Morgunblaðið - 12.02.2015, Blaðsíða 13

FRÉTTIR 13Innlent
MORGUNBLAÐIÐ FIMMTUDAGUR 12. FEBRÚAR 2015
Inflúensan fer að ná hámarki og í
erlendum skýrslum er ekki rætt um
að hún sé sérstaklega skæð, að sögn
Haraldar Briem sóttvarnalæknis.
Að undanförnu hefur borið á
miklum veikindum vegna flensu.
Haraldur bendir á að þegar rætt sé
um skæða inflúensu sé tekið tillit til
sjúkrahússinnlagna og aukinnar
dánartíðni, en útbreiðslan nú sé
með hefðbundnum hætti.
Í umræðunni hefur komið fram
að fólk þurfi hugsanlega að láta
bólusetja sig aftur vegna flens-
unnar þar sem ekki hafi verið bólu-
sett fyrir ríkjandi stofnum. Har-
aldur segir að ákveðnir stofnar séu
með minna næmi fyrir bóluefninu
en það breyti ekki því að margir
stofnar séu í gangi sem bóluefnið
ætti að virka vel á. Jafnvel þótt það
virki ekki mjög vel geti það dregið
úr svæsinni veiki. Aldrei sé of seint
að láta bólusetja sig en ástæðulaust
sé að gera það aftur hafi það verið
gert í vetur. steinthor@mbl.is
Inflúensan
fer að ná
hámarki
 Útbreiðslan með
hefðbundnum hætti
Kvef Inflúensan hefur lagt marga
landsmenn í rúmið.
Á vef Skógræktar ríkisins segir
frá klónatilraun með alaskaösp
sem gróðursett var á Höfða á
Völlum á Héraði árið 2000. Annars
vegar voru gróðursettir klónar frá
söfununarsvæðum á hafrænum
svæðum Alaska og hins vegar
klónar úr söfnunarleiðangri frá
1985 sem eru fulltrúar fyrir svæði
með meginlandskenndara loftslagi.
Um þetta er fjallað í nýútkomnu
Riti Mógilsár sem hefur að geyma
grein eftir Þröst Eysteinsson,
sviðsstjóra þjóðskóganna hjá
Skógrækt ríkisins, og Lárus Heið-
arsson, skógræktarráðunaut hjá
Skógrækt ríkisins. Þar er fjallað
um niðurstöður mælinga á alaska-
og balsamösp eftir 13 vaxtar-
sumur á Höfða.
Vorið 2014 voru gerðar mæl-
ingar sem leiddu í ljós tífaldan
mun á meðalrúmmáli vaxtarmesta
og vaxtarminnsta klónsins. Klónar
frá hafræna loftslagsbeltinu
reyndust bestir. Niðurstöðurnar
benda ekki til þess að áhugavert
sé að leita efniviðar utan þess
loftslagsbeltis. Meðalrúmmál allra
klóna var þrefalt meira á hallandi
landi en flötu.
Fjórir hæstu klónarnir (20%
klóna í tilrauninni) árið 2005 voru
enn í efstu sætum árið 2014 en val
á 8 hæstu klónum (40%) árið 2005
hefði leitt til fjölgunar á slakari
klónum einnig. Sá margfaldi mun-
ur sem fram kom á vexti undir-
strikar mikilvægi þess að velja
bæði bestu fáanlegu klóna og
hæfilegar landgerðir til aspar-
ræktar, segir í greininni.
Tífaldur vaxtamunur
Alaskaösp Klónatilraunir sýndu tífaldan mun á meðalrúmmáli.
 Klónatilraun með alaskaösp sýnir mikinn mun
Talsverður áhugi
er meðal grá-
sleppukarla fyrir
veiðum í ár, að
því er fram kem-
ur á vef Lands-
sambands smá-
bátaeigenda. Þar segir að
söluhorfur séu betri en í fyrra þegar
nokkur þúsund tunnur voru óseldar
frá vertíðunum 2012 og 2013.
Á vef LS segir að samkvæmt
drögum að reglugerð um hrogn-
kelsaveiðar hefjist vertíðin 20. mars
og útgefinn upphafsfjöldi daga verði
20 eins og í fyrra. Endanlegur fjöldi
veiðidaga mun liggja fyrir um mán-
aðamótin mars - apríl, þegar niður-
stöður úr vorralli Hafrannsókna-
stofnunar liggja fyrir.
Útflutningsverðmæti grásleppu-
hrogna á sl. ári nam 1,17 milljörðum
sem er um 200 milljónum lægra en
árið 2013 skilaði. Alls voru flutt út
959 tonn af grásleppukavíar og sölt-
uðum grásleppuhrognum og skiptist
magnið nokkuð jafnt milli afurð-
anna. Heildarmagn milli ára dróst
saman um tæp 8%.
Talsverður áhugi á
grásleppuveiðum
Kolvetn
a-
skert
Létt og leikandi
Óskajógúrt
í nýjum búningi
Óskajógúrt hefur verið kærkominn
kostur íslensku þjóðarinnar í meira en 40 ár.
Þín óskastund getur verið hvenær sem er
en næsta Óskajógúrt er sjaldan langt undan.