Morgunblaðið - 25.02.2015, Blaðsíða 16
16 FRÉTTIRInnlent
MORGUNBLAÐIÐ MIÐVIKUDAGUR 25. FEBRÚAR 2015
Ágúst Ingi Jónsson
aij@mbl.is
Loðnuvertíðin er að ná hámarki
þessa dagana og þrátt fyrir vonsku-
veður hafa skipin getað athafnað sig
á milli og komið með góðan afla að
landi eftir stuttan tíma á miðunum.
Mokveiði hefur verið þegar gefið
hefur og þannig fékk Sigurður VE
um tvö þúsund tonn á tólf tímum í
fyrradag og Börkur NK og Polar
Amaroq stoppuðu einungis um sex
tíma á miðunum á laugardag áður en
haldið var til hafnar með fullfermi,
að því er fram kemur á heimasíðu
Síldarvinnslunnar.
Loðnan gengur hratt vestur með
suðurströndinni til hrygningar, en
stór hluti hennar hrygnir í Faxaflóa
og Breiðafirði. Flekkurinn sem skip-
in hafa sótt í undanfarið var austan
við Vestmannaeyjar á mánudags-
morgun, en var kominn vel vestur
fyrir Eyjar um kvöldið. Í gær voru
skipin vestur undir Þjórsárósum.
Hrognafrysting um helgina
„Þetta eru stórir dagar í loðn-
unni,“ sagði Eyþór Harðarson, út-
gerðarstjóri Ísfélagsins í Vest-
mannaeyjum, þegar rætt var við
hann í gær. Unnið er á vöktum allan
sólarhringinn í bræðslunum og
frystihúsunum í Eyjum og á Þórs-
höfn, en þunginn var meiri í frysting-
unni fyrir norðan framan af vertíð.
„Þessa dagana erum við á fullu í
frystingu fyrir Japansmarkað og
reiknum síðan með að fara í hrogna-
frystingu um helgina,“ segir Eyþór.
„Þetta er fínasta loðna og hrogna-
fyllingin er komin yfir 20%.“
Hann segir að hrognamarkaðir líti
ekki illa út. Verð á mjöli og lýsi var
hátt í upphafi vertíðar en hefur dalað
eftir því sem liðið hefur á, auk þess
sem lýsisinnihaldið minnkar eftir því
sem nær dregur hrygningu. Hann
segir að Ísfélagið hafi í janúar aðeins
fryst á Þórshöfn fyrir Rússlands-
markað, en lítið síðan.
Þegar vel veiðist skapast bið eftir
löndunarplássi og í Eyjum er handa-
gangur í öskjunni þessa dagana,
enda stutt sigling á miðin fyrir
heimaskipin. Á mánudag var góð
veiði og öll skip Ísfélagsins með afla.
Heimaey var í gær á leið til Þórs-
hafnar, löndun lauk úr Álsey, sem
hélt á miðin um hádegi, og verið að
byrja löndun úr Júpiter. Á sama
tíma var verið að landa um tvö þús-
und tonnum úr Sigurði í bræðslu.
Veðrið spilar stærstu rulluna
„Þessa dagana spilar veðrið
stærstu rulluna, en vonandi gengur
þetta allt upp,“ segir Eyþór.
Samkvæmt upplýsingum á heima-
síðu Fiskistofu eru íslensk skip búin
að landa 163 þúsund tonnum af loðnu
á vertíðinni. Reikna má með að
nokkuð meira sé búið að veiða því
sigling af miðum, löndun og frágang-
ur á upplýsingum tekur sinn tíma.
Heildarkvóti íslenskra skipa er tæp-
lega 400 þúsund tonn.
Vilhelm Þorsteinsson EA var í
gær kominn með tæplega 14.500
tonn, Heimaey VE rúmlega 13 þús-
und, Börkur NK rúmlega 12 þúsund,
Ingunn AK rúmlega 11 þúsund og
Aðalsteinn Jónsson rúmlega 10 þús-
und tonn.
Mokveiði þegar gefur
Loðnan gengur hratt vestur á bóginn og var út af Þjórsárósum í gærdag
Víða unnið á vöktum allan sólarhringinn „Þetta eru stórir dagar í loðnunni“
Ljósmynd/Börkur Kjartansson
Vertíð Stutt hefur verið fyrir Eyjaskipin á miðin síðustu daga, en loðnan er á hraðri vesturleið. Á myndinni eru Sighvatur Bjarnason VE og Huginn VE.
Á loðnumiðunum Heimaey VE 1 út af Jökulsárósum, en góð veiði hefur verið síðustu daga þrátt fyrir rysjótta tíð.
„Faxi er að landa á Akranesi og við
erum að skoða hvort hægt sé að
byrja hrognafrystingu strax á ein-
hverjum hluta aflans,“ sagði Ingi-
mundur Ingimundarson, útgerðar-
stjóri uppsjávarskipa hjá HB
Granda, í gær.
„Hrognafyllingin er orðin næg, en
það er spurning hvort þroski hrogn-
anna sé nægur. Sumir á Akranesi
líta á það þannig að það eigi að byrja
frystingu á föstudegi, ekki aðra daga
vikunnar því slíkt séu nánast helgi-
spjöll. Þetta var viðhaft í mörg ár
með góðum árangri og menn höfðu
trú á því að svona ætti þetta að
vera.“
Fryst hrogn eru verðmætasta af-
urð loðnunnar og sagðist Ingimund-
ur reikna með að talsvert af hrogn-
um færi á Japansmarkað í ár.
Undanfarin ár hefur stór hluti
hrognaframleiðslunnar hins vegar
farið á markaði í Austur-Evrópu.
„Ég hef fulla trú á að það takist að
ná loðnukvótanum og leyfi mér að
vera bjartsýnn,“ sagði Ingimundur.
„Veðrið er helsti óvissuþátturinn, en
það hefur veiðst vel og helstu vanda-
málin verið þegar menn hafa fengið
of stór köst og rifið nótina.“
Vilja helst
byrja á
föstudögum
Hrognafrysting
er framundan
Sjávarútvegsráðuneytið hefur gef-
ið út reglugerð um hrognkelsaveið-
ar 2015. Leyfilegir veiðidagar á
grásleppu eru 20 og tímabil á
hverju veiðisvæði eru 75 dagar.
Velja má samfellt veiðitímabil inn-
an þess sem takmarkast af endan-
legum fjölda veiðidaga.
Á vef Landssambands smábáta-
eigenda kemur fram að reglugerð-
in er lítið breytt frá síðasta ári. Þar
kemur fram að endanlegur daga-
fjöldi verður ákveðinn í byrjun apr-
íl, er tillögur Hafrannsóknastofn-
unar liggja fyrir að loknu vorralli,
eða stofnmælingu botnfiska að vori.
Skv. reglugerð verður heimilt að
hefja veiðar 20. mars á svæðum úti
fyrir Norðurlandi, Austurlandi og
Suðurlandi að Garðskaga. Á öðrum
svæðum má byrja 1. apríl að undan-
skildum innanverðum Breiðafirði
þar sem veiðar hefjast 20. maí.
20 veiðidagar á
grásleppuvertíðinni
Líflegt Grásleppuvertíð á Drangsnesi.
Á fallegum og notalegum stað
á 5. hæð Perlunnar
Næg bílastæði
ERFIDRYKKJUR
Perlan • Sími 562 0200 • Fax 562 0207 • perlan@perlan.is
Pantanir
í síma
562 0200