Morgunblaðið - 09.02.2015, Blaðsíða 16

REYKJAVÍK
KJALARNES
H
EI
MS
ÓKN Á HÖFUÐBO
R
G
A
R
S
V
Æ
Ð
IÐ
2015
MORGUNBLAÐIÐ MÁNUDAGUR 9. FEBRÚAR 2015
Sigurður Bogi Sævarsson
sbs@mbl.is
Mikil fækkun hefur orðið á um-
ferðarslysum á Vesturlandsvegi
um Kjalarnes á síðustu árum. Það
er í samræmi við þróunina úti á
þjóðvegunum almennt, en hafa
verður þá í huga að í eina tíð voru
slys á þessum vegarkafla undir
Esjunni nokkuð tíð. Á árunum
2005 og 2006 urðu alvarleg slys á
þessum slóðum alls 15, hvort árið
um sig, en eftir það hefur þróunin
verið í jákvæða átt. Árið 2013
urðu slysin þrjú og ekkert í fyrra.
Algengasta birtingarmynd al-
varlegra slysa á Kjalarnesinu er að
bílar sem koma úr gagnstæðum átt-
um skelli saman, að sögn Ágústs
Mogensen hjá Rannsóknarnefnd
samgönguslysa. Orsök slysanna er
þá, svo kafað sé dýpra í málsatvik,
gjarnan hraði, framúrakstur, að bíll
rási til á vegi ellegar ástand öku-
manns svo eitthvað sé nefnt.
Betri vegur og bílar
„Áhrifaþættirnir til fækkunar
slysa eru margir,“ segir Ómar
Smári Ármannsson, yfirmaður
umferðardeildar lögreglunnar á
höfuðborgarsvæðinu. „Bílarnir eru
betri og öruggari og þá hefur veg-
urinn verið lagfærður, vegrið verið
sett upp á hættulegustu stöðunum
og ökumenn eru líka almennt með-
vitaðri um hætturnar og fara hæg-
ar yfir, þó auðvitað séu alltaf ein-
hverjir sem láta ekki segjast.
Bætt ökukennsla er einnig til
bóta.“
Í dag má nálgast allar upplýs-
ingar um veður og færð á vef
Vegagerðarinnar og það þykir
vera talsverð bót með tilliti til um-
ferðaröryggis. „Betra upplýsinga-
streymi skiptir máli því þarna get-
ur verið bæði hvasst og blint við
ákveðnar aðstæður,“ segir Ómar
Smári.
Morgunblaðið/Júlíus
Umferð Lögreglan fylgist vel með á Kjalarnesinu með margþættu eftirliti og árangurinn af því er góður.
Umferðarslys á Kjalar-
nesi virðast úr sögunni
 Meðalhraði hefur minnkað  Bílar úr gagnstæðum áttum skullu saman
Í aðalskipulagi Reykjavíkur sem
gildir fram til ársins 2030 er búist
við að á Kjalarnesi, þar sem um 860
manns búa í dag, fjölgi íbúðum um 5
til 10 ári. Lauslega áætlað eru það
25-30 manns árlega. Gert er ráð fyr-
ir því að byggðin þróist til vesturs og
norðurs og að íbúafjöldi verði í
framtíðinni sá að grundvöllur verði
fyrir rekstri verslunar og þjónustu í
Grundarhverfi.
Stefna borgarinnar um Kjalar-
nesið samkvæmt skipulaginu, sem
samþykkt var fyrir fáum misserum,
er vernd þess sem svæðis til land-
búnaðar, enda þótt hefðbundinn bú-
skapur sé á undanhaldi. Á þessum
slóðum séu nú stór kjúklinga- og
svínabú, en með auknu vægi líf-
rænnar framleiðslu og sölu beint frá
býli geti breytingar orðið meiri.
Slíkt skapi matvælaframleiðslu á
svæðinu sóknarfæri.
Nýmæli sem um Kjalarnesið gilda
í aðalskipulaginu er að atvinnusvæð-
ið á Esjumelum verði stækkað og
nýtt slíkt svæði á Álfsnesi skilgreint.
Einnig er gert ráð fyrir breytingum
á Vesturlandsvegi, svo sem mis-
lægum gatanamótum. Að öðru leyti
vill borgin efla þjónustu og afþrey-
ingarmöguleika á svæðinu og að þar
verði byggt upp kerfi göngu- og
hjólastíga. sbs@mbl.is
Morgunblaðið/Þórður
Grundarhverfi Hálfgert sveitaþorp við útmörk höfuðborgarinnar.
Íbúunum fjölgi og at-
vinnusvæðin styrkt
 Verslun og þjónusta í aðalskipulagi
Kjalarnes hefur þá sérstöðu innan
Reykjavíkur að vera landbúnaðar-
og dreifbýlissvæði. Það var áður
sérstakt sveitarfélag en er nú hluti
borgarinnar. Þessi borgarhluti er
rúmlega 160 ferkílómetrar að
stærð og afmarkast af Leirvogsá í
suðri, Kiðafellsá og Hvalfirði í
norðri og hábungu Esju og Skála-
fells í austri. Landslag á Kjalarnesi
einkennist af vogskornum strönd-
um og undirlendi á nesjunum
ásamt landinu undir hlíðum Esju
sem rís í 914 metra hæð til austurs
og norðurs og er eitt helsta kenni-
leiti svæðisins og Reykjavíkur allr-
ar.
Í borgarhlutanum búa um 500
manns, Nær allir í þéttbýliskjarna
sem nefnist Grundarhverfi. Er
hverfið hið fámennasta í borginni,
en jafnframt það víðlendasta. Í
Grundarhverfi er glæsilegur
grunnskóli, Klébergsskóli, en í
hverfinu er einnig leikskóli, sund-
laug, frístundaheimili og fleira.
Á Kjalarnesi var líklega fyrsta
eða eitt fyrsta héraðsþing landsins
og var það að einhverju leyti und-
anfari Alþingis.
Eina landbúnaðar-
og dreifbýlissvæðið
DREIFARAR • SNJÓTENNUR • SNJÓBLÁSARAR • SLITBLÖÐ
A. Wendel ehf | Tangarhöfða 1 | 110 Reykjavík | Sími 551 5464 | wendel.is
Tæki til
vetrarþjónustu
Stofnað 1957