Morgunblaðið - 11.02.2015, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 11. FEBRÚAR 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Litfagur blendingur æðarfugls og æðarkóngs
sást á dögunum á Eskifirði. Kristinn Haukur
Skarphéðinsson, sviðsstjóri hjá Náttúrufræði-
stofnun Íslands, segir það gerast nánast á hverju
ári að svona blendingar sjáist hér. Yfirleitt eru
þessir fuglar ófrjóir.
Þessi fugl gæti hafa orðið til við kynni æðar-
kóngs og æðarfugls hér við land eða við Græn-
land. Æðarkóngar eru vetrargestir hér við land.
Litfagur blendingur af konungakyni
Ljósmynd/Haraldur Hjálmarsson
Æðarkóngar og æðarfuglar eignast stundum afkvæmi saman
Skattrannsóknarstjóra er skylt að
meta að hversu miklu gagni upplýs-
ingar um fjármálalegar eignir ís-
lenskra aðila í erlendum skattaskjól-
um, sem embættinu hafa verið
boðnar til sölu, geti komið við rann-
sókn á skattundanskotum. Fjár-
mála- og efnahagsráðuneytið segir
að ákvörðun um kaup á þeim liggi
hjá embættinu en ráðuneytið sé
tilbúið að greiða fyrir kaupunum,
verði það niðurstaða embættisins.
Hægt er að kaupa upplýsingarnar
fyrir 150 milljónir kr.
Kemur þetta fram í fréttatilkynn-
ingu sem ráðuneytið sendi frá sér í
gær. Hún var send út í kjölfar
fréttatilkynningar frá Bryndísi
Kristjánsdóttur skattrannsóknar-
stjóra þar sem meðal annars kemur
fram að embættið hafi sent fjár-
mála- og efnahagsráðuneytinu er-
indi 27. janúar þar sem fram komi
það álit að ekki sé hægt að uppfylla
að fullu þau skilyrði sem ráðuneytið
setti fyrir kaupum á upplýsingun-
um.
Taldi skattrannsóknarstjóri nauð-
synlegt að afstaða ráðuneytisins
lægi fyrir áður en gengið yrði til
kaupa á gögnunum. Eins þurfi að
liggja fyrir með hvaða hætti skatt-
yfirvöld myndu vinna úr upplýsing-
unum á farsælan hátt.
Vill ekki árangurstengingu
Ráðuneytið taldi rétt að láta
reyna á þann möguleika að árang-
urstengja greiðslur enda væru er-
lend fordæmi um slíkt. Upplýsir
ráðuneytið að athugun skattrann-
sóknarstjóra hafi leitt í ljós að ekki
sé mögulegt að ganga til samninga á
þeim forsendum. Seljandinn sé á
hinn bóginn reiðubúinn að láta öll
gögnin af hendi fyrir 150 milljónir
kr. ellegar 373 þúsund kr. fyrir
hvert mál en þau eru 416 talsins.
Ennfremur taldi ráðuneytið að
gaumgæfa þyrfti sérstaklega hæfi
seljanda. Skattrannsóknarstjóri tel-
ur í bréfi til ráðuneytisins að skýra
þurfi nánar það atriði. Þessu svarar
ráðuneytið í tilkynningunni í gær
með því að árétta að eingöngu væri
vísað til þess að skorður væru reist-
ar í fjárreiðulögum og lögum um
bókhald við því hvernig viðskiptum
ríkisins við einkaaðila skuli háttað.
Þrír þingmenn VG hafa lýst því
yfir að þeir muni leggja fram þings-
ályktunartillögu um heimild skatt-
rannsóknarstjóra til kaupa á erlend-
um gögnum.
Upplýsingar kosta 150 millj.
 Fjármálaráðuneytið segist tilbúið að greiða fyrir kaupum á upplýsingum um
eignir Íslendinga í skattaskjólum  Skattrannsóknarstjóri meti gagnsemina
Bryndís
Kristjánsdóttir
Bjarni
Benediktsson
Engin kvörtun barst vegna refa í
Reykjavík í fyrra og ráðnar grenja-
skyttur unnu ekki nein tófugreni.
Þetta kemur fram í samantekt um
meindýraeyðingu í borginni 2014.
Alls náðust 116 minkar í landi
borgarinnar. Þrettán kvartanir bár-
ust vegna minka og var öllum sinnt.
Meindýraeyðir fer reglulega með
sérþjálfaða hunda um þau svæði þar
sem minka er helst að finna, það er
við ár og vötn í borgarlandinu og
með ströndinni. Um 70 minkagildr-
ur eru í notkun að jafnaði allt árið
og veiðist allmikið af mink í þær.
Skotnir voru 7.494 vargfuglar í
fyrra og tekin 155 egg. Engin kvört-
un barst um óþægindi af völdum
villidúfna.
Kanínur og kettir
Tólf kvartanir bárust vegna kan-
ína og voru níu kanínur skotnar.
Eins voru átta kanínur sóttar sem
ekið hafði verið á í nágrenni við
Stekkjarbakka.
Kvartanir vegna katta voru 59 og
var þeim öllum sinnt. Alls voru 116
kettir handsamaðir og fluttir í Katt-
holt. Þá bárust 111 beiðnir frá borg-
arbúum og lögreglunni um aðstoð
við að handsama eða fjarlægja ým-
ist dauð, særð eða lifandi dýr. Af
þessum 111 beiðnum voru 25 vegna
katta sem höfðu orðið fyrir bílum.
Þeir voru fluttir á Dýraspítalann í
Víðidal. Starfsfólk lætur eigendur
vita um afdrif dýranna séu þau
merkt.
Í allt bárust 362 kvartanir um
rottu- og músagang og fjölgaði þeim
um 43 milli ára. Kvartanir vegna
músa voru 92 og vegna rotta 270.
Rottum og músum var eytt á þeim
stöðum sem kvartanir bárust frá.
Hver slík kvörtun þýðir a.m.k. fjór-
ar ferðir til eftirlits og skoðunar.
Þá bárust 67 kvartanir vegna 69
geitungabúa í fyrra. gudni@mbl.is
Veiddu
116 minka
í borginni
 Ekki kvartað
vegna refa í fyrra
Morgunblaðið/Árni Sæberg
Yrðlingar Lítið um refi í borginni.
Benedikt Bóas
Helgi Bjarnason
„Hann fór í óvissuferð í boði Strætó
en sem betur fer kom hann heill
heim. Það eru daglegar óvissuferðir
í gangi þarna hjá Strætó,“ segir
Bryndís Ingibjörg Björnsdóttir,
móðir Þórðar Guðlaugssonar, 23 ára
fatlaðs manns sem skilinn var eftir
fyrir utan endurhæfingarstöð í
Kópavogi í gær. Förinni var heitið á
annan stað í bæjarfélaginu. Fram-
kvæmdastjóri Strætó telur að
mannleg mistök séu ástæðan.
Þetta er ekki í fyrsta sinn sem
Þórður lendir í vandræðum með hið
nýja kerfi sem ferðaþjónusta fatl-
aðra tók upp um áramótin. „Þetta
var bara kornið sem fyllti mælinn
og því vildi ég láta í mér heyra. En
ég vil ekki vola. Þetta nýja kerfi er
bæði ónýtt og rándýrt. Það er að
eyðileggja frekar en að byggja upp
traust,“ segir Bryndís. Hún segir
Þórð hafa verið úti í einhvern tíma
en í gær gekk á með éljum.
Velur myndir í símanum
„Þetta kerfi er orðið hættulegt.
Það er stutt síðan stúlka gleymdist í
bíl frá ferðaþjónustunni og nú þetta.
Það er ábyggilega eitthvað meira
sem ekkert heyrist af. Þórður er
með tvo stafi og hreyfist ekkert í
hálku,“ segir Bryndís, en hann er
mikið fatlaður og málhaltur.
Hún segir að starfsmenn endur-
hæfingarstöðvarinnar hafi verið vin-
samlegir og tekið vel á móti Þórði.
„Enginn tók á móti honum fyrir ut-
an endurhæfingarstöðina, eðlilega,
það átti enginn von á honum. Þess
vegna byrjaði hann á að hringja í
okkur, en hann hringir yfirleitt aldr-
ei í okkur á miðjum degi nema eitt-
hvað mikið sé að.“ Þórður er með
síma sem sýnir ekki númer heldur
myndir af foreldrum hans. „Hann
hringir í raun myndrænt og yfirleitt
biðjum við hann að láta einhvern ná-
lægan fá símann ef hann er í vand-
ræðum.
Það bjargaði honum. Ef hann
hefði ekki náð í okkur hefðu liðið
einhverjir klukkutímar þangað til
hans hefði verið saknað því hann var
keyrður á vitlausan stað,“ segir
Bryndís og er mikið niðri fyrir.
Ekki vegna tölvukerfisins
Atvikið var rætt á fundi neyðar-
stjórnar ferðaþjónustunnar í gær-
kvöldi en Jóhannes Rúnarsson,
framkvæmdastjóri Strætó, segir að
niðurstaða sé ekki fengin þar sem
útskýringar verktakans sem ann-
aðist aksturinn hafi ekki borist.
Jóhannes tekur ekki undir tillögu
móður piltsins um að taka gamla
ferðaþjónustukerfið upp að nýju.
„Ég held að það sé fullódýr lausn
að kenna tölvukerfinu um. Eftir því
sem ég best veit eru það mannleg
mistök sem valda því að þessi ein-
staklingur var settur út á röngum
stað. Það voru allar upplýsingar í
tölvukerfinu um hvert átti að fara
en fyrir einhvern misskilning hefur
hann verið látinn út við rangan inn-
gang,“ segir Jóhannes.
Hann hefur rætt við aðstandend-
ur Þórðar og beðist afsökunar fyrir
hönd Strætó. Hann segir að verið sé
að fara yfir verkferla og reyna að
koma upp þannig áætlunum að atvik
sem þessi komi ekki upp eða verði
að minnsta kosti ekki alvarleg.
Neyðarstjórnin hjá Strætó fundar á
hverjum degi en hún hefur rúmar
þrjár og hálfa viku til að koma
ferðaþjónustunni í lag.
„Fór í óvissuferð í boði Strætó“
Doddi á góðri stundu Í gær lenti
Þórður Guðlaugsson hins vegar í
hremmingum eftir ferð með Strætó.
 Fatlaður maður skilinn eftir á röngum stað  Mannleg mistök, að mati framkvæmdastjóra Strætó