Morgunblaðið - 25.02.2015, Blaðsíða 20

MORGUNBLAÐIÐ MIÐVIKUDAGUR 25. FEBRÚAR 2015
ALVÖRU PÍTA
Á SKILIÐ
ALVÖRU
PÍTUSÓSU
Prófaðu pítusósuna
frá E. Finnsson og gerðu gott betra.
31
18
-V
O
G
–
V
E
R
T.
IS
REYKJAVÍK
HÁALEITI OG BÚSTAÐIR
H
EI
MS
ÓKN Á HÖFUÐBO
R
G
A
R
S
V
Æ
Ð
IÐ
2015
Sigurður Bogi Sævarsson
sbs@mbl.is
Reykjavík er heitur reitur. Við fjöl-
förnustu götur borgarinnar bullsýður
í alls tíu borholum sem skila um 280
sekúndulítrum af 130 heitu vatni.
Heitar æðar liggja víða um Laug-
ardal og -nes og þaðan fæst rösklega
tíund af því heita vatni sem fer inn á
kerfi Orkuveitu Reykjavíkur. „Þetta
er algjörlega sjálfbær auðlind og séu
holurnar nýttar hóflega svo ekki
gangi á grunnvatnsforðann munu
þær duga um ókomna tíð,“ segir Páll
Baldvin Sveinsson sem er umsjón-
armaður vatns, heits sem kalds, hjá
Orkuveitu Reykjavíkur. Og það er
Páll sem hefur lyklavöld að neð-
anjarðargöngum í Háaleitinu, mann-
virki sem fæstir hafa vitað um til
þessa.
Borholur og bakrennsli
Bolholtsstöðin, sem reist árið
1962 eða um svipað leyti og Laug-
arnesholurnar voru boraðar, er
undraveröld. Í vélasal malla fimm
dælur og sérstök tæki losa gas úr
vatninu. Dælustöð þessi er beint fyrir
ofan hús Kauphallar Íslands. Í við-
skiptalífinu hefur verið hart í ári að
undanförnu og miðað við fyrri tíma er
nánast klinkið eitt í kauphöllinni. Í
næsta húsi er hins vegar gull í hverj-
um dropa.
Af borholunum tíu eru þrjár öðr-
um gjöfulli, en 6-8 í notkun á hverjum
tíma og úr þeim fæst vatn sem er að
jafnaði 125 til 130 gráða heitt. Það er
vitaskuld of heitt fyrir hið almenna
dreifikerfi. Því er bakrennslisvatn úr
Holta- og Háaleitishverfi veitt í Bol-
holtsstöðina og því blandað saman við
borholuvatnið svo úr verður 80 gráða
heitt vatn, sem fer í dreifistöðvar í
Öskjuhlíð, við Grensásveg og Sund-
laugarveg. Magnið, að teknu tilliti til
blöndunar, getur því verið rösklega
550 sekúndulítrar.
Smogið í gegn
„Nú skal ég að sýna ykkur svo-
lítið sniðugt. Þetta er að vísu pínulítið
brölt en við komumst þetta leikandi.
Fylgið mér og þetta er ekkert mál,“
sagði Páll Baldvin þegar hann sýndi
okkur hin helgu vé. Svo príluðum við
niður járnstiga og niður í kjallara þar
sem er op inn í jarðgöngin, ef svo má
kalla þau.
„Beygið ykkur niður, þetta er
þröngt og förum varlega,“ sagði Páll
sem fór fremstur fjögurra manna.
Göngin eru um 1,7 metrar á hvern
veg; steinsteypt og rammgerð og þar
niðri eru lagnir fyrir heita vatnið. Og
þarna smugum við í gegn; heyrðum
vatnið streyma um pípurnar en vor-
um algjörlega einangraðir frá þungri
föstudagsumferðinni yfir höfði okkar.
Göng þessi – eða stokkur – er
um 100 metra langur og liggur frá
Bolholti yfir í Lágmúlann. Á end-
anum þeim megin er brunnur eða
hvelfing. Þar er svo gat með járn-
hlera sem hægt er að opna að innan
og stinga upp hausnum. Páll opnaði
hins vegar gáttina á grasflöt við
Kringlumýrarbrautina, sem við höfð-
um farið undir rétt áður. „Já, þetta er
alveg falinn heimur og svona neð-
anjarðarmannvirki á vegum Orku-
veitunnar eru reyndar víðar í Reykja-
vík,“ segir Páll. Nefnir Öskjuhlíð,
sundlaugasvæðið í Laugarnesi og
Leynistaður Páll Baldvin við munna leyniganganna. Þau eru um það bil 1,70 metrar á hvern veg og vel manngeng.
Auðlind í hjarta höfuðborgar
 Neðanjarðargöng undir fjölfarna Kringlu-
mýrarbrautina  Tíu holur og sjóðandi vatn
Vélasalurinn Dælurnar í stöðinni eru fimm og slá aldrei feilpúst þrátt fyrir að hafa snúist stanslaust í alls 53 ár.
Fasteignir í Fossvogi og Bústaða-
hverfi eru eftirsóttar og seljast
fljótt. Þetta segir Sveinn Eyland,
lögg. fasteigna-
sali hjá Land-
mark. Nokkurt
framboð hefur
verið af sérbýlis-
eignum á þessum
slóðum, til dæmis
í Löndum og
Gerðum, sem eru
í kringum 200
fermetrar að
flatarmáli og al-
gengt verð er 60 - 80 millj. kr.
Í sumum tilvikum er verð hærra,
svo sem ef eignir eru nýlegar, arki-
tektúr þeirra athyglisverður og
fleira
„Fossvogurinn skorar alltaf,
enda mjög miðsvæðis í borginni,
það er veðursæld í dalnum og stutt
að sækja alla þjónustu. Húsin þarna
voru yfirleitt byggð í kringum
1970. Mörg þeirra hafa verið komin
á tíma og hafa verið gerð upp á síð-
ustu árum og orðið því verðmeiri,“
útskýrir Sveinn sem segir sömu rök
gilda um Gerðin á Háaleitinu. Sér-
eignir þar séu góðar í sölu.
Háaleitis- og Bústaðahverfi er
stórt og þar eru hús í öllum út-
gáfum. Í austurhlutanum, Smá-
íbúðahverfi, eru gjarnan lítil rað-
hús og sérbýli sem oft eru lengi í
eigu sömu fjölskyldunnar en þegar
þau svo fara í sölu eru áhugasamir
fljótir til, svo sem útsjónarsamt fólk
sem með endurbótum skapa sér
draumaheimili.
sbs@mbl.is
Sogavegur Í raun er allt Bústaðahverfið vinsælt meðal fasteignakaupenda.
Endurbætt og verðmeiri
Sveinn Eyland