Morgunblaðið - Sunnudagur - 15.02.2015, Blaðsíða 20
Útsýnið frá barnum á 25. hæðinni í skýjakljúfnum The Cube er einstakt.
B
irmingham komst í fréttirnar fyrr á
árinu þegar „hryðjuverkasérfræðing-
urinn“ Steven Emerson sagði á
bandarísku sjónvarpsstöðinni Fox
News að þessi breska borg væri „algjörlega á
valdi íslam“ og þeir sem væru ekki múslimar
hættu sér ekki inn í borgina. Þetta kom auð-
vitað þeim 80% íbúa borgarinnar sem eru
ekki múslimar mjög í opna skjöldu. París
fékk svipaðar ásakanir og ákvað að fara í mál
við fréttastöðina á meðan breski forsætisráð-
herrann David Cameron hló við og kallaði
Emerson „algjöran fábjána“. Þessi furðulega
yfirlýsing hefur samt haft þær afleiðingar að
Birmingham komst rækilega á kortið. Sam-
kvæmt upplýsingum frá ferðamálayfirvöldum
borgarinnar hefur fyrirspurnum fjölgað mjög
og erlend stórblöð hafa gert sér ferð til Birm-
ingham til að skrifa ferðagreinar. Múslima-
yfirlýsingin er því þeirra Eyjafjallajökull,
ókeypis auglýsing á heimsvísu. Því þrátt fyrir
að Birmingham sé önnur stærsta borg Bret-
lands með yfir milljón íbúa hefur hún ein-
hvern veginn ekki flogið eins hátt og margar
aðrar.
Mikil þróun og gott að versla
Borgin hefur verið í stöðugri þróun síðustu ár
og er mikið af nýjum byggingum í henni og
endurþróuðum svæðum. Þar er líka að finna
flestu nýsköpunarfyrirtækin í Bretlandi fyrir
utan London. Samkvæmt StartUp Britain
voru 18.337 nýsköpunarfyrirtæki starfrækt í
borginni árið 2014 sem er fjölgun um 2.000
frá 2013. Birmingham var ennfremur með
5.000 fleiri fyrirtæki í þessum flokki en Man-
chester sem fylgdi á eftir með 13.054 nýsköp-
unarfyrirtæki skráð árið 2014. Ef verður af
byggingu háhraðalestar mun ferðatíminn til
London styttast um hálftíma og verða innan
við fimmtíu mínútur sem gæti haft frekari
áhrif til uppbyggingar í borginni. Þetta gæti
orðið að veruleika eftir rúmlega tíu ár.
Fyrir þá sem hafa gaman af því að versla
er Birmingham frábær staður og góður kost-
ur nú þegar komið er beint flug til borgar-
innar með Icelandair. Flogið er tvisvar í viku
á mánudögum og fimmtudögum. Þar er versl-
anamiðstöðin Bullring efst á blaði en hún er í
miðbænum og í kring eru göngugötur með
fjöldamörgum verslunum enda löng hefð fyrir
verslunum og mörkuðum á þessu svæði. Fyr-
ir utan þær 160 verslanir sem eru í Bullring
er þar líka stór Selfridges-verslun sem er vel
virði þess að heimsækja, þótt ekki nema til
þess að dást að dýrðinni.
Þeir sem hafa dýran smekk ættu að heim-
sækja The Mailbox sem er þarna skammt frá.
Þar er hægt að versla í Harvey Nichols og
Emporio Armani en líka gista á Malmaison-
hótelinu eða borða á hinum ýmsu veitinga-
stöðum.
Michelin-matur og balti-réttir
Í borginni eru líka margir veitingastaðir af
öllum stærðum og gerðum. Þar eru fjórir
Michelin-staðir, sem er mesti fjöldi Michelin-
veitingastaða í landinu utan London. Blaða-
maður heimsótti einn þeirra sem óhætt er að
mæla með en sá heitir Simpsons og var sá
fyrsti í borginni til að fá stjörnu. Veitinga-
staðurinn stendur fyrir matreiðslunám-
skeiðum, hefur gefið út matreiðslubækur og
ennfremur er hægt að gista á staðnum ef
maður skyldi verða of saddur. Veitingastað-
urinn er til húsa í gömlu, friðuðu og sérlega
virðulegu húsi.
Birmingham býr ennfremur yfir miklum
fjölda indverskra og pakistanskra veitinga-
staða. Borgin er sérstaklega þekkt fyrir balti-
matseld sem er sérstök tegund af karrírétti
sem eldaður er í ákveðinni gerð af pönnu.
Nóg er úrvalið af veitingastöðunum og eru
margir þeirra á sama svæði, sem kallað er
Balti-þríhyrningurinn. Ennfremur má mæla
með Mughal e Azam, ekki síst fyrir stóra
hópa en veitingastaðurinn býður upp á gott
úrval rétta. Annað sem gerir hann óvenju-
legan er að hann er til húsa í gamalli kirkju
og er því hátt til lofts og vítt til veggja.
Einnig má mæla með heimsókn í skýjakljúf-
inn The Cube. Þar á 25. og efstu hæðinni er
gott útsýni yfir borgina í allar áttir og góður
bar og veitingastaður sem er kenndur við
stjörnukokkinn Marco Pierre White. Þrátt
fyrir að rýmið sé stórt er hljóðvistin góð og
maturinn sannarlega líka.
Shakespeare í nýju bókasafni
Margar stórar byggingar eru í miðbænum en
þar sker ein sú nýjasta sig mikið úr fjöldan-
um. Það er bókasafn borgarinnar sem Malala
Yousafzai opnaði við formlega athöfn árið
2013. Byggingin er sérstaklega falleg en arki-
tekt hennar Francine Houben hefur lýst henni
sem „höll fólksins“. Safnið er að minnsta kosti
aðgengilegt og þykir fjölskylduvænt.
Bókasafnið hýsir fágæt eintök af verkum
Shakespeare, þar af eitt sem er metið á um
1,3 milljarða króna. Þar er sérstakt svæði til-
einkað þessu breska höfuðskáldi, sem er mjög
við hæfi því fæðingarbær Shakespeare, Strat-
ford við ána Avon er í næsta nágrenni. Um
klukkutíma tekur að komast þangað með bíl
en ferðalagið tekur um 40-50 mínútur með
lest. Þar er Royal Shakespeare-leikhúsið þar
sem Royal Shakespeare-leikhópurinn fer með
völdin. Sett eru upp um 20 verk á ári en leik-
hópurinn fer líka í ferðalög.
Fyrir þá sem vilja ferðast víðar um ná-
grennið má mæla með heimsókn í Warwick-
kastala þar sem er boðið upp á ýmiss konar
afþreyingu með miðaldaívafi. Merlín-
aðdáendur ættu ekki að verða fyrir von-
brigðum.
Birmingham er líka borg fyrir íþróttaunn-
endur. Hún er heimaborg fótboltaliðsins
Aston Villa en leikur á Villa Park er góð
skemmtun, stóri krikketvöllurinn Edgbaston
er í borginni og síðast en ekki síst er golf í
heimsklassa í boði skammt frá borginni á The
Belfry en það er efni í sérstaka ferðasögu.
Morgunblaðið/Inga Rún
Lífsins
lystisemdir í
miðju landi
BIRMINGHAM HEFUR UPP Á MARGT AÐ BJÓÐA Í VERSLUN, MENNINGU,
MAT OG AFÞREYINGU OG KEMUR ÞESSI ÖNNUR STÆRSTA BORG BRET-
LANDS OG HEIMABORG DURAN DURAN SKEMMTILEGA Á ÓVART.
Inga Rún Sigurðardóttir ingarun@mbl.is
Bókasafnið í Birmingham
er mjög sérstök en falleg
bygging sem setur svip sinn
á miðbæinn.
20 MORGUNBLAÐIÐ LAUGARDAGUR 14.2. 2015
Ferðalög og flakk
Morgunblaðið/Inga Rún
ENSKA BORGIN BIRMINGHAM ER
NÝR ÁFANGASTAÐUR ICELANDAIR
Síkið við Brindley Place er heillandi. Margir veitingastaðir eru þarna í kring.