Morgunblaðið - 19.02.2015, Blaðsíða 18

SVIÐSLJÓS
Ingveldur Geirsdóttir
ingveldur@mbl.is
Öll foreldrafélög í grunnskólum í
Breiðholti hafa sent sameiginlega
áskorun til borgaryfirvalda um að
endurskoða núverandi afstöðu til af-
hendinga gjafa til barna, gjafa sem
snúa að öryggi, fræðslu og lýðheilsu
þeirra, og til kynninga innan veggja
grunnskóla sem hafa samfélagsþátt-
töku, forvarnir og fræðslu að mark-
miði. Undir áskorunina skrifa stjórn-
ir foreldrafélaga Ölduselsskóla,
Seljaskóla, Fellaskóla, Breiðholts-
skóla og Hólabrekkuskóla. Í henni
segir að reglurnar sem gildi í dag séu
of strangar, þær komi niður á börn-
unum og leiði til mismununar og
vinni gegn markmiði félaganna um
að styðja börn til aukinna lífsgæða.
„Við teljum það fullkomlega á færi
skólastjórnenda, í samvinnu við
stjórn foreldrafélags viðkomandi
skóla, að meta og þekkja muninn á
óæskilegri markaðssetningu annars
vegar og málefnum er varða öryggi
og lýðheilsu hins vegar,“ segir í
áskoruninni.
Ósátt við forræðishyggjuna
Birna Björk Þorbergsdóttir, for-
maður foreldrafélags Ölduselsskóla,
segir að þau hafi fengið svör frá
nokkrum borgarfulltrúum við áskor-
uninni. „Við í öllum foreldrafélög-
unum erum afskaplega ósátt við
þessa forræðishyggju og að okkur sé
ekki treyst til að dæma um það hvað
er heppilegt og óheppilegt fyrir
börnin okkar. Við ætlum að fylgja
áskoruninni eftir og reyna að fá
þessu banni algjörlega aflétt,“ segir
Birna Björk. Foreldrafélögin í Breið-
holti voru þau fyrstu til að senda frá
sér slíka áskorun til borgaryfirvalda
en Birna Björk veit til þess að mörg
foreldrafélög í borginni séu afar
ósátt við þessar reglur og hafi rætt
málin á sínum vettvangi.
Skúli Helgason formaður skóla- og
frístundaráðs Reykjavíkurborgar
segir að ákveðið hafi verið að láta
meta reynsluna af framkvæmd þess-
ara reglna sem settar voru af skóla-
og frístundasviði haustið 2013 og
taka til endurskoðunar einstök
ákvæði eftir því sem tilefni er til. Sú
vinna sé að fara af stað og verði leit-
að eftir upplýsingum frá stjórn-
endum grunnskóla, leikskóla og frí-
stundamiðstöðva um reynsluna af
framkvæmdinni undanfarin misseri.
Mörg sjónarmið komið fram
Hann segir ekki fleiri formlegar
áskoranir hafa borist inn á sitt borð
en þessi mál hafi verið mikið í um-
ræðunni að undanförnu og mörg
sjónarmið komið fram.
Skúli tekur það fram að það séu
ekki allar kynningar og gjafir bann-
aðar í grunnskólum borgarinnar en í
4. grein reglanna segir að gjafir megi
þiggja ef þær samræmist stefnu
skóla- og frístundaráðs og með því
skilyrði að ekki séu á þeim auglýs-
ingamerkingar. „Ég bendi á að
kveikjan að þessari reglusetningu
voru ekki síst ábendingar frá skóla-
stjórum sem fannst skorta skýrar
línur um það hvernig ætti að svara
fjölmörgum fyrirspurnum frá fyrir-
tækjum og samtökum sem vildu
dreifa gjöfum til skólabarna.“
Minnihlutinn í borgarstjórn hefur
lýst sig andstæðan þessum reglum.
Guðfinna Jóhanna Guðmundsdóttir
borgarfulltrúi Framsóknar og flug-
vallarvina segist telja að leyfa eigi
gjafir sem hafi fræðslu-, forvarnar-
eða öryggisgildi og ljóst sé að gefnar
séu vegna hugsjónar en ekki í arð-
semistilgangi. „Við tökum undir þau
sjónarmið sem fram koma í áskorun
foreldrafélaga í öllum grunnskólum í
Breiðholti og fögnum henni. Núgild-
andi reglur eru of strangar og eru til
þess fallnar að koma niður á börnum
og leiða til mismununar. Við munum
beita okkur fyrir því að þessum
reglum verði breytt.“
Foreldrafélög eru ósátt
við forræðishyggjuna
 Reglur um gjafir til grunnskólabarna í Reykjavík teknar til endurskoðunar
Morgunblaðið/Sverrir
Hjólað Grunnskólabörn í Reykjavík hafa m.a. fengið gefins hjólahjálma.
Samkvæmt reglunum má ekki lengur gefa þá en það er til endurskoðunar.
18 FRÉTTIRInnlent
MORGUNBLAÐIÐ FIMMTUDAGUR 19. FEBRÚAR 2015
Svonefndir Hörmungardagar verða
haldnir í annað skipti á Hólmavík
nú um helgina.
Í auglýsingu um dagana segir, að
veturinn sé mörgum erfiður. Hann
sé langur, kaldur, dýr og óútreikn-
anlegur. Á Hörmungardögum gef-
ist tækifæri til að njóta allra þess-
ara ömurlegheita saman og reyna
að gera gott úr þeim.
Hörmungardagarnir hefjast
formlega á föstudag en í gær byrj-
aði sérstök knúskeppni, sem stend-
ur fram á mánudag og er henni ætl-
að að létta bæjarbúum lundina á
erfiðum tímum.
Meðal dagskrárliða má nefna að
klukkan 11 á laugardag mun Eirík-
ur Valdimarsson, þjóðfræðingur,
leiða sniðgöngu. Gengið verður að
ljótari stöðum Hólmavíkur og sagð-
ar leiðinlegar sögur um óáhuga-
verð málefni.
Dagskrána má finna á vef
Strandabyggðar.
Leiðinlegar sögur
um óáhugaverð mál
Skammdegi Höfnin í Hólmavík.
Ómar Friðriksson
omfr@mbl.is
Undirbúningur fyrir kjaraviðræður
aðildarfélaga BSRB gengur vel þó
félögin séu mislangt á veg komin.
Stærstu félögin eru komin hvað
lengst í sinni vinnu en mörg aðildar-
félaganna eru þessa dagana að viða
að sér gögnum og öðrum upplýs-
ingum, að sögn Elínar Bjargar
Jónsdóttur, formanns BSRB.
Flestir kjarasamningar aðildar-
félaga BSRB renna út í lok apríl en
nokkrir samningar félaga sem snúa
að almenna vinnumarkaðinum losna
þó í lok febrúar.
Í nýlegri ályktun trúnaðarmanna-
ráðs SFR er m.a. lögð áhersla á að
hækka þurfi lægstu laun og milli-
tekjur verulega í komandi samn-
ingum auk styttingar vinnuvik-
unnar.
Elín Björg segist ekki geta tjáð
sig um hverjar verða meginkröfur
BSRB. Félögin fara sjálf með samn-
ingsumboðið en það verða líka stór
mál á sameiginlegu borði BSRB
eins og verið hefur í kjaraviðræðum
á undanförnum árum. Hún segir að
ekki sé endanlega orðið ljóst hvaða
málefni það verða en öll stór mál
sem varða öll aðildarfélögin jafnt
verða á könnu BSRB. Skýrast mun
þegar kröfugerðir taka á sig endan-
lega mynd hvað farið verður fram á
að samið verði til langs tíma ,,en það
fer auðvitað mjög mikið eftir inni-
haldi hvers samnings hversu langur
eða stuttur hann verður,“ segir hún.
Hafa hækkað minna
Ný skýrsla samtakanna á vinnu-
markaði sem kynnt var í seinustu
viku, þar sem m.a. er að finna úttekt
á launaþróun verður nýtt í kröfu-
gerðum BSRB-félaganna. Þar kem-
ur fram að frá 2013-2014 varð
minnst hækkun á hreinu tímakaupi
hjá ríkisstarfsmönnum innan BSRB
eða 4,9%. Á tímabilinu frá 2006 til
2014 hækkuðu laun ríkisstarfs-
manna í stéttarfélögum ASÍ mest en
laun starfsmanna í aðildarfélögum
BSRB hjá sveitarfélögum minnst.
Elín Björg segir að þarna komi
„berlega fram að ríki og sveitarfélög
hafa verið að semja við aðildarfélög
BSRB með lakari hætti en um hefur
verið samið á almennum vinnu-
markaði og við BHM og KÍ. Þessi
gögn verða að sjálfsögðu notuð í
kröfugerðarvinnu aðildarfélag-
anna.“
Nýjar tölur
styrkja kröfur
 BSRB-félögin vinna að kröfugerð
Sjónvarpsstöðin Hringbraut hóf
göngu sína í gær og var Vigdís
Finnbogadóttir, fyrrverandi forseti
Íslands, fyrsti gestur stöðvarinnar.
Leiðarljós stöðvarinnar eru mann-
virðing, umburðarlyndi og réttlæti,
eftir því sem kemur fram í tilkynn-
ingu og er allt efni stöðvarinnar
sent út í opinni dagskrá. Fyrstu vik-
urnar verður sent út nýtt íslenskt
efni á milli klukkan 21 og 22 en
smám saman verður dagskrárgerð
aukin. Á meðal þáttastjórnenda á
fyrstu mánuðum stöðvarinnar eru
Björk Eiðsdóttir, Hulda Bjarna-
dóttir, Karl Ágúst Úlfsson, Rakel
Garðarsdóttir, Sólveig Ólafsdóttir
og Sigurður K. Kolbeinsson. Dag-
skrárstjóri er Sigmundur Ernir
Rúnarsson.
Vigdís fyrsti gestur
Hringbrautar
Kjartan Magnússon borgarfulltrúi
Sjálfstæðisflokksins segir áskorun
foreldrafélaganna í Breiðholti sýna
vel þá óánægju sem ríkir meðal
foreldra í borginni með bannið.
„Við borgarfulltrúar Sjálfstæð-
isflokksins höfum margoft gagn-
rýnt þetta bann og ítrekað lagt til
að það verði afnumið. Við lögðum
síðast til breytingu á reglunum
með tillögu í borgarstjórn í upp-
hafi mánaðarins, sem var á þá leið
að gjafir frá fyrirtækjum, félaga-
samtökum og stofnunum til skóla-
barna mætti þiggja ef gjöfin hefur
fræðslu-, forvarnar- eða öryggis-
gildi. Skólastjórn hvers skóla skal
skera úr í málum þar sem vafi leik-
ur á um tilgang gjafarinnar. Meiri-
hlutinn lýsti sig reiðubúinn til þess
að vísa tillögu okkar til skóla- og
frístundaráðs, sem legði mat á
reynsluna af framkvæmdinni og
tæki afstöðu til þess hvort tilefni
væri til endurskoðunar á regl-
unum. Þótt meirihlutinn hafi ekki
gefið neinn ádrátt um slíka endur-
skoðun fagna ég því samt af heil-
um hug að hann sé tilbúinn til að
skoða þetta,“ segir Kjartan.
Áskorunin sýnir vel óánægjuna
HAFA MARGOFT GAGNRÝNT BANNIÐ
Álfheimum 74, 104 Rvk, sími 568 5170
TAX FREE
af öllum s
nyrtivörum
í febrúar
30-70%
afsláttur
af peysum,
túnikum, bolum,
buxum, kjólum,
skarti og treflum.