Morgunblaðið - 09.02.2015, Blaðsíða 40

MÁNUDAGUR 9. FEBRÚAR 40. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 460 ÁSKRIFT 4995 HELGARÁSKRIFT 3120 PDF Á MBL.IS 4420 I-PAD ÁSKRIFT 4420
1. Bruce Jenner hundeltur og lenti í slysi
2. Ljósmyndari kvaddi Moggann með…
3. „Þú veist svarið, komdu með það“
4. Sex hlutir sem valda uppþembu
»MEST LESIÐ Á mbl.is
FÓLK Í FRÉTTUM
 Næsta sýning Uppsprettunnar –
skyndileikhúss verður í Tjarnarbíói í
kvöld. Uppsprettan hefur það að
markmiði að kynna nýja íslenska höf-
unda og gefa leikurum og leikstjórum
tækifæri til að sýna sig og hæfileika
sína. Höfundar sendu inn handrit og
sérskipuð dómnefnd valdi þau þrjú
bestu. Sólarhring fyrir sýningu fengu
svo leikhóparnir þrír verkin í hendur
en mega ekki byrja að æfa fyrr en kl.
18.00 á sýningardegi. Sýningin hefst
kl. 21.00 en öllum er frjálst að mæta
og horfa á æfingarnar. Einnig verður
hægt að lesa verkin á kaffihúsi
Tjarnarbíós og kynna sér þau áður en
skoðað er hvernig leikhóparnir vinna
með þau.
Þetta er í fjórða sinn sem Upp-
sprettan er haldin, en sú fyrsta fór
fram á Menningarnótt 2013. Síðan þá
hefur Uppsprettan átt heima í
Tjarnarbíói og henni hefur smám
saman vaxið ásmegin. Fjöldi höfunda
hefur tekið þátt, þ. á m. Sigmundur
Ernir Rúnarsson, Þór Tulinius, Árni
Kristjánsson, Bjargey Ólafsdóttir og
Oddný Sv. Björgvinsdóttir.
Uppsprettusýning
í Tjarnarbíói
 Heimildarmyndin Svitahof verður
frumsýnd í Tjarnarbíói á morgun.
Hún fjallar um svokallað svitahof,
eða sweat lodge á ensku, og þá
menningu sem myndast
hefur í kringum það.
Myndin er hluti loka-
verkefnis Gunnýjar
Ísisar Magnús-
dóttur í þjóðfræði.
Svitahof á upp-
runa sinn í menn-
ingu indíána Norð-
ur-Ameríku.
Heimildarmynd um
svitahof frumsýnd
Á þriðjudag Suðvestan 13-20 m/s og él, en þurrt norðaustantil.
Kólnandi, og frost víða 0-7 stig. Á miðvikudag Vestan- og suð-
vestanátt, 8-15 m/s. Él vestantil en léttir til eystra. Talsvert frost.
SPÁ KL. 12.00 Í DAG Suðvestan 18-25 m/s en 13-20 m/s suð-
vestantil. Él vestantil en yfirleitt þurrt á Austurlandi. Hiti 5-10 stig,
en allt að 15 á Austfjörðum. Dregur heldur úr vindi undir kvöld.
VEÐUR
Íslandsmeistarar ÍBV
tryggðu sér í gær sæti í
undanúrslitum Coca Cola-
bikars karla í handknattleik
með því að slá út Aftureld-
ingu í hörkuleik, 25:23. Þar
með lýkur 24 ára bið Eyja-
manna eftir því að komast í
Laugardalshöll en undan-
farin ár hafa undanúrslit og
úrslit verið leikin þar. Valur
og Haukar eru einnig komin
áfram í undanúrslitin en
Valur vann Akureyri. »4
ÍBV í Höllina eftir
24 ára bið
Manchester United er í 4. sæti ensku
úrvalsdeildarinnar þrátt fyrir að liðið
hafi enn á ný átt í mestu erfiðleikum
gegn andstæðingi sínum um
helgina, West Ham, en Da-
ley Blind tryggði United
jafntefli í uppbótartíma.
Louis van Gaal hefur
þó ekki fengið jafn-
harða gagnrýni og
forveri hans, David
Moyes. »7
Moyes gerir Louis van
Gaal lífið léttara
„Við unnum vel í fríinu í að bæta okk-
ar leik og teljum okkur hafa náð því
ágætlega,“ sagði Karen Helga Díönu-
dóttir, fyrirliði Hauka í handknattleik,
sem hafa unnið fimm af sex leikjum
sínum í Olís-deildinni eftir jólafríið.
Sextándu umferð deildarinnar lauk
um helgina og vann Stjarnan til að
mynda tíu marka stórsigur á Val á
Hlíðarenda, 27:17. »8
Haukakonur á miklu
flugi eftir áramót
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Benedikt Bóas
benedikt@mbl.is
Grammy-hátíðin, stærsta verð-
launahátíð tónlistariðnaðarins, fór
fram í 57. sinn í nótt í Los Angel-
es. Íslensk stúlka, Soffía Kristín
Jónsdóttir, hefur væntanlega setið
þar á meðal stjarnanna. Soffía er
félagi í Grammy University og var
því boðið að sækja um allskonar
hlutverk í Grammy-vikunni. Þar
sótti hún um að vera svokallaður
sætafyllir enda var það langmest
spennandi að hennar sögn.
„Ég var svo heppin að vera val-
in. Og já, ég á að setjast í sæti
þeirra frægu á meðan þau þurfa
að stíga afsíðis þegar sjónvarps-
útsending er í gangi. Það mega
nefnilega hvergi sjást laus sæti
meðan á útsendingunni stendur,“
sagði hún í samtali fyrir hátíðina.
Soffía vinnur með Steinunni Ca-
millu, sem áður var í söng-
flokknum The Charlies, og fyrir-
tækinu IcelandSync, sem hefur
það að markmiði að kynna ís-
lenska tónlistarmenn í Bandaríkj-
unum.
„Það hafa nokkrir íslenskir tón-
listarmenn haft samband við okk-
ur til að kynna sig og biðja um
góð ráð sem er frábært. Svo erum
við byrjaðar að bóka tónleika-
ferðalag fyrir Natöshu Agrama og
líka að hjálpa Ölmu og Klöru á
rétta braut eftir endalok Charlies.
Það er allt mjög spennandi,“ segir
hún.
Í kvikmyndum líka
Soffía er einnig komin með ann-
an fótinn í kvikmyndabransann
sem framleiðandi og er að vinna í
tveimur kvikmyndum. Önnur er
Hollywood-tónlistarbransa ævi-
söguágrip en hin er 30 milljón
dollara kvikmynd um frönsku bylt-
inguna og hún á að koma út 2016.
„Fyrri myndin er sönn saga sem
snýst um sumar frægustu R&B-
og hipphopp-stjörnur samtímans.
Hún hefur vinnuheitið God Bless
the Child.“ Soffía segir að hún sé
vonandi að taka sín fyrstu skref að
einhverju stórkostlegu. „Svo er ég
að brasa í alls konar öðru en þetta
er svona það sem stendur upp úr.
Það má alveg segja að ég sé smátt
og smátt að gera mig ómissandi
hérna úti í skemmtanabransanum
og að ég sé að taka mín fyrstu
skref að einhverju stórfenglegu.
Markmiðin eru allavega stór og ég
á von á því að það tónlistarfólk
sem ég vinn með geti unnið
Grammy-verðlaun og sumar þær
kvikmyndir sem ég er að vinna að
eru Óskarsverðlaunaefni,“ segir
hún og hlær.
Fyllir í sæti fræga fólksins
 Soffía Kristín
Jónsdóttir í
stjörnufans í nótt
Alvöru Soffía Kristín Jónsdóttir skemmti sér vel á Grammy-vikunni sem lauk með verðlaunahátíðinni í nótt.
AFP
Íslandsvinur Jay Z var á hátíðinni en ekki er vitað hvort Soffía hefur sest í
sætið hans ef hann hefur þurft að bregða sér afsíðis.