Morgunblaðið - 09.02.2015, Blaðsíða 12

12 FRÉTTIRInnlent
MORGUNBLAÐIÐ MÁNUDAGUR 9. FEBRÚAR 2015
YOUR TIME IS NOW.
CREATE A FIRST IMPRESSION THAT
DEMANDS A SECOND LOOK.
Tíminn tignarlega túlkaður á hvítri perluskel.
Umgjörðin er prýdd 72 demöntum
sem ramma inn fíngerða tunglstöðuskífu
og nákvæma skeiðklukku.
Kvenlegt úr sem sendir skýr skilaboð
um styrk og sjálfsöryggi.
Ingvar Smári Birgisson
isb@mbl.is
„Farið var í hugmyndasamkeppni á
vegum sveitarfélagsins sem Um-
hverfisstofnun tók þátt í með því að
vera í dómnefnd. Núna fer í gang
skipulagsferli hjá sveitarfélaginu
þar sem sveitarfélagið mun nýta sér
þær hugmyndir sem fram hafa
komið til að móta tillögu að framtíð-
aruppbyggingu á svæðinu. Um-
hverfisstofnun lítur svo á að það sé
ekki búið að móta ákveðna tillögu,“
segir Ólafur Arnar Jónsson hjá
Umhverfisstofnun, en hann telur
ekki að þátttakan í dómnefnd hafi
áhrif á getu stofnunarinnar til að
fylgja verkefninu eftir.
Þetta segir Ólafur í kjölfar gagn-
rýni Tómasar Guðbjartssonar,
stjórnarmanns í Ferðafélagi Ís-
lands, á Umhverfisstofnun vegna
þátttöku stofnunarinnar í hug-
myndasamkeppni sem lýtur að upp-
byggingu á Torfajökulssvæðinu. Ár-
ið 2011 samþykkti ríkisstjórnin að
Torfajökulssvæðið yrði eitt þeirra
svæða sem Ísland myndi sækja um
í framtíðinni að yrði skráð á heims-
minjaskrá UNESCO, en Tómas tel-
ur að framkvæmdirnar, verði þær
eins og gert er ráð fyrir í hug-
myndum, muni raska ekki bara
náttúrunni á svæðinum, heldur
einnig skráningu þessa einstaka
svæðis á heimsminjaskrá.
Horft verður til skýrslu NÍ
„Þessi fullyrðing, að framkvæmd-
irnar geti raskað náttúrunni á
svæðinu, er sett fram í skýrslu
Náttúrufræðistofnunar. Við munum
að sjálfsögðu horfa til hennar sem
og annarra gagna sem stofnunin
mun styðjast við þegar hún verður
fengin til að veita formlega umsögn
um skipulag svæðisins,“ segir Ólaf-
ur en skýrslan var unnin fyrir
Ferðafélag Íslands.
Ljósmynd/Ferðafélag Íslands
Landmannalaugar Umhverfisstofnun hefur verið gagnrýnd vegna þátttöku
í dómnefnd í hugmyndasamkeppni um uppbyggingu á Torfajökulssvæðinu.
Umhverfisstofn-
un telur sig hæfa
 „Ekki búið að móta ákveðna tillögu“
Sigurður Bogi Sævarsson
sbs@mbl.is
Reykjavíkurborg áformar að verja á
næstu árum tæpum fimm milljörðum
króna til uppbyggingar í Úlfarsárdal.
Nýlega voru kynnt úrslit í samkeppni
um hönnun þjónustubyggingar í Úlf-
arsárdal, þar sem skóli, íþrótta-
aðstaða, sundlaug, bókasafn og fleira
verður undir einu þaki í 15.500 fer-
metra húsi. Ekki liggur fyrir í hvaða
áföngum verður byggt, en verið er að
setja á laggirnar verkefnis- og stýri-
hóp sem leggur línur í samráði við
fagráð og stofnanir í borgarkerfinu.
Fyrirhuguð uppbygging var kynnt
á íbúafundi sem hverfisráð Graf-
arholts og Úlfarsárdals hélt í síðustu
viku. Þar fór Hrólfur Jónsson, skrif-
stofustjóri eigna og atvinnuþróunar
hjá Reykjavíkurborg, yfir mál. Sá
dráttur sem hefur orðið á fram-
kvæmdum hefur verið gagnrýndur
og komu þau sjónarmið sterkt fram í
máli fundargesta.
Hrunið lék lóðahafa grátt
Hrólfur Jónsson segir mikilvægt
að horfa á mál þessi heildstætt. Hann
bendir á að efnahagshrunið haustið
2008 hafi haft mikil áhrif á uppbygg-
ingu í hverfinu, sem þá var í fullum
gangi. Hrunið hafi leikið húsbyggj-
endur og lóðahafa grátt. Margir hafi
spennt bogann hátt en forsendur svo
brostið og allur gangur verið á því,
skilmálum samkvæmt, hvort fólk
gæti skilað inn lóðum sem það keypti,
hugsanlega með gjaldeyrislánum.
„Markaðsbrestur eftir hrun varð til
þess að fólk gat ekki endurselt lóð-
irnar nema fyrir brot af því sem keypt
var á. Slíkar aðstæður valda gremju.
Við það bætist að enn er óbyggt á
mörgum lóðum þó að þeim hafi þegar
verið úthlutað. Reykjavíkurborg hef-
ur ekki verið í góðri stöðu til að knýja
fram framkvæmdir hjá fólk í erfiðri
fjárhagsstöðu, til dæmis með hótun
dagsekta. Nú eru mál þessara lóða-
hafa hins vegar að skýrast og því telj-
um við nú rétt að hefjast handa með
framkvæmdir, bæði hverfismiðstöð
og annað,“ segir Hrólfur.
Óánægja í röðum Fram
Þegar landnám í Úlfarsárdal hófst
fyrir tæpum áratug var þar gert ráð
fyrir 10 þúsund manna byggð en nú
er viðmiðið 3.500 íbúar í 1.400 íbúð-
um. Í takt við þetta hefur áformum
um þjónustubyggingu verið breytt og
það hefur, að sögn Hrólfs, oftsinnis
verið kynnt fyrir íbúum og fulltrúum
íþróttafélagsins Fram. Starfsemi
þess félags er nú að hluta til komin í
dalinn og þar er framtíðaraðstaða
þess. Í röðum Fram gætir hins vegar
óánægju en fólki í félaginu þykir
hægt miða.
„Þar var sagt hreint út að nauðsyn-
legt að væri að endurhugsa skólann
og verkefnið allt vegna breytinga á
aðalskipulagi. Jafnframt voru settar
fram hugmyndir um að draga úr upp-
haflegum áformum um uppbyggingu
fyrir Fram,“ útskýrir Hrólfur. Segir
að ákveðið hafi verið að fara í hug-
myndasamkeppni um deiliskipulag
meðal annars til að brúa ólík viðhorf.
Sú vinna hafi tekið sinn tíma.
Hönnun byggingar útfærð
Niðurstöður úr skipulagsvinnu
liggja nú fyrir og í nóvember síðast-
liðnum voru kynntar niðurstöður
hönnunarsamkeppni um bygginguna
í Úlfarsárdalnum, en þar vann tillaga
hóps frá VA- arkitektum, Landmótun
og Eflu. Hrólfur Jónsson segir að nú
verði sú tillaga útfærð frekar og und-
irbúningur verksins alls sé kominn á
skrið. Ekki sé þó hægt að tímasetja
nákvæmlega hvenær framkvæmdir
hefjast eða byggingin verði tilbúin.
Fjárfestingaáætlanir verksins
spanna 2015-2019 og mun borgin
verja allt að einum milljarði króna á
ári hverju til verkefna í Úlfarsárdal.
Einn milljarður kr. á ári í Úlfarsárdal
Hús Svona gæti væntanleg borgarbygging í dalnum litið út, verði byggt
samkvæmt tillögu sem sigraði í samkeppni meðal arkitekta í fyrra.
 Þjónustubygging borgar fyrir Úlfarsárdal og Grafarholt í undirbúningi  Hrunið breytti hverfinu
 Skóli, íþróttir, sund og menning undir sama þaki  Endurhugsun framkvæmda var nauðsynleg
Morgunblaðið/Sigurður Bogi
Framsaga Rétt að hefjast handa,
sagði Hrólfur Jónsson á fundinum.
Síðar á þessu ári hefjast fram-
kvæmdir við Fellsveg við Reyn-
isvatnsás, sem tengja á saman
Grafarholt og Úlfarsárdal. Þessi
framkvæmd þykir mikilvæg svo
byggðirnar tvær verði sú heild
sem lengi hefur verið stefnt að;
hverfi af sambærilegri stærð og
til dæmis Árbær.
„Það er sannfæring fagfólks-
ins að þarna geti skapast mjög
gott hverfi með heppilegri fé-
lagslegri blöndun, góðri þjón-
ustu við íbúa og mikilli nálægð
við náttúru og útivistarmögu-
leika. Þarna verður allt í þægi-
legri fjarlægð og hverfið er ein-
faldlega frábær valkostur til
búsetu eins og öll hverfi borg-
arinnar reyndar eru,“ segir
Hrólfur. Bætir við að öll skipu-
lagsáform sem núi gilda eigi að
styrkja Úlfarsárdal, til dæmis
með greiðari samgöngum.
Hverfið verði frábær kostur
BYGGÐIRNAR TENGJAST SAMAN MEÐ NÝJUM FELLSVEGI