Morgunblaðið - 05.02.2015, Blaðsíða 12
SVIÐSLJÓS
Guðni Einarsson
gudni@mbl.is
Alþjóðlega fiskeldisfyrirtækið Stolt
Sea Farm var fyrir fimm árum að
kanna möguleika á að koma upp
nýrri fiskeldisstöð. Þeir komust að
þeirri niðurstöðu að hún gæti vel ver-
ið á Íslandi. Framkvæmdir við fyrsta
áfanga eldisstöðvarinnar í Höfnum
hófust árið 2012 og lauk árið eftir.
Fyrstu senegalflúrulirfurnar komu
frá Spáni sumarið 2013 og þar með
hófst eldi nýrrar hlýsjávartegundar
hér á landi. Að meðaltali tekur um 14
mánuði að ala flúruna í sláturstærð.
„Þetta var langtímaáætlun og nú
er hún orðin að veruleika, sem er al-
veg magnað,“ sagði Pablo García,
forstjóri Stolt Sea Farm. Hann kom
hingað til lands í tilefni af því að í gær
var fyrstu senegalflúrunum frá stöð-
inni slátrað til útflutnings.
„Þetta er fyrsta flúrueldisstöðin af
þessari stærðargráðu í heiminum,“
sagði García. „Ætlun okkar er að
markaðssetja framleiðsluna í gegn-
um sölukerfi okkar um allan heim.
Sérstaða Íslands auðveldar okkur að
þjóna Bandaríkjamarkaði. Þegar við
verðum búnir að fínstilla fram-
leiðsluferlið þá munum við stækka
stöðina hér í Höfnum.“
Senegalflúran er flutt héðan fersk
og fer til aðaldreifingarmiðstöðvar
Stolt Sea Farm í Boulogne-sur-Mer í
Frakklandi. Flúran verður einnig
flutt til austurstrandar Bandaríkj-
anna, svo og seld hér á landi. En hef-
ur García bragðað á íslensku
senegalflúrunni?
„Já og hún er stórkostlega góð,“
sagði García „Stjórn móðurfélagsins,
Stolt-Nielsen Ltd., hélt stjórnarfund
í Reykjavík í maí síðastliðnum.
Stjórnarmennirnir skoðuðu fjárfest-
inguna og við fengum að borða
flúru.“
García var mjög hrifinn af eld-
isfiskunum í Höfnum og hafði á orði
hvað þeir væru þykkir og glæsilegir.
„Þetta er afrakstur draums sem nú
er orðinn að veruleika,“ sagði García.
Bragðgóður fiskur
Halldór Óskar Sigurðsson, fram-
kvæmdastjóri Stolt Sea Farm Ice-
land hf., sagði stefnt að því að frá
stöðinni færi sending af fiski upp á
12-15 tonn í hverri viku. Fiskurinn
verður stærðarflokkaður og slátrað
upp í pantanir.
Framleiðslugeta fyrsta áfanga eld-
isstöðvarinnar er rúmlega 500 tonn á
ári. „Þegar við verðum komin í fulla
stærð, sem við stefnum að 2018-2019,
þá verða framleidd um 2.000 tonn af
fiski á ári,“ sagði Halldór. Fiskeld-
isstöðin er nú 22.000 fermetrar að
stærð og öll yfirbyggð en verður
75.000 fermetrar fullbyggð. Nú eru
rétt um 20 starfsmenn hjá fyrirtæk-
inu en reiknað er með að þeir verði
60-70 þegar stöðin verður fullbyggð.
Halldór sagði að mögulega yrði haf-
ist handa við næsta áfanga þegar á
næsta ári..
Það gekk framar vonum að koma
flúrueldinu af stað, að sögn Halldórs.
Hann sagði mikilvægt að njóta sér-
þekkingar og reynslu Stolt Sea
Farm. Margir erlendir sérfræðingar
hafa veitt aðstoð við að hefja flúru-
eldið.
Fisklirfurnar eru fluttar inn frá
Spáni og kemur sending í hverjum
mánuði. Halldór kvaðst vona að
seiðaeldi gæti hafist hér eftir um þrjú
ár. Sérhannað flúrufóður er einnig
flutt inn. Halldór sagði að vöxtur
fiskanna hér væri sambærilegur við
það sem þekkist í annarri flúrueld-
isstöð fyrirtækisins. Hann kveðst
hafa trú á að árangurinn verði enn
betri þegar starfsemin hefur slípast.
Halldór var búinn að smakka
flúruna og sagði að hún væri af-
skaplega góð. En hvernig bragðast
hún?
„Það er erfitt að bera hana saman
við íslenskan fisk, ef til vill er hún
einna áþekkust skötusel. Hún er
mjög lík Dover-flúru (Dover Sole)
sem er mjög vinsæl í Bretlandi.“
Halldór sagði að heimamarkaður-
inn myndi ekki gleymast við mark-
aðssetninguna. „Margir Íslendingar
hafa spurt mig hvort flúran verði
ekki hér á boðstólum. Það verður hún
svo sannarlega. Við munum kynna
hana innan skamms og viljum helst
nota einhvern dreifingaraðila sem
hefur gott dreifikerfi inn á íslenskan
markað. Ég vona að af því geti orðið í
þessum mánuði. Það verður gaman
að vita hvernig Íslendingar taka við
þessum nýja fiski,“ sagði Halldór.
Sælkerafiskur alinn í Höfnum
Stærsta flúrueldisstöð í heiminum er í Höfnum Framleiðir 500 tonn á ári af senegalflúru í fyrsta
áfanga Stefnt er að fullbyggðri eldisstöð með 2.000 tonna ársframleiðslu á árunum 2018-2019
Morgunblaðið/Eggert
Slátrun Volgur sjór frá Reykjanesvirkjun er notaður við eldi senegalflúrunnar. Í gær voru tekin 500 kg úr lagerkerjum Stolt Sea Farm og sett í krapabað.
Morgunblaðið/Eggert
Stoltir Pablo García forstjóri og Halldór Ó. Sigurðsson framkvæmdastjóri.
Morgunblaðið/Eggert
Senegalflúra Þessi heitsjávarfiskur vex hratt við góðar aðstæður.
12 FRÉTTIRInnlent
MORGUNBLAÐIÐ FIMMTUDAGUR 5. FEBRÚAR 2015
VERKFÆRI MEISTARANS Síðumúla 11 - 108 Reykjavík Sími 568-6899Netfang: vfs@vfs.is Netsíða: www.vfs.is