Morgunblaðið - 04.02.2015, Blaðsíða 19
Í átta vikna ferðalagi blaðamanna Morgunblaðsins um
hverfin í Reykjavík og sveitarfélögin á höfuðborgarsvæðinu
er fjallað ummannlíf og menningu, atvinnulíf og opinbera
þjónustu, útivist og umhverfi og skóla og skipulag með
sérstakri áherslu á það sem einkennir hvern stað.S
á,“ segir hann en Stólpar hafa einnig
staðið í framkvæmdum í Reykjavík.
„Ekki er langt síðan við lukum
endurgerð á Sætúni 10, þar sem Heim-
ilistæki voru áður til húsa en hýsir nú
höfuðstöðvar Advania. Við lítum þann-
ig í raun á okkur sem byggingar- og
þróunarfélag.“
Hafa tröllatrú á nýja húsinu
Gísli hefur sterka tengingu við
Seltjarnarnes en hann og viðskipta-
félagi hans búa báðir á Nesinu. „Svo
skemmtilega vill til að við ætlum ein-
mitt báðir að flytja í nýja húsið við
Hrólfsskálamel. Enda höfum við
tröllatrú á þessu húsi.“
Aðspurður segir Gísli að húsið sé
miðað við þarfir þeirra sem vilja losna
við viðhald en njóta einbýlis samt sem
áður.
„Við hönnun hússins settum við
okkur í spor þeirra sem vilja losna við
þær skuldbindingar sem fylgja stórum
einbýlishúsum. Þeir vilja þá heldur
búa þar sem minna þarf að hafa fyrir
hlutunum en hafa á sama tíma þau
gæði sem felast í einbýli,“ segir Gísli
og bætir við að auðvelt verði fyrir íbúa
að nálgast þjónustu og verslun.
„Heilsugæslan, líkamsræktin og
sundlaugin eru í göngufæri auk þess
sem matvöruverslun og vínbúð eru
hinum megin við götuna.“
Verður íbúðabyggð í gömlu
Bygggörðunum?
Á Seltjarnarnesi er gömul og
rótgróin byggð og ekki er mikið um
svæði til byggingar meira húsnæðis.
Gísli segir að framtíðin gæti þó borið
annað í skauti sér. „Iðnaðarsvæðið í
Bygggörðunum mun líklega fara undir
íbúðabyggð þó það gerist ekki endi-
lega á næstunni,“ segir Gísli en bætir
við að Stólpar standi einnig að bygg-
ingu íbúðarhúsnæðis við Skerjabraut.
„Þær íbúðir eru hins vegar sniðn-
ar í annað mót því þar leggjum við
áherslu á minni íbúðir með fleiri her-
bergjum, einkum fyrir ungar barna-
fjölskyldur,“ segir Gísli. Og ekki vant-
ar eftirspurnina. „Nei, þar er allt
uppselt.“
Morgunblaðið/Árni Sæberg
Risið Húsið er nánast tilbúið og aðeins lokafrágangur eftir að sögn Gísla.
MORGUNBLAÐIÐ MIÐVIKUDAGUR 4. FEBRÚAR 2015
Ármúla 24 • S: 585 2800Opið virka daga 10 -18, laugardaga 11- 16. – www.rafkaup.is
baðljósa
Mikið úrval
Gróttuviti, táknmynd Seltjarnarness,
er áberandi hvar hann stendur á ystu
tá nessins. Núverandi viti var reistur
1947 og er 23 metra hár sívalningur
sem sést víða að, en fyrir utan er stöð-
ug umferð til dæmis flutningaskipa,
sem sigla inn og út úr Reykjavíkurhöfn.
Hver viti landsins hefur sitt einkenn-
andi ljósmerki, en hugsunin með því er
að sjófarendur viti alltaf birtu vitanna
samkvæmt því hvar þeir eru nákvæm-
lega staddir þegar og ef til dæmis
staðsetningartæki bila, veðurskilyrði
eru erfið og svo framvegis. Þetta hefur
komið sér vel, því skipstjórar þekkja að
frá Gróttuvita slær ljósmerki sem berst út yfir Flóann á 20 sekúndna fresti. Má
í raun segja að vitarnir á annesjum landsins tali saman; því ekki er langt í
beinni sjólínu frá Gróttu að Garðskaga, en frá vitanum þar koma tvö hvít og
skær leiftur sem vara í fimm sekúndur, koma inn með reglulegu millibili og
sjást fimmtán mílur á haf út.
Skært ljós á 20 sekúndna fresti
Vitinn Mikilvægt leiðarljós sjófar-
enda sem koma til og frá Reykjavík.
Morgunblaðið/Árni Sæberg
Á Seltjarnarnesi er starfandi elsta
og stærsta stjörnuskoðunarfélag
landsins. Í samtali við Morgun-
blaðið segir Sævar Helgi Bragason,
formaður félagsins, að þrátt fyrir
nafnið sé félagið opið öllum sem
áhuga hafa á stjörnufræði.
„Stundum hefur komið til tals að
breyta nafninu í Stjörnuskoðunar-
félag Íslands en það hefur aldrei
hlotið almennilegt brautargengi
meðal félagsmanna. Við höldum
okkur því við nafnið en það má vel
vera að það breytist í framtíðinni,“
segir Sævar.
Sólmyrkvinn sem verður þann
20. mars næstkomandi er nú í al-
gleymingi meðal félagsmanna.
„Við erum mjög spennt fyrir
myrkvanum enda hefur meginþorri
félagsmanna ekki séð neitt þessu
líkt áður. Einhverjir muna þó enn
eftir myrkvanum árið 1954.“
Næsti almyrkvi sem Íslendingar
fá að njóta verður 12. ágúst árið
2026. Aðspurður hvort félagsmenn
séu byrjaðir að undirbúa sig segir
Sævar að óbeinn undirbúningur sé
hafinn. „En að sjálfsögðu horfum
við langt fram í tímann. Það þýðir
ekkert annað þegar stjörnufræði er
annars vegar.“ sh@mbl.is
Morgunblaðið/Golli
Sjónaukinn Félagið er opið öllum þeim sem áhuga hafa á stjörnufræði.
Allir spenntir fyrir
sólmyrkvanum
Stærsta stjörnu-
skoðunarfélag
Íslands á Nesinu
Morgunblaðið/Árni Sæberg
Spenna „Að sjálfsögðu horfum við
langt fram í tímann,“ segir Sævar.
Seltjarnarnesbær hefur opnað fyrir
ókeypis rafrænan aðgang að texta
Seltirningabókar, sögu sveitarfé-
lagsins sem Heimir heitinn Þorleifs-
son sagnfræðingur samdi og gefin
var út 1991. Í bókarformi er hún löngu
uppseld. Aðgangur að hinni rafrænu
útgáfu er á vef bæjarfélagsins. Sel-
tirningabók skiptist í sex kafla.
Fjallar 1. kaflinn um hreppsfélagið og
þróun þess, 2. kafli um jarðir og ábú-
endur á Framnesi, 3. kafli um útgerð
Seltirninga, 4. kafli um Mýrarhúsa-
skóla, 5. kafli um Framfarafélag Sel-
tirninga og annað félagsstarf og 6.
kafli um kirkjuna í Nesi.
Rafræn Seltirningabók ókeypis
Sagnfræðingur Heimir heitinn
Þorleifsson ritaði Seltirningabók.
Í bók Ólafs Lárussonar, Byggð og
saga, giskar Ólafur á að Hrólfsskáli
hafi í fyrstu verið verbúð eða veiði-
skáli frá Lambastöðum og hafi sá
heitið Hrólfur sem skálann reisti.
Samkvæmt Seltirningabók er
Hrólfsskála fyrst getið í Jarðabók,
sem talin er vera frá 1584, en þá
hafði konungur skipti á þriðjungi
úr Reykjavík fyrir jarðirnar Lamba-
staði og Hrólfsskála.
Árið 1703 er hún talin hálfbýli og konungsjörð. Þaðan var sagt heim-
ræði árið um kring og lending góð. Gengu skip ábúandans til fiskjar
„eftir hentugleikum“ að sögn Jarðabókarinnar.
Ofan við veginn að Hrólfsskála, þar sem kölluðust Hrólfsskálamelar,
reisti Ólafur Guðmundsson útgerðarmaður fiskverkunarhús og gerði
þar reiti til fiskverkunar árið 1930. Fiskverkunaraðstaða Ólafs var notuð
fram til síðari heimsstyrjaldar, þegar útgerðarfélagið Ísbjörninn settist
að á þessu svæði. Hús Ísbjarnarins var svo rifið árið 2004 en þá var það
heldur farið að láta á sjá.
Heimræði og lending góð
FISKAÐ OG VERKAÐ Á SAMA STAÐ Í RÚM 400 ÁR
Gamla Ísbjarnarhúsið á Hrólfsskálamel.