Morgunblaðið - 17.02.2015, Blaðsíða 16
16 FRÉTTIRInnlent
MORGUNBLAÐIÐ ÞRIÐJUDAGUR 17. FEBRÚAR 2015
Heyrðu umskiptin
Fáðu heyrnartæki til reynslu
Það er næstum því sama hvernig heyrnarskerðingu þú ert með
og hvernig lifi þú lifir, því ReSound heyrnartækin eru vel til þess
fallin að hjálpa þér við að skilja talmál, hafa framúrskarandi
hljómgæði og snjalla þráðlausa tengingu.
MARGIR
VERÐFLOKKAR
Apple, Apple merkið, iPhone, iPad og iPod touch eru
vörumerki Apple Inc, skráð í BNA og öðrum löndum.
App Store er þjónustumerki Apple Inc. Hlíðasmára 11 · 201 Kópavogur · Sími 534 9600 · heyrn.is
SVIÐSLJÓS
Anna Lilja Þórisdóttir
annalilja@mbl.is
Kópavogur er fyrsta sveitarfélagið
sem spjaldtölvuvæðir alla grunn-
skóla sína, en allir nemendur sem
stunda nám í 5.-10. bekk í skólum
bæjarins, sem eru
um það bil 3.000
talsins, fá spjald-
tölvur, stór hluti
þeirra á næsta
skólaári, auk allra
kennara og skóla-
stjórnenda.
Alls eru þetta
því um 3.500 tölv-
ur, mikill og víð-
tækur undirbún-
ingur fylgir þessu
og áætlað er að verja 200 milljónum
til þessa í ár.
Hugmyndin er að hver og einn
nemandi fái eigin tölvu til afnota og
fari með hana heim, sé þess þörf.
Fljótlega verður gengið frá ráðningu
verkefnisstjóra þessarar innleiðingar
og eitt af hlutverkum hans verður að
kynna verkefnið fyrir foreldrum.
Heimsóttu spjaldtölvuskóla
„Við höfum verið að undirbúa
þetta leynt og ljóst síðan 2012, þá
mótuðum við stefnu í upplýs-
ingatækni í grunn- og leikskólum,“
segir Anna Birna Snæbjörnsdóttir,
sviðsstjóri menntasviðs Kópavogs-
bæjar. Hún segir að núna sé þráð-
laust net, sem er forsenda spjald-
tölvunotkunarinnar, komið í skólana
og víða hefur verið leitað fanga til að
undirbúa notkun spjaldtölvanna.
M.a. hafa kennarar og skólastjórn-
endur kynnt sér nýjungar í upplýs-
ingatækni hér á landi, fundað hefur
verið með bæði innlendum og erlend-
um aðilum sem hafa reynslu af inn-
leiðingu spjaldtölva í skólum og fyrir
skömmu fór hópur skólastjóra í
grunnskólum Kópavogs í kynnisferð
til Bretlands, þar sem m.a. var farið í
heimsókn í spjaldtölvuvædda skóla.
Þá verða ráðnir þrír kennsluráð-
gjafar.
Anna Birna segir að ekki liggi fyr-
ir endanlegur kostnaður við innleið-
ingu spjaldtölvanna, en 200 milljónir
séu áætlaðar til hennar í fjárhags-
áætlun þessa árs. Þar af verður 150
milljónum varið til kaupa á spjald-
tölvum, 50 milljónum í innleiðingu.
„Við vitum ekki enn hversu vel við
náum að nýta fjármagnið, það fer
m.a. eftir því hvernig tilboð við
fáum.“
Búnaðurinn ekki aðalatriðið
Núna vinnur upplýsingatækni-
deild bæjarins úr mati sem unnið var
af nemendum og kennurum, en þar
voru nokkrar gerðir spjaldtölva
metnar. Anna Birna segir að þar sem
um svo mikla fjárfestingu sé að ræða,
þá sé mikilvægt að vanda vel valið og
allan undirbúning. „Við erum fyrsta
sveitarfélagið sem spjaldtölvuvæðir
alla sína skóla. Við lítum þannig á
þetta að búnaðurinn sem slíkur sé
ekki aðalatriðið, við viljum gæta þess
að þetta nýtist raunverulega í skóla-
starfi og að með þessu séum við að
bæta kennsluna og breyta kennslu-
háttum. Framboð af námsefni til að
nota í spjaldtölvum eykst sífellt.“
Hvaða áhrif haldið þið að notkun
spjaldtölva muni hafa á nám og
kennslu í Kópavogi? „Við vitum t.d.
að þetta auðveldar kennurum að ein-
staklingsmiða kennsluna, þetta styð-
ur við fjölbreytta kennsluhætti, gef-
ur foreldrum aukin tækifæri til að
fylgjast með námi barna sinna og það
er okkar trú að við séum að mæta
þörfum barnanna okkar betur með
þessu. Þetta er ekkert töfratæki og
þótt það felist í þessu ákveðin bylting
erum við alls ekki að fara að henda
öllu því út sem við höfum verið að
gera hingað til. En kennslan þarf að
vera í takt við tímann.“
Kennslan þarf að
vera í takt við tímann
Kópavogsbær kaupir 3.500 spjaldtölvur fyrir grunnskóla
Fyrsta sveitarfélagið til að spjaldtölvuvæða alla skóla sína
Morgunblaðið/Árni Sæberg
Spjaldtölvur Þótt ákveðin bylting felist í notkun slíkra tækja í skólastarfi, er
ekki verið að henda út öllu því sem áður hefur verið gert, segir Anna Birna.
Anna Birna
Snæbjörnsdóttir
Fjarskiptafélöginn Síminn, Voda-
fone og Nova bregðast á ólíkan hátt
við spurningunni um afstöðu þeirra
til mögulegs samstarfs við 365 um
uppbyggingu á 4G-kerfi.
Fram kom í
Morgunblaðinu
12. febrúar að
Samkeppniseftir-
litið telur að „365
muni væntanlega
óska eftir viðræð-
um við Póst- og
fjarskiptastofnun
um afléttingu hluta þeirra uppbygg-
ingarkrafna, sem fylgi leyfunum svo
raunhæft sé að byggja upp 4G-
þjónustu“.
Sævar Freyr Þráinsson, forstjóri
365, sagði af því tilefni að samstarf
við aðra aðila kæmi til greina.
„Við erum ekki búnir að ákveða
hvort það verður Síminn, Vodafone
eða Nova,“ sagði Sævar Freyr.
Spurður um afstöðu Símans til
samstarfs við 365 á þessu sviði segir
Pétur Þ. Óskarsson, yfirmaður sam-
skipta Símans, að engar ákvarðanir
hafi verið teknar í þessu efni.
„4G-uppbygging Símans gengur
mjög vel og nær nú til um 75%
landsmanna. Það hefur engin af-
staða verið tekin til þess innan Sím-
ans hvort rétt sé að fara í samstarf
um frekari uppbyggingu á 4G-
þjónustu.“
Nova hefði vissulega áhuga
Liv Bergþórsdóttir, forstjóri
Nova, segir að „Nova hefði vissulega
áhuga á því að selja 365 aðgang að
4G-kerfi fyrirtækisins“. „Hvað varð-
ar 800-tíðniband 365 þá hefði Nova
boðið í það tíðniband á sínum tíma ef
útbreiðslukröfurnar hefðu ekki verið
svona miklar. 365 hefur skuldbundið
sig til að byggja upp 4G-þjónustu
sem ná skal til 99,5% íbúa á hverju
skilgreindu landsvæði fyrir sig en
það er uppbygging sem Nova telur
gríðarlega kostnaðarsama. Nova
hefur ekki áform á þessu stigi um að
ráðast í þær fjárfestingar sem slík
uppbygging kallar eftir,“ segir Liv.
Stefán Sigurðsson, forstjóri Voda-
fone, segir Vodafone reka „öfluga
heildsölu á kerfum sínum til fjöl-
margra fjarskiptafyrirtækja, á ýms-
um sviðum fjarskipta svo sem far-
síma, fastlínu, gagnatenginga, svo
og sjónvarps og útvarps. Við tjáum
okkur hins vegar ekki um málefni
einstakra viðskiptavina“, sagði Stef-
án.
Engar ákvarðanir
um 4G-samstarf
Fjarskiptafyrirtækin bregðast við áhuga
forstjóra 365 á samstarfi við uppbyggingu
Aðildarfélög Samiðnar hafa gert við-
horfskannanir meðal félagsmanna
vegna komandi kjaraviðræðna og
sýna þær að félagsmenn vilja frekar
gera skammtímasamning til eins til
tveggja ára en að samið verði til
lengri tíma, samkvæmt upplýsingum
Hilmars Harðarsonar, formanns
Samiðnar.
Vinna við undirbúning kröfugerðar
Samiðnar stendur sem hæst þessa
dagana en Samiðn fer með samnings-
umboð fyrir hönd aðildarfélaganna í
kjaraviðræðunum.
,,Við erum að vinna í kröfugerðinni
og leggjum hana fram fljótlega,“ seg-
ir Hilmar. ,,Við erum að reikna út og
kostnaðarmeta og hitta aðra hópa
sem eru í svipaðri stöðu og við,“ bæt-
ir hann við.
Yfirgnæfandi meirihluti félaga
segist tilbúnn í átök
Hilmar segir að það sé áberandi
niðurstaða í könnununum að félags-
menn séu tilbúnir að fylgja kjara-
kröfunum eftir með átökum ef þörf
krefur. „Við byrjum á að leggja kröf-
urnar fram og sjáum til en það er al-
veg ljóst að yfirgnæfandi meirihluti
er tilbúinn að fylgja þeim eftir ef á
þarf að halda,“ segir Hilmar.
Þær kröfugerðir sem fram eru
komnar á almenna vinnumark-
aðinum eru nokkuð mismunandi.
Starfsgreinasambandið vill semja til
allt að þriggja ára og að lágmarks-
laun hækki í 300 þúsund kr. Flóa-
félögin vilja 12 mánaða samning og
að lágmarkshækkun í launatöflu
verði 35 þúsund krónur. VR vill líka
eins árs samning og leggur fram
kröfur um „baksýnisspegil“, launa-
leiðréttingu með allt að 50 þúsund kr.
launaþróunartryggingu fyrir fé-
lagsmenn.
Hilmar segir of snemmt að segja
til um hverjar verða meginkröfur
Samiðnar. ,,Við erum að reikna hvaða
áhrif kjarasamningar munu hafa og
munum draga okkar ályktanir af
þeim útreikningum,“ segir Hilmar.
Hann á von á að frágengin kröfugerð
gæti legið fyrir í lok þesarar viku eða
í byrjun þeirrar næstu. omfr@mbl.is
Morgunblaðið/Golli
Samningar losna Fjöldi kjarasamninga rennur út á næstu mánuðum, flestir
í lok febrúar, þ.á m. á almenna vinnumarkaðinum og fjölmargir í lok apríl.
Áhugi á eins til
tveggja ára samningi
Kjaraviðræðurnar
» 45 kjarasamningar á al-
menna vinnumarkaðinum
renna út 28. febrúar.
» Nokkur stærstu stéttarfélög
og landssambönd innan ASÍ
hafa þegar afhent Samtökum
atvinnulífsins kröfugerðir.
» Starfsgreinasambandið,
sem semur fyrir hönd 16 aðild-
arfélaga, hefur þegar vísað
kjaradeilunni til ríkissátta-
semjara. Eru einstök félög far-
in að búa sig undir hugsanleg
verkfallsátök.