Morgunblaðið - 19.02.2015, Blaðsíða 88

88 MENNING
MORGUNBLAÐIÐ FIMMTUDAGUR 19. FEBRÚAR 2015
Orgelkvartett í heimsklassa
Daybreak bbbbn
Sigurður Flosason á saxófón og Kjeld Lauritzen
á Hammondorgel. Með þeim leika Jakob Fischer
á gítar og Kristian Leth á trommur.
Storyville, 2015.
Á síðasta ári komu út fjórar skífur með Sig-
urði Flosasyni saxófónleikara: The Eleventh
Hour með Kaupmanna-
hafnarkvartettinum,
Blátt líf með íslenska org-
elbandinu hans og Jakobi
Fischer sem gesti, Í nótt-
inni með Kristjönu Stef-
ánsdóttur og svo eina
þriðja straums skífan ís-
lenska, fyrir utan Samstæður Gunnars Reynis
Sveinssonar. Tveir heimar nefndist hún og
hafði að geyma verk eftir Gunnar Reyni, Árna
Egilsson og Áskel Másson, skífa sem allir
áhugamenn um íslenskan tónskáldskap og
spuna verða að eiga.
Í þessum mánuði kom svo út önnur skífa Sig-
urðar með kvartetti hans og danska Hammond-
organistans Kjeld Lauritsens. Daybreak nefn-
ist hún, en fyrri skífa þeirra var Nightfall. Á
þessari skífu má finna sjö söngdansa auk
tveggja verka meistara Ellingtons. Annað
þeirra er „I Like The Sunrise“, ballaðan yndis-
lega úr Líberíu-svítu meistarans, sem sungin
var af Al Hibler í frumflutningi. Hér er gengið
rösklega til verks og ballaðan máluð nýjum lit-
um, sem heppnast fullkomlega og er þetta eitt
albesta verk skífunnar, ásamt frábærri túlkun
Sigurðar á „Dreamsville“ Henry Mancini. Sig-
urður og gítaristinn Jakob Fischer leika tveir
einir upphafið að slagaranum sem við þekkjum
best með Sinatra, „In The Wee Small Hours of
The Morning“, síðan bætast Lauritsen og
trommarinn Kristian Leth í hópinn. Annar
glæsisóló Sigurðar er þarna á ferð og mikið
væri gaman að fá dúettskífu með honum og
Fischer.
Hinn titurlitli, svali tónn Sigurðar, sem á
stundum ber í sér websteríska þoku, hefur
sjaldan notið sín betur en á þessari skífu og
hann fer aldrei út af sporinu eins og stundum
henti hér áður, þó djarft sé teflt, eins og vera
ber í ekta orgelkvartetti. Lauritsen er fantafínn
organisti og þó hann leiki bassann með vinstri
hendi en ekki fótum, heldur hann uppi sterkri
sveiflu ásamt Jakobi gítarista og Leth. Sumt
fellur kannski ekki að mínum smekk eins og lat-
ínskotið upphaf „Blue Moon“ eða „Softly As in
A Morning Sunrise“, en það lag hef ég ekki enn
heyrt djassleikara kreista til gleði. Það þarf að
gera á því „coltranískan“ uppskurð líkt og saxó-
fónleikarinn gerði á „My Favorite Thing“ eftir
sömu höfunda, Rodgers og Hammerstein. Aft-
ur á móti hefur kvartettnum tekist nokkuð vel
að nota stafróf djassins á söngdans þeirra úr
Oklahoma, „Oh, Wath A Beautiful Morning“,
með blússkotnum sóló Jakobs Fischers í heið-
urssæti. Þar hleypir Sigurður djassfola sínum á
sprett og það sýður á Lauritsen. Flott skífa
hvort sem er til að hlusta á í dagrenningu eða
glymjandi næturstuði.
Hápunktur ADHD
ADHD5 bbbbm
Magnús Tryggvasen Elíasson á trommur og gjöll,
Ómar Guðjónsson á bassa og gítar, Davíð Þór
Jónsson á flygil, Hammondorgel og syntha, Ósk-
ar Guðjónsson á tenórsax.
ADHD, 2014.
Fimmta skífa ADHD er hreint hunang og
besta skífa félaganna til þessa. Það má segja að
draumkenndur djassvefur þeirra, sem í ýmsu
minnir á það besta í ís-
lensku listpoppi og töfra-
heimi eins besta djassgíar-
ista norðursins, Jakob
Bro, sé kominn á leiðar-
enda. Lengra verði ekki
náð í þessum stíl. Annar
hápunktur á ferli ADHD,
tónleikar þeirra í Eldborg
á Jazzhátíð Reykjavíkur í fyrra, þar sem nýju og
gömlu efni var blandað saman í heildstætt tón-
verk, styður ennfremur þá skoðun mína að tími
sé til þess kominn að kanna nýja stigu – enda
eru þeir ekki listamenn þeirrar gerðar er endur-
taka sig eilíflega.
ADHD 5 er bæði gefin út á geisladiski og vín-
ýl og þar verður mjúkur þokukenndur og getz-
ískur hljómur tenórs Óskars Guðjónssonar enn
mýkri. Hrynveggurinn að baki markar jafnt
taktinn og magnar upp seið. Í upphafi meistara-
melódíunnar „Sveðjunnar“ slær Davíð Þór
Jónsson flygilinn, annars er Hammondið hans
hljóðfæri og hljómar glæsilega eins og gítar Óm-
ars Guðjónssonar í fáum markvissum sólóum
þeirra er tenórinn þagnar. Magnús Tryggvason
Elíasen er jafn ævintýralega góður sem fyrr við
trommusettið.Átta lög, hvert öðru betra, og ekki
að undra þetta sé vinsælasta djasshljómsveit
landsins. Hér er listpoppið undirspil djassins.
Millispil þríleiksins
Hold bbbmn
Árni Karlsson Trio: Árni Karlsson á píanó, Þor-
grímur Jónsson á bassa og Scott McLemore á
bassa.
Árni Karlsson 2014
Hold er önnur skífa í tríólógíu píanistans
Árna Karlssonar. Sá fyrsti heitir Mold og ætli sá
þriðji beri ekki eitthvert rímorð í samhengi.
Mold er að mínu viti besta
skífa sem Árni Karlsson
hefur sent frá sér og þó
Hold sé verðugur fylgi-
fiskur er hún ekki eins tær
og fyrirrennarinn. Árni
ber hér frekar með sér að
vera klassískt skólaður pí-
anisti og á stundum finnst
mér hann vera dálítið kantaður – en á því bar
ekki í Mold. Sem fyrr eru laglínur hans draum-
fagrar og oft er spuninn rennandi fínn, einsog í
„Tímans skauti“, einni fallegustu melódíu disks-
ins. Bassaleikur Þorgríms Jónssonar er kraft-
mikill og voldugur og kallast á við þungan und-
irstraum í píanóleiks Árna. Trommarinn Scott
McLemore er svo límið í tríóinu – léttstígari en
þeir félagar en hryntraustur með afbrigðum.
Ég mæli með þessari skífu og það verður spenn-
andi að heyra hvernig lok tríólógíunnar hljóm-
ar.
Sálmar á atómöld
525 bbbbn
Gunnar Gunnarsson á píanó. Með honum leika
Ásgeir Ásgeirsson á gítar og Þorgrímur Jónsson
á bassa.
Dimma, 2014
525 Gunnars Gunnarssonar er öðruvísi píanó-
skífa. Gunnar fær til liðs við sig Ásgeir Ásgeirs-
son gítarista og Þorgrím Jónsson bassaleikara
og er samvinna þeirra
hnökralaus. Gunnar er fá-
dæma smekklegur pían-
isti og hefur allt litróf tón-
anna á valdi sínu, frá
miðaldamúsík til djass.
Hann er ekki djasspíanisti
í klassískum skilningi
orðsins heldur fyllir þann
flokk sem sífellt fer vaxandi í Evrópu og notar
aðferðir djassins við að kanna tónsmíðar eigin
þjóðar og hefur þannig rifið sig frá bandarískri
djassmenningu og skapað nýja list á þjóðlegum
grunni og í fáguðum einfaldleika sínum hefur
hann markað sér sérstöðu meðal íslenskra
djasspíanista, ekki ólíkt og Jan Johansson gerði
meðal sænskra.
Á þessari ljúflingsskífu endurskapar Gunnar
sálma eftir samtímatónskáld og djassista frá
Atla Heimi Sveinssyni til Sigurðar Flosasonar.
Þarna má finna „Allt eins og blómstrið eina“ úr
óperu Gunnars Þórðarsonar um jómfrú Ragn-
heiði og „Minningu“ Tómasar R. Einarssonar,
sem er einstaklega vel leikin, ekki síst af bassa-
leikaranum Þorgrími Jónssyni. Hér er lagið
flutt án spuna og oftar er spuninn ekki í fyrir-
rúmi í túlkun verkanna. Stundum bregður
Gunnar fyrir sig blokkhljómum eins og í þýsk-
íslenska sálminum, „Þá lærisveinarnir sáu
hann“, sem er ásamt öðrum sálmi, einnig frá því
um og eftir 1600, „Þá lærisveinarnir sátu þar“,
ævintýralegustu verkin á plötunni. Það er eins
og Gunnar færist allur í aukana í þessum gömlu
sálmum og láti hina hefðbundnu túlkun er ein-
kennir nútímasálmana lönd og leið.
Gunnar á eitt lag á diskinum, „Morgunsálm“,
þar sem Ásgeir spilar laglínuna undurblítt í
upphafi og Gunnar skreytir hljómum. Einfald-
leikinn í spunalínum Gunnars og klassískir
hljómar leiða hugann að John Lewis – og þar er
ekki leiðum að líkjast. Innan sinna marka er
þessi skífa nær fullkomin, eins og skífa Flosa-
sonar og Lauritzens, og er óbrigðult meðal til að
róa hugann og lyfta andanum í veðrabrigðum
vetrarins.
Undir djassgeislanum
Yfirlit yfir nýjar íslenskar djassplötur
Vernharður Linnet linnet@simnet.is
Morgunblaðið/Golli
Fantafínir Rýnir ber lof á Daybreak Sigurðar Flosasonar og Kjeld Lauritzen.
Morgunblaðið/Ómar
Ljúflingsskífa „Nær fullkomin“ innan sina marka, segir um plötu Gunnars Gunnarssonar.
Faxafeni 14, 108 Reykjavík | Sími 551 6646 | Laura Ashley á Íslandi | Opið virka daga 10-18, laugard. 11-15
Nýjar vörur • Vor og sumar
Athygli vakti að lagið „Once Aga-
in“, í flutningi Friðriks Dórs, fékk
fleiri stig en „Unbroken“, sungið af
Maríu Ólafsdóttur, í samanlagðri
niðurstöðu dómnefndar og síma-
kosningar úrslitakvölds Söngva-
keppninnar síðastliðinn laugardag.
Í einvígi Maríu og Friðriks hafði sú
fyrrnefnda hins vegar vinninginn
og getur hún þakkað þjóðinni fyrir
það. Þá var met sett í símakosning-
unni en hátt í 169 þúsund atkvæði
voru greidd.
Morgunblaðið/Eggert
Söngvakeppni María Ólafsdóttir fór
með sigur af hólmi á laugardaginn.
Dómnefndin valdi
Friðrik Dór