Morgunblaðið - 12.02.2015, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 12. FEBRÚAR 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Viðar Guðjónsson
vidar@mbl.is
„Þetta var á sunnudegi og veðrið var
frábært. Við vorum að ganga upp á
skíðunum. Það var ekki langt eftir
upp á topp þegar við heyrðum hljóð
sem er alþekkt úr snjóflóðafræðum
og minnir helst á þrumur,“ segir Við-
ar Kristinsson, sem lenti í snjóflóði á
Gleiðarfjalli nærri Ísafjarðarbæ 18.
janúar síðastliðinn.
Viðar var á ferð ásamt Hauki
Sigurðssyni. Báðir eru vanir fjalla- og
björgunarsveitarmenn og ætluðu
þeir að skíða niður fjallið. Viðar er 32
ára og Haukur þrítugur.
Nokkrir metrar á milli
Þegar snjóflóð falla gefur sig
styrkt undirlag sem er með veikara
lag ofan á sér. „Við settum þennan
fleka af stað. Við áttuðum okkur strax
á því hvað væri að gerast. Maður fann
um leið kraftinn í þessu og við litum
upp og sáum snjóinn koma niður og
flúðum til hliðar hvor í sína áttina.
Það var engin hugsun á bak við það.
Við vorum bara að flýja eitthvað. Það
er lítið hægt að kenna rétt viðbrögð í
svona aðstæðum,“ segir Viðar.
Einungis aðskildu þá nokkrir
metrar en engu að síður tók flóðið
Viðar með sér en Haukur slapp.
„Það liðu kannski 5-6 sekúndur á
milli þess sem við heyrðum hljóðið og
þar til ég fann sjóinn koma. Svo varð
allt skyndilega svart,“ segir Viðar.
Hann segist ekki muna nákvæmlega
hvað hann gerði þegar hann var í
flóðinu. „Ég man eftir því að hafa ver-
ið í flóðinu en ég veit ekki hvað ég
hugsaði. Ég hef lesið mikið um snjó-
flóð og veit að maður á að passa upp á
öndunarveginn og grípa um andlitið.
Snjórinn verður eins og steypa og
getur fyllt upp í öll vit. 75% af þeim
sem látast í snjóflóðum deyja ekki
vegna áverka, heldur úr köfnun. Þú
hefur bara 15 mínútna glugga þar til
þú kafnar úr koltvísýringseitrun,
andrýmið er svo lítið. Ef ég var að
hugsa eitthvað, þá var ég að hugsa
um það,“ segir Viðar.
Fyrsta hugsun að vera á lífi
Hann barst um 400 metra með
flóðinu á nokkrum sekúndum. „Þegar
ég stoppaði, lá ég á grúfu. Fyrsta
hugsunin var sú að ég væri á lífi. Ég
reyndi að hreyfa mig og áttaði mig
fljótlega á því að ég væri ekki grafinn
undir flóðinu. Ég náði að snúa mér og
það var strax stórsigur að átta sig á
því að ég væri laus,“ segir Viðar.
Að sögn hans voru þeir Haukur
báðir með skóflu, stöng og ýli með-
ferðis. Ýlir er tæki sem sendir frá sér
hljóð og nemur hljóð þegar annarrar
manneskju er leitað. „Ég náði að
reisa mig upp. Ég sá að ég var nokk-
urn veginn heill. Ég hef tekið fyrstu
hjálpar námskeið og gerði strax
„tékk“ á sjálfum mér. Ég hreyfði á
mér tærnar, svo fingurna og komst
að því að ég væri með fulla meðvit-
und. Fljótlega varð mér ljóst að ég
væri handleggsbrotinn og með verk í
bakinu,“ segir Viðar. Stuttu síðar
kom Haukur aðvífandi og eftir stutta
athugun á ástandi Viðars hringdi
hann á neyðarlínuna.
„Ég var með spítalann og björg-
unarsveitarhúsið í sjónlínu úr fjallinu.
Á örskotsstundu sá maður bílana og
vélsleðana koma. Á þeirri stundu var
adrenalínið að renna af mér og ég fór
virkilega að finna fyrir verkjum en
allan tímann var ég með meðvitund.
Fljótlega fékk ég svo morfín og eftir
það er minnið gloppótt,“ segir Viðar.
Útkallið barst að sögn Viðars
rétt eftir fjögur en um klukkan níu
var hann kominn með sjúkraflugi til
Reykjavíkur þar sem hann fékk frek-
ari aðhlynningu. Við nánari athugun
kom í ljós að Viðar handarbrotnaði,
fór úr lið í hendi, braut tvo hálsliði,
skaddaði taug í handlegg, auk þess
sem sauma þurfti 32 spor í höfuð
hans. Hann dvelur þessa dagana í
Reykjavík og fer daglega í endurhæf-
ingu á Grensásvegi.
„Svo varð allt skyndilega svart“
Morgunblaðið/Ómar
Snjóflóð Viðar Kristinsson barst um 400 metra með snjóflóði í Gleiðarfjalli.
 Viðar Kristinsson lenti í snjóflóði í Gleiðarfjalli 18. janúar  Féll 400 metra á nokkrum sekúndum
 Mikil mildi að hafa ekki grafist undir flóðinu  Þrumuhljóð gerði þeim ljóst í hvað stefndi
Agnes Bragadóttir
agnes@mbl.is
Meirihluti þeirra lækna á Landspít-
alanum, sem sögðu upp fyrir áramót,
hefur nú sagst munu draga uppsagnir
sínar til baka, þótt enn hafi það ekki
verið gert með formlegum hætti hjá
öllum, samkvæmt upplýsingum Páls
Matthíassonar, forstjóra Landspít-
alans.
Páll sagði í samtali við Morg-
unblaðið í gær að tíu læknar hefðu
sent inn uppsagnarbréf með form-
legum hætti fyrir áramót, og meiri-
hluti þeirra hefði sagst ætla að draga
uppsögnina til baka.
„Það er ákveðinn hópur lækna sem
hefur sagt sínum yfirlæknum að þeir
hyggist draga uppsagnir sínar til
baka og við erum að sjálfsögðu
ánægð með það en við bíðum þess að
fá bréf um að þeir dragi uppsagnirnar
til baka í hendur með formlegum
hætti,“ sagði Páll.
Hann segir að vel geti verið að end-
anleg niðurstaða liggi ekki fyrir fyrr
en á miðnætti 31. mars, en þá rennur
uppsagnarfrestur læknanna út.
Gefa spítalanum svigrúm
„Það er annars vegar þessi tíu
manna hópur og hins vegar var
ákveðinn hópur svæfingalækna sem
ætluðu að nýta sér klásúlu í kjara-
samningum lækna um að læknar
eldri en 55 ára gætu hafnað því að
ganga vaktir. Þeir höfðu ætlað sér að
gera það, nema ákveðin atriði í kring-
um vaktirnar væru bætt. Þeir hafa
frestað þeirri ákvörðun að hætta að
taka vaktir, til þess að gefa spít-
alanum svigrúm til þess að skoða
samninginn,“ sagði Páll.
Hann segir að í samningnum séu
ákvæði um það að ljúka eigi því að
gera starfslýsingar fyrir alla lækna
og fá samningsaðila til að skrifa upp á
það fyrir 15. apríl nk. Þá sé til ráðstöf-
unar ákveðin fjárupphæð um mitt
þetta ár, sem eigi að deila út sam-
kvæmt ólíkum þáttum, eins og að
vinna að vísindarannsóknum, því að
stunda kennslu, taka þátt í þróun
starfseminnar og fleira. Það verði í
höndum hverrar stofnunar að útfæra
þær ráðstafanir fjármuna. Auk þess
verði gerðar ákveðnar breytingar á
vaktafyrirkomulagi lækna, sem muni
taka gildi hinn 1. janúar 2016.
Meirihlutinn
segist hættur
við uppsögn
 Endanleg niðurstaða liggur mögu-
lega ekki fyrir fyrr en 31. mars nk.
Framadagar Páll Matthíasson
kynnti starfsemi Landspítalans
í Háskólanum í Reykjavík í gær.
Uppsagnir
» Læknar hafa frest til mið-
nættis 31. mars nk. til þess að
ákveða hvort þeir draga upp-
sagnir sínar til baka.
» Meira en helmingur þeirra,
sem sögðu upp, hefur gefið til
kynna að þeir ætli að draga
uppsagnir sínar til baka.
Andri Steinn Hilmarsson
ash@mbl.is
Flóafélögin þrjú; Efling, Verkalýðs-
félagið Hlíf og Verkalýðs- og sjó-
mannafélag
Keflavíkur og ná-
grennis, vilja
gera kjarasamn-
inga til eins árs í
komandi kjara-
viðræðum en það
er meðal þess
sem fram kemur
í kröfugerð félag-
anna fyrir kom-
andi kjaravið-
ræður. Samtök atvinnulífsins tóku
við kröfugerðinni í gær.
„Við teljum stöðuna vera þannig í
samfélaginu í dag að það sé ekki
efni til lengri kjarasamninga,“ segir
Sigurður Bessason, formaður Efl-
ingar. Hann segir mikla hreyfingu
vera á launamarkaðinum um þessar
mundir. „Jafnframt treystum við
stjórnvöldum ekki eins og staðan er
núna varðandi þær breytingar sem
gerðar hafa verið í tengslum við
fjárlög,“ segir Sigurður.
Tekjulægstu hækka um 19%
Sigurður segir það ljóst að félögin
fari fram á töluverðar breytingar.
„Það er verið að tala um að launa-
breytingin sé um 35 þúsund en að
lægstu launin verði 240 þúsund,“
segir Sigurður. Hækka því lægstu
launin úr 201 þúsund krónum ef
gengið verður að kröfum félaganna,
eða um 39 þúsund krónur. Nemur
hækkunin því 19%.
Á almenna markaðinum eru á
milli 17 og 18 þúsund félagsmenn
innan vébanda flóafélaganna
þriggja. Sigurður segir hópinn ekki
stærri hvað kostnað varðar en
læknar og grunnskólakennarar m.v.
launaumhverfið þrátt fyrir að vera
fjölmennari.
Morgunblaðið/Ómar
Kjaramál Formaður Eflingar telur ekki efni til lengri kjarasamninga vegna mikilla hreyfinga á launamarkaði.
Vilja semja til eins
árs í kjaraviðræðum
 Flóafélögin þrjú afhentu SA kröfugerð sína í gær
Sigurður Bessason
„Við teljum að þar hafi menn
bara tekið upp nýja launastefnu
sem við verðum einfaldlega að
fylgja í framhaldinu,“ segir Sig-
urður, spurður um þá leið sem
launanefnd ríkis og sveitarfélaga
ákvað að fara í kjarasamningum
við grunnskólakennara og
lækna.
„Það er ekki okkar hlutverk að
búa til stöðugleika fyrir aðra,“
segir Sigurður. Hann bætir við að
félögin ætli að tryggja að þeirra
félagsmenn njóti sambærilegra
launabreytinga.
Sömu launa-
breytingar
ÆTLA AÐ FYLGJA EFTIR
NÝRRI LAUNASTEFNU