Morgunblaðið - Sunnudagur - 15.02.2015, Blaðsíða 26

Arrow er
skurðarbretti
eða bakki sem er líka unnið í
gegnheila eik og litað með nátt-
úrulegum litum.M
arý Ólafsdóttir vöruhönnuður rekur fyrirtækið Marý.
Hún sýndi verk sín á samsýningu Íslendinga og Finna,
We live here, á hönnunarvikunni í Stokkhólmi og naut
þar gífurlegrar athygli fyrir Kúluna – hnífaparastatíf.
Marý leggur ríka áherslu á gæði í verkum sínum og vinnur loka-
útgáfu vörunnar oft í höndum, handpússar eða litar með náttúrulegum
og umhverfisvænum jurtalitum.
„Ég stofnaði fyrirtækið mitt um leið og ég útskrifaðist úr vöruhönnun
við Listaháskóla Íslands árið 2007 en hafði byrjað að handvinna mína
fyrstu vöru og selja í Kokku sem var Kúlan – hnífaparastatíf. Eftir það
fór Dyggðateppið í framleiðslu en þetta gerðist hvort tveggja áður en ég
útskrifaðist,“ segir Marý sem búsett er í Stokkhólmi og hefur verið þar í
um sjö ár en er með annan fótinn á Íslandi og í Kaliforníu.
„Ég sæki innblástur í náttúruna og gamlar hefðir í bland við nútímann,
ferðalög og fjölbreytta menningu. Sem dæmi þá var innblásturinn á bak
við Dyggðateppið frá íslensku dyggðaklæði frá 1700 sem er varðveitt á
Þjóðminjasafni Íslands. Dyggðapúðinn kom svo í kjölfarið á Dyggðateppinu,“ segir Marý og bætir við
að innblásturinn á bak við nýju kertastjakana, Join, sé geirnegling, klassísk viðarvinna eða handverk
í tré eins og það var áður fyrr. „Ég uppgötvaði fyrst geirneglingu þegar ég var krakki og sá skrif-
borð sem pabbi smíðaði þegar hann var 12-13 ára, en borðið, ásamt skúffum og öllu, var gert með
þessum hætti.“
Marý, sem dvelur nú í Los Angeles, segist einnig sækja mikinn innblástur í að ferðast um heiminn
og það hjálpi sér að sjá hlutina í nýju samhengi.
„Það er alltaf jafngaman að vera í Los Angeles og mikið um að vera, en ég er að vinna í nokkrum
verkefnum hér svo það eru spennandi hlutir framundan. Hönnunarmars er svo á næsta leiti og ég
mun sýna þar eins og öll hin árin frá því að Hönnunarmars byrjaði, þótt ég verði enn hér í Banda-
ríkjunum á þeim tíma.“
Marý selur hönnun sína víða um heim, til dæmis á Íslandi, Frakklandi, Danmörku, Svíþjóð, Ástr-
alíu, Sviss og Bandaríkjunum.
Kúlan – hnífaparastatíf vakti mikla lukku á
hönnunarvikunni í Stokkhólmi.
Ský, hengi fyrir aukahluti, er komið í nýtt efni,
birkikrossvið, en var áður bara til í hvítu.
Marý hefur verið að byggja upp fjölbreytt
vöruúrval sem byggist á náttúrulegum, um-
hverfisvænum vörum með notagildi sem fólk
getur notið í áratugi.
Join-kertastjakarnir eru unnir úr hágæða
eik og hnotu og koma í takmörkuðu
upplagi. Eikarstjakarnir eru litaðir með
náttúrulegum umhverfisvænum litum
eins og lífrænum rauðrófusafa og túrm-
eriki, sem dofna með tímanum.
Kertastjakann Join má
nota sem
smáhirslu þegar hann
er ekki í notkun
sem kertastjaki.
RÍK ÁHERSLA Á GÆÐI
Innblástur úr
gömlum hefðum
Marý Ólafsdóttir vöru-
hönnuður dvelur nú í
Los Angeles. Hún segist
sækja mikinn innblástur í
að ferðast um heiminn;
það hjálpi sér að sjá hlut-
ina í nýju samhengi.
Marý Ólafsdóttir.
Kertastjakarnir Join eru einnig nýtilegir fyrir
skartgripi.
MARÝ ÓLAFSDÓTTIR VÖRUHÖNNUÐUR SÝNDI VERK SITT KÚLUNA – HNÍ-
FAPARASTATÍF Á SAMSÝNINGU ÍSLENDINGA OG FINNA, WE LIVE HERE, Á
HÖNNUNARVIKUNNI Í STOKKHÓLMI.
MARÝ SEGIST HEILLAST AF NÁTTÚRUNNI OG SÆKIR MEÐAL ANNARS
INNBLÁSTUR Í GAMLAR HEFÐIR OG HEIMSHORNAFLAKK.
Sigurborg Selma Karlsdóttir sigurborg@mbl.is
Heimili
og hönnun *Vöruhönnnuðurinn Martí Guixé, frumkvöðull ímatarhönnun, heldur fyrirlestur á DesignTalks,fyrirlestrardegi HönnunarMars. Verk Martís Gu-ixés eru meðal annars sýnd í MoMA í New Yorkog Centre Pompidou í París en hann hefur átt
stóran þátt í mótun hönnunar síðustu áratugi á
alþjóðavísu.
Frumkvöðull í matarhönnun
á Design Talks