Morgunblaðið - 21.02.2015, Blaðsíða 39

MINNINGAR 39
MORGUNBLAÐIÐ LAUGARDAGUR 21. FEBRÚAR 2015
hans á lífsleiðinni var tekið með
opnum huga, reynt að greiða götu
þess og svo varð auðvitað að
spjalla við það. Þau hjónin á Kálfsá
voru alla tíð samtaka í gestrisni
sinni og alls konar fólk á öllum
aldri átti hjá þeim vinskap og jafn-
vel athvarf. Hann gerði þó lítið úr
gestrisninni og þegar maður þakk-
aði fyrir sig sagði hann gjarnan
„fyrirgefðu það nú“.
Okkur Sveinbirni varð strax vel
til vina og bar aldrei skugga á. Ég
held að við höfum notið þess alla
tíð að eiga samskipti. Við horfðum
saman á fréttir og veður þegar ég
var staddur á Kálfsá. Við hlustuð-
um á hádegisfréttirnar í útvarp-
inu. Við fórum saman í póstferðir
um Ólafsfjörð og ósjaldan voru
dætur mínar með í för. Við horfð-
um saman yfir sveitina hans, fjöll-
in, ána og vatnið. Við horfðum eftir
snjóalögum, kindum og fuglum.
Hann þekkti hvern stein, hverja
þúfu og var ótæmandi fróðleiks-
brunnur um Ólafsfjörð og allt nátt-
úrufar þar fyrr og nú. Fáir hafa
þekkt þennan fallega fjörð betur
en bóndinn á Kálfsá.
Síðasti spölurinn var Sveinbirni
erfiður en tíminn var kominn. Eft-
ir situr söknuður en það er þó bót í
máli að nú getur Sveinbjörn farið
allra sinna ferða, frjáls úr öllum
fjötrum, um fjörðinn sinn og land-
ið. Hann getur spjallað á nýjan leik
við þá sem á vegi hans verða.
Ég fékk sem sagt að eiga stelp-
una Sveinbjarnar og Rögnu sem
ég fór til um páskana um árið.
Reyndar spurði ég hann aldrei
hvort ég mætti eiga hana en hann
var nú ekki vanur að neita neinum
um neitt. Að leiðarlokum þakka ég
honum samfylgdina og alla gæsk-
una í minn garð, Stefaníu og dætra
okkar.
Sigfús Guttormsson.
Elsku besti afi, takk fyrir allt.
Föstudagurinn 13. febrúar var
okkur erfiður dagur því þá fengum
við þær fréttir að þú værir farinn
frá okkur. Við vissum lengi að
þessi dagur gæti runnið upp hve-
nær sem er, en þegar hann rann
upp var erfitt að trúa því að við
myndum aldrei hitta þig aftur.
Dagarnir á eftir hafa verið erfiðir
en í sorginni rifjast upp fyrir okkur
margar minningar sem fá okkur til
að brosa.
Þú varst svo hjartahlýr, yndis-
legur og kærleiksríkur maður.
Umfram allt varstu okkur svo góð-
ur vinur. Við hugsum um öll
skemmtilegu ævintýrin okkar á
Kálfsá. Það var margt í boði og þú
sýndir okkur að maður ætti ekki að
láta sér leiðast. Það var alltaf svo
gaman hjá okkur. Oft fannst okkur
við vera að gera hálfgerð prakk-
arastrik með þér, þegar við feng-
um að stýra dráttarvélinni eða
hossast aftan í Súkkunni með
hunda eða lömb. Eftir útivistina
var best af öllu að koma inn til
ömmu og skola niður volgri skúffu-
köku með ískaldri mjólk, jafnvel fá
áfyllingu af köku eftir gláp á
Fuglastríðið.
Þú varst alltaf ungur í anda og
þrátt fyrir veikindi þín varstu alltaf
til í að bardúsa eitthvað með okkur.
Við komum ósjaldan að austan í
sauðburð eða bara í heimsókn til
ykkar ömmu. Við vorum reyndar
ekki bara á Kálfsá heldur keyrðum
við um alla sveitina með póst. Í
minningunni komum við undan-
tekningarlaust við í Samkaupum-
Strax sem við kölluðum reyndar
alltaf Snar og Snögg. Þar keyptir
þú skyr í plasti og póstnammi, sem
var Mentos. Þegar við vorum búin
að skila af okkur öllum bréfum og
bögglum borðuðum við svo skyr
sem amma hrærði saman með
rjóma og sykri. Það voru öll þau
augnablik sem ekkert annað í
heiminum virtist skipta máli en að
hafa gaman og njóta samverunnar.
Þegar við urðum eldri gerðum
við minna af því að leika okkur
saman en við gátum spjallað enda-
laust um lífið og tilveruna. Þú tal-
aðir alltaf svo vel um alla, sama
hverjir það voru, sem gerði þig að
mikilli fyrirmynd í okkar huga.
Kærleiksríkari mann og betri fyr-
irmynd er erfitt að finna, þú vildir
öllum svo vel – þú varst með hjarta
úr gulli. Eftir sitja góðar minning-
ar um brosið þitt, góðmennsku
þína, húmorinn þinn og allt það
sem þú kenndir okkur. Þú kenndir
okkur fyrst og fremst að koma vel
fram við alla og teljum við það vera
gott veganesti út í lífið. Við erum
þakklátar fyrir að hafa haldið í
höndina á þér viku áður en þú fórst
frá okkur og ekki síður fyrir þann
tíma sem okkur var úthlutaður
með þér. Við vitum að þú fórst
sáttur héðan og hefur það gott þar
sem þú ert núna.
Elsku besti afi, sofðu rótt.
Bergdís og Eydís
Sigfúsdætur.
Á árunum upp úr 1960 voru
uppgangstímar hjá bændum sem
voru að hefja búskap í Ólafsfirði.
Þá var búið á hverri jörð og oftast
voru tvær til þrjár kynslóðir í einu
á sama bænum. Það voru mörg
börn í sveitinni á þessum tíma og
mikið félagslíf.
Sveinbjörn Árnason var einn af
þessum bændum, en hann tók við
búi foreldra sinna að Kálfsá í
Ólafsfirði. Hann kvæntist Rögnu
móðursystur minni þ. 14. mars
1959, sama dag og foreldrar mínir
gengu í hjónaband.
Sveinbjörn og Ragna eignuðust
6 börn sem ólust upp við hlýju, um-
hyggju, og hvatningu. Þau hjónin
voru samhent og þau voru miklir
vinir. Þau voru frændrækin og
vinamörg og á Kálfsá var gott að
koma.
Sveinbjörn var fróður og bjó yf-
ir margvíslegri þekkingu um allt
milli himins og jarðar. Ég minnist
frásagna af gömlum búskapar-
háttum, kennileitum og örnefnum
og því hvað beinin hétu í hertum
þorskhaus. Eftir því sem árin liðu
urðu barnabörnin fyrirferðarmeiri
í frásögnum hans. Sveinbjörn
fylgdist vel með á þann hátt sem
hans kynslóð gerði, með lestri og
síðar í útvarpi og sjónvarpi. Hann
sagði vel frá og gerði hverja frá-
sögn eftirminnilega. Því mun
þekking hans lifa áfram um
ókomna tíð hjá ástvinum og þeim
sem á hlýddu.
Sveinbjörn lést á Hornbrekku í
Ólafsfirði 13. febrúar eftir langvar-
andi og erfið veikindi.
Elsku Ragna frænka og fjöl-
skylda.
Við Skúli sendum ykkur hlýjar
hugsanir og innilegar samúðar-
kveðjur.
Anna Rós Jóhannesdóttir
frá Kálfsárkoti.
Sveinbjörn Árnason frá Kálfsá í
Ólafsfirði lést á Dvalarheimilinu
Hornbrekku.
Hann hét fullu nafni Sveinbjörn
Ferdinant. Þá eru þeir báðir bræð-
ur mínir farnir og finn ég fyrir
tómleika nú sem fyrr þegar yngri
bróðir minn, Jón Trausti, kvaddi
þennan heim.
Sveinbjörn hefur borið þennan
erfiða sjúkdóm, parkinsons-veik-
ina, í mörg ár. Hann vildi sem
minnst láta í ljósi hve mikið hann
þjáðist.
Sveinbjörn bar djúpan skilning
á lífinu og var mörgum fyrirmynd.
Kveð ég bróður minn með sökn-
uði og þakklæti fyrir allt það sem
hann hefur gert fyrir mig og son
minn.
Loforð guðs:
Ég aldrei hef lofað að brautin sé bein,
né blómstígar gullskrýddir alla leið
heim.
Ég get ekki lofað þér gleði án sorgar,
á göngu til himinsins helgu borgar.
En eg hefi lofað þér aðstoð og styrk,
og alltaf þér birtu þó leiðin sér myrk.
Mitt ljúfasta barn, ég lofað þér hef,
að leiða þig sjálfur hvert einasta skref.
(Höf. ók.)
Hvíl í friði.
Guðrún.
Góður vinur, Sveinbjörn Árna-
son bóndi á Kálfsá, er látinn 81 árs
að aldri. Síðustu árin bjó Svein-
björn, ásamt konu sinni Rögnu, á
hjúkrunarheimili á Ólafsfirði.
Ég varð þeirrar gæfu aðnjót-
andi að kynnast Sveinbirni árið
1990 í Kiwanis-hreyfingunni. Ég
hef sjaldan kynnst eins miklum
Kiwanis-manni og honum, hann
var vakinn og sofinn að vinna að
málefnum hreyfingarinnar og við
það að láta gott af sér leiða.
Kynni okkar efldust enn frekar
er við störfuðum saman í umdæm-
isstjórn Kiwanis-umdæmisins Ís-
land – Færeyjar árið 1995-1996.
Sú stjórn náði einstaklega vel sam-
an og hefur haldið hópinn síðan,
ásamt mökum og hist reglulega
gegnum árin víða um land. Höfum
við skipst á að skipuleggja helgar-
dvöl á okkar svæði. Þegar röðin
kom að Sveinbirni og Rögnu, einu
sinni sem oftar, var ekki komið að
tómum kofunum og minnist ég sér-
staklega helgardvalarinnar þegar
við gistum hjá Sveini í Ytri- Vík og
skoðuðum landnámsjörðina Gása,
en frændi Sveinbjörns bjó þar
stórbúi. Slegið var upp stórveislu
og allir saddir og glaðir, en sérstak-
lega er heimatilbúni mjöðurinn
minnisstæður.
Það hefur verið ómetanlegt að
eiga svona góða vini eins og Svein-
björn og Rögnu. Þegar við ókum
um landið fyrir rúmum fjórum ár-
um gistum við hjá þeim hjónum á
Kálfsá og hlutum þar höfðinglegar
móttökur eins og alltaf.
Við kveðjum vin okkar Svein-
björn með söknuði og sendum
Rögnu og allri fjölskyldu þeirra
samúðarkveðjur fyrir hönd vina-
hópsins, umdæmisstjórnar 1995-
1996, þökkum gefandi og góða sam-
fylgd. Minningarnar munu ylja
okkur um hjartarætur um ókomna
tíð.
Stefán R. Jónsson.
þér og að fá að vera með þér allt
til enda friðaði mitt litla hjarta
því mér fannst ég hafa vanrækt
þig ansi mikið, gaf mér aldrei
tíma til að stoppa neitt þegar ég
kom við hjá ykkur. Þetta ætti
kannski að kenna manni að vera
ekki alltaf að flýta sér heldur
gefa sér tíma með þeim sem
manni er annt um.
Ég vona að þér líði vel á nýja
staðnum og þú fáir að hitta þitt
fólk og njóta samvista við það.
Ég mun sakna þín, elsku Árný
mín, og enn og aftur takk fyrir
allt sem þú hefur gert fyrir mig
og mína, þegar minn tími kemur
þá kem ég strax til þín og knúsa
þig enn og aftur.
Hvíl í friði, elsku fallega
tengdamamma mín.
Hrefna Sævarsdóttir.
Ég sendi þér kæra kveðju,
nú komin er lífsins nótt,
þig umvefji blessun og bænir,
ég bið að þú sofir rótt.
Þó svíði sorg mitt hjarta,
þá sælt er að vita af því,
þú laus ert úr veikinda viðjum,
þín veröld er björt á ný.
(Þórunn Sig.)
Eftir tæpan mánuð hefðir þú
haldið upp á áttræðisafmælið
þitt, ef við hefðum fengið að hafa
þig lengur hjá okkur. Ekki óraði
mig fyrir að jólaboðið á jóladag
yrði síðasta heimsókn mín til þín
í Fellssel. En mikið er ég glöð í
hjarta mínu að við drifum okkur
norður um síðustu jól og náðum
jólaboðinu í Fellsseli, þar sem
það varð þitt síðasta. Þau nær
átján ár sem ég var tengdadóttir
þín eða frá því að ég kynntist
Jóni syni þínum og við fórum að
rugla reytum okkar saman voru
ófáir kaffibollarnir drukknir í
eldhúsinu í Fellsseli, þar sem
spjallað var um allt milli himins
og jarðar. Þú fylgdist vel með
þjóðmálum og því sem var að
gerast hjá fjölskyldunni. Aldrei
heyrði ég þig tala illa um nokk-
urn mann, nema kannski pólitík-
usana en þá aldrei neinn sér-
stakan heldur bara þessa háu
herra á Alþingi. Þú varst mikil
prjónakona. Þegar setið var inni
í stofu varst þú iðulega með
prjóna í hönd og voru þær ansi
margar lopapeysurnar sem þú
varst búin að prjóna um ævina.
Það er erfitt að ímynda sér að
fara norður í sveitina í Fellssel
og að Árný verði ekki þar. Það
var alltaf svo gott að koma til
þín, þú varst hlý og hafðir góða
návist og tókst alltaf á móti okk-
ur með bros á vör. Það er heiður
fyrir mig að hafa verið tengda-
dóttir þín og hafa fengið að
kynnast þér, ég er betri persóna
fyrir vikið og minningu þinni
mun ég halda lifandi hjá börn-
unum mínum.
Ég kveð kæra tengdamóður
með sérstakri þökk fyrir allt og
sendi mínar bestu samúðar-
kveðjur til barna hennar,
tengdabarna, barnabarna,
barnabarnabarna og annarra að-
standenda.
Ásta Hildur Ásólfsdóttir
Elsku amma.
Mikið verður skrítið að koma í
Fellssel og þú verður ekki þar.
Elsku amma sem alltaf átti hlýj-
an faðm fyrir okkur, amma sem
alltaf átti nóg af kexi og kökum
og glænýja mjólk. Við eigum eftir
að sakna þín mikið. Takk fyrir
allt.
Við kveðjum þig, amma, með söknuð í
hjarta,
en minning um faðmlag og brosið þitt
bjarta.
Allar liðnar stundir um þig okkur
dreymi,
og algóður Guð á himni þig geymi.
Sveinn Trausti, Kristjana
Árný og Katla Sigrún.
Raðauglýsingar
Nauðungarsala
Uppboð
Einnig birt á www.naudungarsolur.is.
Framhald uppboðs á eftirfarandi eign verður háð á henni
sjálfri, sem hér segir:
Þrastarhöfði 41, 229-4894, Mosfellsbæ, þingl. eig. HH invest ehf,
gerðarbeiðandiTollstjóri, föstudaginn 27. febrúar 2015 kl. 10.30.
Sýslumaðurinn á höfuðborgarsvæðinu,
20. febrúar 2015.
Uppboð
Einnig birt á www.naudungarsolur.is.
Framhald uppboðs á eftirfarandi eignum verður háð á þeim
sjálfum, sem hér segir:
Bergstaðastræti 55, 200-7472, Reykjavík, þingl. eig. Birgir Kárason,
gerðarbeiðandi Íbúðalánasjóður, miðvikudaginn 25. febrúar 2015 kl.
14.00.
Laugarnesvegur 74, 201-6878, Reykjavík, þingl. eig. Sindri Sigurgeirs-
son, gerðarbeiðendur Íslandsbanki hf., Orkuveita Reykjavíkur-vatns sf.
og Reykjavíkurborg, miðvikudaginn 25. febrúar 2015 kl. 10.00.
Njálsgata 50, 200-8152, Reykjavík, þingl. eig. Linda Björg Björnsdóttir,
gerðarbeiðendur Orkuveita Reykjavíkur-vatns sf., Reykjavíkurborg og
Vátryggingafélag Íslands hf., miðvikudaginn 25. febrúar 2015 kl.
15.30.
Samtún 20, 200-9548, Reykjavík, þingl. eig. Utit Suwankayee,
gerðarbeiðandi Íbúðalánasjóður, miðvikudaginn 25. febrúar 2015 kl.
11.00.
Skeljagrandi 4, 202-3707, Reykjavík, þingl. eig. Agata Krystyna Sobo-
lewska og Piotr Luczak, gerðarbeiðendur Orkuveita Reykjavíkur-vatns
sf. og Reykjavíkurborg, miðvikudaginn 25. febrúar 2015 kl. 13.30.
Skólavörðustígur 22b, 200-5969, Reykjavík, þingl. eig. Leigubær ehf.,
gerðarbeiðendur Orkuveita Reykjavíkur-vatns sf. og Reykjavíkurborg,
miðvikudaginn 25. febrúar 2015 kl. 14.30.
Snorrabraut 71, 201-1918, Reykjavík, þingl. eig. Kristín Amalía Atla-
dóttir, gerðarbeiðendur Lögmenn Laugavegi 3 ehf og Reykja-
víkurborg, miðvikudaginn 25. febrúar 2015 kl. 11.30.
Sýslumaðurinn á höfuðborgarsvæðinu,
20. febrúar 2015.
Uppboð
Einnig birt á www.naudungarsolur.is.
Framhald uppboðs á eftirfarandi eignum verður háð á þeim
sjálfum, sem hér segir:
Barðavogur 19, 202-2847, Reykjavík, þingl. eig. Krókur fasteignafélag
ehf, gerðarbeiðendur Landsbankinn hf. og Reykjavíkurborg, fimmtu-
daginn 26. febrúar 2015 kl. 14.30.
Heiðargerði 11, 203-3464, Reykjavík, þingl. eig. Ari Gunnarsson og
Jónína Kristmanns Ingadóttir, gerðarbeiðandi Reykjavíkurborg,
fimmtudaginn 26. febrúar 2015 kl. 15.00.
Krummahólar 45, 204-9337, Reykjavík, þingl. eig. Matthías Ægisson
og Hanna Ólafsdóttir, gerðarbeiðendur Orkuveita Reykjavíkur-vatns
sf. og Reykjavíkurborg, fimmtudaginn 26. febrúar 2015 kl. 10.30.
Melabraut 12, 206-7727, Seltjarnarnesi, þingl. eig. Kristján G. Snædal
og Sólrún Þ. Vilbergsdóttir, gerðarbeiðandiTryggingamiðstöðin hf.,
fimmtudaginn 26. febrúar 2015 kl. 15.30.
Samtún 28, 200-9556, 50% ehl., Reykjavík, þingl. eig. Guðrún
Snæbjörnsdóttir, gerðarbeiðandi Vörður tryggingar hf, fimmtudaginn
26. febrúar 2015 kl. 13.30.
Samtún 28, 200-9557, 50% ehl., Reykjavík, þingl. eig. Guðrún
Snæbjörnsdóttir, gerðarbeiðandi Vörður tryggingar hf, fimmtudaginn
26. febrúar 2015 kl. 13.45.
Seljabraut 54, 223-8908, Reykjavík, þingl. eig. Helgi KristinnTorfason,
gerðarbeiðandi Íbúðalánasjóður, fimmtudaginn 26. febrúar 2015 kl.
10.00.
Æsufell 4, 205-1677, Reykjavík, þingl. eig. Guðbjörn Þorsteinsson,
gerðarbeiðandi N1 hf., fimmtudaginn 26. febrúar 2015 kl. 11.30.
Sýslumaðurinn á höfuðborgarsvæðinu,
20. febrúar 2015.
Innilegar þakkir fyrir auðsýnda samúð,
hlýhug og vináttu vegna andláts og útfarar
elskulegs eiginmanns, föður, tengdaföður,
afa og langafa,
HALLDÓRS J. EINARSSONAR,
Fossvegi 6,
Selfossi.
Sérstakar þakkir færum við starfsfólki
hjúkrunardeildarinnar Ljósheima á Selfossi.
.
Sigrún Ó. Stefánsdóttir,
Stefán A. Halldórsson, Lilja Jónasdóttir,
Unnur Halldórsdóttir, Hjörtur B. Árnason,
Halldór Halldórsson, Birna Svanhildur Pálsdóttir,
barnabörn og barnabarnabörn.
Innilegar þakkir til þeirra sem sýndu okkur
hlýhug við andlát og útför móður okkar,
tengdamóður, ömmu og langömmu,
SIGURBORGAR SKÚLADÓTTUR.
Sérstakar þakkir til starfsfólks Sóltúns fyrir
góða umönnun og hlýhug.
.
Guðrún Lovísa Víkingsdóttir, Viðar Vésteinsson,
Skúli Víkingsson, Ingibjörg Kaldal,
Halldór Víkingsson,
Ingvar Víkingsson,
Guðný Óladóttir,
barnabörn og barnabarnabörn.
Alúðarþakkir fyrir auðsýnda samúð og
hlýhug vegna andláts og útfarar elskulegs
eiginmanns míns, föður, tengdaföður, afa
og langafa,
HANNESAR PÉTURS
BALDVINSSONAR,
Hafnartúni 2,
Siglufirði.
.
Halldóra Jónsdóttir (Hadda),
Ragna Hannesdóttir, Kristján Elís Bjarnason,
Jón Baldvin Hannesson, Margrét I. Ríkarðsdóttir,
Björn Júlíus Hannesson, Sigþrúður Ólafsdóttir,
Helgi Kristinn Hannesson, Hulda Þyri Þráinsdóttir,
barnabörn og barnabarnabörn.