Morgunblaðið - 19.02.2015, Blaðsíða 34

34 FRÉTTIRInnlent
MORGUNBLAÐIÐ FIMMTUDAGUR 19. FEBRÚAR 2015
Laugavegi 34 101 Reykjavík | Sími: 551 4301 | gudsteinn.is
Jakkaföt frá
32.000,-
Guðsteins Eyjólfssonar sf
V E R S L U N
Benedikt Bóas
benedikt@mbl.is
„Það er undirliggjandi reiði hjá notendum.
Við finnum það. Við erum að alltaf að reyna
að bæta okkur – það er okkar hlutverk,“
sagði Jóhannes Rúnarsson, framkvæmda-
stjóri Strætó, eftir opinn fund með not-
endum Ferðaþjónustu fatlaðra sem Sjálfs-
björg hélt í gær.
Stefán Eiríksson, sem leiðir neyðarstjórn
Strætó sem fer með málefni ferðaþjónust-
unnar, sat fyrir svörum hjá notendum sem
margir höfðu slæma reynslu af hinu nýja
kerfi sem tekið var í notkun um áramótin.
Tók fundurinn tvo tíma og reyndi Stefán
eftir bestu getu að svara fyrirspurnum úr
sal. Fjölmenni var á fundinum enda eru not-
endur ferðaþjónustunnar rúmlega 2.500 og
daglegar ferðir hennar um 1.500 talsins.
Spurðir spjörunum úr
Fram kom í máli Stefáns að neyðarstjórn-
in hefði þegar ráðið sinn fyrsta starfsmann
en sá fer yfir allar upplýsingar og skráir
það sem upp á vantar um hvern einasta not-
anda sem notar ferðaþjónustuna.
Eftir að orðið var gefið laust voru Stefán
og aðrir stjórnendur Strætó spurðir spjör-
unum úr. Meðal annars kom fram að nokkr-
ir væru hættir að nota þjónustuna.
„Við getum ekki séð það í kerfinu hverjir
það eru, það eru hópar sem detta inn og út
en það er rétt það sem kom hérna fram hjá
fólki að það eru einhverjir sem eru hættir
að nota kerfið. Ólöf (Ólöf Þorbjörg Péturs-
dóttir, fötluð stúlka sem gleymdist í bíl
ferðaþjónustunnar) hefur til dæmis ekki
komið inn í kerfið að nýju,“ sagði Jóhannes.
Erfitt að vera alltaf of seinn
Einnig kom fram að sífelldar seinkanir,
þar sem börn, unglingar og fullorðið fólk
misstu af hluta af æfingum og öðru starfi
eftir skóla og vinnu, væru notendum erfiðar
andlega.
Ein móðirin reis upp og húðskammaði þá
fulltrúa sem voru mættir frá Strætó.
„Fundurinn var mjög gagnlegur. Hér
komu góðar ábendingar sem við tökum til
okkar,“ sagði Jóhannes.
Nokkrir notendur kvörtuðu undan því að
símaverið skellti sífellt á þá þegar hringt
væri.
Stefán gat engin svör gefið við þessu og
gaf boltann á Jóhannes sem sagði að þjón-
ustuverið væri með netsíma og of lítil band-
vídd hefði verið tengd inn til þjónustuvers-
ins og því skelltist stundum á notendur.
Þetta hefði nú verið lagað. Bandvídd var
aukin í þjónustuverinu á mánudaginn og
ætti hún því núna að vera næg. Jóhannes
segist vona að svona ófyrirséð vandamál séu
ekki á hverju strái.
„Við vinnum hörðum höndum að því að
bæta kerfið. Þetta kom svolítið á óvart.
Fjöldi símtala var miklu meiri en við bjugg-
umst við og þörfin á bandbreidd var van-
metin inn í húsið.“
Einn of seinn
Mikið var rætt um seinkanir á þjónust-
unni en þótt flestir notendur hafi nýtt sér
þjónustuna til að komast niður í hús Sjálfs-
bjargar varð aðeins einn of seinn og það var
vegna þess að bílstjórinn þekkti ekki hvort
fundurinn væri í norður- eða suðursal. Sá
kom 20 mínútum of seint. Stefán sagði að
hann hefði sjálfur villst þegar hann var á
leiðinni á fundinn.
Ennþá töluverð reiði hjá notendum
 Notendur Ferðaþjón-
ustu fatlaðra funduðu í
gær og ræddu málin við
neyðarstjórn Strætó
Morgunblaðið/Eggert
Ferðaþjónusta Suðursalur Sjálfsbjargar var þétt setinn þegar fundurinn fór fram í gær.
Björn Már Ólafsson
Jón Pétur Jónsson
Athafnamaðurinn Hannes Smárason
var í gær sýknaður í héraðsdómi
Reykjavíkur. Honum hafði verið gefið
að sök að hafa, án heimildar stjórnar
FL Group, látið millifæra 2,87 millj-
arða króna af reikningum félagsins inn
á reikning eignarhaldsfélagsins Fons
árið 2005. Hannes var á þeim tíma
starfandi stjórnarformaður FL Group.
Í dómnum kemur fram að engin gögn
séu til staðar hjá Kaupthing Bank
Luxembourg (KBL) um millifærsluna,
og benda jafnvel sum gögn úr bank-
anum til þess að engin millifærsla hafi
átt sér stað.
„Sætir nokkurri furðu“
„Allt sætir þetta nokkurri furðu og
engar fullnægjandi skýringar hafa
komið fram um þetta. Ákæruvaldið
verður að bera hallann vegna algjörs
skorts á gögnum frá KBL um milli-
færsluna til Fons auk þess sem enginn
vitnisburður skýrir hana eins og rakið
hefur verið,“ segir í dómsorðunum.
Hannes var ákærður fyrir fjárdrátt
en fyrir umboðssvik til vara. Héraðs-
dómur komst að þeirri niðurstöðu að
þar sem Hannes var sýknaður af því að
hafa látið millifæra fjármuni af reikn-
ingi FL Group til Fons, beri einnig að
sýkna hann af umboðssvikum. Sakar-
kostnaðurinn í málinu, þar með talin
tæplega 10 milljón króna máls-
varnarlaun verjanda Hannesar, verður
greiddur úr ríkissjóði.
Málatilbúnaður ákæruvaldsins
byggðist á því að millifærsla af reikn-
ingi FL Group til Fons hefði tengst
áformum Hannesar um þátttöku FL
Group í kaupum Fons á Sterling Airl-
ines og að um þessi áform Hannesar
hefði þáverandi forstjóra, fjármála-
stjóra og öðrum stjórnarmeðlimum en
Hannesi verið ókunnugt, og engin
ákvörðun tekin um þetta af hálfu fé-
lagsins. Við aðalmeðferð málsins varð
fátt um svör hjá Hannesi og voru þau
undantekningalaust á þá leið að hann
kannaðist ekki við skjöl og myndi ekki
eftir tölvupóstum sem undir hann voru
bornir.
Telja áfrýjun líklega
Finnur Þór Vilhjálmsson, saksókn-
ari hjá embætti sérstaks saksóknara,
sagði í samtali við mbl.is að líklega yrði
málinu áfrýjað. „Ég er búinn að kynna
mér dóminn og við gerum fastlega ráð
fyrir að okkar tillaga til ríkissaksókn-
ara verði að áfrýja þessu máli,“ segir
Finnur. Tillagan um áfrýjun verður
lögð fram á fundi með ríkissaksóknara,
sem tekur svo endanlega ákvörðun.
„Ákæruvaldið beri hallann
af skorti af gögnum“
 Hannes Smárason sýknaður af ákæru um fjárdrátt
Morgunblaðið/Þórður
Héraðsdómur Hannes Smárason
við aðalmeðferð málsins.
Samkeppniseftirlitið heimilaði í
gær Vodafone og Nova að hafa með
sér samstarf við rekstur dreifikerf-
is fyrir farsímaþjónustu. Setti eft-
irlitið tiltekin skilyrði sem fyrir-
tækin verða að uppfylla svo ekki
verði raskað samkeppni á mörkuð-
um fyrir farsímaþjónustu, hvorki á
heildsölu- né smásölustigi.
Upphaf samstarfsins var þegar
fyrirtækin tvö óskuðu eftir undan-
þágu frá banni 10. gr. samkeppn-
islaga við samráði fyrirtækja en
slík undanþága verður aðeins veitt
ef samstarfið er til þess fallið að
stuðla að bættri nýtingu fjármuna
og kemur neytendum til góða. Að
undangenginni rannsókn telur
Samkeppniseftirlitið sig hafa for-
sendur til að heimila samstarfið
með skilyrðum sem fyrirtækin tvö
hafa skuldbundið sig til þess að
fylgja.
Tryggja verður jafnræði
Í sátt fyrirtækjanna við Sam-
keppniseftirlitið er meðal annars að
finna skilyrði um óhæði þeirra sem
sitja í stjórn rekstrarfélagsins,
þannig að girt sé fyrir að stjórn-
endur samstarfsaðilanna sitji sam-
an í stjórninni og koma í veg fyrir
að samstarfið verði uppspretta
frekara samstarfs sem skaðar sam-
keppni. Einnig eru skilyrði um til-
högun tæknilegs samstarfs.
Þá er einnig að finna skilyrði um
að þau skulu gæta jafnræðis gagn-
vart þeim fyrirtækjum sem óska
eftir aðgangi að farsímakerfinu,
þ.e. sýndarnetsaðilum og endur-
söluaðilum. bmo@mbl.is
Samstarf Nova og Vodafone
 Tvö farsímafyrirtæki hefja samstarf um rekstur dreifikerf-
is fyrir farsímaþjónustu  Samstarfið er skilyrðum bundið
Áhugaleysi meirihlut-
ans í Reykjavík vakti
töluverða athygli fund-
argesta. Heiða Björg
Hilmisdóttir, varaborg-
arfulltrúi Samfylking-
arinnar, var sú eina
sem lét sjá sig á fund-
inum á meðan borgar-
fulltrúar Sjálfstæðis-
flokksins fjölmenntu
og Sveinbjörg Birna Sveinbjörnsdóttir
kom fyrir hönd Framsóknar.
Meirihlutinn
lét ekki sjá sig
FUNDARMENN SÁTTIR
VIÐ SJÁLFSTÆÐISMENN
Stefán Eiríksson