Morgunblaðið - 13.02.2015, Blaðsíða 24

24 FRÉTTIRErlent
MORGUNBLAÐIÐ FÖSTUDAGUR 13. FEBRÚAR 2015
Smiðjuvegi 9, 200 Kópavogi ■ Sími 535 4300 ■ axis.is ■ Opið: mán. - fös. 9:00 - 18:00
Fataskápur
Hæð 2100 mm
Breidd 800 mm
Dýpt 600 mm
Tegund: Strúktúr eik
TIL Á LAGER
S KÁPATI LB OÐ
Verð58.900,-m. vsk.
Bogi Þór Arason
bogi@mbl.is
Margir fréttaskýrendur eru efins
um að nýtt samkomulag um vopna-
hlé í austurhéruðum Úkraínu dugi til
að koma á varanlegum friði. Þeir
telja einnig ólíklegt að samkomulag-
ið dragi úr spennunni milli Rúss-
lands og Vesturlanda vegna átak-
anna.
Leiðtogar Frakklands og Þýska-
lands sögðust vera hóflega bjartsýn-
ir á að samkomulagið dygði til að
binda enda á blóðsúthellingarnar í
Austur-Úkraínu. Samkomulagið
náðist í gær eftir sextán klukku-
stunda viðræður í Minsk í Hvíta-
Rússlandi.
„Við höfum fengið vonarglætu,“
sagði Angela Merkel, kanslari
Þýskalands, sem fór til Minsk ásamt
Francois Hollande Frakklandsfor-
seta til að ræða við forseta Rúss-
lands og Úkraínu. Merkel bætti þó
við að mikið verk væri enn óunnið og
„stórar hindranir“ væru framundan.
„Við gerum okkur engar gyllivonir.“
Hollande sagði að samkomulagið
vekti von um að friður kæmist á en
að það gæti ráðist „á næstu klukku-
stundum“ hvort friðarumleitanirnar
bæru árangur.
Frank-Walter Steinmeier, utan-
ríkisráðherra Þýskalands, sagði að
samkomulagið markaði ekki tíma-
mót og í því fælist ekki „víðtæk póli-
tísk lausn“. „Þetta var erfið fæðing,“
sagði hann og kvaðst því ekki vera
mjög kátur. „Í augum sumra verður
þetta ekki nóg. Við hefðum líka viljað
fá meira,“ hefur fréttaveitan AFP
eftir Steinmeier.
Vladimír Pútín, forseti Rússlands,
kvaðst vera ánægður með samkomu-
lagið sem náðist í viðræðum sem
stóðu langt fram eftir nóttu. „Þetta
var ekki besta nóttin í lífi mínu, en
þrátt fyrir allar flækjurnar í samn-
ingaferlinu var morgunninn góður
vegna þess að okkur tókst samt að
semja um meginatriðin.“
Mörg deilumál óleyst
Níkolaj Petrov, prófessor í stjórn-
málafræði í Moskvu, sagði að ekki
væri hægt að búast við því að vopna-
hléssamkomulagið leiddi til „lang-
tímalausnar“ á deilunni um uppreisn
aðskilnaðarsinna í austurhéruðum
Úkraínu. Hann líkti niðurstöðu leið-
togafundarins í Minsk við vopnahlés-
samkomulag sem náðist í september
en dugði ekki til að binda enda á
átökin.
Mörg deilumál eru enn óleyst, til
að mynda um hversu mikil sjálf-
stjórnarréttindi austurhéruðin eigi
að fá og hversu stór sjálfstjórnarhér-
uðin eiga að vera.
David Cameron, forsætisráðherra
Bretlands, fagnaði samkomulaginu
en sagði að halda þyrfti refsiaðgerð-
unum gegn Rússlandi þar til ljóst
væri að staðið yrði við það. „Vladimír
Pútín þarf að vita að refsiaðgerðun-
um verður ekki breytt nema breyt-
ingar verði á framgöngu hans,“ sagði
Cameron og skírskotaði til ásakana
um að Rússar hefðu stutt aðskiln-
aðarsinna í austurhéruðum Úkraínu
með því að senda þeim vopn og her-
menn.
Alexander Stubb, forsætisráð-
herra Finnlands, sagði að ef sam-
komulagið dygði ekki til að tryggja
vopnahlé væri hætta á langvinnri
togstreitu milli Rússlands og
Vesturlanda.
Aðskilnaðarsinnar fagna sigri
Fulltrúi aðskilnaðarsinna í svo-
nefndum „alþýðulýðveldum“ þeirra í
Donetsk og Lúhansk í Austur-Úkra-
ínu undirrituðu samkomulagið,
ásamt aðalsamningamanni Úkraínu-
stjórnar, Leoníd Kútsjma, fyrrver-
andi forseta, og sendiherra Rúss-
lands í Kænugarði, Míkhaíl Zurabov.
Alexander Zakharstjenkó, leiðtogi
aðskilnaðarsinna í Donetsk, fagnaði
samkomulaginu. „Þetta er mikill sig-
ur fyrir Alþýðulýðveldið Donetsk og
Alþýðulýðveldið Lúgansk,“ sagði
hann.
„Við vonum að vegna friðarumleit-
ana okkar í dag þá breytist Úkraína
og hætti að skjóta á óbreytta borg-
ara, sjúkrahús og aðrar félagslega
mikilvægar miðstöðvar,“ hefur
fréttavefur BBC eftir Ígor Plot-
nitskí, leiðtoga aðskilnaðarsinna í
Lúhansk.
Efasemdir meðal íbúanna
Íbúar Donetsk sögðust hafa mikl-
ar efasemdir um að samkomulagið
yrði til þess að friður kæmist á. „Ég
trúi alls ekki á þetta,“ hefur AFP eft-
ir 62 ára konu í Donetsk. Í hvert
skipti sem þeir skrifa undir samning
segja þeir eitt en gera svo annað. Ég
treysti ekki lengur neinum þeirra.“
„Ég vona að þetta leiði til raun-
verulegs vopnahlés,“ sagði þrítug
kona í hverfi sem hefur orðið fyrir
hörðum sprengjuárásum. „Ég er svo
hrædd að ég hef ekki farið út fyrir
hússins dyr í þrjár vikur,“ sagði hún.
AFP
Fast handaband Vladimír Pútín Rússlandsforseti heilsar forseta Úkraínu, Petro Porosénkó (t.h.), á leiðtogafund-
inum í Mínsk í Hvíta Rússlandi. Fundinum lauk með vopnahléssamkomulagi eftir sextán klukkustunda viðræður.
Stríðshörmungarnar í Úkraínu
KÆNU-
GARÐUR
Odessa
UNG-
VERJAL.
HVÍTA-RÚSSLAND
PÓLLAND
SLÓV.
M
OLDÓVA
RÚSSLAND
RÚMENÍA
Sevastopol
Svartahaf
ÚKRAÍNA
200 km
Krímskagi
var innlimaður í
Rússland í mars sl.
Transnistría
Hlutfall þeirra sem hafa
rússnesku að móðurmáli
Á valdi aðskilnaðarsinna
sem njóta stuðnings Rússa
„Novorossíja“
(Nýja-Rússland):
Svæðið sem aðskilnaðar-
sinnar vilja ná á sitt vald
0–24 %
25–49 %
50–74 %
75–100 %
NO
VO
RO
SS
ÍJA
Krím
Transnistría: Uppreisnarhérað sem nýtur stuðnings Rússa
Heimildir: Lágmarksfjöldi skv.
gögnum frá Sameinuðu þjóðunum
Látnir*
SÍÐUSTU TÖLUR
Særðir 12.972+
Flóttafólk
í Úkraínu 978.482+
Á flótta í
grannríkjum 640.000+
*Frá apríl 2014. Að meðtöldum 298
manns sem fórust þegar farþega-
þota var skotin niður
5.486+
Efast um
að friður
komist á
 Margt getur komið í veg fyrir varan-
legt vopnahlé í austurhéruðum Úkraínu
Vopnahlé á að hefjast
um helgina
» Samkvæmt samkomulaginu
á vopnahlé að taka gildi klukk-
an 22.00 að íslenskum tíma
annað kvöld.
» Ekkert lát var á átökunum í
Austur-Úkraínu í gær, þrátt
fyrir friðarviðræðurnar í Minsk.
Fjórtán óbreyttir borgarar og
tveir úkraínskir hermenn biðu
bana á einum sólarhring.
Verði hlé á átökunum í Úkraínu er
líklegt að vopnaðir hópar aðskiln-
aðarsinna og hersveitir stjórnarinnar
notfæri sér það til að hvílast og búa
sig undir enn harðari átök, að mati
nokkurra fréttaskýrenda.
Einn þeirra, Pavel Felgenhauer,
rússneskur sérfræðingur í öryggis-
málum, segir að erfitt verði að halda
hernaðinum áfram í vor vegna hláku
og vopnahlé geti því verið kærkomið
fyrir vígamennina. „Það var ómögu-
legt fyrir uppreisnarmennina að
halda sókninni áfram án þess að
Rússar stórauki íhlutun sína og án
þess að nota flugvélar,“ hefur frétta-
veitan AFP eftir Felgenhauer. „Það
viðrar ekki vel til hernaðar núna.
Það er byrjað að hlána.“
Barack Obama Bandaríkjaforseti
hafði léð máls á því að sjá Úkra-
ínuher fyrir öflugri vopnum ef frið-
ur kæmist ekki á en fréttaskýr-
endur segja að samkomulagið í
Minsk minnki líkurnar á því að her-
inn fái bandarísk vopn á næstunni.
Volodymyr Gorbatsj, úkraínskur
sérfræðingur í öryggismálum, seg-
ir að aðskilnaðarsinnarnir og Rúss-
ar hafi engan áhuga á varanlegu
vopnahléi. „Þeir ætla að nota sam-
komulagið til að hvíla sig og afstýra
frekari refsiaðgerðum gegn Rúss-
landi.“
Það viðrar ekki vel
til hernaðar núna