Morgunblaðið - 13.02.2015, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 13. FEBRÚAR 2015
Guðni Einarsson
gudni@mbl.is
Skaginn 3X hefur samið um sölu á
fjórum lausfrystum til Brasilíu.
Söluverðið er um 600 milljónir króna
og er þetta stærsti einstaki samn-
ingurinn sem fyrirtækið hefur gert
um lausfrysta. Reiknað er með að
búnaðurinn fari héðan í tuttugu 40
feta löngum gámum í mars og verði
settur upp í vor. Reiknað er með að
10-15 manna teymi fari héðan til að
setja búnaðinn upp. Kjötvinnslurnar
sem frystarnir fara í eru inni í miðri
Brasilíu, nálægt Amazon-fljótinu.
Ingólfur Árnason, framkvæmda-
stjóri Skagans á Akranesi og 3X
Technology á Ísafirði, sagði að þeir
hefðu selt lausfrysti til Brasilíu fyrir
sjö árum. Frystirinn sá lenti inni í
brasilísku fyrirtækjasamsteypunni
BRF sem á einnig lausfrysta frá
þekktustu framleiðendum í heim-
inum. BRF er sjöunda stærsta mat-
vælafyrirtæki heimsins með 58 verk-
smiðjur víða um heim sem flestar
eru í kjúklingaiðnaði. Hjá samsteyp-
unni vinna um 100.000 manns.
Íslenski frystirinn bar af
„Þessi gamli frystir okkar hefur
reynst afburðavel. Þeir rannsökuðu
hann niður í frumeindir og báru
saman við aðra lausfrysta frá þekkt-
um keppinautum. Hann sigraði þá
alla og þeir ákváðu að kaupa af okk-
ur fjóra nýja lausfrysta sem fara í
tvær vinnslur. Það er gott að ná fót-
festu í kjúklingaiðnaðinum,“ sagði
Ingólfur. Hann sagði að verðið hefði
ekki ráðið úrslitum heldur hag-
kvæmni frystisins og afköst.
„Lausfrystarnir okkar eru búnir
sérstakri tækni sem er einkaleyf-
isvarin og er frábrugðin tækni ann-
arra. Þeir þykja sérstaklega hag-
kvæmir, ódýrir í rekstri og skila
betri nýtingu en þekkist í öðrum
lausfrystum. Það hjálpaði okkur að
sigra alþjóðlega markaðsleiðandi
keppinauta. Þessi tækni hentar al-
veg einstaklega vel til frystingar á
kjúklingaafurðum. Við teljum að
þessi samningur opni okkur fjöl-
mörg önnur tækifæri enda erum við
að semja við mjög öflugt og þekkt
fyrirtæki.“ Ingólfur bætti því við að
Skaginn og 3X Technology væru
örsmá fyrirtæki í samanburði við
risastóra keppinautana.
Lausfrystarnir eru um 16 metrar
að lengd og fjórir metrar á breidd.
Hver frystir afkastar um 3.500 kg af
kjúklingabitum á klukkustund.
Ísland, Bandaríkin og Brasilía
„Við erum búnir að selja átta laus-
frysta á stuttum tíma,“ sagði Ing-
ólfur. Skaginn 3X samdi nýlega við
Agustson ehf. í Stykkishólmi um
lausfrysti af svipaðri gerð og er unn-
ið að smíði hans. Tveir frystar voru
nýlega seldir hörpudisksvinnslum á
austurströnd Bandaríkjanna. Upp-
setningu á þeim seinni af þeim er að
ljúka. Nýlega var gengið frá sölu á
lausfrysti sem notaður verður við að
frysta humar, einnig á austurströnd
Bandaríkjanna. Þá var svipaður
frystir settur upp í frumskógum
Mexíkó í fyrra og er hann notaður til
að frysta tilapia.
Hjá Skaganum vinna nú um 100
manns og hjá 3X Technology um 50
manns.
Fjórir lausfrystar seldir til Brasilíu
Ljósmynd/Skaginn 3X
Lausfrystir í smíðum Búnaðurinn er smíðaður inn í klefa sem hér er ekki fullgerður. Lausfrystirinn er 16 metra
langur og 4 metra breiður. Tækið getur lausfryst 3.500 kg af kjúklingabitum á klukkustund.
Ljósmynd/Skaginn 3X
Brasilía Sigurður Skúlason (t.h.),
sölumaður Skagans 3X, ásamt
Mauro Tiecher, umboðsmanni Skag-
ans 3X, í heimsókn hjá BRF í Toledo
til að undirbúa komu lausfrystanna.
 Skaginn 3X hefur selt átta lausfrysta á skömmum tíma  Stærsti einstaki samningurinn er við
risasamsteypuna BRF í Brasilíu upp á 600 milljónir króna  10-15 manns fara og setja tækin upp
Tæknifyrirtækin Skaginn og Þorgeir & Ellert á Akranesi
og 3X Technology á Ísafirði eru systurfélög sem starfa
hvert á sínum stað. Þau eru í sameiningu að stofna
nýtt fyrirtæki sem mun annast markaðs-, sölu- og
þjónustustarf félaganna hér og erlendis. Það tekur til
starfa á næstu vikum og mun vera með aðstöðu bæði á
Akranesi, Ísafirði og í Sjávarklasanum í Reykjavík. Gert
er ráð fyrir að starfsmenn verði um 20 talsins.
Ingólfur Árnason, framkvæmdastjóri, sagði að með
þessu næðist hagræðing og viðspyrna fyrir enn frekari
vöxt. Með því að færa þessa starfsemi í sérstakt fyrir-
tæki skapist möguleikar til nýsköp-
unar bæði á Akranesi og Ísafirði.
Náið samstarf fyrirtækjanna hefur
leyst úr læðingi aukið og frjórra þró-
unar- og framleiðslusamstarf, að
sögn Alberts Högnasonar, þróun-
arstjóra hjá 3X Technology. Það hefur
skilað miklum árangri í samvinnu við
fyrirtæki og rannsóknarstofnanir.
Samstarfið hefur leitt til mikils vaxt-
ar hjá 3X Technology á Ísafirði.
Nýtt markaðs-, sölu- og þjónustufyrirtæki
SYSTURFÉLÖGIN SKAGINN OG ÞORGEIR & ELLERT Á AKRANESI OG 3X TECHNOLOGY Á ÍSAFIRÐI
Ingólfur Árnason
Torfusamtökin segja að ómetanleg
verðmæti geti farið forgörðum verði
húsið í Hafnarstræti 19 í Reykjavík
rifið.
Um sé að ræða eitt af glæsilegri
dæmum um íslenska steinsteypuk-
lassík og niðurrif þess væri slys í
menningarsögu borgarinnar. Suður-
hús ehf., sem eru eigendur hússins,
segja að steypan í húsinu sé ónýt og
því þurfi að rífa það og byggja eft-
irmynd þess, en hótel er fyrirhugað í
húsunum við Hafnarstræti 17-19.
Segja undarlegt að eigendurnir
vilji rífa sögufrægt hús
„Sá einlægi vilji eigenda […] að
rífa hið sögulega hús verður að telj-
ast undarlegur sem og niðurstaða
þeirra að húsið sé ónýtt á þann hátt
að það kalli þannig á niðurrif þess.
Líklegra er að hin raunverulega
ástæða niðurrifsóska þeirra sé sú að
húsið er á einhvern hátt ekki að fullu
nýtanlegt til þeirrar starfsemi sem
þeir sjá fyrir sér með hliðsjón af há-
marksarðsemi,“ segir m.a. í yfirlýs-
ingu frá Torfusamtökunum.
„Það væri sorgleg niðurstaða ef
upprunalegt og sögulegt hús í mið-
borg Reykjavíkur yrði rifið til að
byggja þar hótelframhliðareftirlík-
ingu af óvissum gæðum,“ segir Þórð-
ur Magnússon, formaður Torfusam-
takanna. „Það er meira en nóg af
lausum lóðum í borginni til að byggja
á fyrir menn sem kunna ekki að fara
með gömul hús og sögulegt um-
hverfi.“
Húsið var byggt árið 1925, þar
hefur Rammagerðin verið um árabil.
Það var teiknað af Einari Erlends-
syni húsameistara, sem teiknaði
einnig m.a. Gamla bíó, flest húsin við
Bankastræti og Esjuberg við Þing-
holtsstræti. annalilja@mbl.is
Morgunblaðið/Júlíus
Hafnarstræti 19 Húsið á að rífa og
byggja nýtt á sömu lóðinni.
Niðurrif „menn-
ingarlegt slys“
 Segja Hafnarstræti 19 sögufrægt