Morgunblaðið - 07.02.2015, Blaðsíða 32
32 MESSURá morgun
MORGUNBLAÐIÐ LAUGARDAGUR 7. FEBRÚAR 2015
✝ ÁlfheiðurMagnúsdóttir
fæddist 29. júlí
1919 í Holtum á
Mýrum í Austur-
Skaftafellssýslu.
Hún lést á Heil-
brigðisstofnun
Suð-Austurlands
1. febrúar 2015.
Foreldrar henn-
ar voru Guðrún
Benediktsdóttir og
Magnús Hallsson. Hún giftist
Gísla Arasyni árið 1940 og
bjuggu þau í Holtum á Mýrum
til ársins 1945 en fluttust þá til
Hafnar í Hornafirði og hafa
búið þar síðan. Þau eignuðust
sex börn, fimm
dætur og andvana
son. Dæturnar eru
Guðrún Sigríður,
maki Eymar Yngvi
Ingvarsson, Sig-
urborg, maki Ing-
ólfur Arnarson,
Magnhildur, maki
Þórólfur Árnason,
Ingibjörg, maki
Björn Björnsson,
Erna, maki Hauk-
ur Reynisson. Afkomendur
Álfheiðar og Gísla eru orðnir
35.
Útför Álfheiðar fer fram frá
Hafnarkirkju í dag, 7. febrúar
2015, kl. 11.
Elsku amma, nú hefur þú
kvatt þennan heim og heldur á vit
nýrra ævintýra. Orð fá því ekki
lýst hvað ég mun sakna þess að fá
faðminn frá þér þegar ég kem
heim í fjörðinn.
Þegar ég renni yfir gamlar
myndir af þér, brjótast fram
margar dásamlegar minningar
sem ég mun varðveita vel í hjarta
mínu.
Ég var svo ótrúlega lánsöm að
fá að alast upp í næsta húsi við
þig og afa. Að geta skottast yfir
til ykkar þegar skólanum lauk og
fengið heimagerðar flatkökur
með mysingi eða afgang af plokk-
fiskinum góða voru sko algjör
forréttindi. Þegar ég mætti sastu
oft í hægindastólnum þínum
prjónandi sokka eða vettlinga,
sem veitti ekki af því ekki veit ég
hversu oft ég kom til þín biðjandi
um ný pör því ég var mjög gjörn á
að týna mínum.
Alltaf varstu tilbúin að kenna
mér, gafst þér alltaf góðan tíma
og mikla þolinmæði. Þegar mín
þolinmæði rann út skelltir þú
bara hátt upp úr og gerðir ekki
mikið úr hlutunum. Kenndir mér
að lesa, prjóna, spila, leggja kapla
og svo fyrir nokkrum árum stóð-
um við saman á stéttinni heima
hjá þér þar sem þú kenndir mér
að búa til flatkökurnar þínar
góðu.
Alltaf varstu heilsuhraust og
þegar ég kom yfir til þín um helg-
armorgna, var gamla gufan í loft-
inu og þú varst búin að draga
fram eldhússtól og gerðir leikfim-
isæfingar eins og konan í útvarp-
inu leiddi þig áfram með, og oftar
en ekki dró ég fram annan eld-
hússtól og gerði æfingar með þér,
þetta fannst mér sko aldeilis
sport!
Elsku amma mín, takk fyrir
alla góðu stundirnar sem við átt-
um saman og alla þína hlýju. Við
hittumst seinna á nýjum stað þar
sem við munum spila og hlæja
saman.
Amma kær, ert horfin okkur hér,
en hlýjar bjartar minningar streyma
um hjörtu þau er heitast unnu þér,
og hafa mest að þakka, muna og
geyma.
Þú varst amma yndisleg og góð
og allt hið besta gafst þú hverju sinni,
þinn trausti faðmur okkur opinn stóð,
og ungar sálir vafðir elsku þinni.
Þú gættir okkar, glöð við undum hjá,
þær góðu stundir blessun, amma
kæra.
Nú hinstu kveðju hjörtu okkar tjá
í hljóðri sorg og ástarþakkir færa.
(Ingibjörg Sigurðardóttir)
Heiðdís Hauksdóttir.
Elsku amma.
Það var svo gott að koma yfir
til þín og afa í næsta hús. Þegar
ég var yngri þá passaðir þú alltaf
upp á að ég myndi drekka nóg af
mjólk, borða góðu kæfuna þína,
bláberjasultuna og allar þær
kræsingar sem þú áttir til að
töfra fram. Þú kenndir mér svo
margt. Þú kenndir mér að spila
og við áttum til að spila tímunum
saman. Ég gleymi aldrei þegar
við sátum við litla borðið í eldhús-
inu, ég þú og afi, við hlógum mik-
ið því þið voruð að reyna að kenna
mér að flauta. Þú sagðir að ef ég
myndi drekka mjólkina góðu og
nóg af henni myndi ég ná á end-
anum að flauta. Nokkrum dögum
seinna eftir mikið mjólkurþamb
þrammaði ég inn til ykkar, flaut-
andi. Þú kenndir mér margar fal-
legar sögur og kvæði. Þú áttir
stóra þykka sögubók í hillunni
þinni sem ég og þú lásum oft sam-
an í hægindastólnum þínum og
yfirleitt var það alltaf sama sag-
an. Sagan af Dimmalimm.
Þú hefur verið og verður alltaf
mín fyrirmynd. Þú hafðir mikinn
áhuga á fallegum fötum og ég
hlakkaði alltaf svo til að sýna þér
nýju flíkurnar mínar.
Það eru óteljandi sögur og
minningar sem ég á um þig. Þú
varst alltaf til staðar fyrir mig.
Við höfum eytt öllum jólum sam-
an síðan ég man eftir mér. Síð-
ustu jól varstu orðin mjög veik en
við vorum þó saman og minnist
ég þeirra jóla það sem eftir er.
Þau voru mér dýrmæt.
Þú varst falleg að innan sem
utan, hlý í alla staði og yndisleg
mannvera.
Ég elska þig, amma.
Þín
Hafdís.
Amma mín, Álfheiður Magn-
úsdóttir, hefur kvatt þennan
heim.
Amma var stórkostleg kona.
Hún var hrein og bein og alltaf
vissi ég hvar ég hafði hana. Hún
sagði það sem henni bjó í brjósti
og var fylgin sér í sínum skoð-
unum. Það var gott að leita til
ömmu og hún var boðin og búin
að hjálpa ef þess þurfti.
Amma var unnandi góðra bóka
og bar heimilið þess merki. Nóg
var til af bókum og naut ég þess
að komast í bókahillurnar og
glugga í bók þegar ég var þar í
heimsókn.
Amma var mikil hannyrða-
kona og ég man eftir henni við
saumavélina, sitjandi með prjón-
ana eða heklunálina í höndunum.
Töluboxin hennar ömmu þóttu
mér spennandi og eitt það
skemmtilegasta sem ég fékk að
gera hjá ömmu var að skoða í
þau. Þá hvolfdi ég úr boxunum á
borðið og skoðaði tölurnar.
Amma sagði mér gjarnan hvaðan
tölurnar komu, af kápum hjá
mömmu og systrum hennar eða
af buxunum hans afa.
Amma eldaði besta grjóna-
graut í heimi. Í minningunni var
það þannig. Hún bar hann líka
fram í svo fallegri skál.
Amma hafði gaman af því að
spila. Oft spilaði hún manna við
tengdasynina og gekk þá ósjald-
an mikið á. Hún hafði gjarnan
hátt, sló í borð og lét spilafélag-
ana heyra það. Þessir orðaleppar
eru ógleymanlegir og stór hluti af
samverustundum fjölskyldunnar.
Amma hló mikið og hátt. Mér
fannst hláturinn hennar flottur
og oft hugsaði ég með mér að ég
vildi að ég hlægi eins og amma.
Þegar ég var barn bar ég ótta-
blandna virðingu fyrir ömmu
minni og fannst hún ein merki-
legasta kona sem ég hafði á ævi
minni kynnst. Þegar ég fullorðn-
aðist kynntist ég ömmu minni á
annan hátt og fékk að upplifa vin-
áttu okkar á milli. Mér fannst
óskaplega gott að heimsækja
ömmu og afa í Björk og ræða lífið
og tilveruna við þau. Amma kom
oft með skemmtilega sýn á málin,
nálgaðist þau öðruvísi en ég gerði
og þannig lærði ég af ömmu að
líta á málin frá mörgum hliðum.
Þegar ég var orðin mamma vissi
ég fátt betra en að fara með börn-
in mín í heimsókn í Björk og eiga
þau, eins og ég, margar góðar
minningar þaðan.
Ég er afskaplega þakklát fyrir
að hafa átt ömmu Álfheiði að og
mun minnast hennar sem góðrar
fyrirmyndar um ókomna tíð.
Hvíldu í friði, elsku amma.
Álfheiður Ingólfsdóttir.
Í fáeinum orðum og með mikl-
um söknuði vil ég minnast hennar
ömmu minnar sem nú er búin að
kveðja okkur í þessu lífi eftir
langa og farsæla ævi. Mikið
óskaplega er ég þakklátur fyrir
að hafa átt þig og afa að alla tíð,
elsku amma mín.
Það voru mikil forréttindi fyrir
mig að fá að alast upp á Höfn svo
nærri þeim ömmu og afa, heið-
urshjónunum Álfheiði og Gísla í
Björk. Hjá þeim átti ég mitt ann-
að heimili í uppvextinum og allt
fram á fullorðinsár. Og margs er
að minnast. Seint gleymi ég
sunnudagsbíltúrunum út á Mýr-
ar með þér, afa og Ernu á
Landrovernum þar sem ýmislegt
var brallað. Allar spurninga-
keppnirnar í hádegismatnum í
Björk. Þegar þú kenndir mér að
spila kasínu og þegar ég svo vann
þig í henni í fyrsta skipti. Því
gleymi ég aldrei. Sumarið með
ykkur í Hveragerði. Þegar við
ræddum stjórnmálin og ég þótt-
ist ekki vera á sama máli, þá varð
nú íslenskan ansi kjarnyrt á köfl-
um og mikið sveiað. Hvað þið tók-
uð vel á móti henni Hildi minni
þegar við kynntumst fyrir austan
og sumarið 1984 þegar við bjugg-
um hjá ykkur í Björk með Elsu
Rún okkar rúmlega árs gamla.
Og aldrei hættirðu að spyrja mig
hvenær við ætluðum nú aftur að
flytja heim á Höfn. Síðan allar
heimsóknirnar austur á Höfn til
ykkar eftir að við fluttum, ætt-
armótin og þegar við dönsuðum í
Holti fyrir ekkert svo löngu. Þú
varst töluvert liprari en ég. Haf-
sjór af góðum og skemmtilegum
minningum.
En það sem upp úr stendur er
minningin um yndislega ömmu.
Sterka, stórmerkilega og ein-
staka konu, svo hjartahlýja og
glaðværa, sem á svo einstakan
hátt miðlaði sínum traustu fjöl-
skyldugildum til afkomenda
sinna. Ég deili þessum minning-
um með eiginkonu og börnum,
Hildi, Elsu Rún og Eymari, þeim
fannst mikið til þín koma og þótti
svo vænt um þig.
Nú þegar ég skrifa þessi minn-
ingarorð er lítill langalangömm-
ustrákur að koma í heiminn. Þeg-
ar fram líða stundir þá segi ég
honum frá langalangömmu á
Hornafirði, kenni honum kasínu
og við ætlum að tala kjarnyrta ís-
lensku á meðan. Ég get varla
beðið eftir því.
Elsku amma. Það er svo erfitt
að kveðja eftir allan þennan tíma
en við munum alltaf varðveita all-
ar góðu og dýrmætu minningarn-
ar um þig. Þær munu ylja okkur
alla ævi. Hvíl í friði.
Elsku afi. Mikill er þinn missir
eftir öll þessi ár með henni
ömmu. Þakka þér fyrir að vera
alltaf svona góður við hana í blíðu
og stríðu. Við viljum biðja góðan
guð að styrkja þig í þinni miklu
sorg og sendum þér okkar inni-
legustu samúðarkveðjur.
Gísli Eymarsson
og fjölskylda.
Álfheiður
MagnúsdóttirAÐVENTKIRKJAN í Reykjavík | Ing-ólfsstræti 19, Reykjavík. Biblíufræðsla
laugardag kl. 11. Guðsþjónusta kl. 12.
Ræðumaður: Eric Guðmundsson.
Barna- og unglingastarf. Umræðuhópur
á ensku. Súpa og brauð eftir sam-
komu.
AÐVENTKIRKJAN í Vestmanna-
eyjum | Brekastíg 17, Vestmanna-
eyjum. Guðsþjónusta laugardag kl. 12.
AÐVENTSÖFNUÐURINN á Akur-
eyri | Eiðsvallagötu 14, Gamli Lundur.
Biblíurannsókn laugardag kl. 11. Guðs-
þjónusta kl. 12. Barnastarf.
AÐVENTSÖFNUÐURINN á Suður-
nesjum | Blikabraut 2, Keflavík. Biblíu-
fræðsla laugardag kl. 11. Guðsþjón-
usta kl. 12. Ræðumaður: Einar Valgeir
Arason.
AÐVENTSÖFNUÐURINN í Árnesi |
Eyravegi 67, Selfossi. Biblíufræðsla
laugardag kl. 10. Guðsþjónusta kl. 11.
Ræðumaður: Jens Danielsen. Barna-
og unglingastarf.
AÐVENTSÖFNUÐURINN í Hafnar-
firði | Hólshrauni 3, Hafnarfirði. Guðs-
þjónusta laugardag kl. 11. Ræðumað-
ur: Stefán Rafn Stefánsson. Biblíu-
fræðsla kl. 11.50. Barna- og
unglingastarf. Umræðuhópur á ensku.
Súpa og brauð eftir samkomu.
AKRANESKIRKJA | Tónlistarguðs-
þjónusta kl. 17 (ath. breyttan messu-
tíma). Hinn síungi Ragnar Bjarnason
syngur dægurlög við undirleik Þorgeirs
Ástvaldssonar. Sóknarprestur flytur
stutta hugleiðingu á milli laga.
AKUREYRARKIRKJA | Guðsþjón-
usta kl. 11. Prestur er sr. Hildur Eir
Bolladóttir. Félagar úr Kór Akureyrar-
kirkju syngja. Organisti er Eyþór Ingi
Jónsson. Sunnudagaskóli í Safn-
aðarheimilinu kl. 11. Umsjón sr. Sunna
Dóra Möller og Hjalti Jónsson. Æðru-
leysismessa í Akureyrarkirkju kl. 20.
Prestar eru sr. Sunna Dóra Möller og
sr. Oddur Bjarni Þorkelsson. Hjalti
Jónsson annast tónlistina. Kaffisopi í
Safnaðarheimilinu að messu lokinni.
AKURINN kristið samfélag | Sam-
koma kl. 14 í Núpalind 1, Kópavogi.
Biblíufræðsla, söngur og bæn.
ÁRBÆJARKIRKJA | Fjölskylduguðs-
þjónusta kl. 11. Barn borið til skírnar.
Brúðuleikhús, biblíusögur og söngur.
Sr. Þór Hauksson ásamt Ingunni Björk
Jónsdóttur djákna. Undirleikur Kjartan
Jósefsson Ognibene. Kaffi á eftir.
ÁSKIRKJA | Messa og barnastarf kl.
11. Séra María Ágústsdóttir héraðs-
prestur prédikar og þjónar fyrir altari.
Linda Jóhannsdóttir djákni leiðir sam-
verustund sunnudagaskólans.
Kammerkór Áskirkju syngur, organisti
Magnús Ragnarsson. Kaffisopi á könn-
unni eftir messu.
ÁSTJARNARKIRKJA | Guðsþjónusta
kl. 11. Kór Ástjarnarkirkju syngur undir
stjórn Matthíasar V. Baldurssonar.
Meðhjálpari er Sigurður Þórisson og
prestur sr. Kjartan Jónsson. Sunnu-
dagaskóli á sama tíma undir stjórn
Hólmfríðar S. Jónsdóttur og Bryndísar
Svavarsdóttur. Hressing á eftir.
BESSASTAÐASÓKN | Sunnudaga-
skóli í Brekkuskógum 1 kl. 11. Umsjón
með stundinni hafa Fjóla og Guð-
mundur Jens.
BORGARNESKIRKJA | Messa kl. 11.
Guðsþjónusta í Brákarhlíð kl. 13.45.
Organisti Steinunn Árnadóttir. Prestur
Þorbjörn Hlynur Árnason.
BREIÐHOLTSKIRKJA | Sunnudaga-
skóli kl. 11 í umsjá Steinunnar Leifs-
dóttur og Steinunnar Þorbergsdóttur.
Messa kl. 11. Prestur sr. Gísli Jón-
asson. Kór Breiðholtskirkju syngur, org-
anisti er Örn Magnússon. Tekið við gjöf-
um til Biblíufélagsins. Kaffi í safnaðar-
heimili á eftir.
BÚSTAÐAKIRKJA | Barnamessa
með bíóívafi kl. 11. Bára, Daníel og sr.
Árni Svanur leiða messuna. Jónas Þórir
leikur kvikmyndatónlist úr Frozen og
fleiri myndum. Bíómessa kl. 14. Sr.
Árni Svanur Daníelsson og Hólmfríður
Ólafsdóttir djákni þjóna. Þema mess-
unnar er Guð á hvíta tjaldinu.
DIGRANESKIRKJA | Messa og
sunnudagaskóli kl. 11. Prestur sr.
Gunnar Sigurjónsson. Organisti Sólveig
Sigríður Einarsdóttir. Kammerkór Digra-
neskirkju syngur. Súpa í safnaðarsal
að athöfn lokinni. Fermingarfræðsla kl.
13. Sjá heimasíðu.
DÓMKIRKJAN | Messa kl. 11. Frú
Agnes M. Sigurðardóttir prédikar og
séra Sveinn Valgeirsson þjónar fyrir alt-
ari. Dómkórinn og organisti er Kári Þor-
mar. Arnfríður Einarsdóttir og Ragnhild-
ur Ásgeirsdóttir lesa ritningarlestrana.
Barnastarf á kirkjuloftinu í umsjón
Ólafs Jóns og Sigurðar Jóns.
EGILSSTAÐAKIRKJA | Fjölskyldu-
guðsþjónusta kl. 11. Börn sem verða 5
ára á árinu sérstakir heiðursgestir.
Laugardag: Samtal um trú - efni um
andlegt líf, í safnaðarheimilinu kl. 10-
11.30, í umsjá Vigfúsar Ingvars Ingv-
arssonar.
FELLA- og Hólakirkja | Guðsþjón-
usta kl. 11. Prestur Guðmundur Karl
Ágústsson. Organisti Eyþór Franzson
Wechner. Kór kirkjunnar leiðir almenn-
an safnaðarsöng. Í tilefni af Biblíu-
deginum og 200 ára afmæli Hins ís-
lenska Biblíufélags verður Biblían í
fókus með einum eða öðrum hætti.
Sunnudagaskólinn á sama tíma í
umsjá Péturs og Hreins. Kaffisopi eftir
guðsþjónustu.
FRÍKIRKJAN Hafnarfirði | Sunnu-
dagaskóli kl. 11. Guðsþjónusta kl. 13.
Kór og hljómsveit kirkjunnar leiða söng-
inn undir stjórn Arnar Arnarsonar.
FRÍKIRKJAN Kefas | Sunnudagaskóli
kl. 11. Fræðsla, söngur, brúðuleikrit og
fleira. Hressing í lok stundar.
FRÍKIRKJAN Reykjavík | Kvöld-
messa kl. 20 í umsjón sr. Hjartar
Magna Jóhannssonar. Sönghópur Frí-
kirkjunnar leiðir sönginn ásamt djass-
tríói skipuðu Gunnari Gunnarssyni á pí-
anó, Tómasi R. Einarssyni á
kontrabassa og Snorra Sigurðarsyni á
trompet. Athugið að engin guðsþjón-
usta verður kl. 14 þennan dag.
GLERÁRKIRKJA | Messa kl. 11.
Sameiginlegt upphaf í barnastarfi.
Prestur: Sr. Jón Ómar Gunnarsson. Kór
Glerárkirkju leiðir söng.
GRAFARVOGSKIRKJA | Biblíumessa
kl. 11. Séra Guðrún Karls Helgudóttir
þjónar fyrir altari. Kór kirkjunnar syngur.
Organisti: Hákon Leifsson. Sunnudaga-
skóli kl. 11. Séra Arna Ýrr Sigurðar-
dóttir. Umsjón hefur Þóra Björg Sigurð-
ardóttir. Undirleikari: Stefán Birkisson.
GRENSÁSKIRKJA | Morgunverður kl.
10 og bænastund kl. 10.15. Barna-
starf kl. 11 í umsjá Lellu o.fl. Messa kl.
11. Altarisganga. Samskot til Biblíu-
félagsins. Messuhópur þjónar. Kór frá
Domus vox syngur, skólastjóri Margrét
J. Pálmadóttir. Organisti Ásta Haralds-
dóttir. Prestur sr. Ólafur Jóhannsson.
Molasopi eftir messu. Hversdags-
messa með á fimmtudag kl. 18.10.
Þorvaldur Halldórsson sér um tónlist.
GRUND dvalar- og hjúkrunar-
heimili | Guðsþjónusta í hátíðasal.
Prestur sr. Auður Inga Einarsdóttir. Org-
anisti Kristín Waage. Grundarkórinn
leiðir söng undir stjórn organista.
GUÐRÍÐARKIRKJA í Grafarholti |
Fjölskyldumessa kl. 11. Prestur sr. Karl
V. Matthíasson. Barnakór Guðríð-
arkirkju syngur undir stjórn Ásbjargar
Jónsdóttur. Kirkjuvörður Lovísa Guð-
mundsdóttir. Kaffisopi eftir messu.
HAFNARFJARÐARKIRKJA | Fjöl-
skylduguðsþjónusta kl. 11. Barnakór
Hafnarfjarðarkirkju syngur undir stjórn
Helgu Loftsdóttur. Anna Magnúsdóttir
leikur á píanó. Organisti Guðmundur
Sigurðsson. Prestur sr. Jón Helgi Þór-
arinsson. Sunnudagaskólinn tekur þátt
í samverunni í kirkjunni. Djús og kaffi-
sopi í safnaðarheimilnu á eftir.
HALLGRÍMSKIRKJA | Messa og
barnastarf kl. 11. Sr. Birgir Ásgeirsson
prédikar og þjónar fyrir altari ásamt
hópi messuþjóna. Fermingarbörn að-
stoða. Mótettukór Hallgrímskirkju syng-
ur. Organisti Hörður Áskelsson. Um-
sjón barnastarfs Inga Harðardóttir.
HÁTEIGSKIRKJA | Messa kl. 11 og
barnastarf. Prestur: Eiríkur Jóhanns-
son. Organisti: Kári Allansson. Félagar
í kór Háteigskirkju syngja.
Hátúnsheimilið | Guðsþjónusta í
Betri stofunni í Hátúni 12 kl. 13. Sókn-
arprestur Laugarneskirkju, sr. Kristín
Þórunn Tómasdóttir, þjónar og prédik-
ar, Arngerður María Árnadóttir tónlistar-
stjóri leiðir söng, meðhjálpari er Krist-
inn Guðmundsson.
HJALLAKIRKJA Kópavogi | Guðs-
þjónusta með léttu sniði kl. 11. Prestur
Sigfús Kristjánsson, organisti Guð-
laugur Viktorsson. Félagar úr kór kirkj-
unnar leiða söng. Samvera með for-
eldrum fermingarbarna strax eftir
messu. Sunnudagaskóli kl. 13 á neðri
hæðinni. hjallakirkja.is
HVÍTASUNNUKIRKJAN Fíladelfía |
Samkoma og brauðsbrotning kl. 11.
Ræðumaður er Hafliði Kristinsson fjöl-
skylduráðgjafi. Önnur kennsla í seríu
um hjónabandið og Biblíuna. Efni ræð-
unnar er: Að velja vel. Kaffi og sam-
félag eftir samkomu. Samkoma á
ensku hjá Alþjóðakirkjunni kl. 14. Engl-
ish speaking service.
ÍSLENSKA Kristskirkjan | Samkoma
kl. 13.30. Lofgjörð og fyrirbænir. Ólafur
H. Knútsson prédikar. Barnastarf á
sama tíma í aldursskiptum hópum.
Kaffi eftir stundina.
KEFLAVÍKURKIRKJA | Guðsþjónusta
og barnastarf kl. 11. Arnór Vilbergsson
leiðir söng með félögum úr Kór Kefla-
víkurkirkju. Sr. Erla Guðmundsdóttir,
Systa Act, Anna Hulda og Esther stýra
barnastarfinu. Messuþjónar lesa og
sjálfboðaliðar bera fram sunnudags-
krás að messu lokinni. Prestur er sr.
Sigfús B. Ingvason.
Kirkjuselið í Spöng | Selfiemessa kl.
13. Sr. Arna Ýrr Sigurðardóttir leiðir
stundina. KK sér um tónlist og segir
frá. Fræðsla fyrir foreldra fermingar-
barna. Sunnudagaskóli á sama tíma.
Umsjón hefur Ásthildur Guðmunds-
dóttir. Undirleikari: Stefán Birkisson.
KÓPAVOGSKIRKJA | Guðsþjónusta
kl. 11. Dr. Sigurjón Árni Eyjólfsson hér-
aðsprestur prédikar og þjónar fyrir alt-
ari. Kór Kópavogskirkju syngur undir
stjórn Lenku Mátéová, kantors kirkj-
unnar. Sunnudagaskólinn hefst í kirkju
en heldur í safnaðarheimilið Borgir að
loknu upphafi guðsþjónustu. Umsjón
með sunnudagaskólanum hafa Bjarmi
Hreinsson og Oddur Örn Ólafsson.
LANGHOLTSKIRKJA | Guðsþjónusta
kl. 11. Sunnudagaskóli á sama tíma.
Jóhanna Gísladóttir æskulýðsfulltrúi
sér um guðsþjónustuna ásamt messu-
þjónum og kirkjuverði. Graduale Futuri
syngur undir stjórn Rósu Jóhannes-
dóttur og undirleik Jóns Stefánssonar.
Snævar Andrjesson guðfræðinemi og
Yrja Kristinsdóttir djáknanemi sjá um
sunnudagaskólann. Kaffi á könnunni
og kökusala Graduale Futuri í safn-
aðarheimilinu eftir guðsþjónustu.
LAUGARNESKIRKJA | Messa og
sunnudagaskóli kl. 11. Félagar úr Gí-
deon kynna starf sitt. Sóknarprestur og
messuþjónar þjóna. Kór Laugar-
neskirkju og organisti leiða tónlist.
Kaffi og djús eftir samveru.
LÁGAFELLSKIRKJA | Guðsþjónusta
kl. 11. Kirkjukórinn syngur undir stjórn
Arnhildar Valgarðsdóttur. Prestur er sr.
Skírnir Garðarsson.
LINDAKIRKJA í Kópavogi | Sunnu-
dagaskóli í Lindakirkju og í Boðaþingi
kl. 11. Messa í Lindakirkju kl. 20. Kór
Lindakirkju leiðir safnaðarsönginn og
lofgjörðina undir stjórn Óskars Ein-
arssonar. Sr. Guðmundur Karl prédikar
og þjónar fyrir altari.
NESKIRKJA | Messa og barnastarf kl.
11. Kór Neskirkju leiðir safnaðarsöng.
Organisti Steingrímur Þórhallsson. Sr.
Sigurvin Lárus Jónsson prédikar og
þjónar fyrir altari. Umsjón með sunnu-
dagaskólanum hafa Katrín Helga og
Ari. Samfélag og kaffisopi á Torginu eft-
ir messu. Fulltrúar frá Gídeon gefa
fermingarbörnum Nýja testamenti og
kynna starf hreyfingarinnar í kaffinu.
ÓHÁÐI SÖFNUÐURINN | Guðsþjón-
usta kl. 14 og barnastarf á sama tíma.
Séra Pétur Þorsteinsson þjónar fyrir alt-
ari og kór safnaðarins leiðir sönginn
undir stjórn Árna Heiðars Karlssonar.
Guðni Einarsson, stjórnarmaður í Bibl-
íufélaginu, prédikar. Maul eftir messu.
Sjá nánar á www.ohadisofnudurinn.is
SALT kristið samfélag | Samkoma
kl. 14 í Kristniboðssalnum Háaleitis-
braut 58-60, 3. hæð. „Hvernig var Bibl-
ían skrifuð?“ Ræðumaður sr. Kjartan
Jónsson. Túlkað á ensku. Sunnudaga-
skóli fyrir börnin.
SELFOSSKIRKJA | Messa og sunnu-
dagaskóli kl. 11. Minnst 200 ára af-
mælis HÍB, elsta félags á Íslandi.
Kirkjukórinn syngur, organisti Edit
Molnár. Umsjón með barnastarfi hefur
Hugrún Kristín Helgadóttir. Prestur Þor-
valdur Karl Helgason. Kaffi og súpa
eftir messu.
SELJAKIRKJA | Sunnudagaskóli kl.
11. Barnakórinn syngur og sögð verður
saga úr Biblíunni. Allir fá límmiða á
plakatið og síðan verður mynd til að lita
og djúshressing í safnaðarheimilinu.
Guðsþjónusta kl. 14. Sr. Ólafur Jóhann
Borgþórsson prédikar og þjónar fyrir alt-
ari. Tómas Guðni Eggertsson leikur á
orgel og kór kirkjunnar syngur. Ferming-
arbörn eru hvött til þátttöku með for-
eldrum sínum. Molasopi í safn-
aðarheimilinu að messu lokinni.
SELTJARNARNESKIRKJA | Guðs-
þjónusta og sunnudagaskóli kl. 11. Sr.
Valgeir Ástráðsson, stjórnarmaður í
Hinu íslenska biblíufélagi, prédikar. Sr.
Bjarni Þór Bjarnason sóknarprestur
þjónar. Friðrik Vignir Stefánsson er org-
anisti. Félagar úr Kammerkórnum leiða
almennan safnaðarsöng. Kaffiveit-
ingar. Fræðslumorgunn kl. 10. Margrét
Bóasdóttir fjallar um Biblíuna og tónlist-
ina í tali og tónum. Biblíumaraþon kl.
15-17. Ýmsir einstaklingar lesa valda
texta úr Biblíunni. Organisti kirkjunnar
leikur. Kaffiveitingar.
SKÁLHOLTSDÓMKIRKJA | Messa
kl. 11.
VILLINGAHOLTSKIRKJA í Flóa |
Guðsþjónusta kl. 13.30. Minnst verður
200 ára afmælis HÍB, elsta félags á Ís-
landi. Kirkjukórinn syngur. Organisti
Ingi Heiðar Jónsson. Prestur Þorvaldur
Karl Helgason.
VÍDALÍNSKIRKJA | Biblíudagurinn.
Messa og sunnudagaskóli kl. 11. Sr.
Friðrik J. Hjartar prédikar. Kórfélagar
leiða safnaðarsönginn. Organisti
Douglas Brotchie. Börnin fylgja leiðtog-
unum í fjörið í safnaðarheimilinu. Mola-
sopi og djús eftir messu.
VÍÐISTAÐAKIRKJA í Hafnarfirði |
Guðsþjónusta og sunnudagaskóli kl.
11. Siggi og María sjá um sunnudaga-
skólann. Félagar úr kór Víðistaðakirkju
leiða söng undir stjórn Helgu Þórdísar
Guðmundsdóttur. Prestur sr. Hulda
Hrönn Helgadóttir.
YTRI-Njarðvíkurkirkja | Guðsþjón-
usta kl. 11. Kór Njarðvíkurkirkna syng-
ur undir stjórn Stefáns Helga Kristins-
sonar organista. Meðhjálpari Ástríður
Helga Sigurðardóttir. Fundur með ferm-
ingarbörnum og foreldrum að guðsþjón-
ustu lokinni. Sunnudagaskóli kl. 11 í
umsjá Maríu og Heiðars. Kaffi, djús og
kökur að skóla loknum.
Orð dagsins: Ferns
konar sáðjörð.
(Lúk. 8)
MINNINGAR