Morgunblaðið - 17.02.2015, Blaðsíða 1
Þ R I Ð J U D A G U R 1 7. F E B R Ú A R 2 0 1 5
Stofnað 1913 40. tölublað 103. árgangur
„GÓÐIR TÍMAR
FYRIR SKAPANDI
TÓNLIST“
ÖÐRUVÍSI
FERÐIR TIL
ANDALÚSÍU
GÓÐUR ÁRANGUR
GUNNARS KARLS
Í FYRSTA RALLINU
LISTSKÖPUN 10 BÍLAR FIÐULULEIKARI 38
Baldur Arnarson
baldura@mbl.is
Íslandsbanki spáir því að útflutnings-
tekjur ferðaþjónustunnar verði 342
milljarðar króna í ár, eða ríflega millj-
ón krónur á hvern Íslending.
Greinin hefur vaxið mun hraðar en
hagkerfið og með sama áframhaldi
verða tekjurnar farnar að nálgast út-
gjöld ríkisins innan nokkurra ára, en
þau eru áætluð um 640 milljarðar í ár.
Samtök ferðaþjónustunnar spá 15%
fjölgun ferðamanna í ár, borið saman
við 20% fjölgun á síðustu árum. Ing-
ólfur Bender, forstöðumaður Grein-
ingar Íslandsbanka, segir ferðaþjón-
ustuna orðna „langumfangsmestu
atvinnugrein þjóðarinnar á mæli-
kvarða gjaldeyrisöflunar“.
Skýrir stóran hluta hagvaxtar
„Það má líka segja að stóran hluta
hagvaxtar, síðan hagkerfið fór að taka
við sér árið 2010, megi á einn eða ann-
an hátt rekja til vaxtar í þessari
grein,“ segir Ingólfur.
Ásgeir Jónsson, dósent í hagfræði
við Háskóla Íslands, segir líða að
því að Ísland geti skilgreint sig sem
ferðaþjónustuland. Slíkt sé vægi
greinarinnar að verða.
„Ef kippur hefði ekki komið í
ferðaþjónustuna árið 2012 væri
ekki uppsveifla núna. Ferðaþjón-
ustan er orðin leiðandi á öllum
helstu mörkuðum; gjaldeyrismark-
aði, vinnumarkaði og fasteigna-
markaði,“ segir Ásgeir, sem telur
vöxtinn að miklu leyti skýra kaup-
máttarstyrkingu í fyrra. Án þessa
vaxtar væri gengið veikara.
Þorvarður Tjörvi Ólafsson, hag-
fræðingur hjá Seðlabanka Íslands,
segir bankann nú spá meiri útflutn-
ingstekjum af erlendum ferðamönn-
um í ár en hann gerði fyrir áramót.
Ef spá Íslandsbanka gengur eftir
mun ferðaþjónustan skila 62 milljörð-
um króna meiri útflutningstekjum en
sjávarútvegur á þessu ári. Verður
verðmætið þá næstum orðið jafnt
verðmæti alls útflutnings annars en
sjávarútvegs og áls.
MFerðagreinin orðin langstærst »4
Spá 342 milljarða tekjum
Greining Íslandsbanka spáir því að útflutningsverðmæti ferðaþjónustu verði 342
milljarðar króna í ár Rúm milljón á hvern Íslending Greinin orðin sú stærsta
Talið er að yfir 40 þúsund manns
hafi verið á minningarathöfn í
Kaupmannahöfn í gærkvöldi í kjöl-
far tveggja skotárása í borginni um
helgina. Þar féllu tveir fyrir hendi
Omars Abdels Hamids El-Husseins,
22 ára Dana. Fimm lögreglumenn
særðust í átökum við hann. Athöfn-
in fór fram á Gunnar Nu Hansen-
torgi á Austurbrú. Þúsundir manna
voru viðstaddar, þeirra á meðal
meðlimir dönsku konungsfjölskyld-
unnar, þjóðarleiðtogar, ráðherrar
og borgarstjórar frá öllum nor-
rænu þjóðunum og fulltrúar er-
lendra ríkja. Meðal viðstaddra voru
Gunnar Bragi Sveinsson utanríkis-
ráðherra og Dagur B. Eggertsson
borgarstjóri. Þá ræddi Sigmundur
Davíð Gunnlaugsson forsætisráð-
herra símleiðis við Helle Thorning-
Schmidt, forsætisráðherra Dana, í
gær og færði henni samúðar-
kveðjur til dönsku þjóðarinnar.
Áhrifamikil stund
„Þetta var áhrifamikil stund.
Árásir helgarinnar hafa haft gríð-
arleg áhrif á alla hér og það snart
mig hversu mikill samhugurinn var
í kvöld og hversu staðráðnir allir
eru í því að láta þetta ekki verða til
þess að reka fleyg á milli fólks,
hverrar trúar sem það er,“ var haft
eftir Gunnari Braga í tilkynningu
sem barst eftir athöfnina.
Dagur B. Eggertsson sendi einn-
ig samúðarkveðju fyrir hönd
Reykjavíkur til Franks Jensens,
borgarstjóra í Kaupmannahöfn.
„Það skiptir auðvitað máli að
koma saman, ræða hlutina og und-
irstrika trúna á lýðræðið og opið
samfélag,“ sagði Dagur við mbl.is
að athöfn lokinni. »21
EPA
Minningarathöfn Gríðarlegur mannfjöldi var samankominn á Gunnar Nu Hansen-torgi á Austurbrú í Kaupmannahöfn í gærkvöldi.
Samhugur með íbúum
Kaupmannahafnar
Yfir 40 þúsund manns á minningarathöfn í gærkvöldi
Hjálmar
Sveinsson, for-
maður umhverf-
is- og skipulags-
ráðs, telur að
Valsmenn hf. fái
framkvæmda-
leyfi í þessari eða
næstu viku á
Hlíðarendareitn-
um. Á fundi borgarstjórnar í dag
verður fjallað um málefni Hlíðar-
enda og samkomulag um uppbygg-
ingu. Hjálmar gerir ráð fyrir að
borgarstjórn leggi samþykki sitt
við skilmálabreytingar og þá sé í
raun búið að samþykkja samkomu-
lagið sem gert var við Valsmenn
um framkvæmdir á reitnum og
áfangaskiptingu framkvæmda.
Hann segir ekki koma til greina að
breyta skipulaginu, þrátt fyrir að
sumir séu ósáttir við það að neyð-
arbrautin muni víkja. »17
Valsmenn fái fram-
kvæmdaleyfi fljótt
Grafarvogsbúar eru með hug-
myndir um verkefni í hverfinu sem
kosta um 117 milljónir króna. Með-
al annars vilja þeir hundagerði í
Gufunesi. Rafræn íbúakosning um
tillögurnar úr hverfinu og öðrum
borgarhlutum hefst í dag. Þetta er
meðal þess sem fram kemur í um-
fjöllun um Grafarvogshverfi í
greinaflokknum Heimsókn á höf-
uðborgarsvæðið í blaðinu í dag.
Fram kemur í umfjöllun um hverfið
að byggð muni aukast þar verulega
á næstu árum. »18-19
Morgunblaðið/Ómar
Grafarvogur Hundaeigendur í hverfinu
vilja viðra hunda sína í Gufunesi.
Íbúar vilja hunda-
gerði í Gufunesi
Íslenskir bank-
ar verða fyrir
fjölda netárása,
en þeir vinna að
megninu til sjálf-
stætt við að gæta
eigin öryggis.
Hrafnkell V.
Gíslason, for-
stjóri Póst- og
fjarskiptastofn-
unar, segir gjaldeyrishöftin þó
hjálpa íslensku bönkunum. Þau
geri það að verkum að erfiðara sé
að taka miklar fjárhæðir út úr
bankakerfinu. Innan stofnunar-
innar er starfrækt svokölluð net-
öryggissveit, CERT-ÍS, sem í dag
veitir þjónustu fyrst og fremst til
fjarskiptamarkaðarins. Til stendur
að setja netöryggissveitina undir
almannavarnadeild ríkislögreglu-
stjóra, en frumvarp þess efnis var
kynnt á síðasta ári. »22
Bankarnir verða
fyrir fjölda netárása