Morgunblaðið - 16.02.2015, Blaðsíða 15

FRÉTTIR 15Erlent
MORGUNBLAÐIÐ MÁNUDAGUR 16. FEBRÚAR 2015
H-Berg ehf | S. 565-6500 | hberg@hberg.is | hberg.is
Hollar vörur
úr náttúrunni í
hæsta gæðaflokki
Vilhjálmur A. Kjartansson
vilhjalmur@mbl.is
Tveir saklausir borgarar eru látnir
og fimm eru særðir eftir hryðju-
verkaárás í Kaupmannahöfn um
helgina. Danska lögreglan segir að
ódæðismaðurinn, sem stóð fyrir
tveimur skotárásum, hafi mögulega
verið undir áhrifum frá hryðjuverk-
unum sem framin voru í París í síð-
asta mánuði.
Rétt um miðjan dag á laugardag
hófst skotárás á kaffihúsinu Krudt-
tønden á Østerbro þar sem einn sak-
laus borgari lét lífið og þrír særðust. Í
seinni árásinni lést einn gyðingur,
sem var að aðstoða við athöfn í bæna-
húsi gyðinga, og tveir lögreglumenn
særðust. Í fyrstu var talið að um tvo
árásarmenn væri að ræða en nú telur
danska lögreglan að maðurinn hafi
verið einn að verki og það staðfesti
Torbens Mølgaard Jensens, lögreglu-
stjóri í Kaupmannahöfn, á blaða-
mannafundi sem haldinn var í gær-
mörgun. Þar kom einnig fram að með
aðstoð gagna úr eftirlitsmyndavélum
og upplýsingum frá leigubílstjórum
hefði tekist að bera kennsl á ódæð-
ismanninn en lögreglan skaut hann til
bana við lestarstöðina við Nørrebro
rétt upp úr fimm á aðfaranótt sunnu-
dags eftir að hann hóf skotárás á lög-
reglumenn sem nálguðust hann.Ekki
hafa verið birtar upplýsingar um hver
árásarmaðurinn er en lögreglan í
Kaupmannahöfn boðar áframhald-
andi viðbúnað í borginni. Sænska lög-
reglan hefur einnig aukið öryggiseft-
irlit í landinu í kjölfar árásanna í
Kaupmannahöfn.
Árás gegn tjáningarfrelsi
Talið er nærri því fullvíst að fyrri
árásinni hafi verið beint gegn sænska
skopmyndateiknaranum Lars Vilks,
sem meðal annars teiknaði skop-
myndir af Múhameð spámanni árið
2007. Vilks átti að vera einn ræðu-
manna á fundi um íslam og tjáning-
arfrelsi, sem fara átti fram á fyrr-
nefndu kaffihúsi.
François Zimeray, sendiherra
Frakklands í Danmörku, var meðal
gesta á fundinum og er haft eftir hon-
um á fréttavef AFP að árásarmað-
urinn hafi skotið á allt sem fyrir varð.
Zimeray hélt sig hafa heyrt 50 skot-
hvelli en að sögn lögreglunnar í
Kaupmannahöfn voru þeir nærri 200
talsins og göt eftir byssukúlur út um
allt. Sendiherrann sendi frá sér skila-
boð á Twitter strax eftir árásina, að
hann hefði komist lífs af.
Einn þeirra fjölmörgu sem hafa
tjáð sig um árásirnar í Kaupmanna-
höfn er Patrick Pelloux, dálkahöfund-
ur hjá Charlie Hebdo, með þessum
orðum: Við erum öll dönsk í kvöld.
Tveir látnir og fimm særðir
eftir skotárásir í Danmörku
AFP
Öryggi Vopnaðir lögreglumenn gengu um götur Kaupmannahafnar um helgina eftir tvær skotárásir í borginni.
 Ódæðismaðurinn skotinn til bana af lögreglu við lestarstöðina í Nørrebro
Borgaryfirvöld í
borginni Braun-
schweig í norð-
urhluta Þýska-
lands aflýstu
kjötkveðjuhátíð,
sem fara átti
fram í gær,
vegna hryðju-
verkahættu.
Lögreglan í
borginni segir að ákveðnar vís-
bendingar hafi borist frá öryggis-
lögreglunni um að hætta væri á að
íslamistar gerðu árás meðan hátíð-
in stæði yfir. Fólk var því beðið að
halda sig heima. Um 250 þúsund
manns fylgjast að jafnaði með kjöt-
kveðjuhátíðinni, sem er árlegur
viðburður í borginni.
Hætt við hátíð vegna
hryðjuverkaógnar
Braunschweig
ÞÝSKALAND
Benjamin Net-
anyahu, for-
sætisráðherra
Ísraels, hvatti í
gær evrópska
gyðinga til að
flytja til Ísraels
eftir að gyð-
ingur var myrt-
ur í árás á bæna-
hús í Kaup-
mannahöfn.
„Ísrael er ykkar heimili. Við erum
að undirbúa og hvetjum til þess að
innflytjendur frá Evrópu komi
hingað,“ sagði Netanyahu í tilkynn-
ingu frá því í gær.
Gyðingar hvattir til
að flytja til Ísraels
Benjamin
Netanyahu
ÍSRAEL
Hersveitir Kúrda hafa náð á sitt
vald um 160 þorpum í nágrenni sýr-
lensku borgarinnar Kobane eftir
margra mánaða bardaga við Ríki
íslams á svæðinu. Bandarísk stjórn-
völd hafa lýst því yfir að um 90%
landsvæðis í kringum Kobane sé nú
undir yfirráðum Kúrda. Þá hefur
íraski herinn náð að sækja fram
gegn Ríki íslams.
Barátta Hörð átök eru milli liðsmanna
Ríkis íslams og Kúrda í Sýrlandi.
Kúrdar sækja fram
gegn Ríki íslams
AFP
SÝRLAND
Agnes Björg Bergþórsdóttir hefur
búið í Kaupmannahöfn í að verða
sjö ár og var henni heldur betur
brugðið í gærmorgun þegar vopn-
aðir lögreglumenn mættu henni á
götum úti. „Ég bý einum 500 til
600 metrum frá þeim stað þar
sem lögreglan skaut árásarmann-
inn. Ég verð að viðurkenna að mér
stóð ekki á sama þegar ég heyrði
í þyrlum og lögreglubílum fyrir ut-
an hjá mér þegar ég vaknaði.“
Vopnaðir lögreglumenn tóku síðan
á móti henni
þegar hún fór
út og var
Agnesi bent á
að fara aðra
leið til vinnu.
„Á þessum
tíma vissum við
ekki að búið
væri að finna
árásarmanninn
og fólki var því augljóslega brugð-
ið í hverfinu.“
Vaknaði við umferð lögreglu
ÍSLENDINGAR UPPLIFA ÁSTANDIÐ Í KAUPMANNAHÖFN
Agnes Björg
Bergþórsdóttir
Vopnahlé hófst í austurhéruðum
Úkraínu klukkan tíu að íslenskum
tíma á laugardag. Það hefur að mestu
leyti verið virt en Rússar hafa þó sak-
að Úkraínumenn um að hafa brotið
vopnahléið. Vladimír Pútín, forseti
Rússlands, áréttaði það í símtali við
Angelu Merkel, kanslara Þýskalands,
og Francois Hollande, forseta Frakk-
lands, að þeim bæri að virða vopna-
hléið. Þá hefur Pútín sagt að aðskiln-
aðarsinnar í austurhluta Úkraínu
væru reiðubúnir til þess að leggja nið-
ur vopn. Stjórnvöld í Kænugarði hafa
staðfest að tveir hafi látið lífið í áttök-
um eftir að vopnahlé komst á og hefur
Petro Poroshenko, forseti Úkraínu,
hótað því að setja á herlög í landinu ef
vopnahléið verður ekki virt. Leiðtogi
aðskilnaðarsinna í Donetsk hafði lýst
því yfir að svæðið í kringum Debalt-
seve félli ekki undir samkomulagið.
Vopnahléið að mestu virt í Úkraínu
 Forseti Úkraínu hótar herlögum
í landinu haldi vopnahléið ekki
AFP
Stríð Þrátt fyrir vopnahlé er enn barist á einstaka svæðum en leiðtogi að-
skilnaðarsinna í Donetsk segir Debaltseve-svæðið undanskilið vopnahléi.