Morgunblaðið - 12.02.2015, Blaðsíða 14

14 FRÉTTIRInnlent
MORGUNBLAÐIÐ FIMMTUDAGUR 12. FEBRÚAR 2015
ÚR BÆJARLÍFINU
Skapti Hallgrímsson
Akureyri
Hafist var handa við að „prjóna“
grænan trefil, sem svo er kallaður,
utan um Akureyri fyrir margt löngu.
Ekki hefur verið unnið markvisst að
verkefninu um tíma, en miðað við
umræður í bæjarstjórn á dögunum
má gera ráð fyrir að hafist verði
handa á ný áður en mjög langt um
líður.
  
Njáll Trausti Friðbertsson,
bæjarfulltrúi Sjálfstæðisflokksins,
vakti máls á því að enn væri ólokið
gróðursetningu við „trefilinn“ og
lagði til að verkinu yrði lokið á sjö ár-
um.
  
Fram kom í máli Njáls Trausta
að kostnaður við að ljúka verkinu; að
koma upp grænum og gróðurríkum
svæðum utan um byggðina, yrði ekki
nema eins og andvirði einbýlishúss
(30 til 40 milljónir króna) og árlegt
framlag um það bil eins og að kaupa
jeppling.
  
Ávinningurinn yrði, að sögn
Njáls Trausta, m.a. meira skjól í
bænum, útivistarsvæði fyrir öll bæj-
arhverfi auk þess sem þetta væri góð
leið til að binda kolefni.
  
Hugmynd um græna trefilinn
kom fyrst fram um 1980. Á níunda
og tíunda áratugnum var plantað af
miklum móð norðan Kjarnaskógar, í
Hamra- og Naustaborgum og á Eyr-
arlandshálsi en af því sem skipulagt
var í upphafi á eftir að gróðursetja
um 200 hektara lands norðan Glerár.
  
Fulltrúar annnarra flokka í bæj-
arstjórn tjáðu sig um málefnið og
var á öllum að heyra að þeim litist
vel á að ljúka verkinu, þó ekki væru
allir sammála um hvernig staðið yrði
að málum.
  
Ferðaskrifstofan Nonni á
Akureyri stendur í sumar í fimmta
sinn fyrir beinu flugi á milli Akur-
eyrar og Ljubljana, höfuðborgar
Slóveníu. Hópur Slóvena hefur í
hvert sinn komið hingað upp og ís-
lenskir ferðalangar notið dvalar þar
og í næsta nágrenni. Flogið verður
með 144 sæta Airbus frá slóvenska
flugfélaginu Adria Airways eins og
undanfarin ár.
  
Skíðanámskeið fyrir hreyfi-
hamlaða verður í Hlíðarfjalli á laug-
ardag og sunnudag. Aðalleiðbein-
andi verður Beth Fox frá
Winterpark í Colorado en það skíða-
svæði er að hluta til rekið af Denver-
borg, vinabæ Akureyrar. Nám-
skeiðið er samstarfsverkefni
Íþróttasambands fatlaðra, Vetrar-
íþróttamiðstöðvar Íslands í Hlíðar-
fjalli og skíðasvæðisins í Bláfjöllum
en samskonar námskeið verður hald-
ið þar síðar.
  
Ný útvarpsstöð, Útvarp Akureyri,
hefur göngu sína fljótlega. Hún er
þegar komin með útvarpsleyfi.
„Þetta verður norðlensk stöð eins og
nafnið gefur til kynna, sem mun
fjalla um þau málefni sem eru Ak-
ureyringum og fólki á Norðurlandi
hugleikin,“ sagði Axel Axelsson,
ábyrgðarmaður stöðvarinnar, við
mbl.is í gær.
  
Þarna verður bæði hægt að
hlusta á tónlist en líka þjóðfélags-
umræðu, sérstaklega þá umræðu
sem á við í þessum landshluta, segir
Axel. Hann er enginn nýgræðingur í
rekstri útvarpsstöðva; hóf störf á
Hljóðbylgjunni á Akureyri 15 ára og
kom að öðrum stöðvum á árum áður.
  
Jóhann Vilhjálmsson og Óskar
Pétursson syngja á laugardaginn í
heild plötuna Með sínu nefi, fyrstu
sólóplötu Vilhjálms heitins Vil-
hjálmssonar, föður Jóhanns. Tón-
leikarnir verða á Græna hattinum og
að auki verða flutt fleiri vinsæl lög
Vilhjálms.
  
Málþing um kyrrðarstarf verður
í Glerárkirkju á laugardaginn kl. 10
til 13. Í október var haldin ráðstefna
um málið, erindin tekin upp og nú er
búið að gera þau aðgengileg á net-
inu. Í tilefni þess er boðið til mál-
þingsins nú.
  
Tillaga að nýju deiliskipulagi
neðri hluta Norður-Brekku á Ak-
ureyri ásamt húsakönnun hefur ver-
ið auglýst. Svæðið afmarkast af Þór-
unnarstræti í vestri, Glerárgötu í
norðri, Klapparstíg, Brekkugötu,
Krákustíg og Oddeyrargötu í austri
og Þingvallastræti í suðri. Tillagan
gerir m.a. ráð fyrir fjórum nýjum
byggingarlóðum auk þess sem bygg-
ingarreitir eru afmarkaðir á öllum
lóðum. Bílastæði eru skilgreind
ásamt gönguleiðum og útivist-
arsvæðum. Hægt er að gera at-
hugasemdir við tillöguna til 25. mars.
Vilja ljúka við græna trefilinn
Morgunblaðið/Skapti
Vel grænt Kjarnaskógur er stór og fallega grænn að sumarlagi. Þar er
stærsti hluti hins græna trefils sem byrjað var að prjóna fyrir margt löngu.
Timbersled
Reimar
Belti
Naglar
Hjálmar
Fatnaður
Sérpöntum varahluti í flestar gerðir vélsleða
Full búð af fatnaði og sleðavörum
Nítró sport / Kirkjulundi 17
210 Garðabæ / Sími 557 4848
www.nitro.is
Persónuleg þjónusta og vinalegt umhverfi
Stórhöfða 17 | Sími 577 5555 | veggsport.is
Fjölbreytt
æfingarstöð
eitthvað fyrir alla
Ketilbjöllur v Spinning v Hópatímar
Skvass v Golf hermir v Körfuboltasalur
Cross train Extreme XTX
Einkaþjálfun v Tækjasalur
12 mán. kort: kr. 59.900,- (ekki skvass)
nánar á veggsport.is
Margfalt dýrara er að leggja í bíla-
stæðahúsum í miðborgum höf-
uðborga annarra landa á Norðurlönd-
unum en í Reykjavík. Í Osló er það
frá þrisvar og hálfu sinni til sjö sinn-
um dýrara en hér, jafnvel þó að miðað
sé við fyrirhugaða hækkun gjald-
skrár bílastæðahúsa Reykjavík-
urborgar.
Bílastæðanefnd hefur lagt til að
hækka gjald fyrir skammtímastæði í
Kolaporti, á Vesturgötu, í Ráðhúsi og
í Traðarkoti úr 80 í 150 krónur fyrir
fyrstu klukkustundina. Hver klukku-
stund þar á eftir hækkar úr 50 krón-
um í 100. Í prósentum talið er það
87,5% hækkun á fyrstu klukkustund-
inni og 100% hækkun á aukaklukk-
ustundunum.
Samkvæmt lauslegri úttekt mbl.is
verður gjaldið í bílastæðahúsin í mið-
borg Reykjavíkur hins vegar enn
langt frá því að jafnast á við það sem
þekkist í öðrum höfuðborgum Norð-
urlandanna, jafnvel þó að gjald-
skrárhækkunin verði samþykkt í
borgarráði.
Mikill munur á bílastæðum
Í Kaupmannahöfn kostar til dæmis
42 danskar krónur, jafnvirði 848 ís-
lenskra króna, á hverja byrjaða
klukkustund að leggja í bílastæða-
húsi Q-Park við Magasin du Nord.
Ódýrara er þó að leggja í bílastæða-
húsi við Konungsgarð, þar kostar
hver hafin klukkustund 30 danskar
krónur, um 605 íslenskar. Það er fjór-
um sinnum dýrara en lagt er til að
fyrsta klukkustundin kosti í miðborg
Reykjavíkur og sex sinnum dýrara
fyrir aukaklukkustundir eftir það.
Í Osló er klukkutímagjaldið í bíla-
stæðahúsum í miðborginni frá 30-60
norskum krónum, um 525-1.050 ís-
lenskar krónur, eftir staðsetningu.
Það er 3,5-7 sinnum dýrara en fyrsta
klukkustundin á að kosta í bílastæða-
húsum Reykjavíkurborgar.
Í Stokkhólmi er klukkutímagjaldið
frá mánudegi til laugardags frá 50-60
sænskum krónum, um 794-953 ís-
lenskar. Það er rúmlega fimm til sex
sinnum dýrara en verður fyrstu
klukkustundina í Reykjavík verði
gjaldskráin hækkuð. kjartan@mbl.is
Ódýrara að leggja
í Reykjavík
 Dýrara á öðrum Norðurlöndum
Morgunblaðið/Árni Sæberg