almennilega
nema maður tali sama tungumál,
maður skilur ekki landið þar sem
maður dvelur fyrr en maður talar
tungumálið. Ég læri yfirleitt ný
tungumál á eigin spýtur, með því að
tala mikið við heimafólk. Vissulega
er það erfitt í byrjun, en það kemur
fljótt.“ Stuttu eftir að hún fluttist til
Íslands fór hún að ganga á fjöll með
Fjallafólki og segir það frábæran
félagsskap. „Allir voru svo almenni-
legir og hjálplegir og í framhaldinu
fór ég í Leiðsögumannaskólann, og
þar fer námið fram á íslensku svo
ég hef bætt íslenska orðaforðann
minn mikið,“ segir Asako sem talar
samtals sex tungumál.
Hún er fædd og uppalin í Jap-
an en fluttist til Sviss þegar hún var
8 ára. „Ég er vön því að skipta um
búsetu og flytja milli landa, ég hef
búið á Spáni, á Nýja Sjálandi og á
ólíkum málsvæðum í Sviss.“
Fjallamennskan heillar
Asako hóf fljótt störf sem arki-
tekt hér á Íslandi, en það var aðeins
tímabundið og eftir það fór hún að
vinna hjá ferðafyrirtæki en stóð
stutt við.
„Ég hóf síðan störf hjá Ís-
lenskum fjallaleiðsögumönnum
núna í janúar og mér finnst það frá-
bært. Fjallamennskan og allt sem
henni tengist heillar mig. Mér
finnst ég ná andanum svo vel hérna
á Íslandi, ég held ég hafi verið ís-
lensk í fyrra lífi,“ segir hún og
hlær.
Hún segist ekki vita hversu
lengi hún verði hér, kannski eitt ár,
kannski fimm, kannski lengur. Það
eina sem hún segist sakna er píanó-
ið en henni hefur ekki tekist að fá
hér leigt hljóðfæri. Jú, einnig segist
hún sakna einhverra tegunda
fersks grænmetis. Þó er söknuður-
inn ekki það mikill að hún vilji fara
héðan „Ég er svo hamingjusöm að
ég hef enga ástæðu til að fara héð-
an.“
DAGLEGT LÍF 11
MORGUNBLAÐIÐ ÞRIÐJUDAGUR 3. FEBRÚAR 2015
Kringlunni • Sími 568 7777 • heyrnarstodin.is
Beltone First gengur með iPhone 5s, iPhone 5c, iPhone 5, iPad Air, iPad (4. kynslóð), iPad mini með Retina, iPad mini og iPod touch (5. kynslóð) með iOS eða nýrra stýrikerfi. Apple, iPhone, iPad og iPod touch eru vörumerki sem tilheyra Apple Inc, skráð í Bandaríkjunum og öðrum löndum.
HEYRNARSTÖ‹IN
Beltone First™
Snjallara heyrnartæki
Nýja Beltone First™ heyrnartækið tengist þráðlaust beint í iPhone, iPad og iPod touch.
Komdu og prófaðu, það er engu líkt!
Á dagskrá Vetrarhátíðar næstkom-
andi laugardag er Heimsdagur barna.
Á milli klukkan 13 og 16 verður því
fjölbreytt og skapandi dagskrá í fjór-
um af starfsstöðvum Borgar-
bókasafnsins en þær eru í Menning-
arhúsum í Gerðubergi, Spönginni,
Kringlunni og Sólheimum.
Börnum og samferðafólki gefst
kostur á að taka þátt í fjölbreyttum
listsmiðjum og njóta margskonar
skemmtunar víða um borgina. Þar
verður meðal annars hægt að gera
sinn eigin vampírubúning, taka þátt í
efnafræðibrellum með dularfullum
vökvum, skapa sitt eigið furðugælu-
dýr og dulbúast með glæsilega
grímu.
Heimsdagur barna hefur lengi ver-
ið órjúfanlegur hluti Vetrarhátíðar í
Reykjavík. Dagskráin á hverjum stað
verður kynnt á vetrarhatid.is, borg-
arbokasafn.is og í bæklingi Vetr-
arhátíðar.
Á vef Borgarbókasafnsins er dag-
skráin birt á tíu tungumálum auk ís-
lensku. Þessi tungumál eru enska,
pólska, litháska, filippseyska, taí-
lenska, víetnamska, spænska, alb-
anska, serbneska og rússneska.
Spennandi listasmiðjur fyrir skapandi börn
Skuggamyndir Börn bregða á leik í einni listasmiðjunni á Heimsdegi barna.
Heimsdagur barna órjúfanlegur
hluti Vetrarhátíðar í Reykjavík