Morgunblaðið - 19.02.2015, Blaðsíða 70

70
MORGUNBLAÐIÐ FIMMTUDAGUR 19. FEBRÚAR 2015
FUNDIROGráðstefnur
Ásgeir Ingvarsson
ai@mbl.is
Einn glæsilegasta funda- og ráð-
stefnustað landsins má finna á Ak-
ureyri. Menningarfélag Akureyrar
hefur nú tekið yfir rekstur Hofs,
Leikfélags Akureyrar og Sinfón-
íuhljómsveitar Norðurlands. Með
sameiningunni hefur orðið til fjöl-
breyttari funda- og ráðstefnuað-
staða með ólíka og margbreytilega
sali í bæði Hofi og gamla Samkomu-
húsinu, og henta fyrir jafnt smáar
sem stórar uppákomur.
Sólveig Elín Þórhallsdóttir er
sviðsstjóri viðburðasviðs hjá Menn-
ingarfélagi Akureyrar. Hún segir
aðalsal Hofs, Hamraborg, vera
kjörinn vettvang fyrir ráðstefnur,
kynningar og fyrirlestra. „Þar eru
sæti fyrir 510 gesti og sviðið er
bæði stórt og vítt. Salurinn er hann-
aður fyrst og fremst með tónlist-
arflutning í huga en er margnota
rými sem hentar vel fyrir ráð-
stefnur. Salurinn er ríkulega tækj-
um búinn, með skjávörpum, tjöld-
um og ljósum sem leyfa ýmsar
útfærsur,“ segir hún. „Við Höfum
við til dæmis boðið upp á að af-
marka sviðið með tjöldum og stilla
upp fundarsvæði á sviðinu sjálfu, og
gefur það óhefðbundna en
skemmtilega umgjörð utan um
fundinn.“
Fallegur fjörðurinn
Salurinn Hamrar hefur á sér allt
annað yfirbragð. Þar má rúma 200
manns á flötu gólfinu. Hægt er að
nota palla og upphækkanir til að
búa til svið svo að allir sjái vel til
ræðumanna. „Þá erum við með einn
„dulinn sal“ á jarðhæðinni, en það
er anddyri stóra salsins. Er um að
ræða fallegt rými með gluggaröð
sem vísar inn Eyjafjörðinn og út-
sýnið sérlega fallegt á öllum árstím-
um en þó alveg sérstaklega á sumr-
in. Salurinn er bjartur og hátt er til
lofts og fer vel á að halda þar veisl-
ur og móttökur. Þó er aðeins hægt
að nýta rýmið með þessum hætti að
því gefnu að ekki sé á sama tíma
verið að nota stóra salinn undir
annan viðburð.“
Minni fundarsalir hússins kallast
Setberg, Dynheimar og Sólheimar.
„Setberg rúmar 10-14 manns og er
mjög vinsæll fyrir minni fundi fyr-
irtækja og stofnana á svæðinu. Eru
þar glerveggir, annar sem vísar inn
í húsið og hinn sem vísar út og
skapar þetta létta og orkumikla
umgjörð. Hægt er að draga fyrir
gluggana með gluggatjöldum ef
fundurinn kallar á meira næði,“
segir Sólveig. „Dynheimar henta
fyrir allt að 65 gesti og Sólheimar
rúma um 35 manns. Á stærri ráð-
stefnum eru þessir salir stundum
notaðir sem vinnustöðvar fyrir ráð-
stefnugesti.“
Hafa sig til í förðunarherbergi
Aðstaðan í húsinu er á margan
hátt einstök og þannig er til dæmis
fyrsta flokks förðunarherbergi í
kjallaranum sem leikarar og tón-
listamenn nota áður en stigið er á
svið. Ef mikið liggur við hafa fyr-
irlesarar þannig aðstöðu til að hafa
sig til og vera upp á sitt besta áður
en funda- og ráðstefnudagskráin
hefst. Á Akureyri er mögulegt að
tvinna saman fundahald og afþrey-
ingu og getur verið tilvalið að ljúka
deginum með eftirminnilegri leik-
sýningu eða sinfóníutónleikum.
Veitingastaðurinn 1862 Nordic
Bistro sér um matarhliðina í Hofi og
segir Sólveig að þar sé enginn skort-
ur á metnaði og hugmyndaflugi.
„Veitingamennirnir okkar hafa
verið með okkur frá upphafi og eru
þaulvanir að bregðast við ólíkum
óskum viðskiptavinanna. Auk þess
að þjónusta fundi og ráðstefnur sjá
þeir einnig iðulega um að framreiða
hátíðarkvöldverði vegna fundahalda
í Hofi. Á veitingastaðnum, sem op-
inn er alla daga vikunnar, er áhersl-
an lögð á fjölbreyttan bistro-
matseðil og danskt smurbrauð. Þá
hefur sunnudags-brunchinn slegið í
gegn hjá bæjarbúum.“
Loks ljóstrar Sólveig upp að til
standi að bjóða upp á fundaaðstöðu í
gamla Samkomuhúsinu. „Eftir nýleg-
an samruna heyrir rekstur Leik-
félags Akureyrar undir Menningar-
félag Akureyrar og höfum við því
afnot og aðgang að þessu fallega og
sögufræga húsi. Byggingin var vígð á
Þorláksmessu árið 1906 og býr yfir
sérstökum og góðum anda sem allir
finna sem þangað koma inn. Það
verður gaman að sjá hvernig nýta má
Samkomuhúsið til funda- og við-
burðahalds.“
Fundað með útsýni yfir Eyjafjörð
 Aðastaðan í Hofi hentar fyrir allar gerðir funda og ráðstefna og skapar mjög skemmtilega umgjörð utan um
viðburðinn  Akureyri er sætur lítill bær sem býður upp á góðar verslanir, söfn, menningarlíf og veitingastaði
Morgunblaðið/Skapti Hallgrímsson
Tilbreyting „Við Höfum við til dæmis boðið upp á að afmarka sviðið með tjöldum og stilla upp fundarsvæði á sviðinu sjálfu,“ segir Sólveig um möguleikana.
Sólveig segir að því fylgi margir kostir að halda fund eða ráðstefnu á
Akureyri. Með því að færa gestina út úr sínu daglega umhverfi á
suðvesturhorninu geti þeir einbeitt sér betur að dagskránni og losni
við ýmsar truflanir. „Að koma hingað norður er líka svolítið eins og
að koma til útlanda. Fólk kúplar sig út úr sínu reglulega mynstri og
fær ákveðna hvíld með því að vera komið nýtt umhverfi, í þessum
krúttlega og aðlaðandi bæ sem hefur upp á svo margt að bjóða.“
Á Akureyri, segir Sólveig, er hægt að eiga skilvirkan fundadag og
svo njóta lífsins á kvöldin. „Leikhús, kvikmyndahús, tónleikastaðir
og veitingastaðir bíða eftir gestum á kvöldin, á meðan áhugaverðar
verslanir, söfn og skíðabrekkur bjóða ferðalanga velkomna yfir dag-
inn.“
„Eins og að koma til útlanda“
Á fallegum og notalegum stað
á 5. hæð Perlunnar
Næg bílastæði
ERFIDRYKKJUR
Perlan • Sími 562 0200 • Fax 562 0207 • perlan@perlan.is
Pantanir
í síma
562 0200