Morgunblaðið - 05.02.2015, Blaðsíða 30

30 MENNING
MORGUNBLAÐIÐ FIMMTUDAGUR 5. FEBRÚAR 2015
Brynja Björg Halldórsdóttir
brynja@mbl.is
,,Ég ætla að halda eina tónleika fyrir hvern staf
í stafrófinu þannig að ég tengi hvern staf fyrir
sig við tónskáld, nöfn verka, tóntegundir og
fleira,“ segir Eyþór Ingi Jónsson, organisti við
Akureyrarkirkju, kórstjórnandi, kennari, fyr-
irlesari, einleikari og áhugaljósmyndari.
Hann fékk þá nýstárlegu hugmynd að halda
tónleikaröð, sem hann kallar æviverkefni sitt,
þar sem hverjum bókstaf stafrófsins er gert
hátt undir höfði. Fyrstu tónleikarnir, sem
haldnir verða í kvöld, verða tileinkaðir bók-
stafnum A og munu öll verkin tengjast bók-
stafnum með einum eða öðrum hætti. Gerir Ey-
þór ráð fyrir að þegar allt verður yfirstaðið
muni hann hafa spilað á 25-30 bókstafa-
tónleikum. Gerir hann ráð fyrir að verkefnið
muni taka hann 10-15 ár. Upphaflega stóð til að
Eyþór myndi hefja tónleikana fyrir tveimur ár-
um, þegar hann varð fertugur, en vegna gríð-
arlegra anna varð hann að fresta verkefninu þar
til nú.
Aðspurður segir hann gaman að setja saman
fjölbreyttar efnisskrár og hafa ákveðin stef í
efnisskránum, sérstaklega ef þau skera sig úr á
einhvern hátt. ,,Í stað þess að hafa klassískt
þema á borð við tónskáld í Leipzig, fannst mér
skemmtilegra að hafa öðruvísi þema. Ég er bú-
inn að spila svo mikið í gegnum tíðina og mér
líkar að prófa nýja hluti.“
Eyþór segir aðalhugmyndina bakvið tón-
leikana að standa fyrir tónlistarfræðslu. ,,Með-
an á þeim stendur mun slæðusýning vera uppi á
vegg, þar sem fólk getur fengið upplýsingar um
verkin.“ Hann sækist eftir fjölbreytni í hljóð-
færaleik og tónleikarnir í kvöld verða mjög fróð-
legir um hljóðfæraleik gamalla tíma en Eyþór
mun spila á orgel, tvö harmóníum, virginal og
trommu.
Spannar fjórar aldir
Tónlistin verður með fjölbreyttara móti og
spannar langt tímabil í tónlistarsögunni. ,,Ég
mun spila tónlist frá 16. til 20. aldar. Yngsta
verkið var samið árið 1986. Tónleikarnir verða
mjög aðgengilegir og fræðandi í senn. Ég mun
ekki spila löng og þung stykki. Svo mun ég tala
á milli verka og benda fólki á, hverju það skuli
hlusta eftir og hverju sé vert að taka eftir.“
Hann telur ekki víst að allir tónleikarnir í A-Ö
tónleikaröðinni verði haldnir á Akureyri og er
opinn fyrir fleiri tónleikastöðum. ,,Ég ætla að
láta það ráðast. Það væri gaman ef þeir væru
ekki allir hér. Ef hentugt rými býðst mun ég
örugglega slá til.“
Eyþór virðist hafa óvenju margar klukku-
stundir í sólarhringnum en fyrir utan að vera
organisti við Akureyrarkirkju er hann stjórn-
andi kammerkórsins Hymnodiu, listrænn
stjórnandi Barokksmiðju Hólastiftis, tónlistar-
kennari, fyrirlesari, einleikari og áhuga-
ljósmyndari. Aðspurður hvernig hann hafi tíma
fyrir þetta allt, kveðst hann eiga afar þolinmóða
eiginkonu, Elvy G. Hreinsdóttur. ,,Satt að segja
hef ég ekki tíma fyrir þetta allt en ég hef gaman
af því að hafa mikið að gera. Ég sinni sumum
verkefnum af fullri hörku á tímabili og vanræki
þá önnur á meðan.“
Á leið til Noregs
Að hans sögn fer þó mestur tími í að stjórna
kammerkórnum Hymnodiu. ,,Fyrir utan dag-
legu vinnuna mína, auðvitað sem organisti,“
bætir hann við. Hymnodía er með um 30 tón-
leika á ári og mun spila mikið fram á vor. Í þess-
um mánuði og þeim síðasta stendur kórinn
t.a.m. fyrir sjö tónleikum. Kórinn fer einnig í
heimsókn til Noregs í lok mánaðarins í boði
norsks þjóðlagaseturs þar sem þjóðlagatónlist
verður leikin.
Barokksmiðja Hólastiftis er samtök áhuga-
fólks á Norðurlandi um barokktónlist en fé-
lagsskapurinn stendur fyrir árlegri hátíð á Hól-
um í Hjaltadal. ,,Þar koma saman áhugamenn,
atvinnutónlistarmenn og dansarar, bæði inn-
lendir og erlendir. Þeir spila saman, halda tón-
leika og fyrirlestra,“ greinir Eyþór frá. Hátíðin
er aðalverkefni smiðjunnar en þar fyrir utan
heldur hún fyrirlestra, námskeið og tónleika yf-
ir veturinn. Eyþór kennir í Tónskóla Þjóðkirkj-
unnar og einnig tónlist í Akureyrarkirkju en
hann hefur minnkað kennsluna í vetur, sökum
anna. Þá heldur kirkjukórinn í Akureyrarkirkju
þrenna tónleika á næstu vikum og mánuðum.
Tónelsk fjölskylda
Loks vinnur Eyþór að verkefni með eig-
inkonu sinni, Elvy, sem er söngkona. ,,Við velj-
um aðeins léttari efnisskrá og spilum hugljúfa
tóna. Við útsetjum þjóðlagatónlist og flytjum
hana saman. Þar sem ég er áhugaljósmyndari
eru tónleikarnir okkar oft tengdir ljósmyndum,
þannig að við setjum upp slæðusýningu meðan
á flutningi stendur.“ Þau fóru í tónleikaferð um
Norðausturland síðasta haust, sem lauk með
tónleikum í Menningarhúsinu Hofi á Akureyri,
þann 27. nóvember sl.
Börn þeirra hjóna eru tónelsk einnig, sér í
lagi 15 ára stjúpsonur Eyþórs, sem spilar á gít-
ar með foreldrunum en Eyþór segir hann mjög
efnilegan. Samanlagt eiga hjónin fimm börn á
ýmsum aldri, eða 8, 12, 15, 18 og 22 ára.
Aðgengilegir og fróðlegir
bókstafatónleikar
 Eyþór Ingi Jónsson
organisti hefur í kvöld
tónleikaröð sína sem
nefnist Frá A-Ö
Morgunblaðið/Skapti Hallgrímsson
Í Akureyrarkirkju Eyþór Ingi Jónsson stendur fyrir tónleikaröðinni A-Ö. Einir tónleikar fyrir hvern staf í
stafrófinu. Hann leikur fjölbreytta tónlist fyrir orgel, harmóníum, sembal og önnur hljómborðshljóðfæri.
Silja Björk Huldudóttir
silja@mbl.is
„Megintilgangur Vetrarhátíðar er að
skapa skemmtun í skammdeginu og
gefa fólki tækifæri til að njóta menn-
ingar og samveru,“ segir Sigríður
Dögg Guðmundsdóttir, kynning-
arstjóri Vetrarhátíðar, en hátíðin
verður sett í dag og stendur til sunnu-
dags. Að sögn Sigríðar verða sex
meginviðburðir á Vetrarhátíð í ár;
safnanótt, sundlauganótt, ljós-
listaverk, heimsdagur barna, Edmon-
ton calling og snjófögnuður. „Samtals
falla um 200 viðburðir undir þessa
sex meginviðburði,“ segir Sigríður og
tekur fram að hátíðin fari fram í öll-
um sex sveitarfélögum höfuðborg-
arsvæðisins, en allir viðburðir eru
ókeypis.
Vetrarhátíð verður sett á Skóla-
vörðuholtinu í kvöld kl. 19.30. „Mar-
cos Zotes opnar hátíðina með ljós-
listaverkinu „Ljósvörðu“ sem
umbreytir Hallgrímskirkju og þekur
yfirborð þessa þekkta kennileitis í
kraftmikilli sjónrænni upplifun.
Verkið vann Zotes með þátttöku
ungra og upprennandi listamanna á
leikskólanum
Grænuborg, sem
eiga heiðurinn af
teikningum sem
varpað verður á
kirkjuna. Auk
þess taka þátt í
verkinu nemar á
samtímadans-
braut Lista-
háskóla Íslands,“
segir Sigríður og
tekur fram að Zotes leitist við að
virkja borgarbúa til að upplifa mann-
gert umhverfi sitt á óhefðbundinn
máta.
„Í beinu framhaldi af setningu há-
tíðarinnar er tilvalið fyrir gesti og
gangandi að leggja leið sína á Arn-
arhól og njóta snjóbrettapartís, en
þar munu færustu snjóbrettamenn
landsins sýna listir sínar eins og þeim
einum er lagið undir taktföstum
skífuþreytingi plötusnúða áður en al-
menningi gefst tækifæri á að spreyta
sig,“ segir Sigríður.
Ljóðadagskrá í Ráðhúsinu
Þaðan ætti leiðin, að sögn Sigríðar,
að liggja niður í ráðhús þar sem fram
Lýsa upp
skammdegið
Sigríður Dögg
Guðmundsdóttir
 Vetrarhátíð í 12. sinn 5.-8. febrúar
Eyþór Ingi Jónsson, organisti
með meiru, mun hefja tón-
leikaröðina A-Ö í Akureyrar-
kirkju í kvöld. Hann segir tón-
leikaröðina æviverkefni sitt og
stefnir á að ljúka því á 10-15
árum. Á hverjum tónleikum
mun hann tileinka efnið ein-
hverjum bókstaf og verða tón-
leikarnir um 25-30 þegar upp
er staðið. Í kvöld mun hann
spila verk sem tengjast bók-
stafnum A með einhverjum
hætti, hvort sem nöfn verk-
anna eða tónskáldanna byrja á
A eða verkin eru leikin í A-dúr,
Adagio og svo framvegis.
Næstu tónleikar þar á eftir
munu tengjast B, þarnæstu C
og svo koll af kolli.
Tekur 10-15 ár
ÆVIVERKEFNI ORGANISTA
kÖku
gerÐ hp
www.flatkaka.is
Flatkökur& rúgbrauð
ádiskinn þinn
þjóðlegt, gómsætt og gott
Gríptu með úr næstu verslun