Morgunblaðið - 04.02.2015, Blaðsíða 16

16 FRÉTTIRInnlent
MORGUNBLAÐIÐ MIÐVIKUDAGUR 4. FEBRÚAR 2015
Tökum að okkur trjáklippingar,
trjáfellingar og stubbatætingu.
Vandvirk og snögg þjónusta.
Sími 571 2000
www.hreinirgardar.is
–– Meira fyrir lesendur
.
PÖNTUNARTÍMI
AUGLÝSINGA:
Fyrir kl. 16,
mánudaginn
16. febrúar
Morgunblaðið gefur út sérblað
tileinkað Food and Fun matarhátíðinni
föstudaginn 20. febrúar
NÁNARI UPPLÝSINGAR
Katrín Theódórsdóttir
Sími: 569 1105
kata@mbl.is
Food and Fun
verður haldin
í Reykjavík
25. feb. - 1. mars
Agnes Bragadóttir
agnes@mbl.is
Tryggvi Gunnarsson, umboðsmaður
Alþingis, segir að von sé á niður-
stöðu hans alveg á næstunni í al-
mennri athugun sem hann hafi unnið
á tilteknum þáttum í starfsemi
Seðlabanka Íslands.
Sú athugun var gerð í tilefni af
kvörtun Heiðars Más Guðjónssonar
hagfræðings til umboðsmanns í nóv-
ember 2010 vegna þess að Eignasafn
Seðlabanka Íslands (ESÍ) stöðvaði
það að Ursus ehf., félag í eigu Heið-
ars Más, fengi í félagi við aðra fjár-
festa að kaupa stóran hlut í trygg-
ingafélaginu Sjóvá.
Tryggvi segir að vissulega hafi
orðið óhóflegur dráttur á málinu en á
meðan mál séu rekin fyrir dómstól-
um rannsaki umboðsmaður Alþingis
ekki kvartanir um sömu mál.
Öll gögn málsins lágu fyrir
Hinn 26. júní í fyrra birtist grein
eftir Heiðar Má í Morgunblaðinu
undir fyrirsögninni: „Umboðsmaður
Alþingis sinnir ekki skyldum sín-
um“.
Í þeirri grein rakti Heiðar Már
sögu kvörtunar sinnar frá því 2010.
Þar sagði hann m.a.:
„Ég sendi strax kvörtun til um-
boðsmanns Alþingis, í nóvember
2010, og embættið átti í bréfaskipt-
um við Seðlabankann fram á sumar
2011. Á þeim tíma lágu öll gögn
málsins fyrir og umboðsmanni var
ekkert að vanbúnaði að ljúka með-
ferð málsins og gefa út álit sitt. Nú
eru þrjú ár liðin frá því öll gögn
málsins lágu fyrir hjá umboðsmanni
og hátt á fjórða ár frá því ég kvart-
aði. Ekkert bólar hins vegar á áliti
hans.“
Valdið falið í trúverðugleika
Í lok greinar sinnar sagði Heiðar
Már:
„Embætti umboðsmanns hefur
ekki úrskurðarvald í málum og getur
ekki þvingað stjórnvöld til aðgerða.
Vald hans hefur því einkum falist í
trúverðugleika embættisins. Á sama
tíma og hann átelur stjórnvöld fyrir
drátt á málsmeðferð og brot á máls-
hraðareglum stjórnsýslulaga dregur
hann mikilsverð mál svo árum skipt-
ir. Það getur vart talist trúverðugt.
Reynsla mín gefur mér ekki tilefni til
að mæla með því við neinn, að hann
láti reyna á rétt sinn með kvörtun til
umboðsmanns Alþingis.
Það er ábyrgðarhluti af umboðs-
manni Alþingis að taka að sér jafn
vandmeðfarið hlutverk og sinna því
ekki betur en raun ber vitni.“
Tryggvi Gunnarsson, umboðs-
maður Alþingis, skrifaði svargrein
til Heiðars Más, sem birtist í Morg-
unblaðinu daginn eftir, hinn 27. júní í
fyrra.
Tryggvi skrifaði m.a.:
„Í blaðagrein sem Heiðar Guð-
jónsson ritar í Morgunblaðið í gær
gerir hann athugasemdir við drátt
sem orðið hafi á því að umboðsmaður
Alþingis afgreiði kvörtun sem félag
hans Ursus ehf. sendi embættinu í
nóvember 2010. Vissulega er ástæða
til að biðja Heiðar afsökunar á því að
athugun umboðsmanns á málinu hef-
ur ekki verið lokið.“
Heyrir til undantekninga
Í lok greinar sinnar segir Tryggvi:
„Ég hef talið rétt, með hliðsjón af
því hvernig starfssvið umboðsmanns
er afmarkað, að fylgjast með úr-
vinnslu tiltekinna atriða hjá stjórn-
völdum og dómstólum áður en ég
sendi frá mér afgreiðslu mína á mál-
inu. Þar sem ég hafði hafið athugun á
þessum almennu atriðum og ekki var
ljóst hver yrði framvinda hluta
þeirra á vettvangi dómstóla þegar ég
fór í leyfi frá daglegum störfum kjör-
ins umboðsmanns Alþingis 15. febr-
úar sl. tókst ekki að ljúka málinu fyr-
ir þann tíma. Hins vegar var talið
rétt að ég ynni áfram að málinu og
hafði ég gert ráð fyrir að birta niður-
stöðu mína þegar ég kem aftur til
starfa 1. júlí nk. að loknu leyfi. Ég
tek að síðustu fram að sá tími sem
kvörtun Ursusar ehf. hefur verið til
meðferðar hjá umboðsmanni Alþing-
is heyrir til undantekninga og skýr-
ist annars vegar af því að í upphafi
var talið rétt að bíða eftir endanlegri
niðurstöðu stjórnvalda og hins vegar
af þeirri almennu athugun sem unnið
hefur verið að eftir að kvörtunin
barst.“
Lýk athugun alveg á næstunni
Rúmir sjö mánuðir eru liðnir frá 1.
júlí í fyrra og enn bólar ekkert á
skýrslu umboðsmanns vegna kvört-
unar Heiðars Más. Morgunblaðið
spurði Tryggva Gunnarsson í gær
hverju þetta sætti:
„Í þessu hafa verið álitaefni sem
hafa verið til meðferðar fyrir dóm-
stólum. Það er almennt fylgt þeirri
reglu hér, að á meðan mál eru rekin
fyrir dómstólum, þá er umboðsmað-
ur ekki að rannsaka þau á sama tíma.
Nú tel ég hins vegar að það liggi fyr-
ir lyktir þeirra mála og sá farvegur
hafi myndast að ég geti lokið þessu
máli. Ég á von á því að ég geti lokið
frumkvæðisathugun minni alveg á
næstunni,“ sagði Tryggvi Gunnars-
son, umboðsmaður Alþingis.
Á fimmta ár liðið frá
því að kvartað var
 Fjallar ekki um mál meðan þau eru fyrir dómstólum
Morgunblaðið/Ómar
Langur tími Það var í nóvember 2010 sem Heiðar Már Guðjónsson kvartaði
til umboðsmanns Alþingis eftir að ESÍ kom í veg fyrir viðskipti Ursusar ehf.
Heiðar Már
Guðjónsson
Tryggvi
Gunnarsson
Lögmannafélagið hefur sent Morg-
unblaðinu athugasemd vegna um-
mæla framkvæmdastjóra Útfarar-
stofu kirkjugarðanna í blaðinu á
mánudaginn.
Þar var haft eftir framkvæmda-
stjóranum að að misskilnings hefði
gætt í afstöðu Lögmannafélagsins til
áforma útfararstofunnar. Fyrirtæk-
ið hygðist aðeins bjóða upp á þjón-
ustu sem félli utan einkaréttar lög-
manna.
„Af því tilefni leyfir Lögmanna-
félagið sér að benda á að ekki er um
misskilning að ræða af hálfu félags-
ins. Fyrir liggur að framkvæmda-
stjóri Útfararstofu kirkjugarðana
var með virk lögmannsréttindi og
hugðist starfa á grundvelli sérstakr-
ar undanþágu. Sú undanþága felur á
hinn bóginn í sér að sala á lögfræði-
þjónustu til þriðja aðila er bönnuð,
og gildir einu í því sambandi þótt
þjónustan sem um ræðir falli utan
einkaréttar lögmanna, enda geta
lögmenn ekki skotið sér undan lög-
mannsskyldum sínum á öðrum svið-
um þjónustu sinnar en þeim sem
einkaréttur þeirra tekur til. Jafn-
framt liggur fyrir að fyrirtækið aug-
lýsti eftir lögfræðingi til starfa, þar
sem fram kom að lögmannsréttindi
væru æskileg. Útfararstofa kirkju-
garðanna hefur í bréfi til Lögmanna-
félagsins m.a. upplýst að hún hyggist
ekki ráða lögmann til starfa og jafn-
framt hefur framkvæmdastjóri þess
upplýst að hann muni leggja inn lög-
mannsréttindi sín,“ segir í athuga-
semdinni
Sala á lögfræði-
þjónustu til þriðja
aðila er bönnuð
Ekið var á um 50
ljósastaura í
umsjá Orkuveit-
unnar (OR) og
Orku náttúrunn-
ar í desember og
janúar sl. Tjónið
gæti numið allt
að 10 milljónum
króna, segir í til-
kynningu frá OR.
Fyrirtækin tvö sjá um rekstur um
það bil 44.500 ljósastaura á svæðinu
frá Garðabæ upp á Kjalarnes. Á
milli stauranna liggja tæplega
1.600 kílómetrar af rafstrengjum.
Er þessi búnaður í eigu sveitarfé-
laga, Vegagerðarinnar og í sumum
tilvikum sjá fyrirtækin um lýsingu
á einkalóðum.
Af um 50 tilvikum var OR til-
kynnt um tjónið í 30 tilvikum en í
öðrum var ekið af vettvangi. Þrír
staurar brotnuðu í veðurham og
strætóskýli fauk á einn. Viðgerð á
einum ljósastaur getur kostað 150-
200 þúsund krónur.
Ekið á 50 ljósa-
staura í eigu OR