Morgunblaðið - 23.02.2015, Blaðsíða 12

12 FRÉTTIRInnlent
MORGUNBLAÐIÐ MÁNUDAGUR 23. FEBRÚAR 2015
Nethyl 2 110 Reykjavík Sími 568 1245
Veitum fría ráðgjöf
fyrir tjónþola
Pantaðu tíma: fyrirspurnir@skadi.is
skadi.is
Þ. Skorri Steingrímsson,
Héraðsdóms-lögmaður
Steingrímur Þormóðsson,
Hæstaréttar-lögmaður
Sérfræðingar í
líkamstjónarétti
Ágúst Ingi Jónsson
aij@mbl.is
„Við látum bara vel af okkur þennan
veturinn,“ segir Óskar Torfason,
framkvæmdastjóri Drangs á
Drangsnesi. Þar starfa 15 manns í
þessu 70 manna samfélagi og óhætt
að segja að fiskvinnslan sé þunga-
miðjan í atvinnulífi bæjarins. Í vetur
hafa þeir verið að þreifa sig áfram
með útflutning á ferskum fiski og
hefur gengið vel að flytja vöruna um
Þröskulda í veg fyrir flug eða skip á
suðvesturhorninu. Framundan er
hlé í vinnslu á bolfiski meðan unnin
er bláskel fyrir Strandaskel og síðan
er það grásleppuvertíðin, en hún hef-
ur lengi verið lífleg á Ströndum.
„Hér hefur orðið heilmikil breyt-
ing eftir að gerður var samningur við
Byggðastofnun um 150 tonn af afla-
marki segir Óskar. „Við þessa
ákvörðun var meðal annars tekið til-
lit til fólksfækkunar í plássinu frá því
um aldamót og hversu þýðingarmik-
ill sjávarútvegur er fyrir okkur.
Þessi kvóti kemur til viðbótar við
þau 3-400 tonn voru hér fyrir og
skipta gríðarlega miklu máli.“
Skipta á ýsu og þorski
Samningurinn gildir til þriggja
ára með möguleika á framlengingu
um tvö ár frá haustinu 2013 og í vet-
ur hefur nánast stöðug vinna verið í
fiskvinnslunni, en því hefur ekki allt-
af verið að heilsa. Óskar segir að
fiskirí hafi verið mjög gott í vetur, en
fimm bátar leggja upp hjá Drangi,
fjórir róa með línu og einn er á drag-
nót. Þeir hafa undanfarið mest sótt á
mið innarlega í Húnaflóa og í Stein-
grímsfjörð. Gæftir hafa verið erfiðar
í vetur eins og víða annars staðar til
sjávarins.
Ýsan sem veiðist vel er að miklu
leyti fryst, en þorskurinn í vaxandi
mæli fluttur út ferskur. Óskar segir
að mikið sé af ýsu á miðunum, en þar
sem veiðiheimildir heimamanna eru
litlar í þeirri tegund hafa menn skipt
á ýsu og þorski. Hann segir að í slík-
um viðskiptum leggi ýsukíló sig á
rúmar 300 krónur, en þorskurinn á
um 220 krónur.
Sumir keyra á milli
„Við erum bara brattir og hér er
sveitarfélagið að byggja tvö íbúðar-
hús,“ segir Óskar. „Það var orðin
brýn þörf á því og verið hefur skort-
ur á húsnæði, en húsnæði er for-
senda þess að fá fólk til að flytja
hingað.
Mest er þetta heimafólk sem
starfar í vinnslunni, en einnig fólk úr
sveitinni og frá Hólmavík. Það er
líka nokkuð um að fólk hér á Drangs-
nesi fari til vinnu á Hólmavík, enda
ekki nema um 25 mínútur að renna á
milli á góðum vegi,“ segir Óskar.
Nóg að gera í fiski og skel
 Gott atvinnuástand á Drangsnesi  Kvóti Byggðastofnunar skiptir miklu
 Fimmtán manns vinna hjá Drangi í 70 manna bæjarfélagi  Tvö hús í byggingu
Morgunblaðið/Óskar
Næg vinna Fimm bátar leggja upp hjá Drangi á Drangsnesi og stöðug vinna hefur verið þar í vetur, ólíkt því sem oft var áður.
Fyrirtækið Strandaskel var stofn-
að haustið 2011 og eru fyrirtæki í
Strandasýslu stærstu eigendur
þess. Óskar er framkvæmdastjóri
og segir hann að á ýmsu hafi
gengið í ræktuninni á köðlum eða
línum á afmörkuðu svæði í hrein-
um Steingrímsfirðinum. Mest hafi
framleiðan verið um 50 tonn eitt
árið, en í ár reiknar hann með tíu
tonnum af skel. Skelin er forsoðin
og fryst hjá Drangi og síðan seld
á veitingastaði, en fleiri kunna að
meta þessa afurð.
„Sem dæmi má nefna að blá-
skel er mjög vinsæl á Galdrasafn-
inu á Hólmavík og hreinlega mok-
að í ferðamennina yfir
sumartímann. Auk innlendra veit-
ingastaða er talsvert flutt ferskt
út til Evrópu og þá einkum á vor-
in,“ segir Óskar.
Strandaskelin eftirsótt
VINNA BLÁSKEL ÚR RÆKTUN Í STEINGRÍMSFIRÐI
Úr Steingrímsfirðinum Mörgum finnst bláskelin herramannsmatur.
Skipulags- og umhverfisráð Akra-
neskaupstaðar samþykkti á fundi
sínum á fimmtudag að fá ráðgjafa
hjá fyrirtækinu VSÓ til að taka út
þann búnað sem HB Grandi hyggst
nota í nýrri verksmiðju. Jafnframt
að bera hann saman við þann besta
mögulega búnað sem til er á þessu
sviði, til að forðast lyktarmengun, en
íbúar á Akranesi hafa farið fram á
úrbætur.
Samkvæmt upplýsingum frá Reg-
ínu Ásvaldsdóttur, bæjarstjóra á
Akranesi, felst í úttektinni að leggja
mat á mengunarvarnir sem HB
Grandi notar við að draga úr lyktar-
mengun frá fiskþurrkunarverk-
smiðju þeirra eins og hún er nú og
hvort mengunarvarnir fyrir stækk-
aða verksmiðju séu einnig í sam-
ræmi við bestu fáanlegu tækni. Út-
tekt verður gerð á verksmiðjunni og
þekktar lyktaruppsprettur skoð-
aðar, s.s. frá hráefni, búnaði, út-
blæstri, frárennsli og afurðum.
Einnig verða verkferlar skoðaðir og
viðbrögð við frávikum/kvörtunum og
leitað verður til ýmissa sérfræðinga
á þessu sviði varðandi mismundi að-
ferðir til að draga úr lyktarmengun.
„Þegar þessari athugun verður
lokið munum við taka ákvörðun um
næstu skref varðandi beiðni HB
Granda um stækkun á verksmiðj-
unni á Akranesi,“ segir Regína.
Morgunblaðið/Sigurður Bogi
Skoðað Frá Akratorgi á Akranesi.
Bærinn
gerir úttekt
á búnaði
HB Granda
 Næstu skref á
Akranesi tekin
að úttekt lokinni