Morgunblaðið - Sunnudagur - 01.03.2015, Blaðsíða 8
8 MORGUNBLAÐIÐ SUNNUDAGUR 1.3. 2015
Aldrei minnist ég þess í uppvexti mínum og áyngri árum að hafa hugleitt aldur stjórn-málamanna. Annaðhvort höfðaði málflutn-
ingur þeirra til mín eða hann gerði það ekki. Einn
aðaltöffari undir lok sjöunda áratugar aldarinnar
sem leið, þegar ég var pólitískt að vakna til lífsins,
var breski heimspekingurinn og mannréttinda-
frömuðurinn Bertrand Russell. Hann lést árið
1970, 98 ára að aldri. Kornungur í anda og róttæk-
ari með hverju árinu sem leið.
Hér heima voru mínir menn á öllum aldri, Lúð-
vík, Hjörleifur, Svavar og Svava, Birna og Skjálfti,
Jón Múli og Guðrún og Ólafur, að ógleymdum Ey-
steini sem móðir mín var óþreytandi að útnefna
sem frumkvöðul í náttúruverndarmálum. Og þau
voru mörg fleiri og á öllum aldri. Mér var nákvæm-
lega sama hvers kyns eða hve gömul þau voru. Ég
vildi hins vegar vita hvað þau hugsuðu og hvert þau
vildu stefna með samfélag okkar.
Þetta kom mér í hug þegar ég las um niðurstöðu
könnunar þar sem fullyrt var að þjóðin hefði fengið
nóg af „sjónarmiðum sjötugra“.
Mér þótti þetta forvitnilegt og las meira. Einn
aðstandenda þessarar könnunar sagði í blaðaviðtali
að augljóst væri að ungt fólk hafnaði „umræðu-
hefð“ og „orðræðu“ sjötugra! Gildi þessarar kyn-
slóðar væru úrelt: „Fólk verður reitt því það er á
móti svona umræðuhefð í dag. Pólitískt landslag
hefur breyst að því leyti að í dag kýs fólk stjórn-
málamenn út frá orðræðunni sem er í gangi en ekki
út frá smáatriðum í stefnuskrá.“ Síðan var fjölyrt
um stjórnmálamenn sem væru óbifanlegir í sínu fari
og vildu aldrei hliðra til eða gefa eftir.
En hvað er raunverulega verið að tala um? Óbil-
gjarna afstöðu til einkavæðingar bankanna á sínum
tíma og heilbrigðiskerfisins á öllum tímum, húsnæð-
ismála, almannatrygginga, kvótans, Kárahnjúka?
Ég leyfi mér að segja þetta hina mestu bábilju.
Á öllum tímum hefur annars vegar verið til fólk
sem samfélagsmálin brenna á og er fyrir vikið
brennandi í baráttuanda og hins vegar þau sem
eru daufgerðari, nenna lítið að opna sálargluggann
og finnst litlu skipta hvernig veltur. Þetta er hinn
lati hluti þjóðfélagsins. Og það er honum sem leið-
ist „orðræðan“ og „umræðuhefðin“.
Þá bið ég um baráttujaxla, aldna sem unga,
karla og konur, helst úr öllum stéttum, vinnufæra
jafnt sem óvinnufæra.
Ég bið um fólk með skoðanir og sannfæringu;
fólk sem nennir að láta umhverfi sitt og velferð
samferðamanna sig máli skipta og hefur skoðanir á
því hvernig það verði best gert, meira að segja í
smáatriðum.
Og ef ágreiningur verður um grundvallaratriði
þá þarf að takast á um þau, vissulega málefnalega
en helst vel og lengi. Það á að vera erfitt að koma
umdeildum málum í gegnum þing og sveitar-
stjórnir. Stjórnmálamenn eiga að þurfa að svitna.
En ef málstaðurinn er verðugur og sannfær-
ingin er fyrir hendi þá mun erfiðið borga sig og
átökin munu á endanum sveigja okkur inn í skyn-
semisfarveg. En þá dugar að sjálfsögðu ekki kaffi-
bolla- (orðræðu)spjall heldur skoðanaskipti af lífi
og sál.
Af lífi og sál
* Þetta kom mér í hug þeg-ar ég las um niðurstöðukönnunar þar sem fullyrt var
að þjóðin hefði fengið nóg af
„sjónarmiðum sjötugra.“
ÚR ÓLÍKUM ÁTTUM
Ögmundur Jónasson
ogmundur@althingi.is
Kjóll nokkur hefur gert allt vit-
laust á netinu en svo virðist sem
fólk, þótt ólitblint sé, geti ekki
komið sér saman um hvort kjóll-
inn er blár eða hvítur og þykir
þetta hið dularfyllsta mál. Stefán
Eiríksson, sviðs-
stjóri velferðar-
sviðs Reykjavíkur-
borgar, velti
einnig vöngum yf-
ir þessu í gær og
skrifaði á Twitter:
„Var að horfa á mynd af kjól sem
var svartur og blár, stuttu síðar
var hann orðinn hvítur og gylltur.
Hvernig má þetta vera?“
Berglind Pét-
ursdóttir, texta-
smiður á Íslensku
auglýsingastof-
unni, gjarnan
kennd við gif-síðu
sína Berglind Festival, sá samt
ákveðinn sáttaflöt á málinu, eftir
að hún hafði birt mynd af vinnu-
stað sínum þar sem allir stóðu við
tölvuna að reyna að sammælast
um í hvaða lit kjóllinn væri. Berg-
lind skrifaði á Twitter: „Getum
samt öll verið sammála um að
þessi kjóll er ljótur right?“
En það er deilt um fleira á net-
inu og nú eru það kvikmyndirnar
sem tilnefndar voru til Ósk-
arsverðlauna sem þær bestu sem
fólk getur ekki komið sér saman
um hvort eru góðar eða lélegar.
Fjölmiðla- og kvikmyndagerð-
arkonan Þóra Tómasdóttir
skrifaði á Twitter: „Heimurinn er
klofinn í tvennt. Milljarðar manna í
öðrum hópnum, nokkrar hræður
í hinum. Þeir sem elska #Birdman
og við sem þolum hana ekki.“
Björn Teits-
son, einn af
spurningahöf-
undum Gettu
betur, bætti um
betur og skrifaði:
„Birdman er akkúrat nógu flókin
til að vera „intellectual blackmail“.
Fólk þorir ekki annað en að fíla
hana af ótta við að vera talið
heimskt.“
AF NETINU
Elísabet Karlsdóttir fatahönnuður er
komin í úrslit í alþjóðlegri hönn-
unarkeppninni Remix í Mílanó en að
samkeppninni standa International Fur
Federation, IFF og ítalska Vogue. Í
keppninni leika hönnuðir sér með skinn
með nýsköpun í hönnuninni að leiðarljósi.
Keppendur voru í upphafi 64 talsins
frá 35 löndum og Elísabet er ein af þeim
11 sem eru komnir áfram en lokakvöldið í
keppninni er 4. mars og forseti dóm-
nefndar verður aðalritstjóri Vogue Int-
ernational, Franca Sozzani.
Þetta er í fyrsta sinn sem íslenskur
hönnuður tekur þátt en verkefnið er
styrkt af Eggerti feldskera sem hefur
unnið með Elísabetu að framleiðslunni.
Þess má geta að fatalína Elísabetar sem
keppir til úrslita og samanstendur af
þremur alklæðnuðum en Íslendingar
geta barið hönnunina augum á Hönn-
unarmars þegar hún verður til sýnis í
verslun Eggerts feldskera.
Hönnun Elísabet er innblásin af sterk-
um kvenímyndum en hún hafði það að
leiðarljósi að sýna feldinn í nýju sam-
hengi, við götutísku og sportfatnað, og
brjóta þannig upp oft fastmótaðar hug-
myndir fólks um feldtísku. Til þess var ís-
lenskt selskinn notað sem aðalefni, í
bland við rauðref, hreindýraleður, tíb-
etlamb, ull og silki.
Sigurvegari Remix hlýtur meðal ann-
ars að launum verðlaunafé og svo þjálfun
í framhaldinu undir leiðsögn virtustu
feldskera heims.
Elísabet Karlsdóttir fatahönnuður vann línu
sína í samstarfi við Eggert feldskera.
Morgunblaðið/Golli
Í úrslit í alþjóðlegri
hönnunarkeppni
Hönnun Elísabetar hefur vakið mikla athygli ytra.
Vettvangur