Morgunblaðið - 25.02.2015, Blaðsíða 6
6 FRÉTTIRInnlent
MORGUNBLAÐIÐ MIÐVIKUDAGUR 25. FEBRÚAR 2015
VIÐTAL
Baldur Arnarson
baldura@mbl.is
Hækkandi húsnæðisverð í miðborg
Reykjavíkur mun líklega leiða til
þess að ódýrari gististaðir færist í
úthverfi þar sem húsnæði er ódýrara
en í hjarta borgarinnar.
Þetta er mat Bjargar Jónsdóttur,
rekstrarstjóra KEX hostels við
Skúlagötu í Reykjavík, eins vinsæl-
asta gististaðar landsins í sínum
flokki.
Hostelið var opnað í maí 2011 og
eru þar í boði 12 hótelherbergi og
185 hostelrúm. Þetta er því stór
gististaður og kallaði framkvæmdin
á verulegar endurbætur á húsnæði
sem var komið til ára sinna.
Þess má geta að samkvæmt Þjóð-
skrá Íslands hækkaði leiguverð hús-
næðis á höfuðborgarsvæðinu um
40% frá janúar 2011 til nóvember
2014. Hefur raunverð fasteigna
hækkað mest í miðborginni.
KEX yrði ekki opnað í dag
Björg segir aðspurð að vegna
hækkandi húsnæðisverðs sé ólíklegt
að hægt væri að endurtaka þetta og
opna svo stóran gististað í endur-
gerðu húsnæði í miðborginni.
„Það er ljóst að staður eins og
KEX hostel yrði ekki opnaður í dag.
Þetta hús hafði staðið autt í nokkurn
tíma. Nú er kominn þriðji eigandinn
að húsinu. Það voru sameiginlegir
hagsmunir þeirra sem vildu nýta
húsnæðið og þáverandi húseiganda
að opna hér hostel. Það var sam-
vinnuverkefni að gera upp húsið.
Það var hluti af leigusamningnum.
Ég er ekki viss um að sambærilegir
samningar myndu nást í dag – raun-
ar alls ekki – sem er forsenda þess
að reka svona ódýra gistingu. Það er
ljóst að slík gisting mun færast frá
miðbænum og þessum kjarna sem er
að verða dýrastur. Staðir sem bjóða
upp á góðar almenningssamgöngur
koma þar til greina. Það er til dæmis
hægt að taka strætó númer 15 upp í
Mosfellsbæ og sækja þangað gist-
ingu. Ég gæti trúað því að ódýrasta
gistingin fari til dæmis að færast inn
í Skeifuna í Reykjavík, eða til staða
þar sem eru þjónustukjarnar en
hægt að finna ódýrt húsnæði.“
Vísaði fólk til Borgarness
Hún setur þessa þróun í samhengi
við eftirspurn á síðustu menningar-
nótt í Reykjavík, 23. ágúst 2014, þeg-
ar allt gistipláss í borginni var upp-
bókað. „Við vísuðum fólki í Borgar
nes. Ég hringdi upp á Akranes og til
Hveragerðis. Þetta var sennilega
stærsti dagurinn í sögu íslenskrar
ferðaþjónustu, að minnsta kosti hér
á höfuðborgarsvæðinu. Það er ekki
ólíklegt að það komi fleiri slíkir dag-
ar næsta sumar.“
– Samtök ferðaþjónustunnar spá
15% fjölgun ferðamanna í ár, borið
saman við 20% fjölgun á síðustu ár-
um. Eftir hvernig gistingu mun
eftirspurnin aukast mest?
Flestir vilja gista í herbergjum
„Ég held að vöxturinn sé meiri í
einkaherbergjum en í kojum þar
sem margir deila herbergi,“ segir
Björg og bendir á að gistimarkaður-
inn sé kvikur. Flestir gestir séu ekki
að leita eftir vörumerkjum heldur
velji gististaði eftir verði og umsögn-
um annarra gesta. „Fólk vill ódýra
gistingu. Því er alveg sama hvar hún
er.“
– Þegar við ræddum saman síð-
asta sumar sagðirðu mér að þið vær-
uð að skoða möguleika á því að bæta
við fleiri herbergjum í nágrenninu.
Hvernig standa þau áform?
„Við erum ekki með fram-
kvæmdaáætlun um stækkun hjá
okkur. Það helgast af því að það
urðu eigendaskipti á húsinu í haust
sem hafa seinkað öllu þessu ferli.
Það hefur líka áhrif að það hentar
ekki að ráðast í framkvæmdir yfir
sumarið.“
Stíga varlega til jarðar
– Hefur stóraukið framboð á gist-
ingu í miðbænum líka áhrif?
„Já, það gerir það. Við viljum
stíga varlega til jarðar. Við finnum
fyrir velvild og getum ekki annað
eftirspurn. Það hefði því legið beint
við að stækka hostelið en það frest-
ast út af þessum breytingum. Við
sjáum ekki fyrir okkur að fara í aðra
byggingu, ekki eins og staðan er
núna. Það hefur komið til tals og ver-
ið skoðað,“ segir Björg Jónsdóttir.
Miðborgin orðin of dýr fyrir ný hostel
Rekstrarstjóri KEX hostels segir ólíklegt að hostel eins og KEX yrði nú opnað í miðbæ Reykjavíkur
Vegna hækkandi húsnæðiskostnaðar í miðborginni muni ódýr gisting fara í úthverfi borgarinnar
Morgunblaðið/Júlíus
Selur gistingu Björg Jónsdóttir, rekstrarstjóri KEX hostels, segir hostelið hafa lagt áform um stækkun á ís.
Björn Jóhann Björnsson
bjb@mbl.is
„Þetta er mesta notkun sem við höf-
um séð í einum mánuði,“ segir Eirík-
ur Hjálmarsson, upplýsingafulltrúi
Orkuveitu Reykjavíkur, en í janúar
sl. var met slegið í heitavatnsnotkun
á höfuðborgarsvæðinu. Þá voru not-
aðir 9.660 þúsund rúmmetrar af
vatni, eða nærri 9,7 milljónir tonna,
en fyrra metið var 9.631 þúsund
rúmmetrar í desember 2013, en það
ár var met einnig slegið í heildar-
notkun hjá viðskiptavinum Orkuveit-
unnar.
Um 90% til kyndingar
Notkunin það sem af er febrúar
hefur verið mikil en ólíklegt er að
met í heildarnotkun verði slegið þar
sem febrúarmánuður er styttri en
janúar, sem kunnugt er.
Kuldatíðin í vetur hefur því komið
fram í heitavatnsnotkuninni með
merkjanlegum hætti, en taka þarf
með í reikninginn fjölgun notenda á
seinni árum. Eiríkur segir engan
vafa leika á fylgni milli kulda og
notkunar á heitu vatni, ekki síst þar
sem sjálfvirk kynding er komin í sí-
fellt fleiri hús. Notkunin hér að
framan, og á meðfylgjandi grafi, á
bæði við um heimili og fyrirtæki á
höfuðborgarsvæðinu yfir vetrar-
mánuðina, allt frá Hafnarfirði upp á
Kjalarnes. Kannanir OR hafa sýnt
að um 90% af heita vatninu eru notuð
til kyndingar.
Það er ekki aðeins kuldinn sem
hefur áhrif á notkunina, heldur einn-
ig vindurinn. Einkum eru það úti-
sundlaugarnar sem finna fyrir
þessu, þegar vindurinn kælir yfir-
borðsvatnið. Jakob Þorsteinsson,
forstöðumaður Sundlaugar Kópa-
vogs við Borgarholtsbraut, segir
heitavatnsnotkunina hafa aukist um
11% í janúar, miðað við sama mánuð
í fyrra. Jakob segir tíðarfarið einnig
hafa áhrif á aðsóknina. Færri sund-
laugargestir hafi komið frá áramót-
um, miðað við síðasta ár, en hörðustu
fastagestir láti þó ekki vetrarstorma
stöðva sína daglegu sundspretti.
Met slegið í heita vatninu
frá Orkuveitunni í janúar
Hátt í 10 millj-
ónir tonna á höfuð-
borgarsvæðinu
Morgunblaðið/ÞÖK
Heitt vatn Sundlaugar eru stórnotendur á heitu vatni. Hjá Sundlaug Kópa-
vogs jókst notkunin um 11% í janúar, sem rekja má til vetrarveðursins.
Heitavatnsnotkun á höfuðborgarsvæðinu
í vetrarmánuðum
október nóvember desember janúar
12.000
10.000
8.000
6.000
4.000
2.000
0
2011-2012 2012-2013 2013-2014 2014-2015
Þú
s.
rú
m
m
et
ra
Heimild: Orkuveita Reykjavíkur
5.
95
2
9.
66
0
„Bráðamóttakan er mjög þung, svip-
að og verið hefur í allan dag,“ segir
Guðmundur Jóhannsson, læknir á
bráðamóttöku Landspítalans, spurð-
ur um ástandið þar í gær. Sagði hann
plássið á bráðamóttökunni fullnýtt og
að margir sjúklingar biðu enn eftir
innlögn. „Þetta mun halda áfram að
vera þungur róður.“
Segir hann núverandi álag til kom-
ið vegna inflúensunnar en töluvert af
sjúklingum hafi einnig þurft á ein-
angrunarplássi að halda vegna smit-
hættu. „Tengist smithættan stundum
flensunni en annars magapestum eða
öðru slíku sem slæmt væri að dreifði
sér um spítalann,“ segir Guðmundur.
Brugðist hratt við
„Kölluð var út viðbragðsnefnd sem
kom, lagði mat á stöðuna og gerði að-
gerðarplan,“ segir Guðmundur um
viðbrögð spítalans við ástandinu.
Unnið er eftir viðbragðsáætluninni af
fullum krafti og verið er að opna
ákveðin pláss og deildir sem taka við
umframsjúklingum bráðamóttök-
unnar. „Við reynum að hliðra til hlut-
unum eins og hægt er en þetta er eins
og að stappa síld í fulla tunnu,“ segir
hann og bætir við að þetta sé orðið
ansi þröngur stakkur sem bráðamót-
tökunni sé sniðinn. Segir hann alveg
ljóst að bregðast þurfi snarlega við
húsnæðisvanda spítalans.
„Hún er skæðari í ár“
Guðmundur segir ástandið sem nú
ríkir á bráðamóttökunni koma upp
öðru hvoru en það sé þó sérlega
slæmt í ár vegna inflúensunnar sem
nú geisar. „Hún er skæðari en önnur
ár, miðað við það sem ég hef heyrt og
séð. Það eru margir að veikjast og að
veikjast ansi mikið,“ segir Guðmund-
ur að lokum. laufey@mbl.is
Morgunblaðið/Golli
Flensan. Unnið er eftir viðbragðsáætlun á bráðamóttökunni vegna álags
sem myndaðist vegna inflúensunnar, sem þykir skæðari í ár en áður.
Álagið mikið og
róðurinn þungur
Álag á bráðamóttöku vegna inflúensu